10 ديسمبر 2010

ايه اللي حصل

   الدنيا مالها اتغيرت
    ليه فارق الخير

 القــــــــــــــــــــــــلوب
 هي الضماير من
 نفوسنا اتهجرت
 والرحمة في الزحمة
 تـــــــــــــــــــــــــدوب
 حتي الكرامة
 بيقيسوها
 بقد ايه جوة
 الجــــــــــــــــــــــيوب
 مش مهم
 تكون حرامي
 واللاسارق
  واللا ناهب
 واللا غرقان
 بالذنــــــــــــــــــــوب
 مش مهم
  فين ضميرك
 بالفلوس
 تبقي انت خالي
 من العــــــــــــــــــيوب
 يابن ادم فوق
 دا عمرك
 زي يوم
 تبتديه الشمس
 بشروقها
 وينتهي بمشهد
 غــــــــــــــــــــــروب
   *******
   كان زمان
  الشريف
 الناس تشيله في
 العــــــــــــــــــــــيون
 والخسيس
   كان يوصفوه
 انه واطي
 رمـــــــــــــــــــة دون
 والحرامي
 كان مكانه
 في الســـــــــــــــــجون
 والنضيف
 ميغيروش
 ولامـــــال قــــــــا رون
 والشرف
 مش مستباح
 والكرامة والمبادئ
 ليه حصــــــــــــــــــون
 والهوان والذل
    دول كانوا مصير
     اللي  يغدر 
  او يخـــــــــــــــــــــون
    ***********
   اه يادنيا بقيت اشوفك
   زي درب من الجنون
   *************
 


    
 ايه اللي حصل

هناك 42 تعليقًا :

  1. انت قلت المفيد

    هي اخلااااااق وقوانين الزحمة
    عارف لو تروح مكان هادي هتلاقي الناس هاديه نفوسها صافيه

    وكل ماتقرب من الزحمه تلاقي صراع وانانيه

    الكلمات تنفع اغنيه هتبقا جميلة

    ردحذف
  2. مدام
    شــــــــمس
    عندك حق هي الزحمة ليها قوانين
    بس حتي اللي بعيد عن الزحمة
    الغالبية العظمي منهم

    اصابتهم عدوي ذهاب الضماير
    تحيتي الطيبة ليكي
    ودائما وجودك بينور المدونة
    اشكرك

    ردحذف
  3. كلماتك سهام والله ياسواح

    قلت بمافيه الكفايه ومش هتتعدل برضه

    الميزان أتقلب ومن زماااااااااان


    تحياتي ليك

    ردحذف
  4. افروديت
    اختي الفاضلة
    الميزان اتقلب
    والعدل مفاهيمه اتغيرت
    لدرجه تفوق الوصف
    تحياتي لعاشقة مصر
    افروديت

    ردحذف
  5. إللي حصل انه الناس اتغيرت والنفوس بقت مش صافية

    يبقى اكيد هتستغر البلد وكل إللي فيها

    الناس بقوا يشوفوا بالعكس

    الحرامي يوقروه

    والضلالي يكرموه

    اما الشريف يوبخوه

    والامين يسرقوه

    كلماتك جميلة اخي سواح

    اعتقد انه دي اول زيارة لمدونتك

    وان شاء الله مش هتكون الأخيرة

    اسمح لي بمتابعتك

    ردحذف
  6. الاخت الفاضلة
    وداد
    سعدت جدا بمرورك الكريم وفهمك العميق
    وانا مبسوط اني كسبت اخت فاضلة جديدة
    في هذا العالم عالم المدونات
    تحياتي الطيبة ليكي ونورتيني

    ردحذف
  7. فعلا الحرامى فى نظر بعض الناس يبقى بية لو معاة فلوس
    وعبارات ابجنى تجدنى انتشرت هذة الايام
    واللى معاة قرش بيقولو يسوى قرش
    مفاهيم ملخبطة وحال متشقلب ودنيا بقى ليها العجب
    بجد كلماتك بتختارها بعنايةوبجد انا فخورة انى اتعرفت على مدونتك اللى بينشرح قلبى لما بدخلها وبخرج منها سعيدة ان مصر مازالت ولادة وبنشوف مبدعين زيك يا سواح سلامى لك

    ردحذف
  8. اللي حصل إننا بعدنا عن كتاب الله وسنة نبينا وعن منهاجنا الإسلامي القويم وبعد ما كنا أمة إسلامية بقينا دول عربية واخذتنا النعرة القومية الجاهليه

    لو اتجمعنا تاني وتمسكنا بديننا سنفلح ويكون هذا هو الصلاح علشان في زماننا هذا يا سواح بعدنا عن الأخلاق وتمسكنا بأشياء هي من الإسلام ولكنها ليست من أساسياته والله المستعان

    ردحذف
  9. سواح أخي
    الدنيا ليس لهاذنب فيما نعانيه
    ابن ادم هو السبب ابتعاده عن الدين وزوغانه عن جادة الصواب هو الذي جعل القيم والمبادئ تسقط من خزانة أخلاقه وجعلته عرضة لهجمات فيروسات الانحلال والانحطاط الخلقي
    كلماتك صادقة معبرة نافذة الى القلب
    تحياتي لك اخي

    ردحذف
  10. هــــــــبة فـــاروق
    الاخت الفاضله/اشكرك بجد علي تعليقك
    وانا بفرح جدا من كلامك الطيب ده
    واتمني علي طول تكوني سعيده وطيبه
    وبخير دمتي دائما لي اختا فاضلة

    ردحذف
  11. اختي الفاضلة
    كـــــــلمات مـــــــن نــــــور
    كلامك مظبوط جدا احنا بعدنا فعلا
    عن الدين وعن منهج الله في كل شئ
    فالله حرم كل ماوصفته في الخاطرة
    تحيتي الطيبه لكي
    دمتي لي اختا فاضلة

    ردحذف
  12. الفاضلة
    شهـــــرزاد
    الدنيا تعبير عام يوضح ماعليه الاقوام
    في زمن ما
    ولفظ الدنيا وصفها الله كذلك لانها المستوي
    الادني الذي يعيش فيه البشر قال تعالي
    مَا الْحَيَاةُ الدُّنْيَا إِلاَّ لَعِبٌ وَلَهْوٌ وَلَلدَّارُ الآخِرَةُ خَيْرٌ لِّلَّذِينَ يَتَّقُونَ أَفَلاَ تَعْقِلُونَ [الانعام 32]صدق الله العظيم
    ولا انكر طبعا يااختي الفاضلة ان
    الانسان مسئول مسئوليه تامة عما يفعل
    تحيتي الطيبه لكي ودمتي لي دائما
    اختا فاضلة

    ردحذف
  13. ايه اللي حصل فعلا ..كلامك جي في الصميم والحال اتغير واصبح الحق باطل والباطل حق قوانين الدنيا اتغيرت واتلغبطت وكلماتك تمس الواقع وقلمك حزين معبر عن صرخه بداخلك ولكنه صورها اعتقد كما هي

    ردحذف
  14. السلام عليكم
    هو الي بلا كرامه يبقى بلا اصل وملوش وطن ولا ارض
    الي يبع كرامته لاجل شي زائل
    يبقى بيبع حياته
    مفيش الايام دي شخص بيحب الحق ويقول لا مش هبيع نفسي وحياتي من اجل شي ذاهب لامحاله
    الي يبيع نفسه لشي لن يشفع له في يوم لا مال ولا بنون ينفعه فيه بيقى بالنسبه لي حشرة
    لكن حشرة ماتموت بخبطة شبشب
    حشرة بتموت بامر من خالقها
    خاطرة جميلة جمعت فيها كل حدث يحدث في هذه الدنيا بكلمات بسيطة وتحمل معااااااني كبيرة
    تقبل مروري
    سلامي ليك ولافكارك ولقلمك الذي خط اصدق الكلمات.

    ردحذف
  15. كـــــــــــارولين،
    الاخت الفاضلة
    اصبح المال هو سيد الموقف
    ولم يعد الناس يرون الحق حقا
    ولا الباطل باطلا
    وعلوا اقوام لم يكونوا يعلوا ويصبحوا
    ذوي شان الا في هذا الوضع المقلوب
    فاصبح الواقع مرير الطعم
    اشكرك علي تعليقك
    ومرورك الكريم دائما
    اسعد بوجودك وبتنوريني

    ردحذف
  16. رشــــــــــا
    الاخت الفاضلة
    تعليقك جميل وقولك حق
    فقد اثري مدونتي واضاف اليها
    اشكرك يااختي الفاضلة
    ودمتي دائما لي اختا فاضلة

    ردحذف
  17. رائع ماسطرته أناملك المبدعة
    تقبل خالص تقديرى واحترامى
    بارك الله فيك وأعزك

    ردحذف
  18. اخي محمد الجرايحي
    اشكرك علي تعليقك الطيب وتشجيعك
    الدائم واسعدني ا نها اعجبتك
    تحياتي الطيبة لك يااخي

    ردحذف
  19. كل حاجة اتغيرت و اتلوثت و اتشوهت

    ردحذف
  20. العزيزة
    تـــــــــيرز
    صح كلامك صح كل حاجة اتغيرت واتشوهت
    واتلوثت
    نورتيني بتعلقك

    ردحذف
  21. السلام عليكم ورحمة الله

    قال تعالى :
    ان تطع اكثر من فى الارض يضلوك عن سبيل الله


    ماذا تنظر من دنيا هذا حال اهلها الا من رحم الله

    كن مع الله اخى واصنع المعروف فى اهله وفى غير اهله فان لم يصيب اهله فأنت اهل له

    جزاك الله خيرا للكلمات الرقيقة
    تحياتى لك ولقلمك

    ردحذف
  22. اخى العزيز احب ان اقولك لك من نسى دينة وربة فعل كما يشاء
    اختى كل انسان مننا لازم يراجع نفسة كل يوم كيف فعل واذا تذكر اللة بداء فعلا
    سيفعل الخير فى كل وقت
    تحياتى لك
    حسن الشيخ

    ردحذف
  23. ام هــــــريرة
    تحياتي اختي الفاضلةفكلماتك
    تشجع وتحيي الامال
    في عالم اصبح معظمه لاخير فيه
    اشكرك علي تعيقك الطيب ومرورك
    الكريم
    دمتي ي اختا فاضلة

    ردحذف
  24. اخي
    حـــــسن الشــــــيخ
    كلامك مظبوط جدا علي مستوي الناس
    اي بتتقي الله
    فتعمل ايه يااخي فيمن لايتقون الله الان
    وهم كثر
    فقد انقلبت الاوضاع يااخي
    واصبح كل صاحب حق لاحق له
    واصبح اللصوص هم من يدعون حقوقا لهم
    نورتني يااخي وتحياتي الطيبه لك

    ردحذف
  25. حصل كتير ياعم سواح
    كتير قوى
    ولسة ياما هيحصل اكتر

    ردحذف
  26. عندك حق
    ياعبس سة ياما هيحصل
    تحيتي ليك ياعبس

    ردحذف
  27. أخي سواح آسفه لتأخري
    كلامك صحيح و حقيقه مؤلمه...تعرف اني كتبت حاجه شبه كده توارد خواطر:)
    بس لسه منشرتهاش
    أنا بقيت بخاف أخرج من البيت من كتر الي الناس عاملاه في بعضها بره الشوارع بقت رعب بالنسبه لي بعد ما كنت بحب أمشي فيها
    أشكرك على الموضوع الجميل و تحياتي الخالصه ليك

    ردحذف
  28. اختيالفاضلة
    شـــــــــيرين ســـــــامي
    اهلا بيكي في اي وقت وفي اي مكان
    تعيقك بينور مدونتي
    عندك حق ماهو اللي لسه
    فطرته سليمة زيك
    لازم يخاف لانك اتعلمتي ان الحق حق
    والباطل باطل لما تشوفي الوضع
    انقلب والحق بقي هو الباطل
    لازم تخافي ومستني خاطرتك
    عشان دائما يمتعنا قراءة كلماتك
    تحياتي الطيبة ليكي

    ردحذف
  29. الله عليك ياشاعر

    بجد يسلم احساسك

    دايما خواطرك ليها معنى ومضمون

    ابدعت

    وسامحنى على الصور فى الكليب

    ليس ذنب المطرب او ذنبى

    ولكن الله يسامحه من قام بتنزيل الصور

    ونظرا لضيق الوقت ونظرا لانى لا اعرف

    اضطررت ان انزله رغما عنى

    سامحنى

    وساقوم بتغير الصور فى اقرب وقت

    تحياتى

    ردحذف
  30. جميل كلامك
    لكن لسه موجود مش نادر
    صحيح الحياة المادية بتفرض سيطرتها علينا
    لكن جرب تكون صادق وصريح وجميل من جواك وهتلاقى النتيجة

    ردحذف
  31. جـــــــــايدا العـــــــزيزي
    اختي الفاضلة
    والعزيزة علي قلوبنا
    اشكرك جدا علي تغليقك واحساسك الجميل
    واشكرك ايضا علي اهتمامك
    بموضوع الصور فانا اثق انك اخت فاضلة
    واتفهم ماقلتي
    نورتي اختي الفاضلة ودائما تعليقك بيثريمدونتي
    تحيتي الطيبة لكي

    ردحذف
  32. الاخت الفاضلة

    Samakafelmo7ee
    اشكرك علي تعليقك الطيب
    الحكاية مش عندي
    الحكاية في التغيير الذي اصاب العالم
    تحيتي لكي وشكرا لمرورك الطيب
    نورتيني

    ردحذف
  33. شاعرنا الجميل سواح
    الدنيا ثابتة بس النفوس هى اللى بقت متغيرة نتيجة حاجات كتير اوى

    يعنى الزمن اللى يتقال على الطيب اهبل والزمن اللى لو حد قالك انت طيب تحس انه بيستهون بيك لازم تبقى دى مفرداته

    ردحذف
  34. الاخت
    ريمـــــــاس
    اهلا بيكي
    لاتنسي ان الدنيا ذكرت في القران وجميع
    الاديان انهادار فتنة
    ثانيا ان اؤيدك جدا في الراي
    التاني فقد اصبحت الطيبة عيب
    تحياتي ليكي ودائما منوره بارائك الجميلة

    ردحذف
  35. إيه الجمال ده يا سواح
    لأ بجد روعة .. يسلم قلمك
    تحياتى

    ردحذف
  36. الاخت الفاضلة
    الحــــــــــرة
    الحمد لله ان كلماتي اعجبت ايتها
    الاخت الحرة واشكرك
    علي مرورك الكريم
    وعلي تعليقك الطيب
    دمتي دائما لي اختا فاضلة

    ردحذف
  37. جميله تسلم ايدك للأسف هو ده حال الدنيا في الزمن الأغير

    ربنا يصلح لنا الحال

    ردحذف
  38. MAKSOFA
    شكرا ليكي ولتعليقك الطيب
    وبيسرني دائما مرورك
    تحية طيبة ليكي

    ردحذف
  39. لقد تهت في التأمل بجمال هذه الأبيات
    يبدوا أن شاعر سيولد وأن ديونا سيكتب عن قريب
    شعرك في غاية الجمال
    ويحوي بين طياته بساطة ونفاذية احمد مطر لنفسية القارئ
    اتمنى لك التوفيق
    لا تترد في كتابة ديوان ونشر نفسك
    لك مستقبل منير من خلال ما أقرأ
    موفق ^_^

    ردحذف
  40. خاتون
    شهادتك اعتز بها
    ولئن فعلت وكتبت ديوانا
    كما تقولين سيكون
    اول اهداء الي الاخت الفاضلة خاتون
    منورة دائما

    ردحذف
  41. ليه بتلوم على الدنيا يا سواح

    المفروض تلوم على البشر

    البشر هما اللي اتغيروا للأسوأ للاسف

    كلماتك جميله اوي يا سواح برغم حزنها

    لكن اكيد في خير في الدنيا موجود

    يمكن منكونش شايفينه

    لكن اكيد هنشوفه في يوم

    مشكووووووووووور

    ردحذف
  42. دكــــتورةولاء
    افتقدناكي ايتها الاخت الطيبة
    عل غيابك يكون خير
    قال تعالي
    ﴿وما الحياة الدنيا إلا متاع الغرور﴾
    صدق الله العظيم
    هكذاسماها الله اختي الطيبة
    تحياتي لكي

    ردحذف

اهلا بزوار المدونة

تعليقك الكريم يضيف الي مدونتي

سواح في ملك الله