Follow by Email

15 مايو، 2011

خا طـــرة


 

 
 عدت سنين

من غير ماحسس عددها كاام

يسرح خيالي في اللي فات الاقيه بعييد

يوم زي شهر


بس شهر وحاسسه يوم

يوم زي يوم

يوم زي دهر يفوت عليك وهو يوم


يوم زي ساعة قول ده لحظة

 تفوت عليك

 وتشوفها اغرب مالخيال

عمرك قصير يابن ادم مهما طال

اوعاك يغرك منصبك

او قوتك

منتاش قوي

اوعاك تفكر انك اكبر مالجبال

 بص لشعوب

 كتبت سطورها علي التاريخ

مفضلش منهم غيرتاريخ


بص لملوك جابوا البلاد

قهروا العباد

 ولما جالهم وقتهم

سكنوا القبور






هناك 46 تعليقًا :

  1. راح تعليق التدوينة الأول المهم إن الموضوع رجع سلمت الأنامل وتقبل مروري

    وياريت الناس تتعظ وخصوصا الحكام العرب

    ردحذف
  2. كريمة سندي
    معلش انا باعتذر عي التعليقات
    الي راحت
    وبشكرك جدا علي اهتمام حضرتك بوضع تعليقك
    ياريت فعلا الحكام تتعظ
    تحيتي

    ردحذف
  3. بص لملوك جابوا البلاد
    قهروا العباد
    ولما جالهم وقتهم
    سكنوا القبور
    ــــــــــــــــ
    أحييك أخى الرائع : سواح
    الموت هو الحقيقة الوحيدة فى حياة البشر ورغم ذلك منسية....

    ردحذف
  4. اخي محمد الجرايحي
    اعتذر عن حذف تعليقك السابق
    فلم يكن لي يد في ذلك
    بلوجر حذف البوست بحاله
    عندك حق
    فالموت هو الحقيقة الوحيدة اثابتة
    تحيتي

    ردحذف
  5. أنا علقت عليها قبل كده بس بلوجر بقى منه لله
    الجزء الأول لحد أغرب من الخيال بيعبر عن الانسان عموماً لحظات السعاده تعدي زي البرق و الحزن سنين في لحظات و الذكريات بعيده مهما كانت قريبه.
    النص التاني آية من آيات ربنا و بنشوفها دلوقتي
    أحسنت التعبير أخي العزيز
    تحياتي الخالصه لك

    ردحذف
  6. البشر عموما غير قابلى لاخد العظه فمثلا فمن لم يكن الموت له واعظ فلا واعظ له و مع ذلك كل يوم ناس بيموت و مفيش فايده فينا ...و الامر مشابه فى للسياسه

    ردحذف
  7. تسلم ايدك
    بجد كل كتاباتك جميله
    يارب من نجاح لنجاح
    دمت متألق

    ردحذف
  8. ايام الضحك والدموع16 مايو، 2011 12:19 ص

    اعمل لدنياك كانك تعيش ابدا واعمل لاخرتك كانك تموت غدا
    تحياتى

    ردحذف
  9. شيرين سامي
    دكتورة شيرين
    انا اسف جدا بالنيابة عن بلوجر
    الله يسامحه بقي
    لانه حذف تعليقات اعز اخوات ليا
    فعلا هو المعني اللي اقصده
    هو نفس تفسيرك بالضبط
    تحيتي اختي الفاضلة

    ردحذف
  10. د/دودى
    مهو ربنا وضع دستور
    لو التزمنا بيه فزنا ولو تجنبناه
    خسرنا
    واعطاكي مالم يعطي السابقين من الناس
    التاريخ الذي ينم عن خبرة ماسبقوك
    لاخذ العظة من الاخطاء
    تحياتي يادكتورة

    ردحذف
  11. ساسو
    دي شهادة اعتز بيها من شاعرتنا الجميلة
    ساسوا
    دمتي لي اختا فاضلة
    وصديقة عزيزة

    ردحذف
  12. السلام عليكم
    ابو على ازيك عامل ايه طمنى اخبارك
    عارف بحس براحة غريبة لما اقرأ كلماتك
    بحس انها خارجة من قلب صادق باحساس جميل بيخرج كل اللى جوانا وكأننا احنا اللى بنتكلم
    دومت بخير

    ردحذف
  13. ايام الضحك والدموع
    كلام مظبوط وهناك اية كريمة
    كانت في راسي وقت كتابة الخاطرة
    بسم الله الرحمن الرحيم
    وَلاَ تَمْشِ فِي الأَرْضِ مَرَحًا إِنَّكَ لَن تَخْرِقَ الأَرْضَ وَلَن تَبْلُغَ الْجِبَالَ طُولاً
    صدق الله العظيم
    اشكرك علي تعليقك وزيارتك
    نورتني

    ردحذف
  14. نقف نتأمل الايام ولكنها لا تقف لتتأمل حالنا وتمضي فنسكن القبور دون ان نشعر
    تحياتي خاطرة رائعة اخي العزيز
    احسنت وابدعت

    ردحذف
  15. مدونة رحلة حياه
    الله يكرمك يامحمد
    عايز اعرف مين ابو علي ده
    ربنا يخليك ده كلام متواضع بالنسبة
    لخواطرك الجميلة
    تحياتي
    عايز اعرف مين ابو علي ده
    تحياتي ثانيا اخي

    ردحذف
  16. مصطفى سيف
    عندك حق نتامل الايام ولكنها لاتتاملنا
    تعليق بليغ من كاتب مبدع
    تحيتي

    ردحذف
  17. خاطرة جميله وواقعية ومتواكبه مع الأحداث

    تحياتي ليك ياسواح دائمآ لديك الجديد الجميل

    ردحذف
  18. الغرور هو من ارزل صفات بنى البشر

    وهذا المرض العضال ليس له الا مستشفى وحيد وفريد هى القبور

    تحياتى واعجابى

    ردحذف
  19. افروديت
    اشكرك ياافروديت علي تعلقيك
    واتمني دائما ان تعجبك كلماتي
    تحياتي ياافروديت

    ردحذف
  20. عباس ابن فرناس
    الغرور
    صح ياصاحبي هو من انزل الشيطان من المقربين
    الي المطرودين من رحمة الخالق عز وجل
    تحيتي ياعبس

    ردحذف
  21. صباح الغاردينيا
    خاطرة رائعة بفكرك وهدفها الجميل
    حقاًكم نتمنى أن تتعض البشر فـ الحياة زائلة "
    ؛؛
    ؛
    مصافحة أولى
    لروحك عبق الغاردينيا
    كانت هنا
    reemaas

    ردحذف
  22. عمرك قصير يابن ادم مهما طال

    اوعاك يغرك منصبك

    او قوتك

    منتاش قوي

    اوعاك تفكر انك اكبر مالجبال

    بص لشعوب

    كتبت سطورها علي التاريخ

    مفضلش منهم غيرتاريخ


    عبرت ببراعة وقوة يا سواح

    تحية ليك

    ردحذف
  23. سواح فى ملك الله
    كيف ننتظر من غدنا اذا لم يكن يحمل الغفران والقربان والرجاء والعزاء والا سيكون يومنا كأمسنا وامسنا كغدنا وسينتهى عمرنا ونحن لم نصل الا الى اعتاب القبور

    ردحذف
  24. عايزة اهدى القصيدة بتاعتك دى للمجلس العسكرى احسن بيغرقنا لهدف ما فى نفس يعقوب!

    ردحذف
  25. ريــــمــــاس
    اشكرك علي تعليقك الطيب
    علي كلماتي المتواضعة
    واشكر لكي متابعتك الطيبة
    تحيتي

    ردحذف
  26. Ms Venus
    الاخت الجميلة
    اشكرك علي حسن متابعتك وتعليقك الذي
    اسعدني كثيرا
    تحيتي يافينوس

    ردحذف
  27. faroukfahmy5
    في رايي ان الامس لاينفصل عن الغد
    فخبرة الامس هي دعامتنا اليوم
    تحيتي

    ردحذف
  28. tears
    الجميلة تيرز
    اعتبريها بتاعتك واهديها لاي حد انتي عايزة تهديهاله
    تحت امرك
    تحياتي ياتيرز

    ردحذف
  29. ضريح رخام فيه السعيد اندفن

    و حفره فيها الشريد من غير كفن

    مريت عليهم .. قلت يا للعجب

    لاتنين ريحتهم لها نفس العفن

    عجبي !!!


    خاطرة جميلة كعادتك ياخالد

    ردحذف
  30. reemaas
    ايه يابنوته الكلام الجميل ده
    لابجد تعليقك اجمل
    تحيتي

    ردحذف
  31. حلوة اوى والتعبير عن حال الانسان صح جدا وياريت الناس تتعظ

    تحياتى :)

    ردحذف
  32. nesma hatem
    شكرا ليكي ولتعليقك الطيب
    نورتيني

    ردحذف
  33. عمرك قصير يابن آدم مهما طال...


    ياسلام ياأخي الفاضل (تحب أقولك يابو علي )...صحيح هو مين ابو علي ده ؟؟؟؟اسعدتني بزيارتك لمدونتي وسعدت اكتر لما جيت مدونتك ...كلماتك معبرة قوي وفيها من الحكم الكثير الذي يجب ان نتذكره ونحن نحيا يومنا وغدنا ..وما كتب الله لنا من حياة ..

    حياك الله

    ردحذف
  34. الانسان بغروره بيعتقد انه فوق كل شئ ربنا يجعلنا مما يسمعون القول فيتبعون احسنه
    تحياتي لفكرك

    ردحذف
  35. zizi
    اهلا بيكي
    نورتي المدونة
    والله انا سعيد اكتر انك نورتي مدونتي
    بتعليقك الجميل
    اطيب تحياتي

    ردحذف
  36. carmen
    فعلا ربنا قال علي الانسان
    انه كان ظلوما جهولا
    اللهم امين ياكارمن
    تحيتي

    ردحذف
  37. صدقت والله الله على كل ظالم

    ردحذف
  38. السلام عليكم...

    عمرك قصير يابن ادم مهما طال

    اوعاك يغرك منصبك

    او قوتك

    منتاش قوي

    اوعاك تفكر انك اكبر مالجبال

    شعر يمتاز بالحكمة والجمال وقوة الرسالة وقربها من القلب والواقع
    وفقت جدا بالأسلوب المميز
    ابداع..ونحن بانتظار مثله

    موفق...

    ردحذف
  39. أم
    اللهم امين اختي الفاضلة تحيتي نورتيني

    ردحذف
  40. خاتون
    اختي الفاضلة
    اسعدني رايك واتمني دوما ان اكون عند ظنك بي
    تحيتي

    ردحذف
  41. السلام عليكم


    يااااااه كلام حضرتك مؤثر بجد

    فعلا الايام بتعدى بالانسان فى لمح البصر وبيفكرنى كلام حضرتك بأغنيه لمحمد منير اسمها امبارح كان عمرى عشرين

    الواحد حاسس انه كان لسه امارح او من اسبوع كان فى المدرسه الايام بتجرى بسرعه اووووى وبتاخد مننا اكتر ما بتدينا

    ربنا يوفقك دائما يارب

    اختك جميله

    ردحذف
  42. جميله المصرى
    الاخت الفاضلة كم اسعدني تعليقك
    الذي امتن جدا له واشكرك عليه
    هي كلمات بسيطة اعبر بها عما يجول
    بخاطري
    تحيتي لكي

    ردحذف
  43. سبحان الله ربنا خلق الانسان واداله الحقائق
    ومع ذلك يتجبر وينسي نفسه
    وحتي مابيبصش وراه

    ردحذف
  44. شمس النهار
    اولا حمد الله علي السلامة
    فعلا الانسان
    من اهم صفاته النسيان
    والظلم فهو ظالملنفسه اولا

    ردحذف
  45. دائما الانسان يغيره ملذات الدنيا
    ينسى ان يومه سيأتي
    وينسى انه في الاخر سيكون مكانه حفرة صغيرة جدا
    كان غني ام فقير
    قد تكون مظلمة وضيقة عليه
    وقد تكون نور وواسعة عليه

    ربنا اجعلنا ممكن يكون قبورهم نور
    وابعد عنَ كل سوء
    وقرب الينا كل عمل صالح

    خاطرة غاية في الروعة اخي خالد
    دائما كلامك جميلة بحبه

    تقبل مروري ^_^

    ردحذف
  46. خواطري مع الحياة

    رشا
    اهلا بيكي المدونة رجعت نورت بتعليقاتك الجميلة
    تحيتي يارشا

    ردحذف

اهلا بزوار المدونة

تعليقك الكريم يضيف الي مدونتي

سواح في ملك الله