Follow by Email

24 ديسمبر 2012

كلمات شائعة في هذه المرحلة


لاسياسة في الدين


 استوقفتني في مرحلتنا هذه مابعد الثورة وانتخاب رئيس  بعض العبارات 

التي قد اراها من وجهة نظري مغلوطة

لاسياسة في الدين ولادين في السياسة

الحقيقة انا مش عارف مين النبيه اللي اخترع العبارة دي

29 نوفمبر 2012

*صدق المختار *

 (بوست قديم لي اعيد نشرهـ)

قال رسول الله صلى الله عليه وسلم: 
((سيأتي على الناس سنوات خدّعات، يُصَدق فيها الكاذب ويُكذَّب فيها الصادق،
 ويُؤتمن فيها الخائن ويُخوَّن فيها الأمين،
 وينطق فيها الرويبضة))، 
قيل وما الرويبضة يا رسول الله ؟ .. قال: «الرجل التافه يتكلم في أمر العامة

صــــــــــــــــــدق المخــــتار 
ها قدجاء زمان فيه نمـــسك بيدينا جـــــــمر الــــــنار ** 

في زمــــاننا الف مسيلمة يتلاعب دوما بالافكـــــــار 
ويحطم كل تقي نظيف ويسود السفلة و الــــفجار

* ينتبذ امينا وشريفا ويغش بكيل وبقـــنطار *

و ينافق هذا ويرائي وُيُري الزنديق اسد مغوار 
وذئابا صاروا اسيادا
وأسود القت في الآنهار

*ويباع الشرف فلا شرفا
قد اضحي الشرف بالدولار 

صدق المختار

25 نوفمبر 2012

كلكم ديكــــتاتور




-  تحاسبون الرجل علي صلاحيات اعطيتموه انتم اياها حين قاضيتم مجلس الشعب الذي 

انتخبه 30  مليون مصري  وحللتموه لآن


الاغلبية فيه اسلاميين
  
اليس هذا اقصاء لفصيل  يشارككم هذا الوطن
  
- منطقيا ليس من حق اي منافس  كان قد نافس الرئيس مرسي في انتخابات الرئاسة انتقاده لآن شهادتهم الآن مجروحة
  
فقد افسرها انا او غيري انه لثأر شخصي من الرجل

- لماذا يوافق مدعوا الثورة  اوماينسبون لآنفسهم انهم الثوار ان  يهاجم الشباب او الاطفال

 الصعاليك  جنود الشرطة بالمولتوف


والطوب

وهل من حق احد بعد  ذلك ان يطالب الشرطة بحمايته ؟؟مجرد سؤال اعرف اجابته

-عجبا لمن يدعون الوطنية وتجدهم يظهرون في الآعلام  في مؤتمرات صحفية  وكل 

واحدا منهم وراؤه ثلاثة او اربعة من فلول النظام السابق

    
-هناك  من استمرأوا الثورة  لمجرد الثورة

وهناك من لم يكونوا في الثورة فأرادوا اللحاق بقطارها حتي يقال انهم ثوار
  
وهناك من  يعمل علي افشال فترة الحكم هذه
                              وهناك مخربون

وهناك من كانوا يطبلون لمبارك والآن اصبحوا يطبلون للثورة 


 من مواطن مصري الي النخبة

 ايتها النخبة


انتم لاتعبرون عني

ولا عن معاناتي 

فلا تتحدثوا بأسمي


فاصمتوا يرحمكم الله



-

2 نوفمبر 2012

عالم ضايعــــة

!

 لابســـلي البتــــاعــة


وماشي بمـــــــياعة


تشـــــوف بنطـــــلونه


اللي ســـاقط مـــــدلدل


تقــــول مش بتـــاعه


 تقـــولش ده عــــيل!!


يادوب في الرضــــاعة!!


وعامـــللي ثــــوري


ولما تنـــاديله يرد بلكاعة


مربي لي شـــعره  ولا كلب رومي


ورخـــصة في رقبته

ولابــــس غويشـــة

ولما تشـــــاور له


يبص بنطــــاعة


وقال يعني واد


مـــدقـــدق  مطـــرقع


وقال  ايه مـــــدردح


وأخر صــياعة


داخـــــل جـــــوة زفة


بيرقص تشـــوفة

غـــازية بـــترقص

بـــكل خــــلاعة

ولما يغــــني


تحـــس ان ســامع

بهـــيمة تنــــعر

تحـــس ان ســامع


حمـــار الآذاعـــة


ولو كــان في ورطــة


تشــوف واد اونطة


يلف الســـيجارة


وتاخده الشـــجاعة


عــــيال خــــنتريش

وعايـــش يقــــلد

يشوفوا الرجولة

سيجارة حشيش

كرامة مــــفيش

 
عيال في التراوة

هــــيافة ومــــياعة







12 أكتوبر 2012

الجمل هواللي قاتل


 الجمل هو اللي قاتل

حتي كل الدنيا شافت

صورته كانت عالشاشات

الجمل ده اصله داهية

كان بيضرب بالرخام

كان بيمسك بندقية

كان بيقتل في الزحام

حتي اسأل اللي مات

الجمل ده كان قيادة

حزب وطني

بس اشك في انه وطني 

الجمل كان العوبان 

بغبغان 

بهلوان

اصله تربية حارات

 الجمل ده كان ناهبها

كان خاربها

 لما شاف الثورة قامت

قال ماينفعش اسيبها

راح مجهزمن سكات

بندقية وبلطجية

 وهوب طب علي الميدان

هوب يضرب

هوب ولع نار  ويجرح
بالساعات

يوم ماهتغيب العدالة

قول علي الدنيا السلام

يوم ماييجي اللي قتلك

اللي سرقك

اللي نهبك

يسألك دمك بكام

 يبقي ترفع شكوتك دي لربنا

 هو بيجيب الحقوق

للي عايش واللي مات











10 أكتوبر 2012

يوم النهوض باللغة العربية

﴿ بِسْمِ اللّهِ الرَّحْمَنِ الرَّحِيمِ ﴾
 
الر تِلكَ آياتُ الكِتابِ المُبينِ ﴿١ إِنّا أَنزَلناهُ قُرآنًا عَرَبِيًّا لَعَلَّكُم تَعقِلونَ ﴿٢ نَحنُ نَقُصُّ عَلَيكَ أَحسَنَ القَصَصِ بِما أَوحَينا إِلَيكَ هـذَا القُرآنَ وَإِن كُنتَ مِن قَبلِهِ لَمِنَ الغافِلينَ﴿٣ 

صدق الله العظيم 
 

ماأرسل الله تعالي من رسول الا ويرافقه اعجاز

ليثبت للبشر ان هناك قوة لايرونها

تستطيع ان تفعل مالا يقدرون علي فعله

وماهوخارج عن طاقتهم

فقد ارسل الله سليمان عليه السلام

بملك لاينبغي لاحد من بعده

يسخر الريح له

ويكلم الطير ويفهم لغتهم

وسخر له ايضا الجن يأتمرون بأمره

وارسل ايضا موسي عليه السلام بعصاه

التي فاقت مايفعله سحرة وكهنة هذا الزمان

وشقت البحر

وضرب بها الصخر لتخرج منه ماءا

وارسل عيسي عليه السلام

بأعجاز يتفوق علي اهل هذا الزمان

فقد برعوا في الطب

فجاء عيسي ليشفي الابرص والاعمي

بل زاده ان جعله يحيي الموتي بأمر الله

وفي عهد نبينا محمد عليه الصلاة والسلام

كان العرب اساطين اللغة

وكانوا يباهون بها هجاءا ومدحا

 ارسل الله تعالي مع نبيه ورسوله

كتابه القرأن الكريم

وتحدي الله تعالي ان يأتي اي بشرا

بسورة منها او مثلها

وكون ان ينزل الله تعالي كلماته الشريفة

باللغة العربية

فهذا اختيار الله عزوجل لآنها من اقوي اللغات

الذي قال عنها رسولنا الكريم

((اوتيت جوامع الكلم ))

فاللغة العربية

لها ايقاع تألفه اذن الفطرة

وجمال في اللفظ وفي السمع

 فلنا ان نفخر بلغتنا

لغة القرأن الكريم



28 سبتمبر 2012

كله بيفتي في الدستور


 يالا ياسيدي انت وهو

اقفوا طابور 

كل مواطن مالخمسة وتمانين مليون 

يحضر حالا 

اصل هنكتب الدستور

انت ياخينا عايزايه؟؟

كل مشاكلي في الآنبوبة 

ورغيف عيش

وكمان غللواالسعر ياخويا

 في وصل النور

وانتي ياستي

ايه طلباتك ؟؟

اكتب عندك 

انا لاهلف كتير ولا ادور

انا  طلباتي حقوق المرأة

ايه معناها ؟؟؟

الستات متقفش طابور

وانت ياعم الحج اؤمرنا

انا طلباتي علاج مجاني

ولما اروح اكشف في ثواني

ميعذبنيش الدكتور

وانتي ياأمورة طلباتك

مش طمعانة غير في عريس

ياسلام لوكان اللي في بالي

الواد الحلو الآمور

وانت يا بيبي  عمرك كام؟؟

ست سنين
عاوز ايه؟؟؟

نفسي اتعلم بالمجاني

نفسي مخدش درس خصوصي

واحضر حصصي 

نفسي كمان في الفسحة ياعموا 

مهربش مانطش مالسور
وانت يااسطي ايه طلباتك ؟؟
 
انا راجل سواق عربية

نص حياتي واقف في اشارة

نفسي اشوف في بلدنا سيولة

 نفسي اشوف فى   بلدنا  مرور

وانت ياأستاذ عايز ايه؟؟

نفسي في مرتب  يكفيني

ويعيشني انا وعيالي

 يادوب مستور

وانت ياأستاذ؟؟؟

عندي مواهب

كل ماروح يقولولي بواسطة


تبقي في يوم فنان مشهور


وانت يااستاذ يابونضارة؟؟؟

انا تعبان في حياتي

في بيتي

وكمان شغلي

بعدالعلم اللي اتعلمته

قولت ياريتني ماخدت شهادة

شغال ايه؟؟؟

انا دكتور



ياأخواننا الدستور مفيهوش 

ولاأنبوبة ولامستشفي

الدستور ده تعاقد بيننا وين الدولة

اقدر الخص كل كلامكم في كام كلمة

في الدستور

هي عدالة اجتماعية




15 أغسطس 2012

تصفيق حـــا د



 منذ ثورة يناير

وتنحي المخلوع

لم يعجبني قرار

غير اني واثناء متابعتي البرامج

اذ يظهر شريط الآخبار علي الشاشة

بمانشيت  يقول

الرئيس مرسي يحيل المشير طنطاوي والفريق عنان الي التقاعد

وجدت نفسي اصفق بهستيريا لهذا القرار

ليست  كراهية لطنطاوي او عنان

 ولكن لآن دورهما قد انتهي بالنسبة لي كمواطن

عند استلام رئيس منتخب كرسي الحكم

 فأنا احترم المجلس العسكري لدوره اثناء وبعد الثورة

قد يكون له اخطاء

ولكن في وسط كل هذا الضجيج

تعد اخطاؤه ليست جسيمة

فقد حافظوا علي توازن البلاد طيلة عاما ونصف

ولكن هذا واجبهم وقد ادوه

 *******

كل مالرئيس يتخذ قرار

يطلغ غلينا جهابذة الآعلام ((النخبة))

يقولوا القرار ده غير دستوري

طب هو فين الدستور اصلا اللي نحتكم ليه

وانتوا صفتكم ايه قضائيا يعني ؟؟؟

*********

الآعلام نازل تلميع في ابو حامد

لو كح ابو حامد او عطس

تلاقي مانشيت بالبنط العريض ابو حامد عطس

الا هو ابو حامد ده بيشتغل ايه في مصر ؟؟؟

وعمل ايه عشانها""""

ايه هي تضحياته عشان بلده ؟؟؟؟

اللي مثله الآعلي سمير جعجع

تفتكر يعني  هيبقي مين ؟؟؟؟


*******

النخبة

من كثرة الآحداث

ومن قدم ماتعلموه اعتقد الآن ان لامكان لهم

سوي مستشفي نفسي للعلاج

وليس علي نفقة الدولة

فنحن لسنا علي استعداد ان نعالجهم علي حسابنا

بعد مافعلوه بالعبث بعقول البسطاء



******










11 أغسطس 2012

تأملات في سورة النمل



بسم الله الرحمن الرحيم

 ١٧ حَتَّى إِذَا أَتَوْا عَلَى وَادِ النَّمْلِ قَالَتْ نَمْلَةٌ يَا أَيُّهَا النَّمْلُ ادْخُلُوا مَسَاكِنَكُمْ لَا يَحْطِمَنَّكُمْ سُلَيْمَانُ وَجُنُودُهُ وَهُمْ لَا يَشْعُرُونَ﴿١٨ فَتَبَسَّمَ ضَاحِكًا مِّن قَوْلِهَا وَقَالَ رَبِّ أَوْزِعْنِي أَنْ أَشْكُرَ نِعْمَتَكَ الَّتِي أَنْعَمْتَ عَلَيَّ وَعَلَى وَالِدَيَّ وَأَنْ أَعْمَلَ صَالِحًا تَرْضَاهُ وَأَدْخِلْنِي بِرَحْمَتِكَ فِي عِبَادِكَ الصَّالِحِينَ ﴿١٩
صدق الله العظيم

هنا بقي نتعلم ونعلم

ان الآنسان ليس المخلوق الوحيد العاقل علي ظهر الارض

فالنمل ايضاوهو اصغر مخلوق يمكن ان نراه بالعين المجردة

يمتلك عقلا ايضا  وراجحا
 لَا يَحْطِمَنَّكُمْ سُلَيْمَانُ وَجُنُودُهُ وَهُمْ لَا يَشْعُرُونَ﴿١٨

ومن عجب خطاب النمل

انه يعلم ان سليمان وجنوده

ان حطمونهم  فهم لايشعرون



بسم الله الرحمن الرحيم
 
 وَتَفَقَّدَ الطَّيْرَ فَقَالَ مَا لِيَ لَا أَرَى الْهُدْهُدَ أَمْ كَانَ مِنَ الْغَائِبِينَ ﴿٢٠ لَأُعَذِّبَنَّهُ عَذَابًا شَدِيدًا أَوْ لَأَذْبَحَنَّهُ أَوْ لَيَأْتِيَنِّي بِسُلْطَانٍ مُّبِينٍ﴿٢١ فَمَكَثَ غَيْرَ بَعِيدٍ فَقَالَ أَحَطتُ بِمَا لَمْ تُحِطْ بِهِ وَجِئْتُكَ مِن سَبَإٍ بِنَبَإٍ يَقِينٍ ﴿٢٢ إِنِّي وَجَدتُّ امْرَأَةً تَمْلِكُهُمْ وَأُوتِيَتْ مِن كُلِّ شَيْءٍ وَلَهَا عَرْشٌ عَظِيمٌ ﴿٢٣ وَجَدتُّهَا وَقَوْمَهَا يَسْجُدُونَ لِلشَّمْسِ مِن دُونِ اللَّـهِ وَزَيَّنَ لَهُمُ الشَّيْطَانُ أَعْمَالَهُمْ فَصَدَّهُمْ عَنِ السَّبِيلِ فَهُمْ لَا يَهْتَدُونَ ﴿٢٤ أَلَّا يَسْجُدُوا لِلَّـهِ الَّذِي يُخْرِجُ الْخَبْءَ فِي السَّمَاوَاتِ وَالْأَرْضِ وَيَعْلَمُ مَا تُخْفُونَ وَمَا تُعْلِنُونَ ﴿٢٥ اللَّـهُ لَا إِلَـهَ إِلَّا هُوَ رَبُّ الْعَرْشِ الْعَظِيمِ ﴿٢٦ قَالَ سَنَنظُرُ أَصَدَقْتَ أَمْ كُنتَ مِنَ الْكَاذِبِينَ ﴿٢٧
صدق الله العظيم

الهدهد يخاظب  نبي الله سليمان
فَقَالَ أَحَطتُ بِمَا لَمْ تُحِطْ بِهِ وَجِئْتُكَ مِن سَبَإٍ بِنَبَإٍ يَقِينٍ


اذا فهو مخلوق عاقل

ويخاطب نبي الله علي انه يعرف مالايعرفه نبي الله بعد
 إِنِّي وَجَدتُّ امْرَأَةً تَمْلِكُهُمْ وَأُوتِيَتْ مِن كُلِّ شَيْءٍ وَلَهَا عَرْشٌ عَظِيمٌ ﴿٢٣ وَجَدتُّهَا وَقَوْمَهَا يَسْجُدُونَ لِلشَّمْسِ مِن دُونِ اللَّـهِ وَزَيَّنَ لَهُمُ الشَّيْطَانُ أَعْمَالَهُمْ فَصَدَّهُمْ عَنِ السَّبِيلِ فَهُمْ لَا يَهْتَدُونَ ﴿



تعجب الهدهد من اعتلاء امرأة كرسي الحكم

وتعجبه ايضا من انهم يعبدون الشمس من دون الله

وايضا يعلم ان الشيطان يزين لهم اعمالهم

اذا هو يعلم ان هناك شيطان يغوي وحين نكمل الآيات
 أَلَّا يَسْجُدُوا لِلَّـهِ الَّذِي يُخْرِجُ الْخَبْءَ فِي السَّمَاوَاتِ وَالْأَرْضِ وَيَعْلَمُ مَا تُخْفُونَ وَمَا تُعْلِنُونَ ﴿٢٥ اللَّـهُ لَا إِلَـهَ إِلَّا هُوَ رَبُّ الْعَرْشِ الْعَظِيمِ ﴿

الهدهد يعلم ان الله يخرج الخبء في السماوات والآرض

اذا فهناك مخلوقات عاقلة

ليس الآنسان وحده الذي يمتلك عقلا

ولكن الآنسان وحده هو خليفة الله في ارضه

اي ان الآنسان هو مكلف

وهم ليسوا مكلفين

4 أغسطس 2012

تأملات في سورة يوسف


بسم الله الرحمن الرحيم
 
قالوا يا أَبانا ما لَكَ لا تَأمَنّا عَلى يوسُفَ وَإِنّا لَهُ لَناصِحونَ ﴿١١ أَرسِلهُ مَعَنا غَدًا يَرتَع وَيَلعَب وَإِنّا لَهُ لَحافِظونَ ﴿١٢ قالَ إِنّي لَيَحزُنُني أَن تَذهَبوا بِهِ وَأَخافُ أَن يَأكُلَهُ الذِّئبُ وَأَنتُم عَنهُ غافِلونَ ﴿١٣ قالوا لَئِن أَكَلَهُ الذِّئبُ وَنَحنُ عُصبَةٌ إِنّا إِذًا لَخاسِرونَ ﴿١٤ فَلَمّا ذَهَبوا بِهِ وَأَجمَعوا أَن يَجعَلوهُ في غَيابَتِ الجُبِّ وَأَوحَينا إِلَيهِ لَتُنَبِّئَنَّهُم بِأَمرِهِم هـذا وَهُم لايَشعُرونَ ﴿١٥ وَجاءوا أَباهُم عِشاءً يَبكونَ ﴿١٦ قالوا يا أَبانا إِنّا ذَهَبنا نَستَبِقُ وَتَرَكنا يوسُفَ عِندَ مَتاعِنا فَأَكَلَهُ الذِّئبُ وَما أَنتَ بِمُؤمِنٍ لَنا وَلَو كُنّا صادِقينَ ﴿١٧ وَجاءوا عَلى قَميصِهِ بِدَمٍ كَذِبٍ قالَ بَل سَوَّلَت لَكُم أَنفُسُكُم أَمرًا فَصَبرٌ جَميلٌ وَاللَّـهُ المُستَعانُ عَلى ما تَصِفونَ ﴿١٨
صدق الله العظيم

ويبقي التساؤل الذي كلما قرأت هذه السورة الكريمة  يراودني ويحيرني


حين قال نبي الله يعقوب
وَأَخَافُ أَن يَأْكُلَهُ الذِّئْبُ وَأَنتُمْ عَنْهُ غَافِلُونَ
التساؤل هنا
هل وجد ابناء سيدنا يعقوب الذريعة التي يتخلصوا بها من اخيهم يوسف بهذه الكلمات ؟؟
هل كان ايحاءا غير مقصود لما يمكن ان يحدث لاخيهم 
واستعداد ابيهم لتقبل الآمر رغم كراهيته له؟؟اي انهم امنوا العقاب
اي ان الفكرة جاءتهم حين اعلن ابيهم خوفه علي ولده
وحين يأكله الذئب فلا ذنب لهم ام انهم ايضا متهمون بالآهمال ؟؟
ولو لم يقل النبي يعقوب هذه الكلمات
هل كان  ابناؤه يستطيعون فعل هذا الجرم لو لم يحدده يعقوب عليه السلام
ام كان سيكون اكثرصعوبة عليهم ايجاد المبرر لآبيهم
 وبالتالي صعوبة الاقدام علي مثل هذا الفعل
اي انهم كانوا سيظلوا حائرين خائفين من ابيهم ماذا سيقولوا له لو فقدوا يوسف عليه السلام
وهل وجد ابناء يعقوب عليه السلام المخرج والملاذ من العقاب حين ادعوا ان الذئب قد اكل اخيهم ومع  طول حيرتي وتأملي في هذه الآيات الكريمة لااجد تفسرا
غير
انها الاقدار وترتيب الله رب العالمين
حتي تتحقق رؤيا يوسف عليه السلام ويسجد له احد عشر اخا والاب والام
بسم الله الرحمن الرحيم
 إِذ قالَ يوسُفُ لِأَبيهِ يا أَبَتِ إِنّي رَأَيتُ أَحَدَ عَشَرَ كَوكَبًا وَالشَّمسَ وَالقَمَرَ رَأَيتُهُم لي ساجِدينَ ﴿٤﴾ قالَ يا بُنَيَّ لا تَقصُص رُؤياكَ عَلى إِخوَتِكَ فَيَكيدوا لَكَ كَيدًا إِنَّ الشَّيطانَ لِلإِنسانِ عَدُوٌّ مُبينٌ ﴿٥ وَكَذلِكَ يَجتَبيكَ رَبُّكَ وَيُعَلِّمُكَ مِن تَأويلِ الأَحاديثِ وَيُتِمُّ نِعمَتَهُ عَلَيكَ وَعَلى آلِ يَعقوبَ كَما أَتَمَّها عَلى أَبَوَيكَ مِن قَبلُ إِبراهيمَ وَإِسحاقَ إِنَّ رَبَّكَ عَليمٌ حَكيمٌ ﴿٦ 


صدق الله العظيم 

11 يوليو 2012

سوريا

علي ايه اسد

طب ده الآسود ليهم كرامة

وانت البعيد

حتي الكلاب تستحقرك

علي ايه اسد 

علي طفل مليان بالبراءة

طب ده العدو جوا اراضيك

مستنظرك

علي القريب عامل اسد

وعلي العدوا حيوان اليف

جاك داهية فيك وفمنظرك

ارحل ياخاين اهل بلدك

ده الرب قادر يخسفك

ويدمرك

ملعون ده كرسي  لو التمن دم وعذاب

اوعي تفكر ان في ضهرك جيوشك

تنصرك

وافهم ده غضبة ربنا

ملهاش مثيل


دي دعوة المظلوم

سلاح هيفرفرك

***





9 يوليو 2012

لآنها نووور (بنوتة مصرية ) فلازم اكتب الواجب

طلبت مني نور البنوتة المصرية البريئة الرقيقة

كتابة الواجب

وهاأنا ذا البي طلبها



 السؤال الآول


عرف نفسك

اسمي خالد


السؤال الثاني

مااكثر مايميز شخصيتك

اعتقد انه الحيادية والعقلانية في تناول الآمور

ماهي اهم نقطة تحول في حياتك

كل يوم اؤدي عمل ناجح هو نقطة تحول

كيف دخلت عالم التدوين

انا متابع جيد للسياسة ولااعمل بها ولااحب العمل بها

تقريبا في شهر 7   2010

وكنت من مرتادي صفحات الآنترنت

اتابع كل جديد في عالم السياسة

لفتت نظري مدونة جبهة التهييس الشعبية

بتاعة نوارة نجم

ورأيت اسلوب مختلف في الكتابة السياسية

طبعا انا مش موافق علي كتير من كتاباتها

لكن احسبها صادقة في التعبير عن حب الوطن

ولكن بأسلوب خاطئ  وتجاوز في الآلفاظ

لااظنه  يناسب فتاة

ولكن اثق انها انسانة وطنية

مأاسم مدونتك ولما اخترته

سواح في ملك الله هو اسم مدونتي

واخترته لآني اظنه يعبر تعبيرا كاملا عن شخصيتي

ولآني متأمل دائما في ملكوت الخالق العظيم

من هم اكثر ثلاث شخصيات  اثروا بك من عالم التدوين او خارجه

هما مش تلاته ولا اربعه هما كل مدون او مدونة    واشتركت

في مدونته اثر تأثيرا كبيرا



ماهي طقوسك الخاصة في الكتابة

كتاباتي كثيرا منها عفوية

لا ارتب لها


ماهو اسلوبك المفضل في التدوين

ليس لي اسلوب مفضل فأنا اكتب بالعامية حين احس انها قد توصل ماأريد

ايصاله للقارئ

واكتب بالفصحي احيانا حين احس انها ستعبر تعبيرا جيدا عما اكتبه



مأهم مايميز تدويناتك

انها نابعة من القلب واعتقد انها قد تصل للقلب

ماهو تقيممك لعالم التدوين في الفترة الآخيرة

هو عالم رائع وجدت نفسي فيه

ماهي اقرب تدويناتك الي  نفسك

اقرب تدويناتي الي نفسي

هي

   ســـــــــبحان من له الدوام

ودي   كانت قبل الثورة تقريبا بحوالي شهر

وكنت اتخيل فيها زوال الفرعون من وجهة نظري

ماهي اهم المواقف الطريفة التي صادفتك مع التدوين

احيانا اخطئ في اسم من اعلق عنده وده بيعرضني للاحراج

فأصطر لحذف التعليق وأبداله



هل احدث التدوين تأثير عليك وكيف

هو عالم جميل راقي اتمني ان ينتقل الي ارض الواقع

نفس الاخلاق الجميلة والرقي التي يتميز بها كل المدونون بلا استثناء



اختر اي مدون ووجه له سؤال

استاذ فاروق فهمي

لما طال غيابك يانسر التدوين 

2 يوليو 2012

برامج التوك شو

 برامج التووووووك شو

ايييييييييه    عايزين ايه بالظبط

رغي رغي رغي لما الواحد زهق

وكل واحد طالع عايز رئيس الجمهورية يعمل كذا وكذا وكذا

ييجي بقي التاني يقول لا ده المفرووووووض يعمل كذا وكذا وكذا

يطلع بقي التالت وكأنه يصطنع بطولة يقول  علي فكرة انا مانتخبتش دكتور مرسي  بس الموضوع كذا وكذا وكذا

طب انا كمشاهد  هستفيد ايه من موضوع انتخبته واللا منتخبتوش



يوسف الحسيني   وتوفيق عكاشة  وشعبان عبد الرحيم  ثلاث اوجه لمنهج تفكير واحد

والثلاثة يمتلكون جمهورا كثيفا  هوذات الجمهور الطيب الذي يبحث عن ابو زيد الهلاالي ((الفرعون))

اييييييييييييييييييه  وكله بيقولها بطريقته وعلي حسب ظروفه


هي الناس دي ايام مبارك كانوا فين

 الترصد والتربص والاصطياد  هذا مايفعلونه مذيعوا التوووووووك شوووووا الآن




15 يونيو 2012

ففهمناها سليمان

 في عهد سيدنا داوود عليه السلام

جاء له رجلان يختصمان

الاول راعي وصاحب غنم

والثاني  مزارع وصاحب ارض

صاحب الارض جاء يشكوا لسيدنا داوود عليه السلام

ان غنم الاخر اكلت زرعه وافسدته

فحكم النبي داوود ان يأخذ المزارع

الغنم من صاحب الغنم عقابا له
علي مأفسدت غنمه

واستأذن النبي سليمان ابن داوود عليهما السلام 

ابيه انه يري حكما اصوب

فأذن له داوود عليه السلام

فقال

ان يأخذ صاحب الارض الغنم لينتفع بها

من لبنها وصوفها

حتي يكبر زرعه ويعود الي حالته 

ويرده الي صاحبه بعد ذلك

فعجب الحكم داوود

وأمر بتنفيذه

بسم الله الرحمن الرحيم

  وَدَاوُدَ وَسُلَيْمَانَ إِذْ يَحْكُمَانِ فِي الْحَرْثِ إِذْ نَفَشَتْ فِيهِ غَنَمُ الْقَوْمِ وَكُنَّا لِحُكْمِهِمْ شَاهِدِينَ * فَفَهَّمْنَاهَا سُلَيْمَانَ وَكُلًّا آتَيْنَا حُكْمًا 

صدق الله العظيم 

من هنا يجب ان نتعلم ان القاضي بشرا


 

9 يونيو 2012

الباحثون عن الفرعون

بعد نكسة 67
خرج الرئيس عبد الناصر بخطاب تنحي
الغريب
ان الملاييين خرجوا
لاثناء  عبد الناصر عن التنحي واستبقاؤه
وهو المسئول الاول عن هزيمة 67
ولو جيت اتكلمت مع المواطن البسيط

اللي انا احدهم
ان عبد الناصر كان سببا لهزيمة 6
7
يستفزك الرد
لاده مش هو
اومال مين 
الللي حواليه خدعوه
ترد تقول
ومين بقي اللي اختار اللي حواليه لاتجد رد يشفي غليلك
تكتشف اننا نحن الشعب البسيط
 كثير الطيبة
عندما نحب احدا
نتقبله بعيوبه وهزائمه
ولانقبل حتي مجرد انتقاده
توجهنا العاطفة حتي ولو كانت بعيدة عن المنطق
ومن هنا يأتي الفرعون

 الانتخابات الرياسية بقي

قاللي انا هنتخب شفيق
سألته ليه
قاللي عايزين استكرار
((هكذا نطقها ))
وكمان شفيق هيرجع الامن في 24 ساعة
قلتله
ميقدر عالقدرة الا ربنا
قاللي شفيق راجل كان وزير قبل كده
وعارف خبايا البلد ويقدر يمشيها كويس
انما مورسي ده بيفهم ايه في السياسة
مورسي هيمنع السياحة
قلتله ياسلام
يعني اللي يمسك الرياسة لازم يكون وزير قبل كدة
قاللي
اه طبعا
والاخوان لو مسكوا البلد مش هيسيبوها
دول ماسكين مجلس الشعب وعايزين يمسكوا الرياسة
ويكوشوا علي كل حاجة في البلد

وقاللي وتوفيق عكاشة اتفرجت عليه
قلتله لا
قالي ماسك مستندات عالاخوان وبيهددهم
قلتله ياسلام
قاللي كمان مورسي    ولاده   طلعوا امريكان
طب ايه المشكلة
قاللي المشكلة
انه المفرود ميخشش الرياسة
طب ايه اللي مزعلك من الاخوان
قاللي عايزين يكوشوا علي كل حاجة
ويلبسوا النسوان نقاب
ويمنعوا السياحة اللي بتجيبلنا فلوس للبلد
وهيطبقوا الحدوووود كمان
لاوالله 
طب وانت ايه اللي مزعلك من حكاية الحدود دي
هو انت والعياذ بالله بتعمل حاجة تستاهل عليها الحد
قاللي اعوذ بالله انا مبغضبش ربنا ابددددا
قلتله اومال ايه   


في رأيي
اكبر جرائم حسني مبارك
في حق شعب مصر
انه عمل وبأصرار علي تجهيل الاغلبية العظمي
من شعب مصر
ففي عهدة
تفشت الامية السياسية
والامية الثقافية
وعمل دائما علي ان نحتاج
  دائما الي فرعون يحكمنا

دائما ماننصت جيدا لصاحب الصوت العالي
 ويبهرنا صياحة





3 يونيو 2012

لاياراجل ؟؟؟؟؟((انا وصاحبي 5))






 انت جاي من الفضا
 ولا من عالم بعيد
 هو يعني اللي اتقتل
 اللي مات وراح شهيد
 مات لوحده والا ايه
 حد خضه؟؟؟؟
 والا راح عند الميدان
 من قساوة الظلم  راح
 راح بصرخة يقول كفاية
 كل ظلم وله نهاية
 امشي ارحل روح بعيد 
 ورصاصة الغدر جاتله
 مين ا للي قتله
 مات لوحده
 حد خضه؟؟؟؟؟
 اصل كله عالورق بيقول برئ
 لا ياراجل
 واللي مات
 طب خلاص مش مات شهيد؟؟
 واللي قتله
 اللي قتله
 ايوه قتله
 طب مافيش برهان اكيد
 طب دليل الاتهام
 قطعوه
 طب ودمه يرو ح هدر
 احنا يا عالم رجعنا
 زي ايام العبيد؟؟؟
  القانون بيقول كدة  لازم دليل
 يعني ايه؟؟؟
 طب ودمه اللي نزف ده مش دليل
 لما طلقة  تخش جسمه مش دليل
   مين يكونلوا مصلحة
 ان شاب زي ده يموت قتيل
 لما تعرف هو مين
 يبقي ده هو الدليل
 اللي مات وراح شهيد
 مات لوحده  "
 حد خضه؟؟؟؟
 والا راح عند الميدان
 من قساوة الظلم  راح
 راح بصرخة يقول كفاية
 كل ظلم وله نهاية
 امشي ارحل روح بعيد القتيل بيموت لوحده ؟؟؟
ده كلام
دي حاجة تجنن اكيد








1 يونيو 2012

وقال ايه زعيم

 هنفضل نًنًوح ونلطم ونصرخ
 ونعمل جنازة ونشبع لطيم
 ماتهدوا ياناس
 اومال بقي سبتوا ايه للحريم
 ده مش ماتش كورة
 واهلي وزمالك
 ولاكاس ودوري
 بلاش تشغلونا  بجدالكوا العقيم
 هنفضل نقول الفلول
 الفلول
 ونقعد نقاطع
 ماهي المقاطعة اللي خلت فلول
 يفكر انه  الرئيس العظيم
 هنفضل نصرخ
 نهاتي
 نزعق
 مافيش فايدة فيكوا
 مافيش اتفاق
 علي طول خناق؟
 ده هو الخلاف
 اللي خللي  الديابة
   وتعلب لئيم
 يتوه عقولكوا
 ويطمع وعايز
 يبقي الزعيم







27 مايو 2012

قُلِ اللَّهُمَّ مَالِكَ الْمُلْكِ تُؤْتِي الْمُلْكَ مَنْ تَشَاءُ وَتَنْزِعُ الْمُلْكَ مِمَّنْ تَشَاءُ


 اثق ان الله تعالي هو من نزع الملك عما ملك

(مبارك وحاشيته)

وجعل من شعب مصر سببا في نزع الملك

(بثورته العظيمة)

 انزل الله تعالي  قرأنه الكريم لنتعلم منه

ولتكون من قصصه العبرة لنا

ولنتعلم منها 

قال تعالى (اذهبا إلى فرعون إنه طغى *فقولا له قولا لينا لعله يتذكر أو يخشى)

مااشبه اليوم بالبارحة

فقد ثبت الله قلوب الشباب الثائر وذهبا الي الفرعون في اكبر ميادين 

دولته وقالوا 

((سلمية سلمية ))

اي ذهبوا ايضا بقولا لينا 

ولكن فرعوننا لم يتذكر ولم يخشي

فاسقطه رب العزة بيد  شعب مصر

واثق ان الله تعالي حين يسقط طاغية

لن يأتي ببديلا طاغية 

   قُلِ اللَّهُمَّ مَالِكَ الْمُلْكِ تُؤْتِي الْمُلْكَ مَنْ تَشَاءُ وَتَنْزِعُ الْمُلْكَ مِمَّنْ تَشَاءُ وَتُعِزُّ مَنْ تَشَاءُ

وَتُذِلُّ مَنْ تَشَاءُ بِيَدِكَ الْخَيْرُ.


 قد يكون وصول احمد شفيق الي الاعادة

درسا لنا لننتبذ الفرقة 

فبعد الثورة

 تشتت الجمع

وذهبت الفرق التي قامت بالثورة كًل في طريق

واصبح الكل ضد الكل

************ 

علي الهامش

اثناء وقوفي في طابور الانتخاب

انتظارا لللادلاء بصوتي

سألني احد الواقفين بالطابور

بادئا بالحوار 
 
 انت هنتنخب مين 

قلتله طبعا مش هقول مين  

قاللي انا هنتخب احمد  شفيق

قلتله انت حر بس انا مش هنتخبه

سألني ليه


قلتله الثورة اسقطت مبارك ورجاله

وشفيق واحد من رجال مبارك


قاللي بس هو مالوش ذنب

وقال كمان هو راجل كويس


قلتله همشي معاك في كلامك

 بس جاوبني ليه استعان  مبارك به وتعيينه 

رئيسا للوزراء اثناء الثورة 

وليه هو وافق علي الوزارة 

وهو شايف رفض شعبي جامح لمبارك وحكمه 
 
اكيد مبارك شاف ان  الراجل ده 

يقدر يساعده ويتجاوز الثورة وربما قادر علي اخمادها 

قاللي

شفيق راجل عسكري وخبرة 


ويقدر يظبط البلد ويرجع الاستقرار 

رديت عليه

ومبارك كان راجل عسكري وقائد الضربة الجوية

وضيعنا تلاتين سنة ضياع

ودخلت اللجنة

واديت صوتي لابو الفتوح

اللي كنت شايف انه يستحق ان يقود البلاد

اثق ان الله تعالي

بعد ان خلص مصر من الطا غية

لن يأتي بطاغية اخر


 

22 مايو 2012

تعظيم سلام

 اسكت ياوااد
 اياك تقول عايز ارشح اسمه ايه
 يبقي رئيس
 صمت انتخابي مش هزار
 يمسكوك وتهمتك تبقي الكلام
 وتروح فطيس


مين ياتري
 يامصر ياام الدنيا هيكونله الشرف
 يبقي العريس



تعظيم سلام ليك ياشهيد
  ياللي دمك  خللي صوتنا بقاله قيمة
 في مصر العظيمة
 تعظيم سلام ليك يابطل
 ياللي مش همك حياة
 لو مش كريمة


تعظيم سلام ليك مكتوبالك
 الكرامة عند ربك
 فوق في جنة مستديمة