Follow by Email

24 مارس، 2012

واحد من البشر

  معرفتش اوصفلك مشاعري
 جايز اكون ماوصلتكيش
 يمكن لانك تفهمي
  
  اني لازم ابقي فارس
   جاي راكب عالحصان
  جاي من ايام زمان
 فاكرة يوم انا قلتلك
 اني واحد مالبشر
   مش ملاك
 مش شيطان
 يوم ماأحب اديكي من عمري اللي يكفي
 وابقي فارس
 بس مش راكب حصان
 وابقي سور يحمي جناينك
  وابقي سقـف يضللك
 وابقي ليكي في دنيتك
 حب معناه الامان
 وابقي اسطورة زمانك
 ارسم البسمة في شفايفك
 اقتل الحزن في عيونك
 اشتريكي بكل غالي
   مهما كان
 لكن انتي في خيالك

  لسة فاكرة   الحب فارس
 جاي راكب عالحصان
 جاي من ايام زمان
 او في عقلك ان موجود في الحياة
 حد يشبه الملاك
 او ملاك
 واللي لازم تعرفيه
 اني واحد مالبشر
 مش ملاك
 مش شيطان

 

هناك 42 تعليقًا :

  1. كلمات جميلة
    وافكار اكثر من رائعة
    تسلم ايدك
    مع خالص تحياتى

    ردحذف
  2. Tamer Nabil

    الاجمل مرورك وتعليقك الراقي ياتامر

    اشكرك جدا علي تشريفك لي في مدونتي المتواضعة

    تحيتي اخي الطيب

    ردحذف
  3. طب تصدق بالله..

    دى احلى كلمات انت كتبتها..

    او جايز يكون فى احلى منها بس دى وصلانى اوى اوى ماعرفس ليه

    وهو ايه الفارس غير اللى راكب حصان الامان يحمى ويحوط

    عجبتنى جدا يا خالد

    ردحذف
  4. نور الطيبة

    لااله الا الله

    انا مبسوط جدا انها عجبتك يانور

    اصل يانور احيانا بيفكروا ان الفارس

    هو اللي بيهلل ويتمنظر وييجي ساعة الجد وههههه

    هوبا متلاقيهوش

    شكرا ليكي يااطيب بنوتة

    ردحذف
  5. وابقي سور يحمي جناينك
    وابقي سقـف يضللك
    وابقي ليكي في دنيتك
    حب معناه الامان
    وابقي اسطورة زمانك
    ارسم البسمة في شفايفك
    اقتل الحزن في عيونك

    احم احم ايه الترتيب والتنغيم دة
    لاء بيجد فعلا حلوة نهايتها بالذات

    بص هو صراحتآ كلنا بنحب ناخد كل شئ مثالي ومميز حتى لو عارفين انه مش موجود ليس هناك مانع من الحلم انها تنتظر الفارس اللى راكب عربيه اقصد حصان يعنى ههههههههه
    والشخص المثالي الملاك دة يلا كلها احلام
    هتفهم بعدين ان الدنيا مش متكامله وان الناس بشر ولازم ناخدهم علي كدة :)

    ردحذف
  6. rona ali

    رنا الفيلسوفة الرقيقة

    انا شايفك اندمجتي اوي مع حكاية المثالية

    كل المقصود يارنا من الكلام

    ان فيه حاجات في الدنيا اهم كتير

    من بوادر فارس تلاقيه بعد كده ولا فارس ولا حصان حتي ههههه

    فالفروسية في نظري

    هي انك تكون للي بتحبه

    سند وجماية وامان

    وتسعده

    تحيتي للفيلسوفة الصعيرة

    ردحذف
  7. دايما بقول ان مفيش ملايكة على الارض
    بس دايما بنحاول نجمل الصور اللى عاوزين نشوفها جميلة
    ممكن يكون حد كويس جدا بس مش ملاك لان الملايكة مافيهاش العيوب اللى فينا
    لكن الكلمات فى منتهى الروعة وفعلا دى من اجمل ماكتبت

    ردحذف
  8. Noha Saleh

    كلامك صح جدا

    دايما بنحاول نجمل الصور اللي عايزين نشوفها جميلة

    نحن العرب نصنع الفراعين حتي في الحب

    شكرا ليكي جدا

    مبسوط جدا لرأيك وسعيد ان الكلمات اعجبتك

    تحيتي الخالصةلكي

    ردحذف
  9. ههههههههههههههههه
    انت قفشنى علي طول كدة
    ايوة انا بحب التعمق والاندماج

    اصل فعلا بجد كلامك هو اللى كنت عايزة اقوله بالظيبط
    ان في حاجات اهم من الحصان وفاكرة الفارس الخيالي دة
    وبس :)

    ردحذف
  10. rona ali

    شكرا للفيلسوفة الرقيقة

    فعلا انا لاحظت توقفك عند الحلم وكأنك بتراجعي

    نفسك ههههههههه

    يبقي اتفقنا

    تحيتي الخالصة لكي

    ردحذف
  11. الله عليك يا شاعر
    كلمات رائعة و احساس جميل
    دمت مبدع

    ردحذف
    الردود
    1. مصطفى سيف الدين

      صديقي المبدع العبقري

      اشكرك جدا علي تعليقك ومبسوط جدا انها اعجبتك

      تحيتي لك

      حذف
  12. جميله اووووووووى
    كلنا بنتمنى وبنحلم بالكمال والمثاليه رغم بردو اننا عارفين انها مش موجوده للاسف
    تسلم ايدك

    ردحذف
    الردود
    1. Bent Men ElZman

      للاسف يادينا

      نحن مدمنون ان نعيش الاوهام

      شكرا لكي دينا علي تعليقك الرقيق

      نورتيني

      تحيتي

      حذف
  13. السلام عليكم..
    " واللي لازم تعرفيه
    اني واحد مالبشر
    مش ملاك
    مش شيطان"

    بس لو كل واحد شافك على إنك بشر يبقى الناس كلها بقت ملايكة!
    تقبل تحياتي

    ردحذف
    الردود
    1. Bahaa Talat

      وعليكم السلام ورحمة الله وبركاته

      بس لو كل واحد شافك على إنك بشر يبقى الناس كلها بقت ملايكة

      تعليقك بليغ جدا

      وفيه معني رائع

      اشكرك يابهاء علي هذا التعليق الرائع

      تحيتي

      حذف
  14. ايه الرومانسيه دي كلها يا خالد
    صحيح انت حققت لها احلامها بطريقتك البسيطه
    والتي ترضي من احبتك بصدق ولا تطمع في المزيد
    تحياتي

    ردحذف
    الردود
    1. ;كارولين فاروق

      عازفتنا الرائعة وفنانتنا الموهوبة

      قليل من يرضي بفارس بسيط كما تقولي

      ولكن ان احبت بصدق ف هي ترض بأقل من ذلك

      وستعطي اكثر من ذلك

      اسعدني تعليقك جدا

      تحيتي

      حذف
  15. الله علي الكلام الجميل
    بس احيانا فيه بشر بيكونو زي الملايكة
    وفيه ناس بيبقو شياطين
    لكن احلي حاجه لما نعيش الحلم علي اننا بشر
    بتغلط ونصيب
    تحياتي لكلماتك استاذي
    وكل سنه وحضرتك بخير

    ردحذف
    الردود
    1. beautiful mind

      اشكرك جدا علي تعليقك الراقي

      فعلا يااخي الظيب

      احلي حاجة اننا نعيش الحلم كبشر يخظئ ويصيب

      تحيتي لك

      حذف
  16. وابقي سور يحمي جناينك
    وابقي سقـف يضللك
    وابقي ليكي في دنيتك
    حب معناه الامان
    وابقي اسطورة زمانك
    ارسم البسمة في شفايفك
    اقتل الحزن في عيونك
    اشتريكي بكل غالي
    مهما كان
    هو فى احلى من كده حب واحتواء وامان صدقنى الفارس هو الرجل الذى عبرت عنه بكلماتك الرائعه وليس شخصا اخر
    تبهرنى دائما يا خالد عندما أقرا لك اشعر اننى فى عالم اخر اكثر جمالا ورقه
    رائع يا خالد اشكرك كلاماتك جعلتى ابتسم

    ردحذف
    الردود
    1. هبة فاروق

      اديبتناالرئعة

      انا اللي بشكر كلماتي انها جعلت اديبتنا الراقية تبتسم

      ربنا يديم عليكوا الابتسامة

      تحيتي يااديبتنا

      حذف
  17. لالالالالالا بجد روووووووووووعه...

    وابقي ليكي في دنيتك
    حب معناه الامان
    وابقي اسطورة زمانك
    ارسم البسمة في شفايفك
    اقتل الحزن في عيونك
    اشتريكي بكل غالي
    مهما كان
    حسه بقي انها جت ع الجرح اوووي...
    تسلم بجد اكثر من رأئعه

    ردحذف
    الردود
    1. amiraali

      اميرة الاخت الطيبة ودكتورة المستقبل

      انا سعيد جدا انها اعجبتك

      واسعدني جدا تعليقك

      تحيتي

      حذف
  18. اسمى تلك الحالات بالمثالية المعوقه
    يعنى كتير بيحلمو احلام مينفعش تتحقق ويفضلوا متضايقين طب هما اصلا السبب

    الانسان لما يكون انسان بجد ممكن يكون افضل من الملايكة


    ولكن نادر من نراه انسان بحق


    دمت بخير استاذ خالد

    ردحذف
  19. رؤى عليوة

    صدقتي يارؤي

    تعليقك معناه جميل جدا

    الانسان لما يكون انسان بجد يبقي اجمل من الملايكة

    شكرا ليكي علي تعليقك الرائع الجميل

    تحيتي

    ردحذف
  20. هايلة والله
    :))
    دمت مبدعاً ومتألقاً

    ردحذف
    الردود
    1. P A S H A

      شكرا ليك ياباشا

      نورتني واسعدني تعليقك

      تحيتي

      حذف
  21. وابقي ليكي في دنيتك
    حب معناه الامان
    وابقي اسطورة زمانك
    ارسم البسمة في شفايفك
    اقتل الحزن في عيونك
    اشتريكي بكل غالي
    مهما كان


    ( بس خلاص :) )

    مفيش تعليق بعد كلامك يا خالد يتناسب مع مشاعرك الرقيقة وبساطة منطقك وسلاسة حرفة وعذوبة الاحساس

    بارك الله فيك اخى واسعد الله قلبك

    تحياتى وتقديرى

    ردحذف
    الردود
    1. ليلى الصباحى..

      الاخت الرقيقة

      اشكر ليكي كلامك اللي شايفة كتير اوي عليا

      من اخت راقية وفاضلة مثلك

      اسعدني جدا تعليقك

      فهو كالجائزة لي

      تحيتي

      حذف
  22. أخى المبدع الرائع : خالد
    كلماتك رائعة وفيها شفافية راقية
    بارك الله فيك

    ردحذف
  23. محمد الجرايحى

    استاذي وصديقي

    اشكر لك تعليقك واهتمامك بوضع تعليقك الكريم الطيب الكلام

    في مدونتي المتواضعة

    تحيتي لك استاذنا

    ردحذف
  24. كلنا بندور على الملاك
    بندور على انسان يكون فيه كل الصفات
    منفكرش أن كل انسان فيه عيوب ومميزات

    بس بجد كلام روووووووعة يابختها الي بتسمع الكلام ده منك ^__^

    صباحك عسل وسكر زياده
    تقبل مروري ^_^

    ردحذف
  25. خواطري مع الحياة

    صباح الفل علي عيون الجميلة رشا

    كل انسان يارشا جواه ملاك وجواه شيطان

    بس كلمة انسان اظنها

    ارقي واكبر لما يرتقي لمستوي الانسانية

    شكرا ليكي يااطيب رشا

    تحيتي

    ردحذف
  26. فاكرة يوم انا قلتلك
    اني واحد مالبشر
    مش ملاك
    مش شيطان
    يوم ماأحب اديكي من عمري اللي يكفي
    وابقي فارس
    بس مش راكب حصان

    الله على احساسك

    عزفت سيمفونيه رائعه

    سلمت وسلم نبض حرفك

    تحياتى

    ردحذف
  27. جايدا العزيزي

    الرائعة ايزيس

    اشكرك علي تعليقك الراقي

    كم يسعدني وجودك وتعليقك

    تحيتي

    ردحذف
  28. مش كل من ركب حصان خيال
    ولا فارس

    الفرسوة قدر وفعل
    زي الرجولة مش محتاجة حصان
    الرجوله افعال مش منظرة
    درس لمحبوبة في قصيدة
    لطيف رقيق في غير غلظة
    :)

    ردحذف
    الردود
    1. شمس النهار

      ست الكل اهلا بيكي وحمد الله علي سلامتك

      فعلا ده قصدي من الكلمان

      اشكر ليكي تعغليقك الجميل ووجدك الاجمل

      تحيتي ياست الكل

      حذف
  29. شكرا علي سؤالك ياخالد

    ربنا يكرمك

    كان عندي ظروف كده
    وربنا يعديها علي خير

    ردحذف
    الردود
    1. شمس النهار

      لاشكر علي واجب فنحن كالعائلة الواحدة

      وحضرتك من الشخصيات القريبة من قلوبنا في البلوجر

      ان شاء الله كل الظروف تعدي علي خير

      تحيتي ياست الكل

      حذف
  30. يحلم الرجل بامرأة كاملة
    وتحلم المرأة برجل كامل
    ولا يعلمان ان الله خلقهما ليكمل كل منهما الآخر
    (عمرو خالد )
    يوم ماأحب اديكي من عمري اللي يكفي
    وابقي فارس
    بس مش راكب حصان
    هى دى الخلاصة
    :))

    ردحذف
    الردود
    1. nesma hatem

      نسمة الشاعرة الرقيقة

      من عيوبنا نحن يانسمةكعرب ان نطلق العنان لخيالنا

      ونضفي اسطورية علي الاشخاص متناسين انهم بشر مثلنا

      تحيتي ياشاعرتنا الرقيقة

      حذف

اهلا بزوار المدونة

تعليقك الكريم يضيف الي مدونتي

سواح في ملك الله