24 فبراير 2011

العقيد وابنه وحبوب الهلوسة

  السلام عليكم
 من كام سنة كدة كان فيه حاجة بيبلبعوها االشباب  اللي هما اصحاب الكيف في احياءناالعشوائيات اسمها الحركي صراصير
وهو عبارة عن برشام يخرجك من الواقع ويعيشك في تهيؤات
وعلي حسب كلام متعاطوه ان اول البرشام مايشتغل انك بتحس كان الارض طالع منها صراصيرماشية
او تعابين او حشرات او يتهيالك ان زميلك او صاحبك واقف معاك وبيكلمك وبناءا علي ذلك بترد عليه
وهو في الحقيقة انت بتبقي واقف بتكلم نفسك والناس بتتفرج عليك
اعرف واحد اتعمل فيه مقلب وحطوا له البتاع ده في الشاي والشاب الطيب ده مبيشربش حتي السيجارة
المهم روح صاحبنا  بيتهم بعدها  وكان في الشتا وكان في الايام دي  في موضة بطاطين اغطية يعني
مرسوم عليها نمر وكان ابوه متغطي بالبطانية  ونايم  الكارثة بقي خيل لصاحبنا ان النمر ده حقيقي
وكان عندهم شومة في البيت مسك الشومة  وفضل يضرب في البطانية اللي متغطي بيها ابوه
المهم كل ابوه علقة  وهو متهيالة انه بيضرب النمر طبعا الاب راجل طيب مش فاهم فيه ايه المهم اتلم الجيران
وهدوا الولد ونيموه  وطبعا الاب عارف ان ابنه مش بتاع شرب ولا حاجه
المهم قال الواد مسحور ومعمول له عمل وخده بقه وداخ بيه علي المشايخ وده موقف  من مواقف حبوب الهلوسه
وحينما يخرج عليك العقيد ولا القايد زي مابيسموه  يقولك ان شعب ليبيا ضارب حبوب هلوسة وطالع مظاهرات
تتعجب من كلامة
خاصة انه بيتهياله انه ملك ملوك افريقيا وامير امراء العرب
وبيقول انه حارب امريكا واوربا والسادات وتشاد ومش عارف فين كمان وانتصر عليهم
وبعدين يطلع البتاع الاخضر ده ويصدر احكام بالاعدام فورية
وبعدين يقول ان الكتاب الاخضر ده دستور ماقبل الثورة الليبية  يعني مش بتاعة هوه
 طيب امال انت عملت ثورة علي ايه
وبعدين انا اسمع ان الحكام القدماء وذوي المناصب بيكتبوا مذكراتهم  مش بيحكوها في خطاب
تقليد جديد للجدافي او القذافي انه يحكي مذكراته في خطاب
وبعدين بقي يفضل يوزع الاتهامات المصريين والتونسيين
وبعدين انتهي كلامة ان يانا يالشعب
وبعدين ايه التوكتوك اللي راكبة ده  واية الشمسية دي وليه
وايه البنات الي جايبها تحرسه دي مش فاهم انا
وبعدين بيستشهد بالعظيم  عمر المختار
طيب عمر المختار مات عشان شعبه
مش موت شعبه عشان يعيش
شتان بينك وبين هذا البطل

يكونش القذافي متهياله ان الشعب الليبي ده امريكا وايطالية وبلاد الواء الواء جايين يحاربوه
راح طالعلهم بالدبابات والطيارات عشان يهزمهم
 عايز اعرف مين اللي بيبلبع اصلا
الشعب الليبي برضه؟؟؟؟
ادعوا   الله الذي لااله الا هو ان يخلص الشعب الليبي  من القذافي
صبرا شعب ليبيا العظيم
فان الله ناصركم

هناك 57 تعليقًا :

  1. القذافى: الشعب الليبى يريد احتلال ليبيا و لن نسمح له ابدا

    ردحذف
  2. ' طيب افهمها ازاي دي ياتيرز
    هههه دي عايزالها حبايتين هلوسه
    عشان تتفهم
    تحيتي

    ردحذف
  3. تعرف سواح هو جن بالفعل !
    فقد عقله كلياااااا
    انا كنت زعلانه على قتلى بلادي
    بس ماعدت قلبي واجعني عليهممممم
    حسبي الله ونعم الوكيل
    اللي يصير هناك مجزره

    ردحذف
  4. غاردينيا
    هذا الرجل طول عمره غريب الاطوار
    وتصرفاته مش طبيعيه
    ربنا يستر علي ليبيا منه
    تحيتي

    ردحذف
  5. مش هقول الا كلمة واحدة
    ربنا ينتقم منه

    ردحذف
  6. carmen
    اللهم امين علي هذه الدماء الذي يهدرها

    ردحذف
  7. "طيب عمر المختار مات عشان شعبه
    مش موت شعبه عشان يعيش "

    معرفش ليه الجملة دى جعلتنى ابتسم رغم انها حقيقية جدا
    بس يمكن لانها صعب تتفهم عند جميع الرؤساء اللى على اتم استعداد يضحوا بالشعب كله عشان هما يعيشوا

    فكرنى بنكتة سمعتها زمان
    مرة دكتور كان بيولد واحدة فاضطر يضحى بالأم والجنين عشان الأب يعيش
    وفى رواية أخرى وبعد ما الأب كان هيوديه فى داهية
    اضطر يضحى بالام والجنين والاب عشان هو يعيش:)

    ردحذف
  8. مــــوناليزا
    انتي لو شفتي التعليق الاولاني بتاع تيرز
    هتعرفي عقلية القذافي
    الغريب ان الراجل ده ميفرقش كتير عن معظم حكام الوطن العربي بس هو
    في خطاباته غريب الاطوار

    ردحذف
  9. فكرتني بالمقالب اللي كانوا العيال بيعملوها في بعض ايام الكلية لما كانوا بيحطوا الباركينول او الصراصير زي ما بتقول في الشاي وتتفرج يا عم على احلى سطلان ممكن توصل لناس بترمي نفسها من الشباك وهي فاكرة انها ماشية في الشارع
    والقذافي اكبر مصرصر (بياخد صراصير) في العالم ده الحاكم الوحيد اللي امنية حياته حاليا يحكم بلد بدون شعب يسكنها
    والله اللي زيه المفروض ياخد شهادة معاملة اطفال مش عارف ازاي سكتوا عليه 42 سنة
    تحياتي وتقديري وامنياتي ان نستيقظ فلا نجد القذافي حيا بيننا

    ردحذف
  10. انا اتمثل القذافى يا سواح كالديك الذى ذبح بسكين حامية واخذ يفرفر على ارض الحياة مكذبا ما حدث هاربا من الموت الذى يحاصره وسيقابله بعد دقائق

    ردحذف
  11. سواح فى ملك الله
    القذافى كالديك الذى ذبح بسكين حامية واخذ يفرفر هاربا من الموت الذى سوف يلاحقه بعد قليل

    ردحذف
  12. مصطفى سيف
    الغريبة ان الراجل بيدعي
    ان الشعب الليبي
    هو اللي ضارب صراصير
    دهفي اقصي الاحوال
    المفروض يحكم مستشفي امراض عقلية
    ربنا ياخده ويريح هذا
    الشعب الطيب منه

    ردحذف
  13. faroukfahmy58
    ارجوا من الله ان يعجل
    بنهايته قبل ان يريق مذيدا
    من الدماء

    ردحذف
  14. انا حاسه انه حايخلص علي
    الليبيين كلهم ولا انه يخرج
    هو من الرئاسه.. بس انت رأيك
    ايه في التوك توك

    ردحذف
  15. هو ده بني أدام أساساً ربنا ينتقم منه ده هو محتكر حبوب الهلوسه و المخدرات اللي في البلد كلها هو ولاده العصابه
    ربنا ينقذ الشعب الليبي الحبيب و ينصرهم عن قريب

    ردحذف
  16. ;كارولين فاروق
    هو فعلا بيعمل حرب ابادة علي
    شعب ليبيا
    انا مش فاهم يعني طب لو فكرنا
    بعقليتة البهلوانيةدي
    وخلص علي الشعب
    هيحكم مين ومين انشاء الله الي هيحمي
    البلد حال قيام حروب
    هيستورد شعب من برة
    ومين الشعب اللي يرضي يبقي
    رئيسه القذافي
    اما بالنسبة للتوكتوك
    فده اكبر دليل علي ان الراجل
    ده ضارب حاجة او عامل دماغ
    زي بتوع التكاتك عندنا

    ردحذف
  17. شيرين سامي
    فعلاياشيرين
    بيحكم ليبيا هو وعصابته
    ولازم الشعب يحاسبة علي كل دم اهدرت
    اتمني من الله ان يعجل بنصرهم عليه
    حتي لايراق مذيد من الدماء

    ردحذف
  18. السلام عليكم
    أؤمن على دعائك أخى سواح و أدعو الله أن يخلص أمتنا العربية من أمثال هذا الرجل و ما خفى كان أعظم
    فالثورات تظهر لنا أسوأ ما فى الحكام العرب كما تظهر لنا بشاعة دول الغرب التى نعى جيدا انها تكرهنا كرها شديدا لكننا كنا نحاول نسيان ذلك
    ما يقوله القذافى ليس بهلوسة انما هو حلاوة روح
    يعنى الموضوع بيسوء كل ما بتحقق الشعوب العربية أهدافها من الثورة
    الأمر فى تونس مثلا لم يضاهى الأمر فى مصر بشاعة و ما يحدث فى ليبيا لا يمكن تخيله.......
    بإذن الله الواحد الأحد ليبيا ستتحرر لكن بمزيد من المعاناة
    الخوف الأكبر على الدولة القادمة لأن كل طاغية يعلم انه مخلوع لا محالة لذلك يحاول جاهدا الانتقام قبل الرحيل
    آسفة على الإطالة.......

    ردحذف
  19. اخي سواح
    سلم قلمك على هذا الكلام
    هو مريض بجنون العظمة
    والمجنون لا حكم عليه لكن العالم كله يتحمل مسؤولية ما يجري في ليبيا
    لانها ابادة شعبية
    اعدام جماعي
    فليساعدنا الله في محنتنا فليس سهلا ان تقوم قائمة العرب من جديد
    تحياتي

    ردحذف
  20. اختي اسراء
    اثق ايتها الاخت الطيبة
    وان الله مع الشعوب
    ان الشعوب لا ولن يقهرها دبابات
    او طائرات
    فقد كان البطل الليبي العظيم عمر المختار
    يحارب وثوارهم الدبابات والطائرات
    الايطالية باسلحة بدائية
    انشاء الله سيتخص اوطن العربي
    من هذه الشراذم
    تحيتي

    ردحذف
  21. شهر زاد
    فعلا ياشهرذادنا
    هي جريمةقتل جماعي بكل المعاييرالدولية
    وهذا الرجل في خطابه
    استشهد بكل طغاة الارض الذين
    حاربوا شعوبهم ليخلق لنفسه مبررا لجرائمه
    ان شاء الله سيعبر الوطن العربي
    هذه الازمات وهو اقوي

    ردحذف
  22. صواميل دماغة فكت ومفيش قطاع غيار
    راجل متخلف واخرتة مع المجانين
    وربنا مع الشعب الليبى الحر
    مشكور يا سواح على طرحك الجميل

    ردحذف
  23. الاديبة
    هـــــبة فاروق
    طيب ده راجل صواميلة اتفككت
    زي مابتقولي
    وبيفكران الشعب الليبي كلة مبرشم
    وخاين
    طيب ياسيدي لوعنده شوية دم
    انت راجل كويس
    والشعب ميستاهلش انك تحكمة
    سيبهم وامشي وكفي سفك دماء
    اللهم ريح شعب ليبيا العظيم منه
    ولانملك لهم الا الدعاء

    ردحذف
  24. الراجل ده مش ليه حل بجد غيرانه لازم يموت لااااااااازم يتقتل
    ودا أقل شيء يحصلله
    دابشع بجد والله ياسواح كنت زمان بفتكره عبيط أكتشفت أنه سفاح ومجرم حرب وعلي مين شعبه ناس عزل
    بجد لوأطوله مش هسيبه إلا ميت وليه الشرف بقتله حسبي الله ونعم الوكيل
    حارق دمي الله يحرقه

    ردحذف
  25. افـــــروديت
    ده مش حارق دمك لوحدك
    ده حارق دم العالم كلة
    ده مسئول عن ابادة شعب
    ومبيفهمش
    الله يخرب بيته
    تحيتي

    ردحذف
  26. السلام عليكم
    ازيك يا سواح عامل ايه
    ما تيجى نتمشى لحد ليبيا نخطف الرجل دا ونرجع
    الرجل دا اكتر زعيم فى العالم عنده القاب كلها هو من اعطاها لنفسه يعنى بيكدب ويصدق كدبه
    مش عارف ربنا يهديه ويحمى شعبه منه وييسر لهم الخير ويحفظ دماءهم واعراضهم واموالهم وكل الشعوب اللهم امين

    ردحذف
  27. مدونة رحلة حياه
    اخي محمد
    وعليكم السلام ورحمة الله وبركاته
    الغريب يااخي الفاضل انه فاكر انه بيتزعم العالم
    حسب نظرية انا مش قصير اوذعة
    نفسي اعرف ايه نوع الهباب الي بيستعطاه
    ده
    ده بيقول ابن لادن بيبيع برشام ليبين
    ربنا يرحم شعب ليبيا من هذا
    المجنون

    ردحذف

  28. السلام عليكم:
    الاخ سواح.:
    إجابة تساؤلاتك عن حارسات القذافي وامور أخرى تجدها
    هنا
    وكذلك عن زين العابثين وغيرها
    دم بخير أنت ومن تحب

    ردحذف
  29. ههههههههههههههه
    والله يا خالد الحكايه فاقت موضوع البلبعة
    احنا بنقول لازم واحنا بنظبط فى الشرطة ااننا نعمل لهم ناهيل نفسى الاول على فكرة واضح ان الرؤساء كمان لازم يخضعوا لنفس الاختبارات
    الراجل لسع

    بس سيبك انت
    ده الفرق بين جيشنا وجيشهم
    وده الفرق بينه ومبين مبارك
    مهما اختلافنا عليه لازم اقول ده

    ردحذف
  30. أنا عاوزاك تقرا الكتاب الأخضر :)
    بجد و الله .. :)
    اقراه كدة عشان تقدر تفهم العقلية اللي عاملة كدة في الشعب الليبي المسكين للغاية .
    اقراه ..
    عشان تتخيل ازاي قدر يحكم 40 سنة !!
    و لو قدرت تتخيل .. ابقى بلغني
    لأني فشلت في تخيل ذلك .

    ردحذف
  31. أخي سواح

    تحية طيبة

    سردك جميل ، وهو المضحك المبكي والله ، أن هذا الرجل لهو أغرب أنسان رأيته على رأس حكم .

    رجل غريب الأطوار ومجنون .


    اليوم نرى أناس في قناة الجماهيرية أنهم أمسكوا بأناس يعترفون بأنه غرر بهم وأنه تم سقيهم المخدر في القهوة وبالتالي خرجوا مع الثوار بدون أن يحسوا .

    الأمر تمثيل واضح وغبي

    لكن أخي أناشاد أهل ليبيا الأحرار إلا يقبلوا بتدخل الغرب ، لا تقبلوا بتدخل عسكري غربي لأن هدفه ثرواتكم وليس صالحكم

    أياكم أن يحل بكم ماحل بالعراق ، لا تقبلوا أن تشوه صورة ثورتكم الحرة بأي طريقة كانت .

    فأنتم قاب قوسين من النصر بعزة الله .

    أخي سواح

    رغم ما في القلب من شجون مما يجري في ليبا ، فأقبل مني مبركتي لكم في مصر على ثورتكم الرائعة يا شباب مصر . ونسأل الله أن يتم فضله عليكم .

    رغم أن مباركتي هذه متأخرة ، لكن لي العذر منك .


    لك تقديري

    ردحذف
  32. هههههههههههههههههههههههه

    للأسف !!!!

    شر البلية ما يضحك

    الله معهم ان شاء الله

    ردحذف
  33. reemaas
    هو فعلا يانور الراجل لسع
    ده مفيش كلام
    بس حكاية الجيش دي والله اعلم
    بيقولوا ان القذافي جايبلهم جيوش
    من برة مرتزقة افارقة
    ومعظم الجيش الليبي الان
    بينشق عن القذافي وينضم للثورة
    تحيتي

    ردحذف
  34. ابن الايمان
    اشكرك علي البوست اللي قدمته
    تحيتي

    ردحذف
  35. قهوة بالفانيليا - شيماء علي
    هي الحقيقة كل معلوماتي عن الكتاب انه
    اخضر
    بس متهيالي انه مش بأستك ههه
    ولما قرا منه شوية في الخطاب بتاعه
    حسيت انه كتاب احكام الاعدامات
    بس هحاول كده ادور علي جزء منه واقراه
    وربنا يستر علي دماغي

    ردحذف
  36. أفلح اليعربي
    اخي الكريم اشكر شكرا جزيلاعليثنائك علي بلدنا
    وبلدنا هي بلدكم فالعرب امة واحدة
    وعندك حق يااخي في موضوع التدخل العسكري
    في ليبيا فنحن لانريد عراقا اخر
    اللهم عجل بنهايته
    اللهم انصر شعبه عليه
    تحيتي يااخي

    ردحذف
  37. قطــــرة وفا
    عندك حق والله
    هذا الرجل هو شر البلية عي شعب ليبيا
    تحيتي

    ردحذف
  38. مش عارفة يا سواح اضحك ولا احزن صدقنى


    كل اللى اقدر اقوله


    ربنا يعين ويقوى اهل ليبيا كلهم ياارب

    ردحذف
  39. Ms Venus
    , والله يافينوس الواحد حزين علي
    شعب ليبيا
    وكل هذه الدماء
    التي يسفكها هذا المجنون
    وبدعوا معاكي ان ربنا
    يخلصهم منه
    تحيتي

    ردحذف
  40. والله بتهيألي انه هو اللي مبلبع حبوب الصراصير هذه ، وشايف الشعب الليبي جرذان تستحق الموت ، حسبي الله ونعم الوكيل فيه ويارب يحرمنا من طلعته الغبية وينجي ليبيا من شره وشر أمثاله.

    ردحذف
  41. وجع البنفسج
    انشاء الله
    انا عرفت في القنوات ان الشعب الليبي
    محاصر ظرابلس
    وان شاء الله نصرهم قريب
    تحيتي

    ردحذف
  42. للأسف ان الشعوب العربية كلها تقع تحت حكم دكتاتورين وفاسدين
    نظام عربي يكاد يكون واحد
    متشابه متباين
    للأسف انا حاسة اني كل ما ادخل مدونةوالاقي فيها كلام عن الشخص ده
    مكملش الكلام للأخر
    انا اتخنقت منه

    ردحذف
  43. re7ab.sale7
    ليكي حق تتخنقي منه
    بس ازاي شعب متحضر زي شعب ليبيا
    يحكمه واحد متخلف عقليا
    تحيتي

    ردحذف
  44. تحية طيبة

    بصفتك أحد أفراد الطبقة الواعية في هذه الأمة

    أرجو منك التكرم بالمشاركة في هذا الموضوع وأبداء رأيك بصراحة

    رأيك يهمني جدا ، فأرجو منك عدم التردد في المشاركة وذكر رأيك بصراحة بعيدا عن المجاملات .


    أرجو أن تقرأوا الموضوع كاملا ثم بعد ذلك تضعون رأيكم


    الموضوع تحت هذا الرابط

    http://ahdmari.blogspot.com/2011/03/blog-post_01.html


    أشكر لك حسن تعاونك

    ردحذف
  45. شكلة هو الي واخذ حبوب الهلوسة
    مش شعبه
    هههههه
    والله لما يتكلم ولا بفهم منه شي
    بيقول كلام وشوية يجبي عكسه
    وبعدين انا نفسي اعرف قصة الحريم الي يمشوا وراه هم ماماته ولا ايه
    يعم ده مجنون رسمي
    اعذرني على تاخري
    اخبارك يااخالد؟
    يارب تكونب بالف خير.
    تقبل مروري ^_^
    سلامي ليك اخي خالد.

    ردحذف
  46. السلام عليكم...

    طيب عمر المختار مات عشان شعبه
    مش موت شعبه عشان يعيش
    شتان بينك وبين هذا البطل

    إي والله صدقت
    عسى الله أن يكشف عنهم الغمة وينصرهم نصر عزيز مقتدر وبإذن من الله أن يكون النصر قريب

    وبإذن الله ستعود ليبيا لتهدي من أرحامها عمر وعمر وعمر وعمر وإن أختلف الإسم ولكن سوف يظهر عمر المختار من جديد فدم عمر المختار وهذه الجينات لابد أن الشعب الليبي

    يارب يوفق بلاد المسلمين لكل خير وصالح ويأمنهم في أوطانهم ودمائهم وأولادهم وأموالهم
    آميـــن يارب العالمين

    ردحذف
  47. أفلح اليعربي
    اخي الفاضل
    قد ذهبت الي مدونتك
    ووضعت تعليقي
    واشكرك لثقتك واهتمامك
    تحيتي

    ردحذف
  48. خواطري مع الحياة
    اخباررك ايه يااختي الفاضلة
    واخبار اليمن واهله الاعزاء
    ادعوا الله ان يخركم من كبوتكم
    فانتم شعب جميل
    اما عن القذافي
    فده مكانه مسشتشفي المجانين
    ولابلا ش احسن المجانين تزعل هههه
    تحيتي

    ردحذف
  49. خـــــاتون
    هذا الرجل يبيد شعب ليبيا
    شعب عمر المختار
    ادعوا معكي اختي الفاضلة
    ان يخلص الله هذا الشعب البطل
    من هذا المجنون
    تحيتي

    ردحذف
  50. نسال الله النصر والفر لاخواننا اليبيين
    بس قولك شيء ... يدل على انه هو اللي واكل حبوب هلوسه
    ههههه قولته اللي اصبحت شهيرة :
    بيت بيت ...زنقة زنقة
    ربنا يخرب بيتوا ويورينا حكمه فيه عن قريب
    سرني تواجدي هنا
    كما تشرفني متابعتك ومشاركتك على مدونتي
    http://pxfree.blogspot.com/
    تحياتي

    ردحذف
  51. Dev Nasser
    اهلا بيك
    ده كمان ان سمعتله خطاب النهارده يضحك
    بيقول الشعب الليبي محسود
    اللهم ارحم امتنا من هؤلاء السفهاء
    تحيتي

    ردحذف
  52. نسأل الله تعالى ان يزيح عن الأشقاء فى ليبيا الحبيبة هذا الكابوس من على الصدور
    وأن ينصرهم ويعزهم اللهم آمين

    جزاك الله خيراً أخى سواح

    ردحذف
  53. محمد الجرايحى
    نسال الله تعالي ان يعجل برحيل هذاالمجنون
    قبل ان يسفك مزيدا من الدماء
    وادعوا معك اخي
    لشعب عمر المختار
    تحيتي

    ردحذف
  54. البرشام دا سلاح حتى هنا فى مصر استخدموه
    يوم لما طلع البلطجية بالجمال والحصنة جيه محلل يومها شرح دا وقال فعلا ان دا سلاح الناس بتاخد البرشام عشان تضرب فى اللى حواليها من غير ما تحس وكمان لما تضرب متحسش بحاجة

    اخر مهزلة

    والقذافى دا اصلا مريض نفسيا دا مش انسان عاقل ابدا

    ردحذف
  55. ندا منير
    اهلا بيكي في تعليقك الاول عندي
    فعلا كلامك صح ده بيستخدموه البلطجية
    اما القذافي يااختي الفاضلة
    حتي لو مش مجنون
    سحر الكرسي بيجنن اي رئيس
    خاصة لو رايس عربي

    ردحذف
  56. ان الله يمهل ولا يهمل

    الحمد لله ان الكثير في ارض الوطن العربي الكبير احسوا بالوعي القومي ولمسوا في النفوس العطشى هذا الوجد للاستقلال من الولاة الطغاة ولن يردهم عن هدفهم المنشود وعيد الخصوم ولا يصدهم غضب

    لكم التقدير والتحية

    ردحذف
  57. sabahchergu
    اهلا بيكي سيدتي الفاضلة
    صدقتي (فان الله يمهل ولايهمل )
    وادعوا الله ان يخلص الشعب الليبي
    من هذا النمرود قريبا
    شكرا لمرورك
    تحيتي

    ردحذف

اهلا بزوار المدونة

تعليقك الكريم يضيف الي مدونتي

سواح في ملك الله