Follow by Email

2 مايو، 2011

تساؤلات

  مد نية  ولا  د ينية
طيب لو قلنا مثلا مدنية
هيقوللك علمانية ولا ليبرالية
ولا يسارية ولا اشتراكية
ولو قلنا دينية هيقوللك
سلفية ولا صوفية ولا  مالكية
نسبة للامام مالك ولا حنفية ولا
طيب سنية ولاشيعية
وتتوالي الانقسامات
وهنا يكمن الشيطان في التفاصيل
لماذا لانقول دولة وفقط
فدولتنا التي نعيش فيها اسمها في الاساس 
جمهورية مصر العربية  
ولااظن ان اسمها سيتغير
يعيش فيها كل الاطياف تحت غطاء
ومسائلة القانون
 كل يعيش علي حسب  معتقده
طالما لايخالف قانون فالقوانين
مستمدة من شريعة السماء
فا لقتل مجرم في كل الشرائع
والاديان والسرقة مجرمة و الرشوة
وجميع الجرائم الذي جرمها القانون
مستمدة من شرائع الاديان وكل الاديان
تحرمها اذا فهناك اتفاق
احنا بقي محيرين نفسنا ليه
 ثانيا
ماهذا الهجوم الضاري علي جماعة الاخوان
كل جهابذة السياسة التلفزيونيون
كانوا في الاول يقولوا احنا مش قابلين الاخوان
كجماعة سياسية هما يعملوا حزب
 ويشتغلوا في السياسة
ساعتها هنتقبلهم
وعمل الاخوان الحزب     ثم
الحوارات بقي
هل الحزب له علاقة بالجماعة
هما قالوا انهم مش هيخشوا الانتخابات
باكتر من تلاتين في المية
دلوقتي بيقولوا هننزل خمسة وخمسين في المية
 طيب مالو واحد في سنة اولي انتخابات
لازم يفهم ياجهابذة ان لازم يخش بضعف الاعداد
عشان يحوز علي نصف المقاعد التي تقدم بها
اهنئ الاخوان فما يحدث من هجوم عليهم
هو اكبر دعاية ليهم من هؤلاء الجهابذة
فاطمانوا لن تحتاجوا لمصاريف دعاية
في الانتخابات
 
ثالثا السلفيون هل احتلال مسجد ومنع امامه من الخطابة
في صلاة الجمعة شئ يقبله دين او عقل
هل منهجكم فقط هو الدين الاسلامي
هل احتكرتم الدين
ولماذا اذن تعلمنا ان في اختلاف الائمة رحمة
رابعا العلمانيون دول بقي اللي مش طايقين الدين خالص
وبتجيلهم حساسية من الدين
وحينما تتامل كلامهم تجدهم ايضا متطرفين
يريدون فرض وجهه نظرهم فقط
لماذا كل طرف يحاول فرض فكره علي الاخر
                      قال تعالي
وَكَذَلِكَ جَعَلْنَاكُمْ أُمَّةً وَسَطاً لِّتَكُونُواْ شُهَدَاء عَلَى النَّاسِ وَيَكُونَ الرَّسُولُ عَلَيْكُمْ شَهِيداً ((صدق الله العظيم))




هناك 54 تعليقًا :

  1. بدئت الفتن
    وفي الدين
    ربنا يسترها عليكم
    ويبعد كل سوء عنكم وعن بلادكم

    تقبل مروري اخي خالد ^_^

    ردحذف
  2. اختي الفاضلة رشا
    اشكر لكي دعائك
    الحكاية بقت تحير
    تحيتي اختي الفاضلة

    ردحذف
  3. اولا بشكرك جدا على المقاله دى وانت لخصت اللى بيحصل فى كلمتين..احلى حاجه اننا دلوقتىواقفين نتفرج عليهم..فكرونى بمثل مشفهمش وهما بيسرقوا شافوهم وهما بيتخانقوا
    اولا الاختلاف بينا ده طبيعه كونيه ..ولو شاء الله لجعلكم امة واحده
    لكن تقول بقى لمين ان كل واحد المفروض يحترم راى الاخر..المشكله اننا بنتحاور وبنختلف قبل مانفهم ثقافه الاختلاف وتقبل الراى الاخر
    عموما ادينا بنتفرج على المسلسل التلفزيونى على المسرح السياسى وهنشوف متى سيتم اسدال الستار ولا اى مشهد سيتم الانتهاء
    تقبل تحياتى لقلمك

    ردحذف
  4. قول ياااارب
    هو الغريب ان احنا تخلصنا من ديكتاتورية
    لنقع في ديكتاتوريات اخري
    كل يحاول قمع فكر الاخر
    بالصوت العالي والتظاهر حسب نظرية الي يلحقله مكان
    بس انا واثق ان شعبنا بعد الثورة دي
    اصبح ناضجا ويستطيع الفرز
    وانشاء الله سينتهي المشهد علي خير
    تحيتي اختي الفاضلة

    ردحذف
  5. برغم ان كل ما قولت صحيح ومولم جدا
    الا اننى احاول ان التمس لناس بعض العزر
    احنا تقريبا كنا عاملين زى اللى محبوس فى قمقم وطلع

    تحياتى يا ريس

    ردحذف
  6. عباس ابن فرناس
    كنا في اثناء الثورة منتهي التحضر والرقي
    وشهد العالم بذلك
    فلماذا لانحافظ علي تحضرنا
    تحيتي ياعبس

    ردحذف
  7. عزيزى
    الموضوع بسيط بس احنا اللى محيريين نفسنا
    اولاً : لا يوجد فى الاسلام دولة دينية لا بالمفهوم الغربى - القديم - والذى تتحكم فيه الكنيسة فى مجريات الدولة ، ولا بالشكل الفارسى ولاية الفقيه ، او المرجع الشيعى .
    أقول أن الاصل ف الاسلام هو الدولة المدنية ... هاجر الرسول صلى الله عليه وسلم من مكة إلى يثرب فسميت المدينة .

    " وقال نسوة ف المدينة " سورة يوسف

    أقول انه لا يستقيم وضع مدنية لتقارن بدينية ، فالمدنية آلية إدارة - أنتم أعلم بشئون دنياكم ...الرواية - أما الدين فهو عقيدة .

    إذاً مدنية ليست زندقة ... ودينية واجبة كمصدر للحكم على ما نفعل وما نقدم على فعله وما نأخذ به وما نتركه .

    أى مدنية ذات مرجعية إسلامية - شاء من شاء وأبى من أبى - لأن المسلمين أغلبية ، حتى لو احتكمنا الى ما يسمى ديمقراطية - وتعريفها فى حد ذاته كفر حكم الشعب للشعب لصالح الشعب ، وطبعاً " إن الحكم إلا لله " - إذا مدنية ذات مرجعية إسلامية فى سن وتشريع القوانين .

    ثانياً : علمانية ام ليبرالية ، العلمانية فى حد ذاتها إلحاد وجذر الكلمة العلم بفتح العين وتسكين اللام ، وليس العلم بتسكين العين واللام ، والاولى عكس الغيب ، اى ان الاولى تدعو فكريا ودينياً الى الايمان بكل ما تدركه الحواس الخمسة وما استطيع ان ادخله المعمل واجرى عليه التجارب ، والكفران بسواه ، وهنا لا يستقيم ان نقول ان مصر المسلمة تصبح مدنية علمانية .

    نأتى لليبرالية وهى فى اجلى صورها ، أنت حر ما لم تضر ، وطبعا المسلم ليس حر ف المطلق وبدون ضوابط شرعية ، بيد ان له مطلق الحرية فيما لم ينهى عنه أو يكره فعله ، وتحت قاعدة ذهبية ، درء الخطر مقدم على جلب المنفعة .

    ثالثاً : اتفقنا اذا على انها مدنية - كآلية ادارة - لا علمانية ( وهى فكر الحادى ) ولا ليبرالية ف المطلق بل مضبوطة بالدين ، نأتى هنا إلى أى فكر دينى أو مذهبى سيأخذ به ، وهنا دور لجان التشريع والفتوى بمجلس الشعب ، والأزهر الشريف ، وعلماء الأمة ، وما أجتمع عليه جمهور الفقهاء عند طرح مسألة ما ، مع وجود اعتبارية مهمة - لسنا فقهاء - ان الدين عقيدة وعبادات و احكام ومعاملات فالأمور العقائدية لن تجد عليها خلاف يذكر كالايمان بالله واليوم الاخر والجنة والنار ...الخ ، والعبادات ستجد ايضاً الخلافات حولها فى المذاهب المختلفة بسيطة جداً والاحكام مثل السرقة والزنا والقتل ...الخ بنصوص واضحة فى كتاب الله وسنة رسوله ... اما المعاملات مثل البيوع والعقود ...الخ ستجد فيها بعض الاختلافات الفقهية التى ناسبت كل زمان ومكان استلهاماً من السنة المشرفة ومن باب الاجتهاد المفتوح حتى يوم القيامة .

    أقول مدنية ذات مرجعية اسلامية

    اسف على الاطالة

    ردحذف


  8. السلام عليكم

    أظن أن أخي الكريم المهندس سيد قال كل ما يمكن أن يقال فبارك الله له

    مفيش حاجة اسمها دولة دينية ولا مدنية فكما قلت أخي الكريم الدولة دولة تدار بأمور الدنيا وتحكم بشرع الله
    أما مواطنيها فينقسمون إلى فرق وجماعات كما يشاؤون , نحن أغلبية مسلمة كيف نرتضي أن يحكمنا غير ديننا كشرع فهذه مرجعيتنا ورغم هجوم العلمانية والليبرالية سيظل أغلبية الشعب المصري رغم أنفهم مؤيدا لكل ما يضمن الولاء لله ولدين الإسلام
    ولع بقى في نفسك يا ساويرس وكل اللي مستني حاجة غير كده
    :))

    ردحذف
  9. دوله مصر الاسلاميه العربيه المتحده هذا افضل اسم لها

    ردحذف
  10. ENG./ELSAYED,PMP
    اخي الفاضل
    كلامك جميل واطالة التعليق افادة وذوا قيمة بالنسبة لي
    واحب ان اوضح جزء
    ومن المتعارف عليه في كل قوانين الدنيا
    ان الاقلية تتبع لمرجعيات الاغلبية فيما
    يخص امور الدولة فقط اما الامور الدينية
    فلكل دين شرائعه ومنهجه
    فكل مايثير حفيظتي فقط
    هو محاولة فرض راي او اعتقاد من كل مماذكرت في البوست علي الكل
    في حين ان خالق الكون الله جل شانه
    قال لنا في اياته
    بسم الله الرحمن الرحيم
    من شاء فيؤمن ومن شاء فليكفر
    وذكر لنا عاقبة الكفر وتركك تختار
    ولم يفرض عليك طريقا تسلكه بل تركك
    لعقلك يحدد مصيرك
    وايضا هناك كثير ممن ينتهجون مناهج
    كالعلمانيةواليبرالية لايفهمون
    معناها التفصيلي الذي ذكرته
    وةيظنونه فقط انه التقدم والرقي
    سعدت بتعليقك الجميل
    تحيتي

    ردحذف
  11. اختي الفاضلة مجداوية
    لم يختلف احد عي مرجعية الدولة
    ولكن كثرة الاحاديث التلفزيونية
    تثير استغرابي
    فانا اعرف ان الدولة دولة كما قلتي
    وتحكمها قوانين يجب الالتزام بها
    والتصارع في هذه النقاط
    لن يجدي نفعا
    تحيتي لرايك الطيب

    ردحذف
  12. بلال عادل رجب.
    فالسعودية تعد دولة دينية
    ولكن اسمها
    المملكة العربية السعودية
    تحيتي اخي الفاضل

    ردحذف
  13. ENG./ELSAYED,PM
    انشاء الله لاخلاف
    تحيتي

    ردحذف
  14. سواح فى ملك الله
    ينصر دينك يااخى
    دينك الذى ابى الا ان تنطق بهذه الكلمات الصادقة
    احنا ما يعجبناش العجب ولا الصيام فى رجب اى صيام نرضاه ويرضيهم واى شهر صيام نختار ويختارونه
    انا خايف نصوم نصوم ونفطر على بصله وسلّملى على الترماى ابو سنجه
    شكرا يااخى على تحليلك الجامع الشامل

    ردحذف
  15. وَكَذَلِكَ جَعَلْنَاكُمْ أُمَّةً وَسَطاً لِّتَكُونُواْ شُهَدَاء عَلَى النَّاسِ وَيَكُونَ الرَّسُولُ عَلَيْكُمْ شَهِيداً ((صدق الله العظيم))

    اصل الناس دلوقتي فاكره مصر عامله زي التورته الى كل واحد عايز ياخد منها حته و يحتكرها لنفسه هو و بس

    و دلوقتي مجرد كلام ، و ربنا يستر و الموضوع ميتطورش اكثر من كده

    ردحذف
  16. اخى سواح

    الشيطان يكمن فى التفاصيل

    المستفيد الاول هم الاخوان
    لاحظ انهم بعد الاستفتاء لم نسمع لهم صوتا و رفعوا شعار
    لا صوت يعلو على صوت المعركة اقصد المعركة الانتخابية القادمة

    تخطيط و فكر و عمل
    اما هواة السفسطة و المظاهرات فمن المؤكد بكائهم على اللبن المسكوب حيث لا ينفع الندم

    ردحذف
  17. اتمنى ان يكون علمائنا كاسلاميين وسطيين
    وان يتم تطبيق منهج الوسطية بلا تشدد
    هاجس السلفية يؤرق الكثيرين وما يحدث على الساحة مرعب ولا يعتبر دعوة حسنة للاسلام
    الاسلام دين وسطي وخير الامور اوسطها
    لو ان الازهر قام بمسئولياته كاملة لاصبحت مصر دولة وسطية دون وجود تشددات
    تحياتي لك اخي العزيز

    ردحذف
  18. faroukfahmy58
    استاذ فاروق
    ااؤكد لك استاذنا لو ترك الامر
    للناس الان سنمكث سنوات
    في الاختيار فقط
    تحيتي استاذنا

    ردحذف
  19. سبايدرمان
    تشبيهك جميل يااخي الفاضل
    وكانها تورتة يتقاسمونها
    تحيتي

    ردحذف
  20. ابراهيم رزق
    اخي الفاضل
    حتي لو الاخوان هم المستفيدون فليس
    ذنبهم انهم قوة منظمة تعلم ماذا تفعل
    ولكن اين القوي الاخري
    يعيشون الضوضاء والثرثرة
    بلا افعال
    تحيتي اخي

    ردحذف
  21. مصطفى سيف
    صدقت اخي مصطفي فتقصير الازهر
    جعل هذه التيارات
    تطفوا علي السطح فقد جاء عي الازهر
    وقتا لايهتم غير بالحاكم وفتاويه
    تحيتي اخي

    ردحذف
  22. السلام عليكم ورحمة الله وبركاته
    أخى الكريم : سواح
    بالفعل أخى كثر الكلام والجدال والثرثرة
    من مجموعات يسترزقون من الظهور الإعلامى على مايبدو وكذلك يسترزق الإعلام من ورائهم حتى ادخلونا فى متاهات ولكن الحق واضح وبين....
    وأحييك على هذا الطرح الموضوعى
    بارك الله فيك وأعزك

    ردحذف
  23. محمد الجرايحى
    اخي الفاضل
    وعليكم السلام ورحمة الله وبركاته
    قلت خيرا يااخي
    فالحق واضح وبين ويعلمه عامة الناس
    والطريف ان الذين لايعلمون
    هم الاعلاميون الذي دورهم
    اعلامنا
    تحيتي

    ردحذف
  24. ربنا يستر ياسواح

    ربنايستر مصرتستحق الخير وربنا يرحمنامن اللي عايزنهاجمرة نار أيآ كانوا


    تحياتي

    ردحذف
  25. افروديت
    اختي الفاضلة
    يجب علي هؤلاء الناس الا يغفلوا
    ان هناك مستفيدون من تاخر مصر
    ومن واقع خوفنا علي بلادنا
    يجب ان لاتتحول الامور لفوضي
    تحيتي اختي الفاضلة

    ردحذف
  26. فعلا ربنا يسترها معاكم دي الفتن مالهاش صاحب

    ردحذف
  27. اللهم أعز الإسلام والمسلمين

    نتعرض لضربات قوية للفرقة يا سواح وربي يجمعنا ولا يفرقنا أبدا

    ردحذف
  28. كريمة سندي
    اهلا بيكي اظنها الزيارة الاولي
    اللي حضرتك تنوريني فيها
    وهذا تشريفا لي
    اشكرك علي دعائك اختي الفاضلة
    تحيتي اليكي

    ردحذف
  29. كلمات من نور
    اللهم امين
    فعزة الاسلام اختي تاتي بالحق والعدل
    وليس بالتظاهرات دون وجه حق
    تحيتي اختي الفاضلة

    ردحذف
  30. السلام عليكم

    اسأل الله تعالى ان يرحمنا
    وان يولى علينا التقى الصالح
    ويحفظ بلادنا من مكر الماكرين وكيد الكائدين

    بعد سقوط النظام الذى راق لامريكا واعوانها لم يجدوا وتر يلعبون عليه الا الاسلام والجماعات الاسلامية وهذا دابهم
    لكن الله مع المتقين فليرحمنا ويحفظنا

    تحياتى لك

    ردحذف
  31. أخي العزيز أتفق معك في كل كلمه و أتمنى ألا نستغل الحريه في فرض الرأي و التوجه بصراحه أكره فكرة التوجهات أنا مع أخلاق الميدان و الثوره التي لم تفرق بين مسلم أو مسيحي و لم نعرف منهم اخوان أو سلفي أو ليبرالي هذه هي الدوله التي نريدها أو أريدها.
    أحيك على موضوعك القيم
    تحياتي و احترامي لك

    ردحذف
  32. السلام عليكم...

    الدولة يسيرها حكم الفكر الغالب (السائد) وما يختاره أغلبيةالشعب
    هو من يحق له أن يضع القوانين بلا ضرر ولاضرار وعلى الدولة أن تحمي الجميع وتحقق لكل الشعب مصالح دون النظر
    لدينه لونه أودخله يكفي أنه مصري
    وللحزب الغالب أن يطبق سياسته لأنها رغبة الأغلبية (والدول الجمهورية دوما تعتمد على فكرة الديمغراطية ورأي الأغلبية)
    وعسى الله أن يوفقكم وتعود النهضة المصرية وتعود العصور الذهبية

    موفقين^_^

    ردحذف
  33. مصر مصرية و كل الحاجات التانية جت عليها تاريخيا

    مصر من اقدم الحضارات و اعرقها و ستنهض و تغير وجه الشرق الاوسط

    ردحذف
  34. أم هريرة (lolocat)
    اللهم امين اختي الفاضلة
    فنحن نريد بلدنا من احسن بلاد الدنيا
    ولن تتغير البلد
    الا بتقبل الاخر
    تحيتي لكي

    ردحذف
  35. شيرين سامي
    اختي الفاضلة
    عندك حق نريد اخلاق الميدان
    الذي اجتمعت علي ازالة الظلم
    والا نظلم بعضنا
    تحيتي لكي اختي الفاضلة

    ردحذف
  36. خاتون
    نعم اختي كل ماقلتيه صحيح واحييكي
    علي عقلك الراجح
    فانتي تبدين سياسية عتيدة
    اشكرك علي تعليقك
    تحيتي

    ردحذف
  37. Tears
    وكل مانبتغيه النهوض ببلدنا بعيدا عن اقصاء اي اطرافها من الشركاء
    تحيتي ياتيرز

    ردحذف
  38. انا بأيدك جدا جدا في رأيك , الدين لله والوطن للجميع < لكم دينك ولي دين >
    ربنا يهدي الجميع بننشغل بقضايا في اهم منها وكله علي حساب الوطن

    ردحذف
  39. Carmen
    فعلا ياكارمن فالله وحده الذي يحاسب علي الدين
    والله امرنا علي لسان رسوله بقوله
    (((انتم اعلم بشئون دنياكم ))
    تحيتي

    ردحذف
  40. اصلا انا مش مقتنعة باى تصنيف يدى الحق لناس معينة بيملك البلد والباقى ضيوف ... اما موضوع الاخوان والسلفيين والعلمانيين فاعتقد ان الصراع ما بينهم من زمان كل الاختلاف انه كان صراع داخلى بس دلوقتى كل واحد شايف ان من حقه يُعترف بيه فبقى الخلاف ده علنى و اعتقد ان كل واحد مقتنع باى فكر منهم مبيهاجمش التانى لانه غلط بس من مبدا انه هو بس اللى صح العلمانيين زى ما انت قلت ي مش طايقين الدين خالص وبتجيلهم حساسية منه والسلفيين عايزنها دين وبس
    تقبل مرورى :)

    ردحذف
  41. دي كلها شعارات مش جايبة همها فعلا ربنا يعنكم

    ردحذف
  42. nesma hatem
    بصي يانسمة
    قال تعالي
    من شاء فليؤمن ومن شاء فليكفر
    وكل سيجني ثمار ماقرر اختياره
    سواء الايمان او الكفر
    سبحانه وتعالي هو اللي هيحاسب
    لم يعهد لبشر كان ان يحاسب بشر اخر
    وايضا قال تعالي
    ونفس وما سواها فالهمها فجورها وتقواها
    فمنجيش احنا نغير نواميس الكون باجبار
    اي احد علي انتهاج افكارنا
    وماادراكي ان فكري صح
    وقد اراه انا صوابا ويراه غيري خطا
    تحيتي

    ردحذف
  43. أم
    اشكرك علي مرورك الاول واتمني تكراره
    ودعائك الطيب
    تحيتي

    ردحذف
  44. حمى الله مصر وبلادنا العربية وتبقى عزة الاسلام بالحق والدين وليست بـ التوجيهات والتفرقة "
    ؛؛
    ؛
    مصافحة اولى
    لروحك عبق الغاردينيا
    كانت هنا
    reemaas

    ردحذف
  45. ريــــمــــاس
    اهلا بيكي
    فعلا اختي لابد ان نكون شعوب حة كل حسب عقيدته طالما كلنا نخضع للقانون
    تحيتي

    ردحذف
  46. الحياة تعايش وإلتزام
    فمادام هذا وذاك ملتزمين بالتعايش
    متمسكين بالنظام الملتزم بمصر كلها
    فستهنأ الحياة
    ومهما سعى متطرف من هنا وهناك في زرع الفتيل القاتل فيبقى لمصر أبناء يدركون معنى الوفاء ويقدرون نعمة الوطن (مصر)
    أولائك يرسون بمصر في مرفأ السلامة والأمان
    ستظل أرض الكنانة شوكة في حلوق الاعداء
    ومنارة للخير والفضيلة والسلام


    نسأل الله أن يحفظ البلاد والعباد


    لك مني تحية وسلام

    ردحذف
  47. غريب
    اشكرك علي تعليقك الرائع الذي وصف الحال كما هو واؤمن معك علي دعائك
    تحيتي

    ردحذف
  48. هو الموضوع ليه شكله سيتفسخ و بدل ما نحل مشكلة مشكلة نبدا نبحث عن مشاكل مشاكل داخل مشاكل كما ماتريوشكا مشاكل

    ردحذف
  49. model
    لاننا اعتدنا دائما ان نترك الاصول ونمسك الفروع
    تحيتي

    ردحذف
  50. مصر مصـــــــــــــرية وبس


    احييك يا سواح

    ردحذف
  51. انا عموما مكنتش بطيق الاخوان من الاول و بالتالى موقفى متغيريش و الحمد لله مثل كثيرين هو الجديد بقى اللى مشيالنى الهم الجماعه السلفيين الناس دى كانت فين؟؟؟

    ردحذف
  52. Ms Venus
    بالظبط يا فينوس
    مصر هي مصر وشعبها اسمه الشعب المصري
    تحيتي يافينوس

    ردحذف
  53. د/دودى
    هي الحكاية مش اننا نطيق او منطيقش
    الحكاية ان محدش مننا يقصي التاني
    يفضل كل واحد ليه افكاره وقناعاته
    ومعتقداته طالما لايخرق قانون
    تحيتي يادكتورة

    ردحذف

اهلا بزوار المدونة

تعليقك الكريم يضيف الي مدونتي

سواح في ملك الله