9 يونيو 2012

الباحثون عن الفرعون

بعد نكسة 67
خرج الرئيس عبد الناصر بخطاب تنحي
الغريب
ان الملاييين خرجوا
لاثناء  عبد الناصر عن التنحي واستبقاؤه
وهو المسئول الاول عن هزيمة 67
ولو جيت اتكلمت مع المواطن البسيط

اللي انا احدهم
ان عبد الناصر كان سببا لهزيمة 6
7
يستفزك الرد
لاده مش هو
اومال مين 
الللي حواليه خدعوه
ترد تقول
ومين بقي اللي اختار اللي حواليه لاتجد رد يشفي غليلك
تكتشف اننا نحن الشعب البسيط
 كثير الطيبة
عندما نحب احدا
نتقبله بعيوبه وهزائمه
ولانقبل حتي مجرد انتقاده
توجهنا العاطفة حتي ولو كانت بعيدة عن المنطق
ومن هنا يأتي الفرعون

 الانتخابات الرياسية بقي

قاللي انا هنتخب شفيق
سألته ليه
قاللي عايزين استكرار
((هكذا نطقها ))
وكمان شفيق هيرجع الامن في 24 ساعة
قلتله
ميقدر عالقدرة الا ربنا
قاللي شفيق راجل كان وزير قبل كده
وعارف خبايا البلد ويقدر يمشيها كويس
انما مورسي ده بيفهم ايه في السياسة
مورسي هيمنع السياحة
قلتله ياسلام
يعني اللي يمسك الرياسة لازم يكون وزير قبل كدة
قاللي
اه طبعا
والاخوان لو مسكوا البلد مش هيسيبوها
دول ماسكين مجلس الشعب وعايزين يمسكوا الرياسة
ويكوشوا علي كل حاجة في البلد

وقاللي وتوفيق عكاشة اتفرجت عليه
قلتله لا
قالي ماسك مستندات عالاخوان وبيهددهم
قلتله ياسلام
قاللي كمان مورسي    ولاده   طلعوا امريكان
طب ايه المشكلة
قاللي المشكلة
انه المفرود ميخشش الرياسة
طب ايه اللي مزعلك من الاخوان
قاللي عايزين يكوشوا علي كل حاجة
ويلبسوا النسوان نقاب
ويمنعوا السياحة اللي بتجيبلنا فلوس للبلد
وهيطبقوا الحدوووود كمان
لاوالله 
طب وانت ايه اللي مزعلك من حكاية الحدود دي
هو انت والعياذ بالله بتعمل حاجة تستاهل عليها الحد
قاللي اعوذ بالله انا مبغضبش ربنا ابددددا
قلتله اومال ايه   


في رأيي
اكبر جرائم حسني مبارك
في حق شعب مصر
انه عمل وبأصرار علي تجهيل الاغلبية العظمي
من شعب مصر
ففي عهدة
تفشت الامية السياسية
والامية الثقافية
وعمل دائما علي ان نحتاج
  دائما الي فرعون يحكمنا

دائما ماننصت جيدا لصاحب الصوت العالي
 ويبهرنا صياحة





هناك 32 تعليقًا :

  1. كلام متشابه زي مايكون الناس دي حد ملقنها
    انا كمان كان في كلام تاني مارضتش انشره خفت عليكم من الشلل وانتوا لسه شباب
    ده في واحدة قالت لي انتوا فاكرين دي ثورة دي هوجة وشباب متدرب بره علشا يهدوا الوطن العربي دي بروتوكولات صهيون
    وكأن المفروض نعيش عبيد ولو ثرنا نبقا مأجورين
    مناقشات عقيمه والله يسامحهم اللي نادوا بنهدي شوية خاللي الناس تعمل شغلها طلعت مصيدة علشان الناس تشتغلنا ويرجعوا

    ردحذف
  2. شمس النهار

    علي فكرة ياست الكل

    انا لما قريت البوست بتاعك امبارح

    افتكرت كل الكلام ده وده حصل فعلا مع واحد اعرفه

    اللي نادوا بالتهدئة انا واحد منهم

    لان الاراء تفرقت

    والدعوات المليونية بسبب او بدون كترت

    وكان قصدي ان الثوار لايفقدوا شعبيتهم ولايستهلكوا

    عزائمهم عالفاضي والمليان

    يعني ميكونش فيه مليونية الا لسبب قوي

    مش دعوة لمليونية وتلاقي اعتصام وتليه مشاكل

    لحد مالناس زهقت

    الثوار ايضا مخطءون

    تحيتي ياشموسة

    ردحذف
  3. تعرف يا خالد من فترة كان نفسى اكتب فى الفكرة دى
    الشعب كله ياخالد محتاج احلال وتجديد
    الحكاية هتاخد وقت طوووووووويل على مانفهم

    الفرعون ما اكبر الا برضانا احنا وبارادتنا احنا

    احنا شعب نحب الاستعمار الفكرى قبل الارض

    بنحب نستسلم للسهل

    اتربينا على كده ولازم لازم لازم نتغير احنا الاول وبعدين نتكلم


    صحيح انا اتغظت وحسيت بالغيظ من كلام الاستاذ اللى دار بينك وبينه الحوار :) بس من النوع والصنف ده كتيييييير فى بلادنا وعلشان كده حسه ان شفيق هيفوز بسبب الجهل ده


    مش مبارك واسرته بس اللى كانوا طغاه احنا اللى ادينا لهم الفرصة اكيد بس اتمنى نتعلم ونفهم ونستوعب الدرس لان خلاااااااص القلوب تعبت اوى اوى


    سلمت اناملك ياخالد و كلامك موافقة عليه جدا

    دمت بكل خير اخى العزيز
    تحياتى وتقديرى

    ردحذف
    الردود
    1. ليلى الصباحى.


      الاخت العزيزة

      مثل هؤلاء الناس الطيبين البسطاء

      ميعرفوش حاجة في الدنيا غير انهم عايزين ياكلوا عيش

      ودي طبعا مش ميزة فيهم

      دي من اكبر عيوبهم

      لآن الرازق هو الله

      طوال فترة الستون عاما هم فترة حكم الفراعين الجدد

      استطاعوا اقناع الشعب علي انهم بل واجبارهم علي الايمان

      يانهم يرزقون الناس يحيون ويميتون

      ويحطون من قدر الناس في سبيل اعلاء شأنهم هم

      تحيتي اختنا الفاضلة

      حذف
  4. صباح الغاردينيا خالد
    أنا قرأت بوست شمس النهار ومن خلاله عرفت أراء بعض الشعب المصري واليوم بقرأ كلام متشابه هنا هو معقولة الناس بتفكر كدا وانا بقول لنفسي لما مصر مش عايزة نظام مبارك شفقفق بقى جاب الأصوات منين :(
    اقولك حاجة وماتزعلش انا بجد اتحطمت :(
    يارب تحفظ مصر "
    ؛؛
    ؛
    لروحك عبق الغاردينيا
    reemaas

    ردحذف
    الردود
    1. ريـــمـــاس

      هناك مستفيدون من نظام مبارك وقد يكون تعدادهم

      بالملايين

      وهناك اخطاء للثوار رجحت كفة شفيق

      شكرا لكي ايتها الاميرة الصغيرة

      اللهم امين

      حذف
  5. اخى سواح

    تصدق الناس دى ممكن تقنعها

    الخوف من اصحاب المصالح و اصحاب المليارات

    تحياتى

    ردحذف
    الردود
    1. ابراهيم رزق

      والخوف علي لقمة العيش

      والعيال

      هو عدم ايمان ياصديقي العزيز

      صعب ان تقنع خائف وجائع

      تحيتي اخي

      حذف
  6. السلام عليكم..
    تخيلت للحظة أنك تركت تساؤلات صاحبك في الحوار الذي أوردته بدون إجابة..
    غير أنني عثرت على الإجابة بين ثنايا كلماتك..
    وأعود لأقول:
    وليس يصح في الإفهام شيء... إذا احتاج النهار إلى دليل

    صدقني لقد أعيتني كثرة الجدال في هذه النوعية من الحوارات لدرجة أنني صرت أقول في نفسي أحيانا.. دعهم واختيارهم.. ولنا الله..
    تقبل تحياتي..

    ردحذف
    الردود
    1. Bahaa Talat1

      وليس يصح في الإفهام شيء... إذا احتاج النهار إلى دليل

      نعم اخي هناك من يحتاج الي دليل ليقتنع انه النهار

      علي غرار مأثورة توفيق الدقن في فيلم طاقية الاخفاء

      العلبة دي فيها ايه (((فيل ))))

      تحيتي ياصديقي

      حذف
  7. أخى الكريم : خالد
    ..... الجهل عدو الأمم .

    ومعركتنا الحقيقية مع الجهل .

    ردحذف
  8. محمد الجرايحى

    نعم اخي واستاذي انه الجهل

    ولكنا نحتاج ارادة للتعلم

    شكرا لك اخي

    ردحذف
  9. بصراحه يا خالد انا تعبت من الاحوال الجاريه
    واعتبرها نوع من انواع الحمق الفكري
    انا مصممه علي المقاطعه
    ولن اصوت لأحد لأني لا أرضي بأنصاف الحلول
    تحياتي

    ردحذف
    الردود
    1. ;كارولين فاروق

      الآخت الغالية

      لاأحد يلومك علي عدم التصويت

      ولكن هناك مقولة كنت سمعتها ان مالا يدرك كله لايترك كله

      تحيتي يافنانتنا الراقية

      حذف
  10. علي فكره فيه كتير من النوعيات ديه لكن صدقني لو حاولت تفهمهم وتقنعهم هتلاقي استجايه وده هو دور الشباب

    ردحذف
    الردود
    1. rack-yourminds

      صديقي العزيز

      لن تستطيع اقناع خائف او جائع

      فهناك من يخشي علي رزقه وقوت عياله من المستقبل

      الذي في نظره مجهولا

      تحيتي اخي

      حذف
  11. توفيق ده طلع داهية بجد واكيد طبعا مسنود جامد اهو وقت اللزوم عبيط وبيتكلم وهو اصلا بيعمل وبيجمع الناس لحسابهم

    فل فظييييييييع

    الاخوان كانوا فزاعة النظام السابق ومعظم اللى بيتقال عنهم مجرد غسيل مخ من البقايا

    هما ناس عاديين جدا لا بيطبقوا الشرع فى كل حياتهم ولا هما ملايكة ولهم اخطاء وحسنات
    بس ادينا بنقول احسن الوحشين

    ربنا يستر عن نفسى مليت واستسلمت خلاص وراضية باللى جاى


    دمت بخير

    ردحذف
    الردود
    1. رؤى عليوة

      الاخت العزيزة

      وهو المطلوب بارؤي

      استسلامك واستسلام غيرك الي ماجعلوه امر واقع

      يفرض علينا فرضا

      تحيتي يارؤي

      حذف
  12. مقال متعايش فيه هذا الزمن
    واعجبتني تعليقات الزملاء
    كلام واقعي وحقيقي
    الله يوفقنا لكل خير
    ودي :)

    ردحذف
  13. ازيك ياذوق

    شكرا ليكي علي تأملك للتعليقات الزملاء الافاضل

    وابداء رأيك الذي اراه صائبا

    تحيتي

    ردحذف
  14. تووووووووووفيق عكاااااااااااشه

    كله منه الله لا يجازيه .. انا كنت بسمعه عشان اضحك اكتشفت قال ايه ان ف ناس بتشوفه وتقتنع بكلامه يانهار فحلقى

    " دائما ماننصت جيدا لصاحب الصوت العالي
    ويبهرنا صياحة "

    انت لخصت المشكله كلها ف الجمله دى .. ربنا يستر ع مصر وعلينا

    ردحذف
    الردود
    1. دعاء العطار

      لما يكون فيه ناس وكتير بتصدق وتقتنع بكلام توفيق عكاشة

      يبقي فيه حاجة غلط

      ربنايستر يادعاء

      تحيتي

      حذف
  15. صراحة :
    سطحية ما بعدها سطحية !
    فقط أسأل الله أن يحفظ آل مصر من كل شر ~

    ردحذف
    الردود
    1. Miss Mystery

      للاسف كلام حضرتك مظبوط جدا

      نسأل الله تعالي السلامة

      تحيتي

      حذف
  16. اولا عجبنى البوسن كله على بعضه .. بس حبيت اقول ان حبنا لحد معين وتغلضينا عن عيوبه دي حاجة مفروغ منها عشان الحب بيبقى باكدج بكل العيوب وبكل المميزات ومش فيه اختيار مابين العيوب والمميزات سواء إلي بنحبه ده شخص عادي او زعيم .. دي وجهة نظري .. اما النص التاني مالبوست عجبني برضه وخصوصاً وصفك بطريقة الكلام ونطق الكلمات للراجل إلي معاه الحوار... وعايزة اقول ان الناس البسيطة وحتى الي ثقافتهم عالية او المتعلمين بيفكروا بنفس الطريقة فى ناس بتسمي ده جهل بس ده مش جهل ده رأى وكل واحد حر في رأيه حتى لو مختلف مع رأيى وبدل ما اسمع واقول يا سلام المفروض اتناقش ولو محدش افتنع برأى التاني يبقى نحترم اختلاف الاراء ... انا شخصياً شفت ناس منحازة جدا للاسلاميين او الاخوان وناس تانية منحازة جدا لشفيق والمنافشة مش نافعة .. النتيجة مهما كانت لازم ننفبلها مش نتحانق نخسر بعض .. برضه ده رأيى .. بس فى النهاية استمتعت بالبوست وخصوصا جزء ناصر عشان انا ناصرية .. ههههههه ... تحياتي

    ردحذف
  17. حواء

    اهلا بيكي

    بالنسبة للجزء الاول

    انا مش باستنكر علي الناس تحب حد او تكره حد

    بس باستنكر انك تحب حد لدرجة رفعه لمستوي الفرعون

    ثانيا

    طبعا كل واحد حر في رأيه شرط الا يتهم احدا دون دليل او علي

    او لمجرد انه سمع

    ربنا تعالي قال لنا في اياته افلا تعقلون

    اي قبل ان اصدق لابد ان افكر او اري بعيني

    اسعدني وجودك واستمتعت بحوارك

    فالاختلاف في الرأي

    يعطي مساحة للتفكر والتعقل

    تحيتي

    ردحذف
  18. بجد بجد بجد ؟؟

    هما الناس دلوقت بيفكرو كدا بمصر ؟

    معقووووول ؟؟؟ ...

    يااااااااا رب اعمل اللي فيه الخير يااااااااا رب

    ردحذف
    الردود
    1. قطرة وفا

      هناك اناس حرموا من نعمة التعليم ياقطرة

      هم يفكرون بأفق ضيق

      تحيتي ياقطرة

      حذف
  19. بنخلق الفرعون ونعبده ولما نسيبه ندور على بقرته ونعلها فرعون
    للاسف ناس بتواجه الحقايق بالاوهام وناس تصدق الاوهام وتنسى الحقايق
    ربنا يسترها واهلنا محتاجين مجهود ومحتاجين نصبر معاهم ونحاول نساعدهم ونحاول نوصلهم ان احنا معاهم مش بنحاربهم
    تحياتي واسف لتقصيري

    ردحذف
    الردود
    1. eng_semsem

      اهلا بيك يااسامة

      صدقت اخي

      هؤلاء الناس يحتاجون للصبر حتي يفهموا

      تحيتي اخي

      حذف
  20. ههههههههههه
    نفس الحوار
    ونفس الكلام معيا والله
    بس عشان تفهم حد ان كل شخص له مميزات وعيوب وان كل واحد له اخطاؤه
    يقولك لاء مادام شخص بيحبه
    انا شوفت ناس تحب ناصر لدرجة العبادة
    وكذلك السادات
    وناش تكره ده وده برضه لنفس الدرجة
    ومبارك مثلهم
    يعني هو ده المصري

    ردحذف
  21. re7ab.sale7

    المخيف ان التعلق بشخص شئ والتجتوز عن اخطاءه لاننا

    بنحبه ده شئ كارثي

    ولو تعمقتي اكتر في الموضوع هتلاقي احد اسباب الواسطة

    والمحسوبية في بلدنا هي اننا بنحب شخص فبنقربه الينا

    او نفضله عن غيره يكون اكفأ منه

    لمجرد اننا نحبه

    ردحذف

اهلا بزوار المدونة

تعليقك الكريم يضيف الي مدونتي

سواح في ملك الله