13 فبراير 2011

بنوتة مصرية





     تحية لشهداءنا بنــــــــــــــــوتة مصــــــــــــــــــــــــــرية


  بنــــــــــوتة مصــرية
نزلت مع الثــــــــــورة
كان حلــــــمها التغــيير
تحـــــــــــلم بحــــريــة
في بلادها مــــش بـــرة
بنــــــــــوتة زي الفـــل
خرجــــــت وقالـــت لا
انا مش هعيش في الـذل
انا عــايزة اكون حــرة
حلمت ببكـــــرة جمــيل
ميكــــــونش فيه جــلاد
ولاســـيف علي الرقـبة
بنوتة عشــــــقت مصـر
صرخت باعلي الصوت
انا مــــش بخاف الموت
انا رايــــحة اجيب بكره
ياشــــــــــــرارة الثورة
انتي وشـــــــــــــهدائنـا
دة بدمـــــــــكوا الغـالي
جمــــــعتوا كل الشـعب
حواليكـــــــــــوا بينادي
ويقول لازم تغــــــــيير
حــــــريه حــــــــــريه
دول شــــهدا نزفوا الدم
والدم كـــــــان بركـــان
حرر بــــــــــلاد النيــل
مالظـــلم والطــــــــغيان
الــــــــدم جمــــــــعـــنا
حررنا من فـــــرعــون
ياشـــــــــــــبابنا ياثــاير
دول فــــــــــكروا انــه
لو سكـــتوا صـــــوتكوا
بالبلطــجي المــــــأجور
بالقمـــع ويا الخــــــوف
هيســـــــكتوا المــــلايين
وطــــــــلعت المـــلايين
صــــرخــت وقــــالت لا
ياللي دفـــــــــــعتوا الدم
كان دمـــــــــــكوا غالي
الدم زال الظـــــــــــــلم
الدم حـــــــــــــــقق حلم
مش هننســــــــــــــاكوا





هناك 48 تعليقًا :

  1. حمد لله على سلامتك يا خالد و على سلامة مصر أخيراً مصر بقت حره و المصريين أثبتوا انهم رجاله بجد أنا لغاية دلوقتي مش مصدقه الفتره اللي فاتت كانت صعبه أوييي
    عمرنا ما هننساهم لأن لولاهم بعد ربنا مكناش استردينا مصر
    تحياتي ليك و نورت البلوجر

    ردحذف
  2. "لا تحسبن الذين قتلوا فى سبيل الله أمواتاً بل أحياء عند ربهم يرزقون"

    هنيئاً لهم بتلك المنزلة

    ردحذف
  3. الله عليك يا سواح يسلم قلمك وكلامك
    بجد رائعة واكثر من رائعة
    كلماتك اثرت فيا قوى وحسيتها كانها بتهز كل كيانى ومشاعرى
    تحية وتقدير لارواح شهدائنا الابطال
    ومبروك علينا الحرية والنصر
    مبرووووووك

    ردحذف
  4. يارب اول تعليق
    يارب
    ها اول ولا تاني ولاثالث ولا اخير
    اول صح
    اهو مغمضة عنيا مابفتحهم الا لما اشوف التعليق
    يبقى مابيفتحوا الا لما تنزل انت التعليق
    ههههههههههههههه
    ها الاول
    هههههههههه
    اولا
    الف الحمدلله على السلامة
    غبت فترة طويلة
    اخبارك
    يارب تكون بالف خير
    ثانيا
    الله يرحم كل شهيد
    الله يرحم كل من ضحى بنفسه لاجل ان يعيش الشعب بحرية وامن
    ويبعد عنه الظلم
    يارب ياغفار اغفر لكل هيد مات لاجل وطنه
    فااغفر لهم واغفر لكل حينا وميتنا

    ردحذف
  5. تحيه لارواح الشهداء
    والف مبروك لكل المصريين

    ردحذف
  6. ربنا يرحمهم يارب واكيد مش هننساهم
    اصدق دعوة من قلوبنا كلنا كقلب واحد ربنا يسكنهم فسيح جناته

    ردحذف
  7. شيرين سامي
    الاخت الطيبة
    الله يسلمك ويسلم كل اللي عندك
    فعلا ياشيرين
    هما دولالي استردوا مصر
    شهدائنا ربنا يرحمهم
    اشكرك اختي الفاضلة

    ردحذف
  8. موناليزا
    حقا اختي الفاضلة
    هنيئا لهم
    نورتي يااطيب موناليزا

    ردحذف
  9. هبة فاروق
    اديبتنا الرائعة
    مبروووك فعلاعلينا كلنا
    مصر بقت بتاعتنا ياهبة
    مصر ياهبة حتي الاسم طعمة اتغير
    تحيةلابطالنا الشهداء
    ولكل مصري وعربي

    ردحذف
  10. اختي الجميلة رشا
    الله علي دعواتك الجميلة
    انتي يارشا تعليقك في اي مكان
    اول او تاني او تالت
    عمرة مايقلل من مكانة
    اخت هايلة وعظيمة زيك
    يااطيب اخت
    تحيتي ليكي ولاهل اليمن العظيم

    ردحذف
  11. eng_semsem
    ربنا يرحمهم يابشمهندس اسامة
    تحيتي ليك
    ارجوا من الله لك الخير ولابنتك
    تحيتي

    ردحذف
  12. carmen
    ربنا يرحمهم ياكريمان
    نورتيني يااختي الطيبه
    تحيتي

    ردحذف
  13. السلام عليكم ورحمة الله وبركاته
    هذه الفتاة وهؤلاء الشباب رووا بدمائهم الطاهرة شجرة الثورة التى تنمو وتنمو وسوف تؤتى ثمارها لتعم الأمة كلها ولم تضع دماؤهم هباء
    رحمة الله عليهم
    اللهم تقبلهم عندك مع الشهداء والصديقين
    ـــــــــــ
    وأشكرلك أخى الكريم كلماتك الطيبة والمخلصة.
    بارك الله فيك وأعزك

    ردحذف
  14. رحم الله الشهداء الذين ضحوا بحياتهم
    وكما قال احمد شوقي
    بلاد ماتت فتيتها لتحيا وزالوا دون قومهم ليبقوا
    بالفعل كان الشهداء وقود الثورة التي تأججت في نفوس المصريين فلو كان عندنا دافع قبل 25 يناير فان عندنا يقين بعد ان استشهدوا يجب ان نتحرر من اجلهم
    رحمهم الله
    واشكرك على كلماتك الرائعة اخي الكريم الصادقة التي تعبر عن حبنا لهم
    تحياتي ومبروك لمصر والمصريين

    ردحذف
  15. اخي
    محمد الجرايحي
    صدقت يااخي يجب ان لايضيع دمهم هدرا
    ويجب ان تنهض مصر كما احيوا ان يروها
    وضحوا بدمائهم من اجلها
    تحيتي يااخي الكريم

    ردحذف
  16. د\مصطفي سيف
    هم فعلا كانوا وقود الثورة
    وشاء الله العلي القدير ان لايضيع
    دمهم هباءا
    تحيتي لك اخي الكريم

    ردحذف
  17. جميلة جدا الكلمات
    حلوة اوى اوى
    الله يرحمهم واحنا اكيد مش هننساهم

    ردحذف
  18. الاستاذة نها صالح
    اعتز جدا برايك
    واشكرك علي مرورك
    وتعليقك
    تحيتي

    ردحذف
  19. السلام عليكم
    هما دول فعلا أغلي من اروحنا لانهم فدونا بنفسهم وروي تراب مصر الطاهر بدمهم الزكي
    نفسي منضيعش دمهم هدر لازم نغير من أنفسنا لازم نون قد المسؤولية لازم نرفع مصر لاعلي مكان
    دمتي بكل ود

    ردحذف
  20. السلام عليكم
    سواح وحشتنى كلماتك
    يسلم قلمك وسردك احسنت صياغة كلماتك
    يارب يكتبهم من الشهداء
    يارب يجعل مصر لطريق النور ماشية

    ردحذف
  21. تحية إلى ارواح الشهداء التي تحلق في سمائنا فرحة فخورة بنا

    تحية إلى كل أهالي الشهداء الذين ارتفع صوتهم مزغردين فرحين بنصر مصر ولو بالتضحية بهم

    تحية إلى مصررررررررررررر

    ===========================

    ردحذف
  22. السلام عليكم
    بارك الله فى عقلك و قلبك و قلمك
    وزادك و أعزك و أعز بك الإسلام
    بجد يا بختهم
    ربنا يرزقنا الشهادة و حلاوة الجهاد فى سبيل الله
    تحياتى

    ردحذف
  23. سواح الكلمة
    ارواح الشهداء مارحش هدر
    والحمد الله ان النصر اتحقق
    كلماتك عذبة عذوبة ماء الشلال تغدق بعطائها المليء بالمعاني السامية الراقية
    رحم اله الشهداء واسكنهم فسيح جناته
    تحياتي

    ردحذف
  24. اكيد عمرنا ما هننساهم

    ربنا يرحمهم ويصبر اهلهم ياارب


    وكل عيد حب ومصر كلها بخير

    ردحذف
  25. إبن النيل
    اهلا بيك
    فعلا هما دول اللي رفعوا راسنا
    وبيهم مصر هتكون حلوة باذن الله
    تحيتي

    ردحذف
  26. مدونة رحلة حياه
    الله يخليك يااخي الجميل
    ده من زوقك
    والله انا حاسس ان الناس دي تستاهل
    كلام اجمل من كده مليون مرة
    نورتني

    ردحذف
  27. كلمات من نور
    فعلا يانور
    تحيةالي اهالي هؤلاء الشهداء
    وتحية الي كل مصري ساهم في صنع
    مصرنا الجديدة
    تحيتي

    ردحذف
  28. esraa
    اسراء اختي الطيبة
    اللهم امين واشكرك علي دعائك
    الجميل
    نورتي يااسراء

    ردحذف
  29. شهر زاد
    العازفة الجميلة
    اولا اشكرك علي كلماتك
    ثانيا صدقتي فدم الشهداء
    مرحش هدر
    كان تمنه ان رجع لنا بلدنا
    تحيتي

    ردحذف
  30. Ms Venus
    اختي الجميلة الرقيقة فينوس
    لا يافينوس عمرنا ماهننساهم
    وكل عيد حب وانت ومن تحبين بالف خير
    شكرا ايتها الجميله الرقيقة

    ردحذف
  31. حمد الله علي السلامه

    ازيك عامل ايه

    كل سنه وانت طيب وبخير

    والحمد لله وبكره يبقا اجمل

    ردحذف
  32. شمس النهار
    الله يسلمك ويكرمك يارب العالمين
    انا الحمد لله رب العالمين
    ومصر بقت حرة وجميلة
    وكل عام وانتي بالف خير

    ردحذف
  33. اكيد هنفضل فاكرنهم ودمهم مش هيروح هدر ابدا طول ما احنا عايشين
    اتمنى حضرتك تشرفنى فى مدونتى
    http://tinkerbell4science.blogspot.com

    ردحذف
  34. بنوتة عشــــــقت مصـر
    صرخت باعلي الصوت
    انا مــــش بخاف الموت


    الــــــــدم جمــــــــعـــنا
    حررنا من فـــــرعــون


    هيســـــــكتوا المــــلايين
    وطــــــــلعت المـــلايين
    صــــرخــت وقــــالت لا
    ياللي دفـــــــــــعتوا الدم
    كان دمـــــــــــكوا غالي



    كلام مؤثر جدا وحارق
    وطالع من القلب فوصل للقلب
    أهل مصر لم يكونوا أقل من غاندي
    بل أقوى من غاندي وقد ضربوا مثال
    يحتذى به للثورة لكل الشعوب نجاح
    الثورة لم يأتي عبثا بل بسبب إيمان عميق ،أخلاص، قلب طيب يرغب بالتغير، أرادة من حديد، وعقول مستنيرة

    فليحلق نسر الحرية في سماء مصر وليرفع المصري رأسه عاليا اعلى
    من الأهرامات فخرا بما حقق لوطنه
    هنا قد حقق الشعب المصري مقولته

    "متسألش أي أدتنا مصر أسأل
    أدينا أي لمصر"

    وفقكم الله لكل خير وصالح ورزقكم
    بحكومة صالحة مصلة وعسى الله أن يسخر لها البطانه الصالحة.

    موفق ...سعيدة لأجلكمـ^_^

    ردحذف
  35. خــــــــاتون
    شكرا لكي اختي العزيزة علي كلماتك العزيزة الراقية
    فلنا اخوة طيبين وجمال مثلك
    يالها من اخوة جميلة وراقية

    تحيتي اختي الطيبة

    ردحذف
  36. السلام عليكم
    سواح انا عارف انى علقت قبل كدا
    بس انا جى اشكرك على تغيير صورة سالى زهران
    شكرا جدا

    ردحذف
  37. اخي مدونة رحلة حياة
    الحقيقة هذا كان رجاء الست والدتها
    للصحف
    ولانملك الا ان نلبي لهذه السيدة الفاضلة
    رجائها ويبقي في رؤوسنا كمان
    تحيتي

    ردحذف
  38. بجد الواحد قلبه بيتقطع
    على كل صوره ليهم
    وكل نظره عين منهم بحسها بتقول دمانا امانه فى ايديكم
    بجد الواحد كان بيتمنا يكون منهم
    ربنا يرحهم ويصبر اهلهم

    ردحذف
  39. ؛حــــــلم كان
    عندك حق
    بس هماعندربنا في جناته انشاء الله
    وطبعامش لازم دمهم يروح هدر
    لازم العدالة تاخد حقهم
    تحيتي

    ردحذف
  40. جميله جدا يا سواح
    يا شاعر البلوجر يا جامد
    شهدائنا كانو رجاله
    وتحيه لارواحهم

    ردحذف
  41. ;كارولين فاروق
    دي اقل حاجة اقدمها لشهداء
    فعوا راسنا واحيونا
    تحيتي اختي الجميةكارولين

    ردحذف
  42. حمدالله علي سلامتك ياسواح

    كلام جميل وحدث مؤلم
    أكيد مش هننساهم أبدآ
    ربنايرحمهم

    تحياتي ليك

    ردحذف
  43. افروديت
    الله يسلمك يااطيب واجمل اخت
    واشكرك جدا علي تعليقك الطيب
    تحيتي

    ردحذف
  44. david santos
    اهلا بيك واشكرك عي ثنائك علي المدونة
    تحيتي

    ردحذف
  45. ربنا يرحمهم فهم في مكان افضل مما نحن فيه لكن الواحد للاسف بينتابه الشعور بأن دمهم راح هدر أحيانا لما بيشوف سلوكيات الناس لم ولا تريد تحسينه.. الله المستعان

    ردحذف
  46. أخر العنقــــــود
    اللهم امين اختنا الفاضلة

    تحيتي

    ردحذف
  47. أسأل الله أن يتقبل شهداءنا جميعاً عنده , وأن يحشرهم فى زمرة النبيين والصديقين والصالحين , وحسُن أولئك رفيقا.

    اللهم اجمعنا بهم بفضلك فى الفردوس الأعلى من الجنة.

    جزاك الله خيراً أخى الكريم.

    ردحذف
  48. محمد نبيل

    اللهم امين اخي الفاضل

    نورت مدونتي واضفت اليها

    تحيتي

    ردحذف

اهلا بزوار المدونة

تعليقك الكريم يضيف الي مدونتي

سواح في ملك الله