5 مايو 2012

الاسطي سيد

الاسطي سيد الميكانيكي
 الاسطي سيد ده بقي ابن حتتي وصاحبي
 وكنا بنلعب كورة مع بعض واحنا عيال صغيرين
 الاسطي  سيد ده بقي
 من ساعة ثورة 25 يناير وهو مهتم بالسياسة
 ومتابع كل برامج التووووووك شووووو
 وبيصدق اي حاجة تتقال في البرامج
 يعني مثلا ممكن يقوللك عايزين تطهير
 فاسأله تطهير ايه يابو السيد
 يقوللي تطهير الاعلام
 اقولله ازاي يعني 
 يقوللي يغيروا كل المذيعين بقي واللمذيعات
 وكدة


المهم


كنت معدي من جمب ورشته قام نادي عليه
 وسألني
 شايف اللي بيحصل 
 قلتله اقعد ساكت ياابوا لسيد لحسن انا زعلان من الفوضي دي
 قاللي ازااااي يعني
 علشان ابسط  له   المعلومة
 زي مانا شايفها بالظبط
 رحت قلتله
 بص ياسيد
 الواد حمادة ابنك


قاللي اه


قلتله


لو عايز يجيب  لعبة مثلا
 وانت ممعاكش تمنها
 قاللي   اه


قلتله قام الواد قعد يتنطط 
 ويتمرمغ  في الارض


قاللي اه


قلتله وانت تقولله يابني الاسبوع الجاي
 يقوللك لا مالييييييس دعوة
 عايزها  دوووووقتي
 يابني يهديك يرضيك
 يابني ممعيششش فلوس دلوقتي
 الواااد يزيد في العياط وشغال مرمغة في الارض
 لا ماليس  دعوة
 يابني والله هجيبهالك كمان تلات تيام كده
 عايزها دوووووو قتي
 والرايح واجاي بقي
 عمال يتفرج علي الوااااد الللي بيتمرمغ في الارض ده
 اللي يقوللك شوفه عايز ايه
 واللي يقوللك
 حرام عليك الواااد اتنحر من العيااااط
 وخللي منظرك بقي قدام  الناس بقي مالوش لازمة
 وانت ممعكش فلوس تجيبله اللي هو عايزه دلوقتي 


قاللي اه


قلتله هتعمل ايه
 قاللي هضربه قلمين واطلعه البيت بالعافية
 قلتله الناس هتقول عليك 
 شوف الراجل المفتري نااازل ضرب في الواد
 ده هيموته


قاللي تتفلق الناس


 انا لوطاوعت الناس هيتخرب بيتي
 قلتله هو ده بقي اللي بيحصل ياابو السيد
 وسلمت عليه ومشيت














هناك 44 تعليقًا :

  1. اخى سواح

    لكن من الجوع و عاوز ياكل
    لو حمادة عيان و عايز يتعالج
    لوكل اللى هيكلفك يا عم سيد مجرد تفكير
    الواد ابنك الكبير اللى بياخد مصروف كبير يكفى تلاتين واحد زى حمادة
    فيها ايه لو تقول للكبير كفاية عليك كده اخوك حمادة مش لاقى ياكل
    حمادة بيدور انه ياكل و يتعالج مش عايز لعبة
    هاقوله حمادة لو مصدقك يا اسطى سيد كان طلع على طول

    تحياتى لك

    و السلام امانة يا سواح بجد و الله للاسطى سيد
    هههههههههههههههه

    ردحذف
    الردود
    1. ابراهيم رزق

      اخويا الجميل ابراهيم رزق

      مهو لو حمادة بيتمرمغ في الارض عشان جعان

      محدش كان هيدي لابوه العذر

      ممكن يستلف ويجيبله اكل

      انما صعب يستلف ويجيبله لعبة

      تحياتي يااخي العزيز

      يوصل سلامك بأذن الله

      حذف
  2. السلام عليكم..
    مشكلة الموقف الحالي أنه يمكن تفسيره من كذا زاوية، وكل زاوية لا تصل نسبة صحتها إلى 100% أبدا، بمعنى أنه دائما يكون هناك احتمال ناقص أو مفقود، دائما تكون الصورة غير مكتملة تماما.
    يقولون عن الزمان الذي يحدث فيه ذلك "زمان الفتن"
    اللهم نجنا من الفتن.
    تقبل تحياتي..

    ردحذف
    الردود
    1. Bahaa Talat

      اخويا وصديقي العزيز بهاء

      المشكة العويصة ان احنا لازم نتجنب الشبهات

      لآنها ممكن توقع البيت

      البيت لايحتمل اي اختلاف الان

      تحيتي اخي

      حذف
  3. صباح الخير على اهل الخير

    بصراحة معنديش كلام اقوله

    غير ربنا يفرجها ويبعد الفتن عندكم وعنا وعن كل العرب

    لاحولة ولاقوة الابالله العلي العظيم

    تقبل مروري.

    ردحذف
    الردود
    1. خواطري مع الحياة

      الخير موجود طول مارشا الطيبة بتنورني بتعليقاتهخا

      الجميلة

      اللهم امين يااطيب اخت

      تحيتي

      حذف
  4. مساء الورد سواح

    رائع رائع رائع تبسيط وإسقاط بمنتهى الجمال

    والأروع من هذا كله أنك لخصت الوضع بحيادية

    لا يشوهها عاطفة ...

    بكل أمانة أجدت وتميزت اليوم

    تحياتي وإحترامي

    ردحذف
    الردود
    1. ريبال بيهس

      اخي الرائع ريبال

      الله يحفظك ويكرمك اخي ده من ذوقك

      بجد سعيد جدا بزيارتك الجميلة بعد غيبة

      اتمني الا تغيب عنا حفظك الله تعالي

      تحيتي

      حذف
  5. ههههههههههههههههه لا فطين والله

    المشكله بجد ان الناس تصدق اي شي تسمعه

    ردك للاسطى سيد بقمه الروعه

    تحياتي لك

    ردحذف
    الردود
    1. SOoSOo

      اهلا بيكي

      انا سعيد جدا والله ان البوست عجبك

      شرفتيني ونورتيني

      تحيتي

      حذف
  6. اوافق اخى المدون بهاء

    على ان ده زمن فتن

    والكل غلطان الاب والواد واخوه الكبير كمان

    ردحذف
    الردود
    1. ISLAM

      اهلا بيك في زيارتك الاولي لمدونتي

      طبعا زمن فتن

      بس العيب في اللي بيسيب نفسه ليها

      تحيتي

      حذف
  7. السلام عليكم سواح المدونين :)
    بص بقى يا خالد انا دماغى وجعنى اوى جدا خالص من كل اللى بيحصل
    لذلك قررت وبكل امانة وهدوء اعصاب اخد اجازة من التفكير وابداء الاراء لان عندى مشاااااااكل مكفيانى اليومين دول :)

    بس انا حبيت اقولك مساء الخير :)

    تحياتى لك خالد ويارب تعدى الازمة على خير لانها اصبحت فتنة عظيمة مش مجرد ازمة

    دمت بخير وامان وسلام

    ردحذف
    الردود
    1. ليلى الصباحى..

      الاخت االرائعة ليلي

      الف سلامة ليكي ايتها الاخت الطيبة من المشاكل

      ربنا فعلا يعديها علي خير

      تحيتي لاطيب اخت

      حذف
  8. أخرج الترمذى عن على كرم الله وجهه أنه قال : " سمعت رسول الله صلى الله عليه وسلم يقول : ستكون فتنٌ كقطع الليل المظلم , قلت : وما المخرج منها .. قال : كتاب الله .. فيه نبأ من قبلكم وخبر ما بعدكم وحكم ما بينكم .... إلى آخر الحديث " .. أو كما قال صلى الله عليه وسلم.

    إنها فتن آخر الزمان أخى خالد.

    أسأل الله أن ينجينا منها وأن يحفظ بلادنا من شرها.

    ردحذف
  9. mohammad nabiel

    اهلا بيك اخي

    السؤال اخي

    لماذا لاتحدث فتن اخر الزمان الا للعرب

    ادعوا الله معك ان ينجينا

    تحيتي لك

    ردحذف
  10. أسلوب رائع لتوضيح وجهت نظر
    فقد وجت أبسط الطرق لشرح أمر سياسي كبير

    ردحذف
    الردود
    1. nabdalamal

      اهلا بيك في زيارتك الاولي للمدونة

      اشكرك علي تعليقك الطيب

      تحيتي

      حذف
  11. انا صوتى اتبح وانا عماله اشرد موضوع حمادة ده بس نعمل ايه الناس عاوزة تهيص فى الهيصة باين

    حاجة تفقع

    ردحذف
    الردود
    1. reemaas

      ههههههه عندك حق يابنوتة

      ناس عايزة تهيص في الهيصة

      تحيتي يانور

      حذف
  12. فعلا كلماتك حقيقة بتحصل ،بس في امور لازم اموريبقي فيها حسم ،وكل ما الوقت يتأخر المصيبة بتزيد
    بارك الله فيك ولاسف اني ابقي زي عم سيد فالاخر ههههههه
    مع احترامي لعم سيد ،بارك الله فيك

    ردحذف
    الردود
    1. zeze

      اهلا بيكي

      عندك حق والله كل مالوقت يتأخر المصيبة بتزيد

      تحيتي لكي

      حذف
  13. البوست جميل و المثل حلو اوي
    شوف انا زيك معترض على الاعتصام قدام وزارة الدفاع بس ده مش معناه ان انا موافق على اللي عمله المجلس العسكري و لا سياسته في فض الاعتصام

    ردحذف
    الردود
    1. مصطفى سيف الدين

      اخويا وصديقي مصطفي

      بص يامصطفي ليه دايما احنا مبنعرفش غلطنا الا بعد

      متحصل كارثة

      مفيش حاجة في الدنيا اسمها ناس تتطاهر وتقطع طريق

      ولا فيه حاجة في الدنيا اسمها اعتصام قدام مؤسسة عسكرية

      بألامس فقدنا جندي شريف من جنود قواتنا المسلحة

      لاذنب له غير ان شوية ناس تربست معاهم يعتصموا

      تري لو لم يفض الاعتصام كم من الجنود سنفقد

      ومن اجل ماذا

      تحيتي ياصديقي

      حذف
  14. :)))
    بتقوم الراجل علي ابنه ليه بس
    :)))
    ماتسيبه يحايله بدل مايضربه
    ويفهمه بدل مايفطس في ايده
    :))))

    ردحذف
  15. شمس النهار

    ههههههه لا مش هيفطس ياشموسة

    علشان هو بعد العلقة دي

    هيفهم ليه بابا مجبلوش اللعبة

    ويفهم يعني ايه ممعهوش فلوس

    تحيتي ياست الكل

    ردحذف
  16. الأخ والصديق العزيز : خالد
    السلام عليكم ورحمة الله وبركاته
    ممكن نقول أنك بسطت الموضوع للأسطى ( سيد) ونزلت لمستوى تفكيره وفهمه، وضربت له هذا المثال حتى تصل له المغلومة ... جيد
    ولكن أخى بعيداً عن الأسطى ( سيد ) ياريت الموضوع موضوع لعبة يتشوق لها طفل ...الموضوع بلد ومستقبل شعب صبر كثيراً وعندما اقترب من تحقيق حلم عمره اكتشف أنه سقط فى كابوس مخيف وشياطين تتخبطه من كل حدب وصوب حتى ضاعت من أسفل قدميه سبل الحقيقة .
    اللهم نسألك أن تبصرنا سبل الحق والهداية
    اللهم آمين
    أحييك أخى على طرحك الطيب
    بارك الله فيك وأعزك

    ردحذف
    الردود
    1. محمد الجرايحى

      اخي واستاذي محمد= الجرايحي

      نعم اخي الموضوع اكبر من ان يشبه بذلك

      ولكن هناك من يظنونها لعبة يجب تلبية طلبهم والايتاء بها فورا

      شكرا لك اخي

      تحيتي

      حذف
  17. السلام عليكم ورحمة الله وبركاته

    خدو الناس على قدر عقولها ... دا أولا

    ثانيا البلد كلها في حالة فوضى وكله بيتطنط مع الأسف .. على قفا اشعب المسكين !!!

    المهم أن الفكرة وصلت وهي عميقة على قدر بساطتها .. تحياتي الصادقة

    ردحذف
    الردود
    1. كريمة سندي

      وعليكم السلام ورحمة الله وبركاته ياست الكل

      عندك حق حالة فوضي هو ابلغ تعبير

      نورتيني وتعليقك اسعدني

      حذف
  18. لما بتبقى ناس مش فاهمه اللى بيحصل وبتمشى ورا الكلام الكبير اللى وارد مش يكون واصلهم بطريقه مناسبه لتفكيرهم عن طريق الاعلام والمذيعين والمذيعات
    بتبقى انسب طريقه ان الواحد يبسطلهم الموضوع بمثال واقعى يومى فى حياتنا عشان الموضوع يتفهم
    زى ماانت ما عملت بالظبط
    احيك بصراحه :)

    ردحذف
    الردود
    1. Bent Men ElZman Da !!10

      دينا اهلا بيكي اختنا الطيبة

      فعلا يادينا فيه ناس كتير الاعلام بيلعب في دماغهم

      اشكرك علي تعليقك

      تحيتي

      حذف
  19. ربك يستر يا صاحبي ونعدي المرحله بسلام

    ردحذف
  20. الردود
    1. نصّ تشخيصي بامتياز لحال الواقع ..

      المرحلة حسّاسة وصعبة لابدّ من الحكمة و التروّي

      و اتّخاذ المرحليّة و الإهتمام بالأولويات ..

      الله يعين مصر و أهل مصر و كلّ الأمّة .

      صاحب الزمن الجميل

      حذف
    2. منجي باكير

      حقا اخي العالي

      الاهتمام بالاولويات

      هو ماينقصنا

      اشكرك اخي علي تعليقك الجميل

      تحيتي اخي الرائع منجي

      حذف
  21. ما قولنا بلاش سياسه بقي :))
    انا شايفه تستلفوا من بعض وتلموا كده مبلغ كويس
    علشان انا عايزة حاجه حلوة ^___^
    ماهو اللي بيتمرمغ علي لعبه انهارده بكرة واحد تانى يتمرمغ علي حاجه حلوه
    بس انا شايفه الاسطى سيد كان بيقول مبرر كويس لابنه بس ابنه عاق بقي اعتقد الابهات التانييه مبيدوش مبررات قويه ولا إيه :)
    بس والله الاسطى سيد دة زى العسل ههههههههههه اهم حاجه لما يطهر الاعلام يعقم ويرش علشان الصراصير الفلوليه والحشرات الخارجيه تبعد عننا :))

    ردحذف
  22. rona ali

    رنا البنوتة الشقية

    ازيك

    انتي فين بقالك فترة غايبة عننا

    متقلقيش

    انتي بس اطلبي لا انتي تؤمري واحنا احلي حاجة في الدنيا نجيبها لرنا

    بنوتتنا الشقية

    موضوع الاسطي سيد ده نعمل ايه بس يارنا

    اصل الحكاية قلبت معيلة

    تحيتي يارنا

    ردحذف
  23. صباح الغاردينيا خالد
    انا طبعا مكسوفه اوي اصله مش عوايدي اتأخر كدا عن هنا
    بس اعمل ايه غصب عني بالنسبة للبوست بجد أبدعت جداً
    وصورت الحال بصورة بسيطة جداً ببساطة الاسطى سيد رغم انها للأسف صعبه جداً ربنا يحمي مصر ويتحسن الوضع "
    ؛؛
    ؛
    لروحك عبق الغاردينيا
    كانت هنا
    reemaas

    ردحذف
  24. ريـــمـــاس

    اهلا بيكي في اي وقت

    ان شاء المولي عز وجل

    اأمل ان تتحسن الامور

    تحيتي ياأميرة

    ردحذف
  25. مساء الخير ...
    كيفك ان شاء الله بخير
    سورى على التقصير بسبب الدراسة... والله سرتى التواجد هنا
    تحياتى لك
    ياسمين

    ردحذف
  26. رحيق الورد

    مساء الفل ياسمين

    اهلا بيكي في كل وقت وربنا معاكي

    احنا يسرنا ويسعدنا ان نري نجاحك امامنا

    نورتي ياسمين

    ردحذف
  27. ههههههههههههههههههه

    وانا هقوله نفس اللى قاله استاذ ابراهيم

    " حمادة لو مصدقك يا اسطى سيد كان طلع على طول "

    البوست ضحكنى :)

    ........

    اسفه ع تقصيرى معاكم كلكم :(

    ردحذف
  28. دعاء العطار

    ههههه ويمكن حمادة عنيد موميهموش ابوه يجيب منين المهم يجيب دلوقتي

    انتي تنوري في اي وقت يادعاء
    تحيتي

    ردحذف

اهلا بزوار المدونة

تعليقك الكريم يضيف الي مدونتي

سواح في ملك الله