20 ديسمبر 2010

اخـــــــــر ســـــــــــؤال

اخر ســـــــــؤال

 

احلي الكلام
 يتقال هنا
يوم  مابتقابل
 حبيـــــــــــبك
واللا بتبــــص في 
عينيــــــــــــه
 بس كلام
 ايوة كلام
 مقدرش
 من غيرك اعيش
وحياتي
 بعدك متساويش
واصدقه
 وتصدقيــــــــــــه
 طيب سؤال؟
 ممكن سؤال؟
 لو تقدري جاوبي
 عليـــــــــــــــــه!
 لو كان وجودي
 ده سراب
او متخلقتش
 في الحياة
 لو انتيعشتي
 في زمان
 وانا في زمان
 غير الزمان
 ردي قوليلي
 هيجري
 ايــــــــــــــــــــه
 قلت السؤال؟
 صعب السؤال؟
 ردي عليه!
   سكتتي

 ليــــــــــــــــــــه؟
 
  برضه اكيد
    كان
 حلم غيرك
 في زماني
 هالتقــــــــــيه
 وانتي اكيد
 كان حلم غيري
 هتعيشيه
 الحب ده ابن اللقا
 لو ماتلاقينا
 
هيجري ايــــــــه

 يعني اللي قلته
 وبقصده
 الدنيا منغيري
 حياة
 والدنيا منغيرك
  مابرضه هي دنيا
  والا ايــــــــــه
 وبلاش تقولي احنا
 اتخلقنا لبعضنا
 علشان نحقق حلمنا
 مش دا 
 كلامك 

 ماتشـــــوفيــــــــه
 حبي وحبك
 كدبتي وكدبتك
 خللي طريقك
 ده طريقي 
 ودنيتي دي دنيتك
 حبك ده حلم
 بتحلميــــــــــــــه 
 وتفســــــــــــــريه

 علي رسمتك
 ابن الصدف
 الحب ده
 قدري وقدرك
 اني اعيشه
 وتعيشــيــــــــــــه 
 انتي اللي
 اخترتي الطريق
 وانتي اللي
 ضلليتي الطريق
 مع اني كنت بحذرك
 برضه
 
مشـــــــــــيتيه


 اخر سؤال

هناك 46 تعليقًا :

  1. ليه السؤال الصعب ده

    عارف يا سواح السؤال ده مبيتسألش غير في موقف واحد بس

    لما طريق الحب يبقى طريقين

    وكل طريق في اتجاه غير التاني

    حسيت بكلامك بشئ من القسوه

    مش عارفه جملة


    الدنيا من غيري
    حياة
    والدنيا من غيرك
    مابرضه هي دنيا

    مبتمناش ابداً مهما حصل بين اتنين انها تتقال

    مش عارفه يمكن ان مجرد ان اي اتنين كان بينهم حب ومشاعر جميله

    يبقى الافضل لو افترقوا محدش فيهم يحاول يعرف التاني ان من غيره هيعيش وان فراقه مش فارق معاه


    ده رأيي ويمكن رأي غلط

    بس ده احساسي بالجمله دي

    مشكور يا سواح واسفه على الإطاله

    ردحذف
  2. اخى سواح لمحت شىء جديد فى شخصيتك انك واقعى جداااا كلماتك تدل على واقعية
    فانت ترفض الرومانسية بكل معانيها الجميلة وتحولها الى واقع اليم
    لماذا لا نعيش لحظة الحب حتى لو كانت كاذبة فالحب شىء جميل يتمنى اى انسان ان يحظى بة
    واين التسامح عندما يخطىء الحبيب
    كلماتك جميلة رغم قسوتها على الحبيب
    تحياتى لك ولقلمك المبدع دائما

    ردحذف
  3. دكـــــــتورة ولاء
    اشكرك علي تعليقك جدا
    بس لي ملحوظة صغيرة
    انا مش بتكلم عن نفسي او عن حد بعينه
    انا بتكلم عن و ان مثلا
    اتنين
    اي اتنين
    موجودين دلوقتي
    لو حد فيهم مش موجود في زمن التاني
    او مكانة
    مش الدنيا برضه هتستمر
    اشكرك علي تعليقك الطيب
    وارجوا اني اكون قدرت اوضح فكرتي
    منورة دائما يادكتورة

    ردحذف
  4. اختي الفاضلة
    هــــــبة فاروق
    الحب الواقعي يااختي الفاضلة اجمل كثيرا من الحب الرومانسي
    فالحب الرومانسي يجعكي تذوبين في بحر من الاحلام
    وان افقتي قد تفيقي علي صدمة ما قد تفقدك
    الثقة في العالم
    فاما الواقعيون عندما يتفرق المحبان لاينظران
    الي العالم علي انه كله غشاش او كاذب كما يتخيل الرومانسي
    وبالتالي يصعب التعايش مع الناس
    اختي الفاضلة هو مجرد خاطرة او تخيل
    تخيلته ويست قصه عشتها
    تحيتي ليكي اختي الفاضلة
    ودمتي لي دائما اختا فاضلة

    ردحذف
  5. انتي اللي
    اخترتي الطريق
    وانتي اللي
    ضلليتي الطريق
    مع اني كنت بحذرك
    برضه
    مشـــــــــــيتيه

    رائعه اخى راقتنى جدا

    اجل اصبت من اختار طريق يجب ان يكمله

    ويتحمل نتائج اختيارة

    فى ناس بترفض النصيحه

    وبعدين يندموا

    وهما دوا اللى مايبكيش الواحد عليهم

    اشكرك

    تحياتى

    ردحذف
  6. اختي الفاضلة
    جــــــايدا العزيزي
    تحيتي ليكي بجد من اختار عليه ان يتحمل تبعات اختياره
    ولايتحمل غيره عبا هذه التبعات
    دائما تعيقك بينورني وبيضيف لمدونتي
    اشكرك ودمتي لي اختا فاضلة

    ردحذف
  7. سؤال صعب جداً بصراحه
    بس تعرف الحب لحظة جنون بنحس فيها ان احنا لبعض مهما كان الزمان و المكان و نعرف بعض يمكن قبل ما نتولد
    الجنون أهم أركان الحب و لو دخلنا الواقع يبقى بنقضي على الحب
    أشكرك على البوست الجميل
    دائماً متميز

    ردحذف
  8. لو روحت في طريق وهي في طريق كل واحد مننا برده هيدور على الحياه وهيعيش وان وصلت العلاقه للانفصال يعني صعبه الحياه واحنا سوا والفراق احسن اختيار انا معاك في كلامك بس احيانا الواحد بيحس ان نصه التاني لاقاه يمكن عشان بيحس معاه بالراحه والاطمئنان بس لو ضاع مش هيموت ولا هتنتهي الحياه بس طول ماهو موجود حاسس انه مفيش زيه في الوجود وانه مش هيعرف يعيش مع غيره
    تقبل تحياتي

    ردحذف
  9. شــــــيرين سامي
    اختي الفاضلة
    عندك حق في كلامك
    بس انا بوصف مرحلة مابعد الجنون
    حينما يضيع الحلم ويبقي الواقع
    يحدث ماكتبت
    تحياتي طبعا لكلامك الجميل
    واشكرك علي تعليقك
    دمتي دائما ي اختا فاضلة

    ردحذف
  10. eng_semsem
    عندك حق يابشمهندس
    بس انا بشوف الحب دائما معاشرة طيبة بين طرفين يحصل مابينهم راحة نفسية
    ممكن يتولد منها الحب
    تحياتي ليك يابشمهندس اسامة

    ردحذف
  11. اخي سواح
    الحلم والواقع سيان في الحب علشان بيمتزجو وبيخلوك تمشي بعيد من غير حسبان
    كلامك لا يخلو من القسوة على الذات وعلى نفسك
    ابدعت فعلا تحياتي

    ردحذف
  12. اختي الفاضلة
    شهــــــرزاد
    اشكرك علي تعليقك الطيب
    هي مجد تخيل حكاية
    وتامل لما بعد الرومانسية
    تحياتي اختي الطيبة

    ردحذف
  13. أختبار صعب..!
    بس واقعي جدآآآ

    أناحاسه أن الحب أنقرض
    أو بقي عقلاني زيادة أوي

    بس الراجل اللي يقول الكلام ده يبقي واقعي جدآ.............

    "محدش بيموت مي الحب"

    عندماتدخل الواقعية في الحب تطيح بالأحلام وبالحب ذاته

    ردحذف
  14. هي دي من اهم مشاكل الحب الفاشل

    ان طرف او الطرفين يقولوا مش هنعرف نعيش من غير بعض
    مين قال
    ده خوف تعود مش اكتر

    مادام في عذاب وقلقل وخوف وحزن والم وجراح
    يبقا الفراق سهل بس الانسان دايما خايف من المجهول
    انت صغت الموضوع ده بطريقه ذكيه

    ردحذف
  15. افـــــــروديت
    انا ياافروديت باشوف الحب في المعاشرة الطيبة بين البشر
    مش بالرومانسية
    وباشوفه افعال
    مش كلام

    تحياتي ياافروديت الطيبة

    ردحذف
  16. مـــــدام
    شمس النهار
    انا موافق علي كل اللي قلتيه
    عذاب وقلق وخوف مبيخلوش مكان للحب
    تحياتي ليكي ولعقليتك المتطورة
    دمتي لنا اخت فاضلة

    ردحذف
  17. لو مافرقتش الدنيا من غير واحد فيهم معناها انهم خلاص ينفعوا يكملوا من غير بعض ودى تبقى اجابه السؤال اللى ينفع لوحده بدون اجابة نهايه حدوته

    ردحذف
  18. ريـــــــماس
    الله عيكي يابنوتة
    اختصرتي الموضوع كله في كلمة
    احييكي علي ذكائك الحاد
    منوراني واللهي دائما
    تحياتي لاطيب اخت

    ردحذف
  19. اسلوبك الشعرى حقيقى جديد وجميل

    فيه عتاب وسخرية وبقايا أمل

    حسك جميل جدا يا سواح

    إن شاء الله ربنا هيرزقك بالسعادة

    :)

    ردحذف
  20. Samakafelmo7ee
    مـــــروة
    اشكرك رغم بساطة تعليقك لكنه بيفرحني جدا
    تحياتي اليكي يامروة

    ردحذف
  21. بسم الله وبعد
    بوركت على الطرح الجميل

    أخوك في الله \ المنشد أبو مجاهد الرنتيسي

    ردحذف
  22. اخي ابو مجاهد الرنتيسي
    بارك الله فيك واعزك
    اتشرف بمرورك الطيب
    تحياتي

    ردحذف
  23. صباح الخير على اهل الخير
    ايه الخاطره الجميلة والواقعيه دي
    اصل الحب صار الايام هذه كل واحد بطريق قال ايه كل واحد ليه حريته
    ليه كل منهم يقفل طريق الثاني
    صار مفهومه ثاني مع عصر السرعة تغير كل س\شي
    يسلم قلمك الذي خط اجمل خاطره
    تقبل مروري
    سلامي ليك اخي.

    ردحذف
  24. رشـــــــا
    صباح الفل
    علي اطيب واجمل اخت
    بحييكي يارشا علي فهمك العميق للدنيا
    رغم انك صغيرة السن لكن كبيرة العقل
    والمقام
    تحياتي ليكي يارشا

    ردحذف
  25. السلام عليكم

    صباح الخير

    سؤال صعب

    بس الكلمات روعه جدااااااااااااا واسلوب حضرتك متميز

    ربنا يوفقك

    دمت بخير

    اختك جميله

    ردحذف
  26. جميييلة اووي

    عجبتني بجد

    و خصوصاً :

    لما قلت انو الحب هي خيال بتعيشو و بتضبطو على رسمتها !

    الأغلب بقوا كدا


    ربنا يعافينا !

    ردحذف
  27. الغريب ان فيه ناس تبقى عارفة ان النهاية مستحيلة وبرضه عايزة تكمل للآخر

    ردحذف
  28. جميــــــلة المصري
    اهلا بيكي
    شرفني مرورك الطيب
    وتعليقك اسعدني
    ودعواتك لي بشكرك عليها اختي الطيبة
    تحياتي ليكي

    ردحذف
  29. قطــــرة وفا
    اختي الطيبة الاجمل مرورك وتعليقك الطيب
    نورتيني بمرورك
    ودمتي دائما بخير

    ردحذف
  30. موناليزا
    كلامك صح
    فيه ناس كتير فعلا عارفة النهاية
    وبتصر علي تغييرها
    وللاسف عمري ماشفت حد نجح في تغيير النهاية
    تحياتي يااختي الطيبة

    ردحذف
  31. اسلوبك جميل و بتعرف تربط افكارك بشكل سلس



    تحياتي

    ردحذف
  32. تيــــــرز
    دائما رايك يهمني
    وتعليقك ومرورك بينورني ويشرفني
    تحيتي اختي الطيبة

    ردحذف
  33. مشيناها خطاً كتبت علينا
    ومن كتبت عليه خطاً مشاها

    دائماً يسعدنى قراءة كلماتك
    والاستماع إلى نغمة موسيقى أحرفك

    دمت مبدعاً
    تقبل تقديرى ومرورى ومودتى
    بارك الله فيك وأعزك

    ردحذف
  34. سواح كل مره
    يختلف اسلوبك
    ونشعر ان هناك جديد
    كنت واقعي اليوم
    واكثر نضجا في شعرك
    جميل جميل جميل

    ردحذف
  35. اخي
    محــــــمد الجرايحي
    اكثر مايسعدني يااخي متابعتك لكلماتي
    ومرورك الكريم وتشريفك لي بالتعليق
    تحياتي لك اخي الفاضل

    ردحذف
  36. كـــــارولين
    اختي الفاضلة
    اشكرك بجد ده الاجمل من البوست مرورك وتعيقك
    دمتي لي اختا فاضلة

    ردحذف
  37. السلام عليكم و رحمة الله و بركاته أخي الكريم المشرف على المدونة

    أن صاحب مدونة الأمل أردت أن أدعيك لزيارة مدونتي و ترك بصمتك فيها و الادلاء على رأيك فيها

    تقبل مني فائق الاحترام و التقدير

    ردحذف
  38. مدونة الامل
    يشرفني طبعا المرور والتعرف
    علي مدونتك

    ردحذف
  39. السلام عليكم
    جميل اننا نعيش حياتنا زى ما هى
    دومت بخير

    ردحذف
  40. رحـــــلة حياة
    اشكرك علي مرورك وتعيلقك اخي
    نورتني دمت بخير

    ردحذف
  41. تعرف يا سواح؟

    كلامك صح الصح وفعلا سؤال أخير ومالهوش الا إجابه واحده : حب انتهى وتفرق الأحباب ..يبقى نقطة و من أول السطر لكلا الشخصين ...... بس مش كل الناس بتستخدم العقل في علاقه خاسرة زي العلاقه دي علشان الكل بيحب بقلبه والا إيه؟

    ردحذف
  42. كلمـــــات من نــــور
    طبعا كلامك صح بس تعرفي

    في لحظة الفراق
    زعلنا فراق
    مازعلناش فراق
    يبقي النتيجة واحدة في لحظة فقدان عزيز
    يتوفاه الله بنزعل شوية
    بس بنرجع نعيش تاني وتستمر الدنيا
    تحياتي ليكي اختي الفاضلة

    ردحذف
  43. لو انتي عشتي
    في زمان
    وانا في زمان
    غير الزمان
    ردي قوليلي
    هيجري
    ايــــــــــــــــــــه
    قلت السؤال؟
    صعب السؤال؟
    ردي عليه!
    سكتتي
    ليــــــــــــــــــــه؟
    برضه اكيد
    كان
    حلم غيرك
    في زماني
    هالتقــــــــــيه
    وانتي اكيد
    كان حلم غيري
    هتعيشيه
    الحب ده ابن اللقا
    لو ماتلاقينا
    هيجري ايــــــــه
    يعني اللي قلته
    وبقصده
    الدنيا منغيري
    حياة
    والدنيا منغيرك
    مابرضه هي دنيا
    والا ايــــــــــه
    ...........
    حلو الكلام اوى
    واقعى وعقلانى
    بس السؤال
    ليه اتقابلنا من الاساس
    لو على الافتراض العقلانى
    كنا هنقابل حد تانى
    اعتقد ان القدر والنصيب هما حل اللغز

    حتى لو مفيش نصيب
    فبيكون اللقا رسالة من القدر
    رسالة بشئ ما لا يمكن معرفتها او تعلمها بدون خوض التجربة

    قد نلتقى قدرا
    فكل شئ فى الحياة مقدر
    لكن لا يكون لنا نصيبا معا

    تحياتى وتقديرى

    ردحذف
  44. حاجات جوايا
    سالي اهلا بيكي
    هي القصة مش في السؤال
    القصة في ان ناس بتضحك علي بعض بالكلام
    ماقدرش من غيرك اعيش
    وحياتي بعدك متساوييش
    واصدقه وتصدقيه
    نوتيني بتعليقك الطيب

    ردحذف
  45. كلام علي بلاطة
    اهلا بيك
    شرفنس مرورك ونورني

    ردحذف

اهلا بزوار المدونة

تعليقك الكريم يضيف الي مدونتي

سواح في ملك الله