13 ديسمبر 2010

الي صــــــــــــــــــــديق

      ولا تبكي
  علي ماضي
   جرح
قلبك*

   لاعمرك
    يوم تفكر
   ان لو تندم
   هاترجعلك
   سنين
عمرك
*
  ولا دموعك
   هتمحيلك 
   اثر
جرحك *

   وقوم وانهض
   خلاص وابدا
   حياتك تاني
   عيش
زمنك
*
   خلاص بطل
   تبص وراك 
   بلاش تندب
   في يوم
حظك
*
   ولاتحاسب
    صديق خانك
   وسيبه

   هينتقم
ربك
*
   وحاول
   تستفيد دايما

   مهما غلطت
   من
غلطك
*
   ده كون بيديره
   رب كريم
   بيغفر لو
   تتوب
ذنبك
*
   وقوم تاني
   ياصاحبي 
   انهض
  علي
رجلك
*
  وصدقني
  هييجي اليوم
   تشوف
  الدنيا
تضحكلك
 
الي صـــــــــــــــــــديق

هناك 46 تعليقًا :

  1. " لاغفران في خيانه أبدآ..ولابكاء علي خاين "



    متألق ياسواح كعادتك

    تحياتي لك

    ردحذف
  2. مع ان كلامك يشفى العليل ويطيب الجروح
    ياسواح
    لكن تفتكر ان البنى ادم لما يكون فى حالة زى كدا
    بيكون فيه عقل يفكر
    ولاحتى ازان تسمع
    والمثل بيقولك ليست الثكله كالمستأجرة

    تحياتى يافنان

    ردحذف
  3. اختي الفاضلة
    افــــــــــروديت
    من يختار الصديق فهو دائما
    مسئول عن اختياره ويتحمل تبعاته
    وان لم يغفر
    فسيدخل في دائرة مفرغة
    لن تجدي نفعا
    فلينظر امامه
    ويلقي خلف ظهره
    فمن خانه لايستحقه
    تحياتي لكي افروديت

    ردحذف
  4. جميل ان نعيش في ملك الله ونحتسب الأجر عنده دائما و أبدا ونبدأ من جديد


    جميلة كلماتك ونصيحتك للصديق

    ردحذف
  5. اخي عباس
    صدقني لوبصيت للامر بوضوح هتلاقي نفسك
    انت اللي غلطان
    لانك اخترت الصديق الغلط
    وفي مثل بيقول
    احذر عدوك مرة واحذر صديقك الف مرة
    منورني دائما ياعبس
    تحياتي ليك

    ردحذف
  6. كلمات من نور
    اشكرك علي متابعتك وتاييدك
    انتي حقا كلمات من نور

    ردحذف
  7. السلام عليكم
    صحيح الدنيا لسه بخير
    حلوة قوى كلماتك بجد حلوة
    http://ourlife-accountant.blogspot.com/
    دا عنوان مدونتى لو حبيت تزورها

    ردحذف
  8. تقريباً كده انت كتبت مبادئي في الحياه
    أشكرك على الكلام الجميل دائماً خواطرك طعمها مختلف
    تحياتي الخالصه لك

    ردحذف
  9. صح مافيش فايدة من تضييع طاقتنا فى الندم

    عيش ايامك و استمتع بيها

    ردحذف
  10. اخي
    رحــــــلة الحياة
    اهلا بيك واشكر مرورك وطبعا
    يشرفني اكون صديق لمدونتك
    تحياتي اخي

    ردحذف
  11. الاخت الفاضلة
    شـــــــيرين ســــــــامي
    لو دي مبادئك تبقي انتي اكيد
    انسانة متسامحة وهايلة
    وانا انطباعي عنك وعن شخصيتك
    الطيبة بيقول ان انتي
    اكتر كتير من كدة كمان
    دمتي دائما لي اختا فاضلة

    ردحذف
  12. اختي الطيبة
    تــــــــيرز
    علي فكره انا دائمامتوسم في
    شخصيتك انك انشسانة جادة
    وعملية
    شخصيتك جميلة ياتيرز وواقعيه
    تحياتي الطيبة ليكي

    ردحذف
  13. اسمحلى اعتبر الكلام ده ليا وخصوصا
    وصدقني
    هييجي اليوم
    تشوف
    الدنيا تضحكلك

    وأنا فى انتظار هذا اليوم

    شكرا بجد على كلماتك

    ردحذف
  14. ماحدش بيقدر يمنع نفسه من الندم
    لكن بتختلف من شخص للتاني
    في اللي بيعيش بندمه وفي اللي بيتخذ من ندمه نقطه للنهوض من جديد
    وصنع بدايه جديده مستفيد من الغلطه اللي خلته يندم

    اما الدموع دي شئ غالي مش دايما بتنزل علي اللي راح
    كتير بتنزل ياندم يا حزن علي صاحب الدموع

    واي جرح مهما كان بيطيب صحيح بياخد معاه وهو بيطيب حاجات كتير
    بس كمان بيتولد معاه حاجات تانيه

    والخاين مايستاهلش العتاب اصلا

    والمهم ان يكون في امل في الله

    الكلمات جميلة جدااااا
    تسلم ايدك

    ردحذف
  15. جميل ما رسمته بقلبك ويدك يا سواح
    انت على الطريق الصحيح
    استمتع به ولا تتخلى أبدا عنه
    فأجمل طريق تسلكه هو ذلك الذى رسمته بيدك فى لحظة تجلت لك فيها معانى الحياة بصورتها الحقيقة
    اسلوبك جميل حبيته جدا

    ردحذف
  16. اختنا الفاضلة
    مـــــــوناليزا
    هو لكي وميغلاش علي اخت فاضلة مثلك
    ابشري خيرا تجديه
    وارضي هتلاقي الدنيا ضحكتلك
    تحيتي الطيبة ليكي

    ردحذف
  17. مدام
    شمـــــــس النهار
    كلامك مظبوط مش اي حد يقدر يمنع نفسة
    من الندم
    بس الندم بيبقي حلو في حد ذاته لما نتعلم
    منه الانجرح ثانية والا نخطئ ثانيه
    واشكرك جدا تفسيرك جميل ودليل علي رجاحة
    عقل احسدك عليها
    تحيتي الطيبة ليكي

    ردحذف
  18. Samakafelmo7eet
    مروة الطيبة
    اشكرك علي هذا التشجيع
    وعلي كلماتك التي سرني جدا ان اقراها
    دمتي دائما لي اختا فاضله

    ردحذف
  19. ياريت ياسواح ديما نقدر نعمل ده ياريت

    ردحذف
  20. ريمـــــــــاس
    نقدر يابنوته اكيد نقدر
    لان لو مقدرناش
    هنبقي بنضيع وقتنا
    ونسلم نفسنا للحزن
    ونضيع من العمر كتير
    تحياتي ياريماس
    دايما منوره

    ردحذف
  21. جميل البوش اب اللي بتنادي بيها الناس
    ولكن النصيحه قد ايه سهله علي الذي
    يقولها وصعبه علي
    الذي عاشها
    فارجوا من كل سامعها الاخذ بها
    فكلامك كله عبر
    وثمين وواقعي
    ننتظر منك دائما
    كل ماهو رائع
    وانت تفاجئنا بلأروع

    ردحذف
  22. كـــــــارولين فاروق
    اكيد كل واحد منا عاش تجربة قاسية في
    مننا
    اللي غرق فيها وعمل منها
    نهاية العالم
    وفي مننا اللي خرج منها اكيد باثار جرح
    بس خرج
    وعاش دنيته
    ولما بيرجع بالتاريخ شوية للخلف
    بيشوف ان اللي عملة كان صح
    تحيتي ليكي كارولين
    ودائمابتنوريني بتعليقك الجميل

    ردحذف
  23. جميل البوش اب ده
    ونظره التفائل دى
    فأنت تنادي بطوي صفحه الاحزان
    والبدء ببدايه جديده
    كلامك جميل
    وموضوعك اجمل

    ردحذف
  24. صديقك ده شكله غالي عليك قوي بس للاسف الواحد وهو في الحاله ده مش بيعرف يسامح وبيحتاج دايما حد جنبه لانه الخيانه دايما من قريب بيبقى محتاج انه يحس ان لسه في حد ممكن يثق فيه كلامك جميل وانا استمتعت بيه واستمعت ليه
    تقبل تحياتي

    ردحذف
  25. كــــــاروين فاروق
    اشكرك جدا ونورتيني ومنوراني دائما
    تحيتي الطيبه ليكي

    ردحذف
  26. eng_semsem
    الله يخليك يابشمهندس
    تحياتي ليك
    ومنورني دائما

    ردحذف
  27. فعلا من الافضل ان ينسى الانسان وان لم يستطع فليتناسى ولا ويندم على ما فاتةويسامح وان ينظر بتفائل الى الامام
    جميل كعادتك يا سواح كلماتك ذات معانى عميقة
    مشكور اخى

    ردحذف
  28. السلام عليكم
    كانك بتتكلم معايا
    مااقدر انسى ان في يوم اعز ثاني صديقة لي تعمل الي عملته
    احاول انسى
    لكن تيجي ايام تفكرني وتخلي الحزن والذكريات تندب من ثاني بعد مابدئت انساها
    دي خيانه من صديقة عشت معاه سنين وليس شهور
    كلمات جملة وتعبر عن الخيانه
    وزي ماقلت ربنا كريم
    بيسامح
    ونحن لازم نسامح
    تقبل مروري
    سلامي ليك اخي.

    ردحذف
  29. سواح
    فعلا كلام معبر جميل يحمل الامل رغم الامل والاصرار رغم الحزن
    احسن اختيار رمي الماضي فهو ماضي ووالحضر فاني لكن المستقبل موجود لابد ان نستغله بطموح

    ردحذف
  30. هبه فاروق
    اشكرك جدا علي متابعتك
    وبيفرحني جدا ان كلماتي
    بتكون محل اعجابك يااختي الفاضلة
    ادامك الله لي اختا

    ردحذف
  31. اختي
    رشــــــــــا
    كل واحد مننا ليه حكاية من
    غدر صديق او خيانة حبيب
    ولو فكرتي كويس هتلاقي ان ربنا بيحبك
    عشان كشفهولك وبعدك عنه
    قد يكون وجوده في حياتك فترة اطول
    يسبب ليكي ضرر اكتر
    تحياتي ليكي يارشا دائما رايك جميل

    ردحذف
  32. شــــــــهر زاد
    الاخت الفاضلة
    كلامك بيعبر عن انك تجاوزتي مثل هذه الامور
    وانك اكيد عرفتي ان لازم النسيان وعدم
    النظر للخلف
    قديما قالوا
    الضربة التي لاتقصم الظهر تقويه
    تحياتي ليكي ايتها الاخت الطيبة

    ردحذف
  33. السلام عليكم
    الصداقة شىء جميل جدا
    بس مش فى كل الأوقات أوقات كتير بيكون الإنسان محتاج يبقى لوحده يعنى علشان ما يحملش حد همه و خصوصا فى الزمن ده ما حدش فاضى يقعد يسمع حد
    لكن القصيدة جميلة جدا و يا ريت يكون فيه أصدقاء كتير كده ينصحوا أصدقائهم و يحملوا همهم.
    أعزك الله

    ردحذف
  34. اســـــــــراء
    اشكرك علي رايك ومتابعتك

    وفعلا قلت الان الصداقات
    مرورك دائما بيسعدني
    تحياتي لكي ايتها الاخت الطيبة

    ردحذف
  35. جميل أن تكون المشاعر صادقة بين الأصدقاء وأن يكون هناك صديق يهتم بصديقه وكما يقال الصديق وقت الضيق

    جمعكم الله تحت عرشه يوم لا ضل إلا ضله


    موفق ^_^

    ردحذف
  36. خاتــــون
    اشكرك علي مرورك وتعليقك الطيب
    نورتيني ودائما يشرفني مرورك

    ردحذف
  37. نصائح مهمة فعلا والجراح تولد كبيرة وتصغر اللى ان تضمحل في النهاية
    اشكرك يا طيب

    ردحذف
  38. هينتقم ربك
    فعلا هي دي الخلاصه

    ردحذف
  39. أخى الكريم
    أحييك على هذه الكلمات الرائعة
    بارك الله فيك وأعزك

    ردحذف
  40. حــــــلم
    اهلا بيكي نوتي
    اسعدني مرورك الكريم

    ردحذف
  41. ذو النون المصري
    عندك حق ان الله عزيز ذو انتقام
    نورتني بمرورك الكريم

    ردحذف
  42. اخي محمد الجرايحي
    اهلا بيك وبارك الله فيك يااخي
    الطيب
    اشكرك لمرورك وتعليقك
    تحيتي لك

    ردحذف
  43. جميله نصائحك يا سواح

    وجميل انك توجهها الى الصديق اللي اصبح دلوقتي عمله نادره


    مشكور يا سواح وفي إنتظار جديدك

    ردحذف
  44. دكتورة ولاء
    فعلا يادكتورة
    الصديق دلوقت عملة نادرة
    وتكاد تكون غير موجوده
    منورة يادكتورة
    وتحياتي الطيبة ليكي

    ردحذف
  45. "وقوم وانهض
    خلاص وابدا
    حياتك تاني
    عيش زمنك
    *
    خلاص بطل
    تبص وراك
    بلاش تندب
    في يوم حظك
    *
    ولاتحاسب
    صديق خانك
    وسيبه
    هينتقم ربك"

    ياااه على القوه اللى حستها فى الجزء ده
    فعلا الواحد فى المواقف اللى زى دى ماينفعش يتعب ويفضل واقف مكانه
    لان ربنا موجود بياخدلنا حقنا فى اقل موقف

    ابدعت بجد يا خالد :)

    ردحذف
    الردود
    1. دينا الآخت الغالية

      هي القوة زي ماقلتي نابعة من احساسنا ان ربنا موجود

      لايضيع عنده حق

      كان يهمني جدا قرائتك ورأيك لهذه التدوينة

      تحيتي لاطيب اخت

      حذف

اهلا بزوار المدونة

تعليقك الكريم يضيف الي مدونتي

سواح في ملك الله