Follow by Email

3 يونيو، 2012

لاياراجل ؟؟؟؟؟((انا وصاحبي 5))






 انت جاي من الفضا
 ولا من عالم بعيد
 هو يعني اللي اتقتل
 اللي مات وراح شهيد
 مات لوحده والا ايه
 حد خضه؟؟؟؟
 والا راح عند الميدان
 من قساوة الظلم  راح
 راح بصرخة يقول كفاية
 كل ظلم وله نهاية
 امشي ارحل روح بعيد 
 ورصاصة الغدر جاتله
 مين ا للي قتله
 مات لوحده
 حد خضه؟؟؟؟؟
 اصل كله عالورق بيقول برئ
 لا ياراجل
 واللي مات
 طب خلاص مش مات شهيد؟؟
 واللي قتله
 اللي قتله
 ايوه قتله
 طب مافيش برهان اكيد
 طب دليل الاتهام
 قطعوه
 طب ودمه يرو ح هدر
 احنا يا عالم رجعنا
 زي ايام العبيد؟؟؟
  القانون بيقول كدة  لازم دليل
 يعني ايه؟؟؟
 طب ودمه اللي نزف ده مش دليل
 لما طلقة  تخش جسمه مش دليل
   مين يكونلوا مصلحة
 ان شاب زي ده يموت قتيل
 لما تعرف هو مين
 يبقي ده هو الدليل
 اللي مات وراح شهيد
 مات لوحده  "
 حد خضه؟؟؟؟
 والا راح عند الميدان
 من قساوة الظلم  راح
 راح بصرخة يقول كفاية
 كل ظلم وله نهاية
 امشي ارحل روح بعيد القتيل بيموت لوحده ؟؟؟
ده كلام
دي حاجة تجنن اكيد








هناك 42 تعليقًا :

  1. ماخلاص الناس دي ماتت لوحدها
    كان فرح العمدة وضرب نار وكده
    وعيارين طيشين والناس هو ماتوا
    شهيد بقا مش شهيد
    مصر اصلا بقت كلها شهيدة

    ردحذف
    الردود
    1. شمس النهار

      الجاي خير ياشموسة

      يمكن ده انذار من ربنا عشان نفوق ونبطل

      نقطع في بعض وميبقاش الكل ضد الكل

      تحيتي

      حذف
  2. السلام عليكم
    تخيل انا من امبارح حاسة انى فى غيبوبة
    والله صدقت ياخالد لازلنا فى سيرك ( بلياتشو ) بس خبييييييييييييث اوى اوى اوى

    نسأل الله العافية
    ورغم كل شىء متفائلة لان الله لايضيع عمل العاملين الصادقين
    ومش ممكن ابدا دماء الشهداء ولا جراح المصابين ولا دموع الامهات يروح بلاش ابدا ابدا

    وبالنهاية ليس لنا سوى الله...فلا كاشف لها الا الله

    ولا يغير الله مابقوم حتى يغيروا ما بأنفسهم
    اشعر اننا جميعا علينا ان نتغير للافضل وهى البداية الحقيقية لاصلاح بلدنا

    تحياتى لك اخى العزيز
    دمت بخير

    ردحذف
    الردود
    1. ليلى الصباحى..

      وعليكم السلام ورحمة الله وبركاته

      طول ماحنا بنشوف حاجات تخرج عن المنطق

      نبقي فغلا عايشين في سيرك

      صدقتي اختنا ليلي

      لازم نتغير للافضل

      تحيتي

      حذف
  3. تعرف ان ده نفس ردى على اللى حصل
    قلت أكيد ماتوا من الخضة

    حاجة توجع وتقهر بجد

    ردحذف
    الردود
    1. موناليزا
      تعرفي لو واحد او اتنين او مجموعة او الاف مثلا معترضين علي الحكم

      كنا قلنا الناس غلطانة

      لكن تقريبا

      كل اللي بشوفهم مستغربين الحكم

      حذف
  4. انا فعلا مش فاهمة الحكم وخد بالك يا خالد انا مش فاهماه اكتر منى معترضة عليه لانى لسه عايشه فى مدينة القضاء اللى المفروض مانعترضش عليه

    ركز معايا كده لانى هلخبط

    دلوقتى لما هو مافيش دليل على ال6 دول ايا كانوا هم مين طب اتحكم على مبارك والعدلى ازاى يعنى فيه دليل على الكبار والصغيرين لاء؟

    انا افهم انى حكمت على مبارك لانه كان موجود فى منصبه لما ده حصل هو ماقلش اقتل بلسانه طب هو حصل بايد مين بقى؟
    مبارك اللى نزل مسك بندقيه وقتلهم؟


    ثم ايه حكايه انقضاء المدة دى حد يفهمنى يعنى السرقة بقت اكسبايرد؟
    انا مش معترضة ان بس مش فاهمة افهم وبعدين اعترض

    ردحذف
  5. reemaas

    علي حد علمي البسيط يابنوتة

    ان المحرض والمنفذ بيلقوا نفس الجزاء

    الحكم غريب وتوقيته اغرب

    تحيتي يانور

    ردحذف
  6. السلام عليكم...
    توقعت منذ عدة شهور عندما تم إعلان موعد النطق بالحكم في هذه القضية ليكون قبل أيام من جولة الإعادة في الانتخابات الرئاسية، أن يكون هناك صدمة مخبأة للشعب المصري في الحكم، وهناك دفع للبلاد في اتجاه معين.. أخشى أن يكون الفوضى.. في هذا التوقيت بالذات..
    ثم بعض البيانات والتصريحات التي قد تحتوي على بعض ما لا نتمناه.
    الميدان طبعا انقسم بين مطالب بإلغاء الانتخابات ومطالب بإنهائها.. ما هي فرصة!
    صدقني.. لا أستطيع أن أنحي جانبا نظرية المؤامرة من كل ما يحدث في مصر منذ قيام الثورة.. وأصدق دليل هو هذا الحكم الأخير وتوقيته.
    أما من نحتسبهم عند الله من الشهداء فأكيد أكييييييد...
    حد خضهم!
    تقبل تحياتي..

    ردحذف
    الردود
    1. Bahaa Talat

      وعليكم السلام ورحمة الله وبركاته اخي بهاء

      عندك حق اخي

      التوقيت مشبوه والحكم مستفز

      وبعدما اجتمع الميدان علي كلمة

      بدأ يتفرق

      باختراعات مجلس رئاسي وغيره

      اذا كان مش عارفين نتفق علي رئيس

      هنتفق علي مجلس رئاسي ازاي

      انهم يستغلون مشاعرك وانحيازاتك كوقود لفتنة

      حتي يحدثما ارادوا

      تحيتي

      حذف
  7. اخى سواح

    بما ان الحكم ادان مبارك و العادلى فقط
    اذا مبارك و العادلى انصاف الهة

    يجلسون فى مكاتبهم و يقولون اقتلوا فيتم قتلهم
    استغفر الله العظيم و لا حول و لا قوة الا بالله

    تحياتى

    ردحذف
    الردود
    1. ابراهيم رزق

      اظن اخي انهم لازالوا هكذا يعاملون

      تحيتي اخي

      حذف
  8. مفيش دم بيروح هدرو لا هيروح هدر و لو الحكاية دي متحلتش بسرعة
    هتتكون مليشيات تابعة للثوار و اهالي الشهداء و يقوموا بالقصاص لانفسهم
    الحكم غبي جدا و ممكن يولع البلد

    ردحذف
    الردود
    1. مصطفى سيف الدين

      لا اعتقد يامصطفي

      فنحن شعب مسالم

      يكفينا ويكفيهم حسبنا الله ونعم الوكيل

      تحيتي يادرش

      حذف
  9. لا حول ولا قوه الا بالله
    يقتلون الحقيقه
    ويعطون البراءه للقتله
    الساخر خالد
    كتبت بأحتراف كل حرف بشكل شيق ورائع
    تحياتي وتقديري

    ردحذف
    الردود
    1. ;كارولين فاروق

      لاحول ولا قوة الا بالله

      وحسبنا وحسبهم الله ونعم الوكيل

      تحيتي يافنانة

      حذف
  10. السلام عليكم
    لا أتخيل أهالى الشــهداء وحالتهم..وأظنهم سيلحقون بأبنائهم قريبًا من حسرتهم ربنا يســتر عليهم ويصبرهم
    ولأول مرة حســيت من جوايا أوى ان نفسى لو كنت من الشــهداء..أحسن ميت مرة من الحكم اللى سمعته..يا ريته ما قال كلمة براءة..
    صدقت ربى...إن الحكم إلا لله..

    ردحذف
    الردود
    1. habiba

      ذهبت دماء هؤلاء الابرياء

      فداءا لله وللوطن العزيز الغالي

      فهم عند الله مكرمون

      وهم عندنا ايضا مكرمون

      فنحن شعب لاينسي ابدا المعروف

      حسبنا الله ونعم الوكيل

      حذف
  11. فعلا استاذ خالد
    حاجة تجنن اكيد
    مش قادرة اقوول اكتر من كدا
    بارك الله فيك

    ردحذف
    الردود
    1. zeze

      شكرا زيزي

      وحسبنا الله ونعم الوكيل فيمن ظلم هؤلاء الشهداء الابرياء

      تحيتي

      حذف
  12. خالد العزيز لقد قلت كل مافي داخلنا ..نحن جميعاً أصبحنا كتلة من عدم الفهم لما يحدث ..دم هؤلاء في رقبة من ؟وبلدنا نحن في يد من ؟ومستقبلنا مع من ؟ليتنا نجد الجواب ..لكن في كل الأحوال كلماتك رائعة وتنم عن شاعر مقتدر كلماته سلسة ولكنها ممتنعة ..تحياتي

    ردحذف
    الردود
    1. اهلا بيكي ياست الكل

      حمد الله علي السلامة اولا

      تساؤلاتك مشروعة فهل نجد لهخا اجابة وهل من مجيب

      اشكرك علي ثنائك ومتغيبيش علينا

      فنحن نفتقدك

      تحيتي لكي ياست الكل

      حذف
  13. يااااااااه... قد ايه كل كلمه بتعبر عن واقع عايشينه
    ....ربنا يسترها معانا وعلينا...تسلم

    ردحذف
  14. amiraali

    يارب يااميرة

    حسبنا الله ونعم الوكيل

    تحيتي

    ردحذف
  15. مساء الغاردينيا خالد
    رغم ألم حروفك إلا أنها رائعة
    هذا هو قلمك ومشاعرك رغم الحزن
    مبدعة وذات إحساس رائع"
    ؛؛
    ؛
    لروحك عبق الغاردينيا
    كانت هنا
    reemaas

    ردحذف
    الردود
    1. ريـــمـــاس

      مساء الفل ريماس الاخت الغالية

      اشكر لكي رقي تعليقك واحساسك المرهف بأخوانك يامصرية الهوي

      تحيتي يااميرتنا الرقيقة

      حذف
  16. مصر يا أُم
    ولادك أهم
    دول علشانك شالوا الهم

    ايد واحدة ف كل مكان
    ضد الظلم والطغيان

    حلمى وحلمك مش هيموت
    كتفى ف كتفك علِّى الصوت

    حق الشهدا دين ف رقبتى
    يوم ما هاسيبه يوم ما هاموت

    تحيتى لك خالد

    ردحذف
    الردود
    1. mohammad nabiel

      انشاء الله يامحمد ياصديقي العزيز لن يضيع الله دماؤهم

      اثق ان الله الحق العدل سوف يرينا جزاؤهم

      تحيتي اخي

      حذف
  17. مؤلمه هى كلماتك
    بجد مؤلمه اوى

    ردحذف
    الردود
    1. رد

      Bent Men ElZman Da

      بقدر الالم بداخلي دينا

      رسم القلم مشاعري

      تحيتي دينا

      حذف
  18. والله فعلاً دى حاجه تجنن وتقهر :(

    بس اللى يصبرنا ان ربنا موجود واكيد دم الناس دى مش هيضيع هدر

    كلماتك بتقطر الما ومعبره عن احاسيس وكلمات نفسنا كلنا نقولها

    ردحذف
    الردود
    1. دعاء العطار

      ونعم بالله
      ربنا فعلا موجود يادعاء وسوف ينتصر لهؤلاء المظلومين

      حين نفقد الثقة في العدالة

      لابد ان نتألم دعاء
      تحيتي

      حذف
  19. مؤلم حين تكون تنتظر الفرج و تتعلق بأسوار الأمل
    لعل معجزة تحدث فيذهبُ كل ظالمٍ
    و تغدو الأرض تغني من الفرح !
    لكن ما يحدثُ هنا قَلَبَ كل الموازين
    عسى الله أن يرزق كل مسلمٍ فرجٌ و نصرٌ قريب
    ..
    السيد سواح في ملك الله :
    هذه الزيارة الأولى لمدونتك راقت لي
    و حرفك زاهي رغم الألم !
    ..
    مـتابعة !

    ردحذف
    الردود
    1. Miss Mystery

      الاخت الفاضلة والمتابعة الجديدة التي اتشرف بمتابعتها

      وحين تنقلب الموازين قد تذهب العقول

      وتتالم النفس

      ولانملك الا ان ينبض قلمنا الما

      تحيتي لكي

      حذف
  20. هوا انا مافهمش مصري اوي اوي ..لكن حبيت الكلام اللي كتبتوا
    واكتر حاجه حبيتها السطور ديات

    القانون بيقول كدة لازم دليل
    يعني ايه؟؟؟
    طب ودمه اللي نزف ده مش دليل
    لما طلقة تخش جسمه مش دليل
    مين يكونلوا مصلحة
    ان شاب زي ده يموت قتيل
    لما تعرف هو مين
    يبقي ده هو الدليل


    حلو الكلام ...ربنا يفرج كربتكم يارب وترجع لنا مصر ام الدنيا ^^

    لقيت تعليق ليك في مدونتي اولت ابقى اشوف مدونتك ...ايه رايك في كلامي المصري موش بطال ..ولا ما حاولش تاني :)

    اوختك ..أم حروبي ~

    ردحذف
  21. ~أم حرّوبي~

    اهلا بالاخت ام حروبي

    نورتي والله المدونة

    اسكرك جدا علي ثنائك الطيب علي كلماتي

    اتمني ونسعد دائما بزيارتك

    تحيتي

    ردحذف
  22. أخى الكريم : سواح فى ملك الله - خالد
    أكثر ما يعجبنى فى أطروحاتك العفوية والتلقائية ، كلمات بسيطة ولكنها فى المعنى عميقة وتدخل إلى القلب بدون استئذان ، كلماتك شاركتنا الهم والتساؤلات الحائرة.
    تقبل خالص التقدير والاحترام
    بارك الله فيك وأعزك

    ردحذف
    الردود
    1. محمد الجرايحى

      اخي واستاذي محمد الجرايحي

      سرني ماقلت رغم المي وحزتني الي مألت اليه الامور في بلدنا

      الحبيب

      اشكرك اخي علي المتابعة

      لك كل تقديري واحترامي

      تحيتي

      حذف
  23. مساءالخير
    سرنى التواجد هنا بمدونتك العطرة
    تحياتى لك
    ياسمين

    ردحذف
  24. رحيق الورد

    ياسمين

    شرني ايضا تعليقك ونفتقدك ايتها الاخت العالية

    تحيتي

    ردحذف
  25. وااااااو ... رائعة بجد ...

    تعرف ان قصائدك بتتغنى ؟

    بجد جميلة اوي ... و توصف واقع حزييين ... هما بجد الناس بقو كدا ؟

    ردحذف
    الردود
    1. قطرة وفا

      شكرا لكي قطرة الطيبة

      هو حفا واقع حزين

      الناس تغيرت قطرة

      تحيتي لكي

      حذف

اهلا بزوار المدونة

تعليقك الكريم يضيف الي مدونتي

سواح في ملك الله