Follow by Email

31 مارس 2011

اعجبني ((طرائف))

         نقلا عن موقع تويتر الاجتماعي 






              حدد النشطاء علي التويتر مواصفات رايس الجمهورية القادم



مايفتكرش انه عشان بقى رئيس انه قائد الثورة

مايقولناش الإخوة و الأخوات.. أمي ما خلفتش غيري انا واخواتي
ــ و ما يخليش أي مسئول يبداء كلامة ب بناء علي توجيهات السيد الرئيس

الي يقول كلمة بناء علي تعليمات السيد الرئيس يعدمة مباشرة من غير محاكمة

يكون بيتكلم و  يفهم إنجليزى من غير ما يطرطق ودانه

ولو نجح بنسبة  اكتر من 60% في الانتخابات يتحاكم

يبقى عارف اننا منتخبينه هوه مش هوه ومراته و ابنه و اخواته و امه و عيلته كلها

يبقى عنده فيسبوك و تويتر بس معندوش فارم فيل ..ويكتب  تويت واحده ف اليوم عشان ميضيعش وقت الشعب

ميكونش ف لمعان  و بريق حمادة هلال

يكون متواضع جدا ...اه طبعا .....لا مش لدرجة يقعد في خيمه دي تبقي فال شؤم

مراته لازم تاخد لقب  سيدة مصر الأخيرة

مايقعدش فى القصر  الجمهورى ياخد شقة ايجار جديد احسن

لازم كل جمعة بعد  الصلاة يزور منطقة ويتكلم مع اهلها

ياكل العيش أبو  شلن ويشرب من الحنفية

ماتكونش البدله بتاعتو مكتوب عليها اسمه.. عايزينه يجيب بدل من عند ابو نسمه

المفروض يقعد يفر  كل حاجة في البلد ، يا راجل كبر  مخك.

لازم يبقي عنده ريسيفر وتيلفزيون وبيتفرج علي قناة الجزيرة

بيقول الكيان دوله الإحتلال مش دوله إسرائيل

مايكونش عمل أي ضربات  جوية أو أرضية أو فضائية يذلنا بيها

مش كل ما نكلمه  يقولنا عيب انا زي ابوكم

ميعطلش المرور عشان يروح مشوار يمشي في الشارع زيه زينا ياما يستخدم الطياره



لا يبدأ اي جملة بكلمة "سنظل"

ما يقولش على  منتخبنا كويس ومايتصلش بحسن شحاته  ولا يزور اللاعبين في التمرين.

لازم مايكونش راعى الرياضة والرياضيين ولا راعى الثقافة والمثقفين ولا راعى الفن والفنانين.

ميضحكش علينا ويروح يفتتح نفس الحاجه عشرين مرة.

ميكونش بيصلي العيد قبل العيد ما يبدأ و تلاقي صورته ملطوعه عالاهرام يوم الوقفه الساعه اتناشر بليل.

يبطل كلمة نشجب و ندين.

مايكونش من محبي الاستقرار.
ـ مايقعدشي علي كرسي الحكم يفضل واقف جنبه احنا لسه هانشيل ونخلع
ــ نمضيه على كمبيالات ونخليها معانا لحد ما يسيب الحكم

هناك 47 تعليقًا :

  1. تفتكر دا ممكن نجيبه منين؟؟؟؟

    ردحذف
  2. السلام عليكم
    اضحك الله سنك اختى
    بالرغم من فكاهتها الا انها تحمل جوانب كثير صادقة ومهمة وخصوصا الراعى والذئاب اللى قلت عليها ههههههههههه

    ردحذف
  3. ههههههههه
    بجد بجد عجبتني جدااااا
    وانا كمان بضم صوتي لصوتهم

    ردحذف
  4. على رأى الاستاذ محمد الجرايحى صحيح ده ممكن نجيبه منين والا ممكن نستورده ونعطيه الجنسية المصرية

    ردحذف
  5. هههههههههههههههه نسيت اهم صفتين انه لا يكون منوفى ولا حد قريبه من المنوفيه مع احترامنا طبعا لاخوانا واخواتنا المنوفيين
    واهم من كده انه يكون زملكاوى ههههه

    ردحذف
  6. و يكون ما بيخلفش عشان اتعقدنا

    ردحذف
  7. متفقة معاهم فى كل اللى قالوه
    بس علشان نلاقى واحد بالمواصفات دى هانقعد سنيييين من غير رئيس

    ردحذف
  8. ههههههههههه
    ده هو الرئيس ولا بلاش
    ههههههههه
    جملية الطرائف
    تقبل مروري ^_^
    سلامي ليك اخي اسامة.

    ردحذف
  9. ولازم كمان ميركبش اي مواصلات ببلاش
    D:

    بوست دمه خفيف ^_^
    خالص تحياتي

    تقبل مروري
    Casper

    ردحذف
  10. طيب ده في منه مصري ولا هنبعت نستورده من برة؟
    هي بنود حالمة
    والحلم قد تحقق مرة ربما يتحقق مرات اخرى
    تحياتي

    ردحذف
  11. حلوه أويييييي
    أهم حاجه يكون ضد الاستقرار اللي جايبلنا الكافيه ده:)
    أحيك سواح و أشكرك على البوست المبهج

    ردحذف
  12. احنا ممكن نتفق مع الصين تصنع ريس بالمواصفات ده على فكره مجرد حكاية ان الرئيس مش يبقى رئيس ابدي وتكون فترته محدده هتخليه يفكر مره ومية مره قبل ما ياخد قرار عشان يتاكد ان فيه مصلحه للبلد وللناس
    تقبل تحياتي

    ردحذف
  13. ههههههههههه
    عجبتني اوي سيده مصر الاخيره دي
    فيها حاجات مقنعه
    وحاجات تضحك
    جميله جدا يا سواح
    ومتتأخرشي تاني
    دومت بخير اخي

    ردحذف
  14. محمد الجرايحى
    صدقني بلدنا مليانة ناس كويسة ومحترمة

    بس العهد البائد مكنش بيعمل غير مع
    اللي مثله
    تحيتي اخي

    ردحذف
  15. مدونة رحلة حياه
    فكرتني باخر لقاء بيه مع الفنانين
    تحيتي اخي

    ردحذف
  16. re7ab.sale7
    عندهم حق طبعا
    تلاتين سنة في عهد طويل العمر
    يعملوا اكتر من كدة
    تحيتي

    ردحذف
  17. faroukfahmy5
    صدقني مصر مليانة
    ناس محترمة كتير وعلي قدر المسئولية
    تحيتي

    ردحذف
  18. قول ياااارب
    هي كدة المنوفية خدت حقها فترتين رياسة
    وكفاية عايزين نجرب بقية المحافظات
    تحيتي

    ردحذف
  19. موناليزا
    فعلا موناليزا هي حلوة
    شكرا ليكي

    ردحذف
  20. Tears
    حتي لو بيخلف يتنازل عن عيالة
    في فترة الرئاسه
    تحيتي

    ردحذف
  21. Noha Saleh
    لا يااستاذة مصر عمرانة بناس كفؤ لهذا المنصب
    تحيتي

    ردحذف
  22. eng_semsem
    الصين مش هتوافق
    عشان هما دولة يحكمها فرد
    تحيتي

    ردحذف
  23. Casper
    نبقي نسلمه موتسيكل
    ويسلمه لما يخرج هههه
    تحيتي

    ردحذف
  24. خواطري مع الحياة
    فعلا يارشا هههه ربنا يرزقوا
    برايس زيه
    تحيتي

    ردحذف
  25. مصطفى سيف
    انشاء الله ييجي رايس نرضي بيه
    تحيتي

    ردحذف
  26. شيرين سامي
    اشكرك جدا يادكتورة
    ده مكنش استقرار
    ده كان ركود
    تحيتي

    ردحذف
  27. ;كارولين فاروق
    هو فعلا فيها حاجات مقنعة
    بس في البلاد الديمقراطية مفيش مستحيل
    واحنا مبروك علينا الديمقراطية
    تحيتي اختي الفاضلة

    ردحذف
  28. لو سألتنى هقولك

    احنا محتاجين انسان


    انسان فقط لا غير

    شكرا ليك يا سواح

    ردحذف
  29. فيــــنوس
    طبعا لازم يكون انسان بس ميمنعش يكون
    عنده مواصفات اقلها العدل
    تحيتي

    ردحذف
  30. :))))))

    عجبتني اوي نمضيه علي كمبيالة دي

    :)))

    ردحذف
  31. شمس النهار
    عشان نضمن يسيب الحكم ههه
    تحيتي سيدتي

    ردحذف
  32. اخى الفاضل
    مش بياكل العيش ابو شلن بس و يكون وقف فى طابوره
    و كمان عنده بطاقة تموين وبياكل من زيت التموين و ارز التموين

    خالص تحياتى

    ردحذف
  33. ونسيت كمان كلمة نستنكر مع كلمتي نشجب وندين الا دول الثلاثي اللي مكنش بيقول غيرهم

    بس الريس داه حنجيبه منين صحيح؟

    (:

    ردحذف
  34. ههههههههههههههههههههه نربيه يعنى من قبل مايجى

    ايامه اللى جاية عذاب الريس المنتظر ده

    ردحذف
  35. أخي الفاضل سواح في ملك الله

    سررت كثيرا وأنا أتجول بين ثنايا مدونتكم الرائعة والزاخرة من كل لون.
    ولو انني لن اعلق على الموضوع الا انه ممتع .
    وفقكم الله ولكم خالص تقديري

    ردحذف
  36. ابراهيم رزق
    عندي بوست اسمه ((بالعقل ))كتبته من شهر تقريبا بيتكلم عن كل ماقالوه
    نورتني
    تحيتي

    ردحذف
  37. كلمات من نور
    الريس ده مش هيتكرر
    لان ماينفعش نبقي اغبياء مرتين
    تحيتي

    ردحذف
  38. reemaas
    والله يانور يابنتي
    الي عايز يحكم دولة بحجم مصر
    لازم يكون محل ثقة شعبها العظيم
    بكل الضمانات
    تحيتي

    ردحذف
  39. sabahchergui
    اختي الفاضلة
    مرورك وكلماتك افضل من الف تعليق
    نورتيني واتمناكي دايما تنوريني بمرورك
    تحيتي اختي الفاضلة

    ردحذف
  40. السلام عليكم

    ربنا يرزقنا حاكم عادل تقى يخشى الله فينا

    ((
    يكون متواضع جدا ...اه طبعا .....لا مش لدرجة يقعد في خيمه دي تبقي فال شؤم))

    الله يرحمك ويرضى عليك ياعمر بن الخطاب ويرزقنا صحبتك بالفردوس الاعلى :)

    تحياتى لك واشكرك

    ردحذف
  41. أم هريرة (lolocat)
    اشكر اختي الفاضلة علي مرورك
    وتعليقك
    واؤمن معكي علي دعائك
    تحيتي

    ردحذف
  42. ههههههههه

    حلوووووووووووه

    الله يسعدك ويسعده

    ردحذف
  43. الغـــــاردينيا
    الله يخليكي ويكرمك
    منورة والله

    ردحذف
  44. هههههههههههههه
    الطرائف جميلة
    أضحك الله سنك

    ورزقكم خير حاكم
    وأعانه الله على تحمل
    المسؤولية

    موفقين ^_^

    ردحذف
  45. خــــــاتون
    شكرا ليكي
    فعلا الله يكون في عون الريس القادم
    ههههههه
    نورتيني بتعليقك
    تحيتي

    ردحذف

اهلا بزوار المدونة

تعليقك الكريم يضيف الي مدونتي

سواح في ملك الله