23 مايو 2011

رسالة لن تصل

 وما ان بدات رحلتي داخل عيناكي
حتي تمنيت الا تنتهي
ولكنك لم تتركي لي
سوي ا ختيار اخير
 وعدت من حيث بدات
ولم اكن مثلما كنت
احاول النهوض علي قدمي
احاول الفرار من الامي
وسوف انهض
وتشفي جروحي
لاحيا بدونك
حياة لن تكوني فيها
سوي درسا قاسيا
تعلمت منه
الا اُجًرح ثانيةً ابدا

15 مايو 2011

خا طـــرة


 

 
 عدت سنين

من غير ماحسس عددها كاام

يسرح خيالي في اللي فات الاقيه بعييد

يوم زي شهر


بس شهر وحاسسه يوم

يوم زي يوم

يوم زي دهر يفوت عليك وهو يوم


يوم زي ساعة قول ده لحظة

 تفوت عليك

 وتشوفها اغرب مالخيال

عمرك قصير يابن ادم مهما طال

اوعاك يغرك منصبك

او قوتك

منتاش قوي

اوعاك تفكر انك اكبر مالجبال

 بص لشعوب

 كتبت سطورها علي التاريخ

مفضلش منهم غيرتاريخ


بص لملوك جابوا البلاد

قهروا العباد

 ولما جالهم وقتهم

سكنوا القبور






8 مايو 2011

من اجل مصر رفقا بمصر

 كما قال الشاعر
((لكل داء دواء يستطب به الا الحماقة اعيت من يداويها))
 مايحدث الان حماقة
اشعال النار في البلاد من اجل خبر كاذب كان او صادق حماقة*
الاعتداء علي دور العبادة مسجد كان او كنيسة  حماقة *
لا وخيانة عظمي كمان للبلدلان مهمة البلاد حماية حرية العقيدة
 نظرية القطيع اللي يقول اي خبر وتلقي;  كام الف  واحد وراه
دول قطيع اعمي
متحمسين  حماقة *
احنا بقي بقينا فاضيين للمظاهرات والاحتجاجات؟؟
موضوع كاميليا اللي جننتونا بيه ده ومظاهرا ت هنا ومظاهرات
هنا  اهي طلعت وقالت انا علي ديني **
عليا النعمة لو وبقول( لو) هي كانت اسلمت فعلا لا تخرج من
الاسلام بسبب الفضايح اللي حصلت دي **
 خلصت كاميليا طلعت عبير وبعدين يعني **
 بلدنا في خطر يابني ادمين ان كنتوا تنتمون لفصيلة البني ادمين
ثورتنا بتضيع
الناس بتترحم علي ايام المخلوع
ناس كتير زهقت من الكلام ده حرام شغل الحرافيش ده
سهيل ابن عمرو في صلح الحديبية
قال للرسول الكريم لو كنا نعلم انك رسول الله ماصددناك عن البيت وطلب منه تغيير كلمة رسول الله من المعاهدة
وغيرها رسولنا الكريم
ورجع كمان عن زيارة البيت تنفيذا للمعاهدة
 ولم يعتمر في هذه السنة
 عم رسولنا الكريم ابو طالب مات علي عبادة الاوثان وهو بين يديه ((انك لاتهدي من احببت ولكن الله يهدي من يشاء))
    (((من شاء فليؤمن ومن شاء فليكفر)))
(((لو كنت فظا غليظ القلب لانفضوا من حولك ))))
        صدق الله العظيم
اختم بدعائي
اللهم احمي بلدنا مصر وشعبها من هذه الحماقات





فتنة فتاة امبابه

5 مايو 2011

مصــــــــر تبتســـــم

خبرين من اجمل الاخبار
نجاح وفد الديبلوماسية الشعبي باقناع اثيوبيا
بتاجيل الشروع في بناءسد الالفية الي مابعد  انتخابات الرئاسة
وانتداب خبراء لدراسة مااذاكان السد سيضر مصر ام لا
بخصوص مياه النيل

وهذا مالم تنجح حكومات المخلوع
فعله في اعوام
                                                        
تصالح القوي الفلسطينية 
                                                         
                                                                   

مبروك لاخواننا الفلسطينيين


ان شاء الله وحدة لافرقة ابدا





الفلسطينيون يرفعون علم مصر وفلسطين



شرفتونا ياولاد مصر



                                            دول ناس من اهل مصر بيحبوا مصر        
ولاد مصر

2 مايو 2011

تساؤلات

  مد نية  ولا  د ينية
طيب لو قلنا مثلا مدنية
هيقوللك علمانية ولا ليبرالية
ولا يسارية ولا اشتراكية
ولو قلنا دينية هيقوللك
سلفية ولا صوفية ولا  مالكية
نسبة للامام مالك ولا حنفية ولا
طيب سنية ولاشيعية
وتتوالي الانقسامات
وهنا يكمن الشيطان في التفاصيل
لماذا لانقول دولة وفقط
فدولتنا التي نعيش فيها اسمها في الاساس 
جمهورية مصر العربية  
ولااظن ان اسمها سيتغير
يعيش فيها كل الاطياف تحت غطاء
ومسائلة القانون
 كل يعيش علي حسب  معتقده
طالما لايخالف قانون فالقوانين
مستمدة من شريعة السماء
فا لقتل مجرم في كل الشرائع
والاديان والسرقة مجرمة و الرشوة
وجميع الجرائم الذي جرمها القانون
مستمدة من شرائع الاديان وكل الاديان
تحرمها اذا فهناك اتفاق
احنا بقي محيرين نفسنا ليه
 ثانيا
ماهذا الهجوم الضاري علي جماعة الاخوان
كل جهابذة السياسة التلفزيونيون
كانوا في الاول يقولوا احنا مش قابلين الاخوان
كجماعة سياسية هما يعملوا حزب
 ويشتغلوا في السياسة
ساعتها هنتقبلهم
وعمل الاخوان الحزب     ثم
الحوارات بقي
هل الحزب له علاقة بالجماعة
هما قالوا انهم مش هيخشوا الانتخابات
باكتر من تلاتين في المية
دلوقتي بيقولوا هننزل خمسة وخمسين في المية
 طيب مالو واحد في سنة اولي انتخابات
لازم يفهم ياجهابذة ان لازم يخش بضعف الاعداد
عشان يحوز علي نصف المقاعد التي تقدم بها
اهنئ الاخوان فما يحدث من هجوم عليهم
هو اكبر دعاية ليهم من هؤلاء الجهابذة
فاطمانوا لن تحتاجوا لمصاريف دعاية
في الانتخابات
 
ثالثا السلفيون هل احتلال مسجد ومنع امامه من الخطابة
في صلاة الجمعة شئ يقبله دين او عقل
هل منهجكم فقط هو الدين الاسلامي
هل احتكرتم الدين
ولماذا اذن تعلمنا ان في اختلاف الائمة رحمة
رابعا العلمانيون دول بقي اللي مش طايقين الدين خالص
وبتجيلهم حساسية من الدين
وحينما تتامل كلامهم تجدهم ايضا متطرفين
يريدون فرض وجهه نظرهم فقط
لماذا كل طرف يحاول فرض فكره علي الاخر
                      قال تعالي
وَكَذَلِكَ جَعَلْنَاكُمْ أُمَّةً وَسَطاً لِّتَكُونُواْ شُهَدَاء عَلَى النَّاسِ وَيَكُونَ الرَّسُولُ عَلَيْكُمْ شَهِيداً ((صدق الله العظيم))