Follow by Email

18 ديسمبر، 2011

كلمة لوجه الله وللوطن


الي منافقي الثوار

كفوا عن هذا فانتم تحرقون مصر

معني الثائر كما افهم

 هو من فقد صوابه نتيجة ضغط عصبي ونفسي

فاصبح يتصرف دون وعي في اتجاه من افقده صوابه

لانه قد ايقن انه يستحيل ان يتغير الحال مع من يثور

عليه بالطرق العادية

فيثور


لااحد يثور طول الوقت

فالثورة

يليها التفاوض

ومن يرفض التفاوض

ولايريد الحصول الا علي اعلي المكاسب

فهو الخاسر يقينا

فلااحد يثور دائما

وعلي طول الخط

في ظل الفوضي وعز المعمعة

لابد ان تجد قتلي وضحايا  وجناة ايضا

والكل خاسر

ومصر الخاسر الاكبر

هل من حق اي مواطن الاعتصام ونصب خيمة في اي مكان

في ظل الظروف التي تمر بها البلاد

اعتقد ان اي عاقل لابد ان يعي

ان الاعتصام في هذه الظروف  جريمة في حق البلاد


الاعلام المهاجم علي طول الخط لكل شئ ولاي شئ

المعتصمين والرافضين للتفاوض او النقاش علي طول الخط

حين تعم الفوضي فكل شئ يصبح  مستباح

فلا احد ياتي لي بصورة

مصاب ويبكي عليه

ولا انثي تسحل في الشارع

ويقول لي انظر ماذا يفعل الجند

انها الفوضي وليست للفوضي قوانين

من حرق المجمع العلمي ومن المستفيد

واين الثوار الذين كانوا يحرسون المتحف المصري اثناء الثورة

علينا ان نلقي اللوم علي من تسبب في هذه الفوضي

والي ان تنجلي الحقائق



فلكي الله يابلدي







هناك 48 تعليقًا :

  1. والله اخى خالد بس لا تعليق على الاحدات واللهي قريب بكيت ..حرااام واللهي حرام وانا لا يسعنى ان افعل شي الا بدعاء ربي يحميكم يارب ويوفق مصر
    مع تحياتى لك
    نور

    ردحذف
  2. لا اعرف اذا التعليق راه ولالا بس بعاود كلامي وبقول انا زعلت كثيير على بيصير فى مصر ولدرجه انى قريب بكيت لا يسعنى الا انا ادعي لها بالتوفيق وربي يحميكم يارب
    مع تحياتى
    نور

    ردحذف
  3. نور القمر

    شكرا لكي اختنا نور علي مشاعرك تجاه وطنك الثاني مصر

    واخوتك نحن اهل مصر

    تحيتي لكي

    ردحذف
  4. اولا حق الاعتصام السلمي حق مكفول من القانون الدولي والمجلس العسكري تكفل بحمايته من اول يوم
    ثانيا مين اللي قال ان الثوار هم اللي حرقوا المجمع العلمي ؟ ليه مشكتش ان في حد بيندس بينهم ووظيفة الجيش كانت حماية المنشآت
    ثالثا ليه اعتبرت المجلس العسكري بريء بالرغم ان المتظاهرين بقالهم 3 اسابيع معملوش حاجة بالرغم انهم اتسمموا
    رابعا قبل ان تتهم اخوتك بالخيانة ومن يدافع عنهم بالنفاق يجب ان تقرأ الموقف بصورة اعمق و السؤال كيف بدأت الاحداث ومن بدأها حينها ستعرف من الذي يحرك دفتها
    خامسا اتفق معك ان الثائر لا يجب ان يظل ثائر لكن يجب ان يثور حتى يسمعوا صوته فهل سمع احد صوت الثوار او قرر ان يناقشهم في مطالبهم ام تركوهم ملقون ثلاثة اسابيع؟
    تحياتي اخي العزيز

    ردحذف
  5. اه نسيت على فكرة المتظاهرين انقذوا تلاتين الف كتاب من المجمع

    ردحذف
  6. بالفعل الى يصير فى مصر بزعل ..
    الله يحمى مصر الغالية ويوفقها يارب .. وان شاءالله يصير كل خير ..
    تحياتى لك
    ياسمين

    ردحذف
  7. مصطفى سيف الدين

    اذن انت تقر ان هناك مندسون

    منذ خلع مبارك يااخي وفي كل الاعتصامات التي حدثت

    بعد ذلك لم تجن مصر من وراؤها غير كوارث

    وارجع بالذاكرة لشهور قليلة

    بدءا من ماسبيروا

    محمد محمود

    وحتي يومنا هذا بعد كل اعتصام

    تحدث كارثة

    ومن قال لك ان الاعتصام في ظروف البلد فيها في حالة

    اشبه بالطارئة

    مشروع

    ثانيا

    لو راجعت كلامي تجدني لم اتهم احد

    ولكن

    الاعتصام كان سببا لوجود حارقي المجمع العلمي

    ثالثا

    هي الحكاية مش عافية

    يانغير رايس الوزراء ياميدخلش الوزارة

    رابعا تكلم او تفاوض مين

    لما انت لما بتكلم اي حد يقوللك انا بتكلم عن نفسي

    مش باسم حد من المعتصمين

    معني ذلك ان كل واحد لوحده

    وان كل واحد مطالبه تختلف عن الاخر


    اخيرا

    هما انقذوتلاتين الف كتاب من مائة وتسعين الف كتاب

    هما متسببين في حرقه

    حتي لو لم يحرقوها وانا اثق من ذلك

    فهم تسببوا في تواجد من احرقها

    شكرا لك

    ا

    ردحذف
  8. فى كلمة قلتها معاك حق فيها فعلا الثورة المستمرة تفقد الاعصاب والاتزان وخلاللها الاصابات والقتل وارد جدا

    وردا على اخى مصطفى اللى بيقول مين اللى قالك ان المعتصمين هم اللى حرقوا اقوله ولنفرض انهم ماحرقوش فهم على الاقل اعطوا فرصة لحدوث ذلك والا لو سمحتلى مين اللى ضرب عمرو حمزاوى واللى راحوا معاه علشان يهدوا الناس

    ثم بالنسبة للبنت اللى بتنضرب دىواللى كل ناشرلى صورها ليه متاكدين اوى كده من الصورة انا مش فاهمة

    لكل فوضى ضحايا ياسادة وطالما ارتضيتم الفوضى فارتضوا توبعها ولا تبكوا منها

    ولو ارتقينا بنظرتنا لفوق شوية وسيبنا التحقيق فى الاخطاء لوقت اخر وحاولنا ان نخرج من الازمة لكان هذا افضل للجميع

    ردحذف
  9. اه نسيت اقول حاجة الاعتصام حق مكفول ولكن فى توقيتات معينة واماكن معينة لكن الاعتصام امام مجلس وزرا بالطريقه دى هو جريمة يحاسبون عليها لانهم سمحوا اقله للمندسين اللى عملين زى اللهو الخفى يدخلوا وسطهم

    سيظل حريق المجمع وصمة عار فى جبيننا كلنا

    الاعتصام والبلد على صفيح من نار هوجريمة

    ولو اتبعنا القوانين وشرعيتها بقى يبقى من حق الجيش يدافع عن المنشائات بما اوتى له من سلاح ماهى قانونى بقى

    ردحذف
  10. رحيق الورد

    شكرا لكي ياسمين علي حرصك علي بلدك الثاني مصر

    فكلنا اخوة اولا واخيرا

    تحيتي

    ردحذف
  11. reemaas

    تعليقك يانور افاض ووفي

    الدخول في التفاصيل يانور

    يعني مثلا البلد بتولع وتروح جريدة ناشرة صورة

    بنت بتتسحل

    يقوم يشعل الموقف اكتر

    الشيطان يكمن في التفاصيل

    تحيتي يانور

    ردحذف
  12. من البادىء يا عزيزي ؟
    سؤال يستحق قراءة بتأني
    سؤال آخر
    كيف لمن يحمي كل تلك البلاد بحدودها لا يستطيع تأمين مبنى
    ثم بالرغم من السحل والضرب والتجني والعنف لم يحاولوا اطفاء الحرائق
    اين المطافي التي لا تبعد مائة متر؟
    من سمح بتواجد المندسين ليسوا المتظاهرين وحدهم بل المجلس ايضا
    ولو ان هناك مؤامرة او خطأ فللجيش نصيب الاسد منها
    اما ان تسمح ان يعامل انسان مصري بتلك الوحشية ونقول انها مجرد ضحية وذلك يحدث بعد 25 يناير فلا تعليق عندي فهذا دليل على فشل ثورة 25 يناير ان لم تحفظ كرامة المصريين

    ردحذف
  13. reemaas

    فعلا يانور

    ماذا لو استعمل الجيش قوته الفعلية في تفريق المتظاهرين

    وحماية المنشات

    وماذا لو اعلن الاحكام العرفية وحظر التجول

    وماذا لو انه مثل جيش ليبيا او سوريا

    لايعبا بمتظاهرين ويستعمل الاسلحة النارية

    علينا التفكير

    فجيش مصر هو من شعب مصر

    تحيتي يانور

    ردحذف
  14. مصطفى سيف الدين

    نعم يامصطفي لن يستطيع تامين مبني

    لانه لو ضرب بلطجي من اللي بيحرقوه

    هيطلع واحد بفيديوا يقوللك ده بيضرب الثوار

    ولو اطلق النيران علي بلطجي من اللي بيحرقوا

    هيطلع اللي يقوللك عن البلطجي شهيد

    وكان ثائر وموتوه

    اختلط الحابل بالنابل يامصطفي

    خد الرابط ده

    http://magidalkady.blogspot.com/2011/12/blog-post.html

    ردحذف
  15. اعتقد انك مقرتش الملحوظة اللي في اول البوست
    و مش وقت كلام عن محمد محمود تاني و قناصين العيون تاني وكيفية زراعة بلطجية وسط المتظاهرين لتكميم الافواه وجعل الجميع الشك في امرهم

    ردحذف
  16. مصطفى سيف الدين

    بالعكس انا قريتها كويس

    واللي بيحصل انهرده نسخة مكررة لما سبق

    مينفعش لامواطن يقف قدام الجيش

    ولا العكس

    الجيش ماراحلوش البيت وضربه

    هو اللي راحله لحد عنده واستفزه

    يعني ايه معتصم بيلعب كورة

    يتسبب في اشعال البلد

    شكرا لك اخي ومرورك يشرفني في اي وقت

    ردحذف
  17. http://www.youtube.com/watch?v=zTelKA51Xa8

    اسمع الشهادة دي طيب بيقولك بلطجية بيرموا من الناحية التانية واللي شفتهم الصبح غير اللي شفتهم بالليل
    مفيش شرطة عسكرية حاولت توقفهم

    ردحذف
  18. مصطفى سيف الدين
    ياصديقي

    اتفرجت عليها الصبح

    والناس دي قبضوا علي ناس منهم وهما قدام النيابة

    ياصديقي

    في حالة اصابة او موت اي حد منهم هيقوللك

    بيموتوا المتظاهرين

    ضع نفسك مكان الجنود

    ماذا تفعل لو القي عليك حجارة

    هو الجندي ده مش بني ادم

    وقابل لللاستفزاز

    يااخي

    عندما يختلط الحابل بالنابل

    فلاتلومن احدا في وسط الفوضي

    الفوضي تشوه وجه الثورة

    لااملك الا ان اقول

    ربنا يلطف بمصر

    ردحذف
  19. حلو الدويتو فى الحوار بينك وبين الاخ مصطفى
    الاختلاف فى وجه النظر شىء عادى
    بس اللى مش عادى هو اللى بيحصل دلوقتى
    بجد اصابنى نوع الهذيان وبدات اسال مين اللى متسبب فى اللى بيحصل اللى يقولك الثوار واللى يقولك المجلس واللى يقولك فئه مندسه
    الخلاصه انها خربت كفايه المجمع وعلى ما كان يحويه من خرائط ..وخريطه طابا الى اتحرقت
    الا التاريخ يا اهل مصر
    الا الاثار يا اهل مصر
    انا لا ابكى عن اى شىء يمكن تعويضه
    ولكنى ابكى واحزن جدا على الاشياء التى لا يمكن ان نعوضها
    تحياتى لك وموضوع يستحق النقاش

    ردحذف
  20. هبة فاروق

    ثقي ياهبة ان الكل خاسر من الاحداث هذه

    فهم يقبحون وجه مصر الجميل بدعوي حرية التعبير

    في يناير الشعب كله كان وراء المتظاهريين السلميين

    الان

    ثقي اختي ان الاغلبية العظمي لاتؤيد ولاتعاضد هؤلاء

    ربنا يستر

    ردحذف
  21. سواح
    اذا كاتوا يقبحوا فى وجه مصر فواجبنا نحن المدونون ان يكون انا دورا حيويا فى التعبير عن غضبنا واعتراضنا فيما يتم

    ردحذف
  22. السلام عليكم...
    أشعر بانحيازي لرأيك، مع تأكيدي على بعض نقاط:
    1- لا أستطيع تصديق أن الأمن المصري لا يستطيع التعامل مع البلطجية واستخراجهم من وسط ألف مواطن شريف، دي عشرة عمر! كما أن هذا الوجود الطويل لهم بيننا (عشرة شهور حتى الآن) لا يمكن تصديقه.
    2- الاعتصامات في الأماكن الحيوية هو بمثابة وضع للزيت بجوار النار، ولا تسأل بعد ذلك من الذي أشعل الموقف.
    3- لا أستطيع أن أصدق أن كل الأحداث التي حدثت في الفترة الأخيرة لم يتم التوصل فيها إلى أسماء شخصيات كبيرة مسئولة عن تفجير الموقف، أين اليد الخفية التي يتحدثون عنها؟
    4- بعد الثورة مباشرة كنا نسمع اسم النائب العام يوميا ثلاث مرات مع الوجبات، مضى زمن طويل لم أسمع عنه شيئا! هل يذكر أحد متى كانت آخر جلسة لمحاكمة مبارك ونجليه وأركان نظامه؟ خلاص شطبنا والناس اتشغلت في حاجات تانية أهم وأمتع!!
    5- هل يتخيل أحد أن بلدنا الآن يستطيع أحد أن يحرسها من أيادي المخابرات الإسرائيلية والأمريكية؟ لا أظن أننا قادرون على إحباط أي مخطط خارجي فالبلد بطنها مفتوح.
    أخيرا.. قريبا جدا سأنصب خيمة اعتصام أمام مبنى وزارة الخارجية وأعزم فيها الأهل والأحباب على حمام محشي، والسبب طبعا هو أننا لا نجد مصدر دخل جميعا!!
    تقبل تحياتي، ومعذرة للإطالة...

    ردحذف
  23. faroukfahmy58

    نعم استاذنا

    واجبنا ان نقول لمن اخطا انت اخطات

    فالثوار ليسوا ملائكة علي طول الخط

    الضرب متبادل بين الثوار والجيش

    اذا فهناك اذي بين الطرفين

    ومع ذلك ياتون بصور

    واحد متعور ويقوللك

    جيشنا بيعمل فينا كدة

    لا بلاش يعمل كده

    يسيبكوا تولعوا البلد ؟؟

    هل هذا منطق

    شكرا ليك يااستاذنا

    تحيتي

    ردحذف
  24. Bahaa Talat

    بالعكس اخي انت لم تطيل

    بل جبت المفيد

    اختلف معك فقط في رقم واحد

    كيف يتاتي للامن حتي لة يعرف البلطجية

    الدخول بينهم

    هتلاقي بعض المعتصمين

    ينحازوا لهم واتنقلب خناقة

    وتشتعل ايضا

    اري ان الامن حائر

    ولايريد اشعال الموقف

    اما حكاية الاعتصام دي عشان مش هنلاقي ناكل

    ههه انشاء الله القادم خير

    وربنا الستار

    ردحذف
  25. مساء الغاردينيا سواح
    من الصبح وانا مش عارفة اكتب
    من مدونة أستاذ ابراهيم رزق
    لمدونة أستاذ مصطفى
    مروراً بلولا وزهراء
    وانتهاء عند سواح في ملك الله
    قولي هو فيه كلام يتقال في مصر
    وجعنا اكبر من الحروف
    ومصابنا في أرض مصر كبير
    مصر مش بس ليكم المصريين
    مصر لنا كلنا لكل شخص بيحبها
    مصر ام الدنيا ..ياخالد
    ربنا يحفظها ويحميها "
    ؛؛
    ؛
    لروحك عبق الغاردينيا
    كانت هنا
    reemaas

    ردحذف
  26. ريــــمــــاس

    يامصرية الهوي والهوية

    ياختنا الرائعة

    حفظكي الله وبلادكم اللي هي ايضا بلادنا

    اشكرك جدا علي

    غلي مؤازرتك لبلدك واخوتك

    تحيتي

    ردحذف
  27. يعني المفروض ما نثورش وكل رجال مبارك في كل مكان والمجلس مبهدل الدنيا

    الثورة بتتسرق
    والنظام زي ماهوه

    مش عايزين نسبق الاحداث
    وربنا يستر

    ولازم يحصل حوار بين الاطراف علشان الدنيا تهدي
    وفي قرارات لازم تتخذ من اولي الامر علشان الوضع يستقيم
    مش كل طرف معاند التاني
    وفي سؤال نفسي اسأله هي المطافي ماراحتش تطفي ليه الحريقة دي؟

    ردحذف
  28. شمس النهار

    لو الثورة هتنقلب لفوضي ومحدش هيعرف واجباته وحدوده

    تجاه وطنه يبقي ايه لازمتها

    غير مزيد من القتلي والضحايا والفوضي ايضا

    ولاشئ يتم

    وبالنسبة للمطافي

    افتكر انه هي جت

    ولكن التكدس البشري اوقفها ومنعها عن العمل

    وانزلوا السائق وضربوه

    مش من حق اي مجموعة بشرية

    ان هي تمنع دخول رايس وزراء بلد من دخول مكتبه

    دي مهزلة

    والاعتصامات تؤدي الي مهزلة

    ياشموسة

    الثورة قامت في يناير خلاص

    ونجحت نجاح منقطع النظير بدليل ان مبارك واعوانه في السجون

    كون بقي ان مجموعات الشباب اللي بيقولوا عليهم

    نشطاء

    سياسيين مش مصدقين نفسهم لحد دلوقتي

    دي مشكلتهم

    البلد بتتيني من جديد

    بس ربنا لما خلق الدنيا في ستة ايام

    والله تعالي كان قادر يبنيها في جزء من اللحظة

    ولله المثل الاعلي

    كان عايز يعلمنا

    ان البناء لابد له من تمهيد وتاسيس ثم الارتفاع درجة درجة


    كون بقي النخبات السياسية

    عايزة البلد كن فيكون

    فده مش كلام مظبوط

    ردحذف
  29. ارى مجموعه من المعتصمين يحملون راي وقضيه وبينهم من يلهو ويلعب الكره امام مجلس الشعب ومنهم من يريدها كذلك حتى يظل في الصوره والا لو انفضت الاعتصامات فلن تظهر الكاميرات ولن يصبح ثائرا
    ارى اغراضا شخصيه تطلب واطفال تقذف في النار وعند اصابتهم نتكلم عن المجلس العسكري هو السبب
    ارى نفوس تحتاج للهدوء والتفكر هل تصنع وطنا ام تهدم وطننا الغالي
    عذرا اراكم قد لوثتم صورة الثوار بما تفعلون من حمى المتحف والمنشآت والمنازل قديما هما الثوار وهم غير موجودين الآن بينكم
    اللهم اصلح احوالنا واهدي شبابنا

    ردحذف
  30. السلام عليكم ورحمة الله وحشتني كثيرا أخي في الله ..

    كلامك صحيحي لا أحد يثور طوال الوقت والخاسر الأكبر هو اقتصاد البلد المنحدر موضوع مثير وعميق ويفتح أكثر من جانب ربنا يهدي سركم يارب اللهم آمين

    ردحذف
  31. eng_semsem

    الله علي تغليقك يابشمهندس

    جبت المفيد

    هي مصالح شخصية

    وواحد عايز يقول انا ثوري اهو

    وواحد ليه مارب اخري

    شكرا ليك يابشمهندس

    تحيتي

    ردحذف
  32. كريمة سندي

    والله حضرتك وحشتينا اكتر ياست كريمة

    الله يكرمك ويرفع قدرك اختنا الفاضلة

    حمد الله علي سلامة حضرتك

    ردحذف
  33. في نقاط كدة هرد رغم انى مستعجله بس موضوعك مهم :)

    اولا محدش في مصر مع الفوضي دى ومعظمنا بنقول هدنه بقي علشان نعرف مين داخل فين ومع مين

    ثانيآ اللهو الخفي حتى فرضآ لو موجود لن نعرفه في ظل الاحداث الحاليه وقد يكون لا اساس له اصلا واضح انه غلبان ومش فاهم حاجه

    ثالثآ لكل موطن حق التظاهر والاعتراض وليس له حق التخريب او عمل خيم في الشارع حتى لو باسم الثائر
    ودة حق لاي حد حتى لو بلضجى طالما لى وجهه نظر والجيش المفترض كافل لده

    رابعآ لو فصلنا الجيش عن الشعب والشعب عن الجيش
    واستباح الجيش اللي بيتقتلوا مننا واحنا استبحنا اللي بيتقتل عندهم دى القشايه اللي هتقطم ضهرنا كلنا

    خامسآ في نفس الوقت من حق وزارة الدفاع ان شعرت بالهجوم عليها وكنا ماسكين اسلحه بنقتل في عساكرها وظباطها تدافع عن نفسها انما مش من حقهم يضربوا بلا سبب بنى آدمين اى كانت فصيلتهم ونوعهم وغايتهم

    سادسآ مافيش حاجه اسمها ايه اللي ود بنت مظاهره ولا حتى نعطى تبريرات لموقف المجلس او اخرين كلنا مخطئون ولايوجد تبرير لكل الاطراف

    سابعآ المجمع او المكتبه او المتحف المسئول الجيش اللي طول الوقت بيطلع يقول عايز احمى المنشأت عايز تنبنى سور وتقفل شارع كان اولى تعمل كدة ناحيه الاماكن دى بالتالى هو الوحيد اللي يقدر يعرف مين حرق ومين خرب والمسئوليه عليه هو.

    ثامنآ المفترض نغمه البلد باظت وخربت ومبقاش في بلد ونشتم بالتعميم كل اللي نزلوا وثاروا وكملوا فكرة عقيمه اساسها عدم وعى سياسي اتعودوا عليه ايام الرئيس لان انت لو بتوجهه ليا انى ماشي غلط فبص لنفسك الاول وشوف انت ماشي ازاى

    تاسعآ احنا شكلنا لاهنشوف ولا هنعيش لحد ما نلاقي مسئولين بيستوعبوا الموقف صح ويعرفوا يهدوا الدنيا طول ما انت ماشي بالقوه هيترد عليك بقوه وطبعا فرق القوه اكبر من ناحيه الشعب

    ولكى الله يامصر فعلآ فعلآ

    ردحذف
  34. rona ali

    عجبني تعليقك جدا لموضوعيته

    ثانيا

    انا هختصرلك الحكاية

    اولا منع رايس الوزراء من دخول مكتبه

    ده لاقانوني ولا صح و(جريمة)

    وده كان هدف الاعتصام امام مجلس الوزراء

    وغرور مايدعون انهم ثوار بانهم بمفردهم ودون اعتبار

    ان هناك شعب كامل لايعلن رفضه

    لتولي رايس الوزراء

    انهم هما بقي اللي هيشيلوا الراجل ده ويحطوا اللي علي مزاجهم

    اللهجة الغريبة اللي بيقولوا

    لولا الثوار كان زمان حسني مبارك لازال في مقعدة

    لولا الثوار كان زمانكم بيحصل ويحصل -------

    انا بقي بقولهم لأ

    لان الثوار لولا الدعم الشعبي ( الشعب كان وراهم )

    كان مبار ك علقهم علي مشانق

    اما حكاية البنت اللي بتقولي عليها دي

    انا مقلتش ماتنزلش

    انا قلت لو نزلت لازم تكون مستعدة لتحمل التبعات

    والا هي نازلة نزهه وهتروح

    مهو معروف ان الاعتصامات من يوم تنحي المخلوع

    فيها ضرب واهانة

    فيه ملحوظة عايز اقولها

    في اي حالة ما تكون اي بلد في الدنيا فيها اضطرابات

    واهتزازات وتسعي للاستقرار

    يصبح الاعتصام جريمة ولو لم يكن فيها نص قانوني

    بالمنطق كدة

    تحيتي ليكي يارنا

    ردحذف
  35. السلام عليكم ورحمه الله وبركاته
    اجمل ما قلته وليست للفوضي قوانين
    وانا اري اليوم كم من الفوضي لا توصف
    تحياتي

    ردحذف
  36. ;كارولين فاروق

    وعليكم السلام ورحمة الله وبركاته

    وياريتهم يفهموا ان الفوضي مبتجبش حقوق

    بل بالعكس هي تستهلك طاقات الجيش والشرطة

    والشعب هدرا ولايتحقق شئ سوي الضوضاء

    شكرا لكي اختي الطيبة

    ردحذف
  37. الي منافقي الثوار

    كفوا عن هذا فانتم تحرقون مصر

    جزاك الله كل خير اخى خالد

    اولا تحليلك منطقى

    وطرحك دقيق وراقى

    اؤيدك فى كل حرف

    اللهم احفظ مصر

    تحياتى

    ردحذف
  38. مبارك لم يسقط والنظام لم يسقط رجال مبارك والعهد القديم مازالوا حولك في كل مكان

    الثورة ماخلصتش الثورة تخلص من المطالب تبتدي تتنفذ والي الان لم تتخذ اي خطوات حتي في هذا الاتجاه
    وماتقوليش الانتخابات
    علشان ده موضوع عايز مؤتمر مش تعليق علي الماشي

    اما موضوع المطافي ده غير صحيح
    ولو صحيح يبقا ده فشل زريع ان عربية مطافي تطلع بفرد واحد
    ولو صحيح كان المجلس طلع فيديو بده وهلل وفضح الدنيا
    لكن من اللي كانوا هناك مافيش عربية مطافي واحدة طلعت

    مصر اللعب فيها بقا علي المكشوف
    والمجلس فاشل في انه يلم البلطجية اللي جوه السجون واللي بره السجون

    واحنا مش مختلفين في حب مصر
    لكن كل واحد مننا شايف اللي ميسره له ربنا

    والاعتصام ماعملش حاجة اشمعنا يومها
    وسؤال انت راضي عن مافعل ببنات مصر؟؟

    ردحذف
  39. جايدا العزيزي

    اشكرك ياجايدا وحمد الله علي سلامتك

    تحيتي ليكي

    ردحذف
  40. شمس النهار

    ياست الكل الثورة نجحت

    والتغيير السلمي بدا

    كون بقي فيه فصيل مش مصدق اناالثورة نجت

    دي مشكلتهم

    فلاداعي لمزيد من الدماء لمجرد شوية شباب منشف راسه

    عشان الانتخابات مجتش علي هواه دي رقم واحد

    ثانيا لايتمتعوا بالتاييد الشعبي

    وده واضح جدا


    بصي ياشموستنا الطيبة

    اسهل حاجة دلوقتي اني اهيص مع الهيصة

    وامشي مع الموجة ومحدش دلوقتي بيحاسب حد علي

    الكلام ولا الشتيمة

    احنا مديناش المجلس فرصة يشتغل

    اما بالنسبة لسؤال حضرتك

    لاطبعا لااوافق علي اهانة اي فتاة او امراة مصرية

    بس كمان لااوافق علي وضع الفتيات في مواجهة

    مع جنود الجيش

    كمان لا اوافق علي اهانة جنود الجيش وضربهم


    وكل اللي عايز اقوله

    احنا اسقطنا مبارك

    بلاش نسقط بقي قيمنا ومبادئنا باسم الثورة

    فاننا نهين كل حد علي اعتبار انه كان موجود ايام مبارك

    ردحذف
  41. فعلا مصر الخاسر الاكبر فى كل اللى بيحصل
    يوم عن يوم بنفقد قيم كتير
    يوم عن يوم بنشك فى بعض
    فلنا كلنا الله

    ردحذف
  42. Bent Men ElZman Da !!

    ربنا يستر يادينا ربنا يستر علي بلدنا

    تحيتي

    ردحذف
  43. منجي باكير

    اخي هي بلدكم ايضا

    واشكرك علي حرصك علي بلدك الثاني مصر

    تحيتي

    ردحذف
  44. للاسف الشباب الطاهر ضحية حملة تحريض من القوي الليبراليه التي توظف اخطاء المجلس العسكري من اجل تحقيق مصالحها ,تلك القوي الليبراليه والعلمانيه رات ان الديمقراطيه ستاتي بقوي ليست علي هواها فكفرت بكل القيم الديمقراطيه وتدعوا الان الي تصحيح المسار والمسار هو فرض رؤيتهم بعيدا عن راي واختيار الشعب واليوم هي تستغل اخطاء المجلس العسكري وتوظف تلك الاخطاء في تحريض الشباب للقيام بثوره دمويه تجهض ثوره 25 يناير السلميه ,وطبعا لا ننسي الطرف الخارجي من دول كارهة لمصر ولها ادوات ورجالها في مصر.

    ولكنهم يمكرون والله خير الماكرين

    ردحذف
  45. rack-yourminds

    صدقني اخي

    اجمل تحليل قراته حتي الان

    اصبت في رايك


    شكرا لك

    تحيتي

    ردحذف
  46. أكثر من الداء اخواني فإن بلاد المسلمين أصبحت في خطر الأخ سواح أوافقك الرأي في كل كلامك فما علمنا عن الاحداث في تونس السودان طاجكستان سورية ليبيا مخيف ومرعب جدا لا حول ولا قوة الا بالله العلي العظيم

    ردحذف
  47. infowksl

    اخي الطيب

    اشكرك جدا علي تعليقك الواعي والمدرك

    لمخاطر الامور

    تحيتي لك اخي

    ردحذف

اهلا بزوار المدونة

تعليقك الكريم يضيف الي مدونتي

سواح في ملك الله