8 مايو 2011

من اجل مصر رفقا بمصر

 كما قال الشاعر
((لكل داء دواء يستطب به الا الحماقة اعيت من يداويها))
 مايحدث الان حماقة
اشعال النار في البلاد من اجل خبر كاذب كان او صادق حماقة*
الاعتداء علي دور العبادة مسجد كان او كنيسة  حماقة *
لا وخيانة عظمي كمان للبلدلان مهمة البلاد حماية حرية العقيدة
 نظرية القطيع اللي يقول اي خبر وتلقي;  كام الف  واحد وراه
دول قطيع اعمي
متحمسين  حماقة *
احنا بقي بقينا فاضيين للمظاهرات والاحتجاجات؟؟
موضوع كاميليا اللي جننتونا بيه ده ومظاهرا ت هنا ومظاهرات
هنا  اهي طلعت وقالت انا علي ديني **
عليا النعمة لو وبقول( لو) هي كانت اسلمت فعلا لا تخرج من
الاسلام بسبب الفضايح اللي حصلت دي **
 خلصت كاميليا طلعت عبير وبعدين يعني **
 بلدنا في خطر يابني ادمين ان كنتوا تنتمون لفصيلة البني ادمين
ثورتنا بتضيع
الناس بتترحم علي ايام المخلوع
ناس كتير زهقت من الكلام ده حرام شغل الحرافيش ده
سهيل ابن عمرو في صلح الحديبية
قال للرسول الكريم لو كنا نعلم انك رسول الله ماصددناك عن البيت وطلب منه تغيير كلمة رسول الله من المعاهدة
وغيرها رسولنا الكريم
ورجع كمان عن زيارة البيت تنفيذا للمعاهدة
 ولم يعتمر في هذه السنة
 عم رسولنا الكريم ابو طالب مات علي عبادة الاوثان وهو بين يديه ((انك لاتهدي من احببت ولكن الله يهدي من يشاء))
    (((من شاء فليؤمن ومن شاء فليكفر)))
(((لو كنت فظا غليظ القلب لانفضوا من حولك ))))
        صدق الله العظيم
اختم بدعائي
اللهم احمي بلدنا مصر وشعبها من هذه الحماقات





فتنة فتاة امبابه

هناك 39 تعليقًا :

  1. مــــــــنـــــــي
    ربنا يستر يامني
    تحيتي

    ردحذف
  2. للاسف عندك حق و انا متفقه معاك قلبا و قالبا ...ياما ندينا يا جماعه الحكومه دى طريه محدش سمعينى ياما قلت السلاح بقى زى العسليه فى الشوارع محدش سمع ...خلصنا من كاميليا و بالمناسبه شكلنا وحش قوى قدام الناس و تشوف المذيع و هو بيتشفى فينا و عنده حق ما احنا اللى عملنا فى نفسنا كده طلعت لنا عبير...هو مفيش حد بيسلم غير الستات فى مصر؟؟

    الناس بتترحم على ايام حسنى و للاسف متقدرش تلومهم . ده انا قربت اقول كده من زهقى اقول لك ايه القسم اللى فى الشارع اللى ورانا اقتحم امبارج و ضرب نار كانك فى افغانستان ..عمرى ما شفت كده قبل كده فى مصر اللى متعتها كانت النزول من بيتك الساعه 4 الصبح بامان....حسبى الله و نعم الوكيل

    ردحذف
  3. السلام عليكم
    ازيك سواح طمنى عليك
    والله يا اخى الواحد اتخنق من العقول المغيبة
    واللى بتنفذ المخططات اللئيمة اللى بتهد وتخرب فى البلد
    يارب يحمى مصرنا ويجعلها امنا امانا
    دومت بخير

    ردحذف
  4. د/دودي
    لازم القانون يبقي يد باطشة بالخارجين عنه
    لازم تبقي فيه احكام رادعة
    مش عايزينها غابة
    عايزين قانون يحاسب كل اللي يخطا عقاب رادع
    دي مصر ولازم تفضل مصر

    ردحذف
  5. مدونة رحلة حياه
    الله يسلمك ويحفظك
    للاسف اخي مايحدث غير مطمئن
    ربنا الستار
    تحيتي

    ردحذف
  6. انا قلتها احنا عمالين نقول بلد السبعتلاف سنة حضارة بالرغم اننا لسه في كي جي ون حضارة
    لما يكون الناس معندهمش ثقة في المسئولين انهم يقدروا يجبولهم حقوقهم لو ليهم حق يبقى الثورة منجحتش
    لان فكر الشعب متغيرش وهو عدم الثقة في الحكام او المسئولين
    لما يكون في الاف الناس بتشتبك في مظاهرات يبقى الثورة منجحتش لأن فكر السلمية متحققش
    لما يكون في تبادل اطلاق نار وكنايس بتتحرق ومشايخ بتتشتم وناس بتطالب بحماية دولية يبقى الثورة متحققتش لأن الفكر العقيم لسه جوانا
    الغلط مش في السلفيين بس زي ما حضرتك قايل الغلط على الشعب كله وعلى الحكومةوالمجلس العسكري كمان
    الغلط ان الحكومة بالرغم من احترامي وتقديري للدكتور شرف وحكومته لكن ماقدرش يخلي الناس تثق انه هيقيم العدالة والمساواة اللي الناس حسيته اي حق مش بيجي غير بالبلطجة
    اللي حرقوا كنيسة اطفيح ليه متحاسبوش؟
    لو اتحاسبوا كان ممكن يتاخدوا عبرة
    جماهير الزمالك اللي كسرت استاد القاهرة وجماهير الاهلي والمصري اللي كسرت بورسعيد فينهم؟ متحاسبوش ليه
    البلطجة هي الحل
    ده اللي اترسخ في العقول
    اسف للاطالة
    تحياتي
    واحييك على قلمك النابض بحب مصر

    ردحذف
  7. مصطـــفي سيف
    كلامك مظبوط هو لازم رادع قوي لكل الناس
    عشان مينفعش
    لازم محاكمة سريعة لكل من يجرم وحبذا لو
    كانت محاكمة علنية رادعة
    فالناس لاترتدع الا بعد ان تري باعينها
    تحيتي يامصطفي

    ردحذف
  8. عارف يا خالد احنا مش هنحس ان فيه مشكله فعلا الا لما نبطل نغمه ان فلول النظام هى السبب والشماعه اللى شكلها عمرها ماهتتكسر وبتطلع باسماء مختلفه دى

    اللى سمع امبارح ان المسيحيين حرقوا الجامع رد على حرق الكنيسة وراح وشارك ودمر وقتل وانهار بعدها لما عرف انه كان مضحوك عليه ماكنش فلول ولا بتاع

    احنا جوانا رواسب ومشاكل بتخلينا عندنا استعداد نصدق اى حاجة ودى مصيبة

    ردحذف
  9. سواح الكلمة
    اعتذر عن تاخيري لكنه فوق طاقتي
    اخي لا يسعني سوى العاء للرحمان الرحيم ان يصلح حال مصر وحال الوطن العربي
    تحياتي

    ردحذف
  10. reemaas
    عندك حق يانور بس ده ميمنعش
    ان فيه اطراف مستفيدة من اللي بيحصل
    ده وعايزينها فوضي
    خارجية وداخلية
    وده مش هييجي غير بالفهم وتحقيق العدالة والقانون
    نورتي يابنوتة
    تحيتي

    ردحذف
  11. شهر زاد
    اللهم امين ياشهرزاد
    ربنا يقينا شر فتنة قد تعصف باحلامنا
    ويتحقق الا من وامان باذن الله
    تحيتي ياشهرزاد

    ردحذف
  12. حمى الله مصر وحفظ شعبها الحبيب "
    ؛؛
    ؛
    مصافحة اولى
    لروحك عبق الغاردينيا
    كانت هنا
    reemaas

    ردحذف
  13. ريــــمــــاس
    اللهم امين
    اشكرك اختي باسمشعب مصر فكلنا اخوة
    تحيتي

    ردحذف
  14. وكم ذا بمصر من المضحكات ولكنه ضحك كالبكاء ، ربنا يحفظها ،جايه اسلم وامشى ، تحياتى

    ردحذف
  15. اعقل مجنونه
    اهلا بيكي
    افتقدناكي اختنا الطيبة
    عسي غيابك يكون خيرا
    تحيتي

    ردحذف
  16. يا رب يا خالد كلامك مهم و في صياغه بسيطه لكن فيها المختصر المفيد و أكرك على الأيات القرآنيه المناسبه لمعانتنا اليوم.
    تحيات و تقديري أخي العزيز

    ردحذف
  17. شيرين سامي
    مهو ده اسلامنا يااختنا الفاضلة
    متسامح وليس متعصب
    الناس دي بتسئ للاسلام بالتصرفات
    الحمقاء دي
    تحيتي

    ردحذف
  18. أخى الكريم : سواخ
    أخشى أن يكون الموضوع أكبر من مجرد خلاف بين مسلم ومسيحى .....
    قد يقول البعض لاأؤمن بنظرية المؤامرة ولكنى أراها مؤامرة تريد لمصر أن تظل دور فى فلك الفتنة حتى لاتستيقظ من غفلتها...
    وابحث عن اسرائيل ومن ورائها امريكا
    وفلول الحزب الوثنى الذى هو على استعداد لمحالفة الشيطان انتقاماً .....

    ردحذف
  19. السلام عليكم...

    آميـــن
    اللهم أحفظ الاسلام والمسلمين
    واحفظ أعراضهم ودمائهم وأموالهم وأهاليهم وذراريهم .. وارشد ولاة
    أمورهم لكل خير وصالح ..آميــن

    ردحذف
  20. اخي الفاضل
    محمد الجرايحي
    انا طبعا عارف ان فيه مستفيدين كثر من خراب بلادنا
    ولكن الغلط علي من يعطيهم الفرصة
    لان يستفيدوا من ازماتنا
    فالثورة تحقق نجاح وراء اخر
    وهناك من لم يريدون لمصر النهوض
    تحيتي

    ردحذف
  21. خاتون
    وعليكم السلام ورحمة الله وبركاته
    خير دعاء دعوتك اختي الفاضلة
    اللهم امين
    اشكر تعليقك الطيب
    تحيتي

    ردحذف
  22. المشكلة ان الارض خصبة جدا و فيه جهلة ما بيصدقوا

    واللى عملوا عليها الفيلم الاخير و مات اكتر من عشرة عشانها فى الاخر طلعت متجوزة و بتحب على جوزها واحد سواق و ماشية معاه فقالت ح روح اسلم عشان اطلق...ده اللى قالته لمحمود سعد على الهوا

    ....يعنى اساسا واحدة عايزة ضرب النار و سمحت لنفسها تبقى على ذمة واحد و تحب واحد تانى

    ردحذف
  23. Tears
    فعلا ياتيرز
    الجهل والحماقة اكبر سبب في اللي بيحصل ده
    ونظرية القطيع
    تحية ليكي ولافكارك ياتيرز

    ردحذف
  24. ربنا يبعد عنكم شر الفتنة الطائفية وشر العقول الجاهلة والسطحية ..

    دوركم كبير في توعية الشارع المصري للخطر الذي يحدق ببلادكم ..

    حفظ الله مصر وشعب مصر ..

    ردحذف
  25. وجع البنفسج
    اللهم امين اختنا الفاضلة
    اشكرك علي تعليقك الطيب
    تحيتي

    ردحذف
  26. مساء الورد سواح في ملك الله

    الناس بتترحم على ايام المخلوع !!
    والله العظيم هذا هو الهدف وأشد ما أخاف أن يكون أذناب النظام هم من وراء هذه الفتن المفتعلة في مصر عبر ضرب المسلمين بالمسيحيين حتى يعتقد الناس بأن الثورة كانت كارثة عليهم ويا خوفي تظهر أصوات تطالب برجوع الرئيس مبارك يمكن يحل الأزمة لأن الحكومة الحالية غاسلة أيديها تماماً من البلد ولا كأن هناك رجل يسمى الرئيس ولا هناك حكومة تحكم البلد ..

    أتمنى أن تخرج مصر من هذا النفق المظلم وأن يتنبه المصريون أن هناك مؤامرة تحاك ضدهم أهدافها واضحة تماماً وعتبي على رجال الدين الذين لم يقفوا وقفة جادة لدفن الفتنة قبل مولدها ...

    تحياتي

    ردحذف
  27. ريبال بيهس
    اخي الفاضل اهلا بيك
    هو الحل في بلدنا تطبيق القانون
    واحترامه يعني كل الناس لازم تحترم القانون
    ان حدث فلن يجرؤ احدا علي خرق القانون
    تحيتي

    ردحذف
  28. صح كلامك يا افندم
    أتمنى أن تزورنا فى مدونتنا
    http://mytadwen.blogspot.com/

    ردحذف
  29. الفتنة كانت نائمة

    لعن الله من ايقظها

    و من تحرك لها
    و من تحرك خلفها

    تحياتى و تقديرى

    ردحذف
  30. بالظبط كما ذكرت فى تعليق لك
    نريد القانون يتم تطبيقه على الكل ونكون فيه سواسية..

    فلايحق لكنيسة أن تحتجز أحد فليس لها سلطة فى ذلك..اذا الحمق ليس نابع ممن يدافعون عمن احتجزوا
    إذا من أشعل الفتنة وحجز أشخاص فى كنيسة وضرب النار وحاول الاستنجاد بالخارج وووو إلخ من أحداث حتى احداث كورنيش أسكندرية! كلنا يعلم من هم!

    فما يحدث أخى الكريم
    ليس حمقا أو قطيع!!

    والحقيقة ستظهر فى يوم ما.
    تحياتى

    ردحذف
  31. ابراهيم رزق
    صح يااستاذ ابراهيم
    احنا بقي عايزين نقطع الفتنة

    من جذورها الا تنام والا تستيقظ
    تحيتي

    ردحذف
  32. Dr Ibrahim
    دكتور كما قلت
    دولة القانون
    اما التفاصيل الاخري
    من اي الجوانب فهي عبارة
    عن مخططون وقطيع ُيُستغل مشاعرهم الدينية لاحراق البلد
    فيجب ان نخشي علي بلادنا من الفتن
    تحيتي

    ردحذف
  33. لحد البوست اللى فات تقريبا لوتفتكر ياسواح كنت بقولك نحاول نلتمس للناس العزر لكن دلوقت خلاص
    مسخوها على الاخر

    ردحذف
  34. عباس ابن فرناس
    اه والله ياعبس عندك حق
    انا اللي مضايقني ان الناس خدت المظاهرات
    والاضرابات موضه
    من غير مايفكروا ايه اللي وراها والا مين الي وراها
    تحيتي ياعبس

    ردحذف
  35. من اجل مصر من اجلنا جميعا من اجلك انت
    رائعة بشدة تقبل خالص احترامي وتقديري

    ردحذف
  36. انا علقت هنا ومعرفش ليه التعليق منزلش ياسواح !

    تحياتى

    ردحذف
  37. Carmen
    طبعا ياكارمن من اجلنا جميعا
    تحيتي ليكي ياكارمن

    ردحذف
  38. عباس ابن فرناس
    مش عارف ياعبس انت علقت وانا رديت علي تعليقك
    بس فيه حاجة في البلوجر حصلت مسحت حاجات
    من علي المدونة
    حتي التدوينة الاخيرة بتاعتي مش لاقيها
    تحياتي ياعبس

    ردحذف

اهلا بزوار المدونة

تعليقك الكريم يضيف الي مدونتي

سواح في ملك الله