Follow by Email

18 أكتوبر، 2011

صفحة ماضي + تحديث

   
 صفحة ماضي بتظهر تاني

 اللي قاسيته سنين في غيابها
 جاية تقوللي ايه في ثواني

 ان انا حبـي لسه في قلبها
 قال مش قادرة علي نسياني
 اصلي  هصدق
 قال كان ايه
 كل ايامها وهي بعيد
 عشت في قلبها وبتهواني

 مش معقووول يبقي انا غلطان
   اصلي اناظالم
 اصلي اناني
 سيبتها تهجرتـمشي بعيد
  ال وفي بعدي كانت بتعاني

 لما قالتلي ان احنا خلاص
 مش ممكن نتقابل تاني
 شفت ندالتي شفت جناني

 اه يانافوخي
  قال وكمان هتضحي عشاني 

  طب انا ظالم قاسي وجاني
 ايه يـخليها
 ترجع  تاني
 ؟؟؟؟؟ *********
 ها وقد سمحت لي

الاخت الرائعة ريماس

بعد استئذانها

باضافة تعليقها

فقدكان تعليق شعري جميل اعجبتني كلماته


ايوه رجعت حبيبي من تاني
شايله شوقي وفوقه حناني
ايو ة جيتلك وعايزة اقولك
لسى بحبك وخدني في حضنك
سامح هجري وسامح بعدي 
قولي بحبك قول من تاني
دنا حبيبتك وأنت حياتي "
؛؛

وهذا ردي الشعري 

اه يانافوخي

كنت زمان بفرح من كلمة يوم تقوليها

كنت بطير لو قلتي بحبك

بس سنين فاتت خليتني

عمري مااصدق اني في قلبك

حتي الكلمة الحلوة بشوفها

مش من قلبك

كنت ابص جوة عنيكي اسمع كلمة

واشوف بسمة

بس الوقتي بخاف من قربك

قالوا زمان بقي في الامثال

اللي في يوم يبعد عن عينك

برضه في يوم يبعد عن قلبك
 
********
وفي الجولة الثانية 
تلقيت هزيمة من الرائعة ريماس


لسى فاكراحلى زمان
لما كنت تحب الكلمة
لما بقولها وتسرح فيها
لسى حاسس أدفى حنان
لما كنت تدوب من همسة
تقولي حبيبتي كمان عيديها
وارجع تاني واقول بحبك
ايوة حبيبي وحاسة بحبك
كنت تبص في عيني وتسرح
تحضن ايدي وقلبك يفرح
كنت تصدق كل كلامي
كنت تحس في حضني حناني
كنت تسامح كل جروحي
واليوم جاي تقولي ليه
ليه رجعتي من تاني
عاوز تعرف اقولك ليه
لانك وحدك حبي الاول
وانت لوحدك حب التاني
؛ 

 اشكر الرائعة ريماس

فقد اثبتت انها شاعرة درجة اولي

وهذا ردي

 طيب ليه

حب زمان ضيعتيه

طيب ليه

حتي الفلب اللي بيهواكي

ليه سيبتيه

كنت زمان بحلم برجوعك

حتي الحلم

استخسرتيه

كنت بقول غلطة وهسامح

لكن بعد ك

هجرك

غدرك

 خللي القلب ينسي هواكي

 وانتي كمان قلتي نسيتيه

جاية الوقتي تقولي بحبك

حتي الحب ضحكتي عليه

**************

 
وفي الجولة الثالثة

تمكنت العزيزة ريماس

من القضاء علي المقاوم الصلب

بالضربة القاضية

فاكرة كلامي وكل إحساسي
فاكرة زماني وأحلى أغاني
ايوة حبيبي فاكرة زمان
وفاكرة قلبك لما حضني
كنت تقولي اوعي تسيبيني
ولما تروحي معاكي خديني
جوا قلبك
جوا عينيكي
بس انا عارفة اني جرحتك
حاسة بوجعك وحاسة بقلبك
وعايشة جروحك ولسى بحبك
مش حستخسر فيك أحلامي
ولا حرضى أبعد من تاني
ولايمكن يرجع قلبي أناني
عارف عاوزة اقولك ايه
عازوة اجري لحضنك وأبكي
واخد ايديك وامسح بيها دمعي
واهمس لقلبك ياحبيبي خدني
أنسى جراحي وأنسى الماضي
وهات ايديك نبدأ من تاني
ونطوي الصفحة بكل مافيها
بكل ألمها
بكل وجعها
قولي بحبك قول من تاني
وتعالى نطوي صفحة ماضي "
؛؛
********************
؛
وهذا ردي

اه منكن يابنات حوا 

قال وانا فاكر اني مقاوم 

صلب حديد 

 بس الصلب اهو لان في ايديكي

 قال وانا فاكر اني عنيد 

بس العند اهو  رق اليكي 

ليه صحيتي الذكري في قلبي 

ليه خليتي القلب كأنه

طفل وليد 

اه منكن يابنات حوا 

قال وانا فاكر قلبي حديد

بس خلاص انا قلبي غفرلك 

هنعيش تاني حب جديد 

تحياتي وتقديري للشاعرة   ريماس 

 

هناك 57 تعليقًا :

  1. السلام عليكم
    ههههههههههههههه
    صحيح ايه خلاها ترجع تانى
    يمكن غاوية تعب بقى
    جميلة يا ابو على
    دومت بخير

    ردحذف
  2. مدونة رحلة حياه

    هههههه اه والله ياسحس

    شكلها كده غاوية تعب

    تحيتي

    ردحذف
  3. بصراحة الكلام مش ظاهر عندي كويس
    تقريبا العيب في المتصفح عندي
    مش عارف اقراها
    بس انا بحب ابداعاتك وكتاباتك واكيد الخاطرة هتكون روعة

    ردحذف
  4. ايوه رجعت حبيبي من تاني
    شايله شوقي وفوقه حناني
    ايو ة جيتلك وعايزة اقولك
    لسى بحبك وخدني في حضنك
    سامح هجري وسامح بعدي
    قولي بحبك قول من تاني
    دنا حبيبتك وأنت حياتي "
    ؛؛
    ؛
    مساء الغاردينيا سواح
    امممم معليش بقى انا هببت كلام هنا
    طبعاً مش حيوصل لكلامك هو شوية احساس
    قصديتك الجميلة خلتني أقوله
    بجد جميلة وعجبتني اوي
    ومعليش سامح برضو المهم رجعت لقلبك :) "
    ؛؛
    ؛
    لروحك عبق الغاردينيا
    كانت هنا
    reemaas

    ردحذف
  5. أسلوب جديد تفاجئنا به عن نفسى أول مرة
    أرى منك هذه الكلمات بكل هذه الشقاوة

    ردحذف
  6. مساء الفل سواح في ملك الله

    خاطرة جميلة بحق

    بعدين اللي تحب عمرها ما تبعد ولاتلوم

    اكيد دي كانت بتتسلي

    وعلي رأي رحلة حياة

    ايه اللى خلاها ترجع تاني

    في انتظار جديدك

    دمت بكل ود

    تقبل مروري

    زهرة

    ردحذف
  7. مصطفى سيف الدين

    انت بس كفاية وجودك بينورني

    تحيتي يادكتور

    ردحذف
  8. ريــــمــــاس

    العبقرية الرائعة ريماس

    لا والله ده كلام زي العسل

    لو سمحتي لي اضيفه علي التدوينة

    تحيتي لكي

    ردحذف
  9. محمد الجرايحى

    اخي الجميل واستاذي

    مهو فيه حاجات ممكن تحسبها زي مابيقولوا

    هم يضحك وهم يبكي ههههه

    نورتني اخي

    دائما وجودك يدعمني

    ردحذف
  10. ( حياتى )

    الاخت المبدعة زهرة

    فعلا هو ده السؤال ايه اللي خلاها ترجع تاني

    هههه اكيد فاضيه كام يوم

    تحيتي وجودك الكريم يضيف الي

    ردحذف
  11. سواح الكلمة
    مهي اتنيلت على عينها وحبتك بقيت افيونها تسيبك ازاي
    بقى دور لها على مصحة تتعافى من الادمان عليك هههههههههههه
    حلوة جدا يا سواح
    تحياتي

    ردحذف
  12. اه يانافوخي
    قال وكمان هتضحي عشاني
    طب انا ظالم قاسي وجاني
    ايه يـخليها
    ترجع تاني
    ؟؟؟؟؟
    الله على التنوع

    احيانا اراك ملك العاميه

    ينبض حرفك صدقا

    وكثيرا عذب وفياض كنيلنا

    اعتقد ان اخر كوبليه كان رد قاطع

    ولكن اعتقد ان جابها الشوق خالد

    وربما لم تجد مثلك وعرفت انها اخطأت

    فى كل الحالات لا يلدغ مؤمن من جحر مرتين

    دمت مبدع ومتميز

    ولتعلم ان لونك الجديد يروقنى جدا ويساعدنى على الاستمرار

    تحياتى

    ردحذف
  13. هي رجعت ليه صحيح رخامه ممكن
    احيانا بتبعد وي متهيالها انك مش هتقدر تعيش وكده بتعاقبك لما تكتشف انك عادي وهتتعود بترجع تاني
    تحياتي لقلمك وكلماتك الجميه يا خالد

    ردحذف
  14. شهر زاد

    ههههه ويمكن ياشهرزاد هي متنيلة فاضية

    موراهاش حاجة قالت اهو الراجل الغلبان ده

    اللي هيصدقني اما اروووحلوا

    دانتي طلعتي مصرية مية مية ياشهرزاد

    تحيتي ليكي

    ردحذف
  15. جايدا العزيزي

    اميرتنا ايزيس

    خلاص طالما بيعجبك عشان خاطرك انتي بس

    نشتغل بيه شوية

    انتي تؤمري واحنا تحت امرك

    تحيتي ليكي

    ردحذف
  16. eng_semsem

    والله عندك حق يابشمهندس

    مهو فيه صنف من النساء ميحبش يبقي مهمل ومش مطلوب

    فتقوللك اشوف الغلبان ده لسه بيفكر فيه والا لا

    جايز برضه

    تحيتي يابشمهندس ومنورني دائما

    ردحذف
  17. فيه ناس بتكدب الكدبه وتصدقها وبتلوم الناس لما مايصدقوهاش

    امممممممم

    ممكن تكون ندمت ... وممكن تكون بتتسلى وبتضيع وقت

    لو ندمت ... ممكن نسامح

    لو بتضيع وقت ... يبقى تستاهل اللى يجرالها ساعتها

    كلماتك بجد روعه (:

    ردحذف
  18. دعاء العطار

    ندمت مفتكرش

    بتضيع وقت جايز اوي

    شكرا يادعاء

    نورتيني بجد

    تحيتي

    ردحذف
  19. سؤال وجيهة جدا

    بس رجعت علشان هذا هو الافضل

    بس بعد ايه
    شكله اداها السكة
    بس بجد كلامه عجبني
    :))

    ردحذف
  20. تردد الأنثى هو ده السبب :)
    بس معاك الماضي صعب يرجع..المستقبل دائماً أجمل لأنه مخبيلنا أسراره.

    تحياتي ليك أخي العزيز

    شيرين سامي

    ردحذف
  21. السلام عليكم..
    تسلم ايدك بجد قصيدة ولا اروع..
    تشرفنى فى مدونتى قيد التجهيز
    http://menamoni97.blogspot.com/
    تقبل مرورى
    تحياتى ...
    ياسمبن

    ردحذف
  22. شمس النهار

    جايز يكون هو الافضل

    وجايز يكون هو اللي قدامها

    يعني احسن الموجودين

    بمعني اصح لو لقت افضل

    علي طول هتسيبه زي ماسابته مرة قبل كدة

    تحيتي ياشموسة

    ردحذف
  23. شيرين سامي

    نتمني يادكتورة يبقي المستقبل اجمل

    سعدت لمرورك

    واضاف الي تعليقك

    تحيتي

    ردحذف
  24. رحيق الورد

    اهلا بيكي

    نورتي المدونة ويسعدني الانضمام الي مدونتك

    مبروك مقدما

    تحيتي

    ردحذف
  25. مساء الغاردينيا سواح
    أنا رجعت اهوه :)
    عشان اقولك ربنا يجبر بخاطرك
    بجد ياخالد كلامك بيعجبني اوي
    وفيه احساس عالي وانا بصراحة
    بركز على حتة الإحساس دي
    انما كلامي دا بس خربشة
    بس خربشة سعودية بنكهة مصرية ههههههه
    وشرف ليا تضيفها مكان ماتحب
    دي برضو مدونتك :)
    ويارب من جمال لأجمل دائماً "
    ؛؛
    ؛
    لروحك عبق الغاردينيا
    reemaas

    ردحذف
  26. خلتنى عملت كوبى بيست ليها علشان اعرف اقرا
    الخط صععععععععععب

    اهو ده السؤال اللى اموت واعرف اجابته ايييه بيرجعهم تانى؟؟؟؟؟؟؟؟؟؟؟؟؟

    ردحذف
  27. ريــــمــــاس

    ياستي انا ضيفتها

    عشان فعلا كلماتك عجبتني

    ارجوا ابداء رايك بعد الاضافة

    تحيتي

    ردحذف
  28. reemaas

    الاخت الجميلة نور

    اللي بيرجعهم تاني لما بينكسروا برة

    فبيدوروا علي القلب اللي حبهم بصدق

    تحيتي لاطيب بنوتة

    ردحذف
  29. لسى فاكراحلى زمان
    لما كنت تحب الكلمة
    لما بقولها وتسرح فيها
    لسى حاسس أدفى حنان
    لما كنت تدوب من همسة
    تقولي حبيبتي كمان عيديها
    وارجع تاني واقول بحبك
    ايوة حبيبي وحاسة بحبك
    كنت تبص في عيني وتسرح
    تحضن ايدي وقلبك يفرح
    كنت تصدق كل كلامي
    كنت تحس في حضني حناني
    كنت تسامح كل جروحي
    واليوم جاي تقولي ليه
    ليه رجعتي من تاني
    عاوز تعرف اقولك ليه
    لانك وحدك حبي الاول
    وانت لوحدك حب التاني
    ؛؛
    ؛
    صباحك غاردينيا خالد
    بجد بجد انا داخله ومكسوفة
    اصلي اول مرة اعملها وأكتب بالهجة المصرية
    هههههههه يعني تحرجني مع حبايبي المصريين
    بس اكيد بيحبوني وحيسامحوني :)
    بجد ياخالد بشكرك من قلبي وسامحني بقى
    انا كل مادخلت حتاخدني كلماتك وادافع عن الحبيبة
    بس حقولك حاجة لو بجد كتبتها من حقيقة ومش خيال
    أسألك قلبك هو حاسس ايه ؟
    وقتها بس حتعرف لو رجوعها كان ندم
    وكانت بجد بتحبك
    وربنا يوفقك في الحالتين
    ونقرأ أجمل كلام حب "
    ؛؛
    ؛
    لروحك عبق الغاردينيا
    كانت هنا
    reemaas

    ردحذف
  30. ريــــمــــاس

    دانتي طلعتي مصرية صميمة

    لكنة ولهجة مصرية سليمة

    علي فكرة انتي شاعرة جبارة

    بجد كلامك رووعه

    تحيتي اختي العزيزة

    ردحذف
  31. فاكرة كلامي وكل إحساسي
    فاكرة زماني وأحلى أغاني
    ايوة حبيبي فاكرة زمان
    وفاكرة قلبك لما حضني
    كنت تقولي اوعي تسيبيني
    ولما تروحي معاكي خديني
    جوا قلبك
    جوا عينيكي
    بس انا عارفة اني جرحتك
    حاسة بوجعك وحاسة بقلبك
    وعايشة جروحك ولسى بحبك
    مش حستخسر فيك أحلامي
    ولا حرضى أبعد من تاني
    ولايمكن يرجع قلبي أناني
    عارف عاوزة اقولك ايه
    عازوة اجري لحضنك وأبكي
    واخد ايديك وامسح بيها دمعي
    واهمس لقلبك ياحبيبي خدني
    أنسى جراحي وأنسى الماضي
    وهات ايديك نبدأ من تاني
    ونطوي الصفحة بكل مافيها
    بكل ألمها
    بكل وجعها
    قولي بحبك قول من تاني
    وتعالى نطوي صفحة ماضي "
    ؛؛
    ؛
    صباحك غاردينيا ياخالد
    لا انا النهردة مزعجة بجد
    وبشكرك مرة تانية وتالته هههههه
    هي المرة كام انا مش عارفة كم مرة دخلت هنا
    بس بجد سامحني بقى كل مادخلت بلاقي
    الكلام بيشدني أكتب اما بالنسبة للكنة المصرية
    بجد بحبها اوي كفايا صحاب ماما المصريات
    أصل مامتي بتحبهم موت :)
    وربنا بقى رزقني بأحلى صحبه في بلوجر
    من الرائعين المصريين فلازم اتعلم اتكلم
    مصري يعني اكيد بهبب ساعات ههههههه
    بس برضو هتعذروني هههههههه
    يلا بقى انا النهردة رخمة جداً
    وبشكرك على شاعرةجبارة دي
    من رقة احساسك وقلبك الجميل
    صباحك غاردينيا خالد "
    ؛؛
    ؛
    reemaas

    ردحذف
  32. ريــــمــــاس

    والله انا بقول الحق

    انتي موهبة جميلة

    وكلماتك فيها عذوبة ورقة

    اشكرك اشكرك بجد اسعدني جدا

    موافقتكعلي ان اضع تعليقاتك الشعرية

    الجميلة في هذا البوست

    فهي اضافت لي

    واسعدتني جدا

    تحيتي

    ردحذف
  33. صباحك غاردينيا خالد
    انا الي سعيدة بجد لأني جربت اللون دا
    وكمان سعيدة بوجود حروفي في مدونتك
    وأكيد بتشرف بيك وبحرفك
    وبجد ياخالد أنت كمان احساسك عالي اوي
    يمكن انا من الناس الي بيهمني الإحساس
    واي بوست بقراه ببقى مركزه مع الاحساس
    الي بيوصلني من البوست واكيد البوست
    دا شدني وحسسني بحاجة حلوة جوايا
    خلتني اكتب وبتمنالك التوفيق
    في حياتك ومع قلمك ويارب دايماً
    أشوفك تكتب أجمل كلام في الحب "
    ؛؛
    ؛
    لروحك عبق الغاردينيا
    كانت هنا
    reemaas

    ردحذف
  34. ريــــمــــاس

    انا اللي بشكرك علي هذه التجربة التي اراها رائعة

    ومش عارف ليه مبتفكريش تكتبي شعر

    انتي اسلوبك واحساسك بالكلمات عالي جدا

    تحيتي اليكي

    اختي العزيزة

    ردحذف
  35. انا جايه اقول ياخساره خلاص خلص

    مافيش من دة تانى ياخونا هههههههههه

    حلو اوى بجد يعنى حوا رجعت بالحنيه قضت علي صلابه آدام يااااااااا الله كم هذا جمييييييل :):)

    ردحذف
  36. rona ali

    هي النهايه المنطقية لكفاح حواء

    هههههههههههه تحيتي

    ردحذف
  37. الزيارة الاولى للمدونة و قد نالت إعجابي !
    و بالطبع فقد استطعت أن ترسم على شفتيَّ ابتسامة كبيرة ...
    اختلطت بالسرور و الإعجاب مع قلل من الفرح !
    و نصيحة سامح و عش الحياة من صفحة جديدة !

    دمت و دام قلمكَ مباركًا ...
    تحيآتي لكْ ...

    ردحذف
  38. السلام عليكم
    هههههه رائع جدا
    استمتعت بهذه الصولات والجولات للاحباب والمحبين

    الانثى برقة مشاعرها وقوة حجتها والرجل المحب بلوعة قلبة واحساسه بالغدر منها

    تحياتى لريماس الجميلة واخونا سواح

    دمتم جميعا بكل خير

    ردحذف
  39. كلمات رائعه خالد
    بالتوفيق لك
    مع تحياتى نور

    ردحذف
  40. dodo, the honey

    اهلا بيكي

    هي خاطرة اختي كلنا عشنا هذه التجربة

    كلنا هذا الرجل

    ولكن لاشئ يعود كما كان

    نورتي مدونتي

    واسعدني وجودك وتعليقك

    تحيتي

    ردحذف
  41. أم هريرة.. lolocat

    يامرحبا اختنا الكريمة

    كم افتقدنا غيابك

    وكم يسعدنا وجودك نورتي

    وتعليقك الجميل اضاف الينا

    تحيتي

    ردحذف
  42. نور القمر

    اشكر وجودك وتعليقك الجميل يانور

    نورتيني واضاف الي تعليقك

    تحيتي اختي

    ردحذف
  43. انا جيت تانى عشان استمتع بيك وبريماس

    وفعلاً استمتعت اووووى ... ياريت تكرروها تانى

    :)

    ردحذف
  44. دعاء العطار

    اسعدني استمتاعك بالتجربة

    وانا كمان استمتعت بهذه التجربة الجميلة

    مع الرقيقة ريماس

    اشكرك يادعاء

    وانتي تيجي في اي وقت دي مدونتك

    تنوريها

    تحيتي لكي

    ردحذف
  45. اسلوبكم انتم الاتنين رائع بجد
    ما شاء الله عليكم :)

    ردحذف
  46. Bent Men ElZman Da !!

    اشكرك جدا تعليقك اسعدني

    الاروع مرورك وتعليقك الكريم

    تحيتي

    ردحذف
  47. منجي باكير

    اشكرك منجي

    الاروع انها اعجبتك

    يشرفني دائما زيارة مدونتك

    تحيتي اخي

    ردحذف
  48. على فكرة خالد

    لو كنت عملت بوست جديد وضميت فيه

    بوح اقلامكم انت وريماس كان هيكون اجمل واستلم ياسيدى


    بتنادينى تانى ليه لاء

    بتنادينى باى حق لاء

    قلبك ياما ليالى بكانى

    كان السجن وكان سجانى

    ليالى ظلمنى سنين كسرنى

    ونام وارتاح مع انه الجانى

    ههههههههه

    انا معاكن فى اللعبه

    فيها لا اخفيها غيرة بقى

    بس افتح بوست جديد وانا اهريك كل يوم من ده

    تحياتى

    ردحذف
  49. جايدا العزيزي

    خلاص ياستي

    تعالي ابدأي تدوينة شعرية

    ونتحاور فيها بنفس الطريقة

    بصراحة التجربة جميلة

    وهتبقي جميلة لو مع ايزيس المدونات

    تحيتي

    ردحذف
  50. أجمل ما في التدوينه الإحساس و تناغم الكلمات تجربه ناجحة و يا ريت تكرر مرة أخرى تحياتى لكما دمتما في خير

    ردحذف
  51. ريهام المرشدي

    اشكرك علي تعليقك الذي اسعدني

    الحقيقة هي تجربة جميلة

    وانا ايضا اتمني تكرارها

    نورتيني

    وتحيتي لكي

    ردحذف
  52. خاطرة جميلة

    بس الاجمل الجدل مابنك انت وريماس
    يااااااااااااااه قراءة 4 مرات
    وكل مرة الكلام ياخذني بعالم تاني

    كأني كنت بينكم وبسمع رد كل واحد

    كان قلبك كالحديد فأنصهر من بضع كلمات حملت اجمل واحلى وارق واعذب المعاني ياااااااااه

    والله نفسي اقول كلام كثير بس مش عارفة كيف اجمعه

    ربنا يوفقك يااااااااارب ^_^

    تقبل مروري ^_^

    ردحذف
  53. خواطري مع الحياة

    الاخت الجميلة رشا

    اناسعيد جدا ان التجربة دي عجبتك

    فعلا يارشاالقلب الحديد بينصهر بالكلمة الحلوة

    والبراء وعندما يحس بالصدق

    تحيتي لاجمل رشا

    ردحذف
  54. الله عليكم انتوا الاتنين

    مباراة جميلة جدا يا سواح


    ياريت تعملوا عمل مشترك واثقة انه هيبقى رائع

    ردحذف
  55. Ms Venus

    الجميلة فينوس

    هي مباراة رائعة انتهت باستسلامي

    واعلان هزيمتي

    اتمني ذلك اختي العزيزة

    اشكرك من كل قلبي لتعليقك ومرورك الجميل

    ردحذف

اهلا بزوار المدونة

تعليقك الكريم يضيف الي مدونتي

سواح في ملك الله