Follow by Email

2 يوليو، 2012

برامج التوك شو

 برامج التووووووك شو

ايييييييييه    عايزين ايه بالظبط

رغي رغي رغي لما الواحد زهق

وكل واحد طالع عايز رئيس الجمهورية يعمل كذا وكذا وكذا

ييجي بقي التاني يقول لا ده المفرووووووض يعمل كذا وكذا وكذا

يطلع بقي التالت وكأنه يصطنع بطولة يقول  علي فكرة انا مانتخبتش دكتور مرسي  بس الموضوع كذا وكذا وكذا

طب انا كمشاهد  هستفيد ايه من موضوع انتخبته واللا منتخبتوش



يوسف الحسيني   وتوفيق عكاشة  وشعبان عبد الرحيم  ثلاث اوجه لمنهج تفكير واحد

والثلاثة يمتلكون جمهورا كثيفا  هوذات الجمهور الطيب الذي يبحث عن ابو زيد الهلاالي ((الفرعون))

اييييييييييييييييييه  وكله بيقولها بطريقته وعلي حسب ظروفه


هي الناس دي ايام مبارك كانوا فين

 الترصد والتربص والاصطياد  هذا مايفعلونه مذيعوا التوووووووك شوووووا الآن




هناك 59 تعليقًا :

  1. السلام عليكم

    اتفق معك عزيزي سواح بأن هذه البرامج أصبحت مستهلكة جدا ومضيعة لوقت .. فنحن يهمنا من يقول ويفعل فقط والله المستعان

    ردحذف
  2. كريمة سندي

    الاخت الفاضلة

    تعجبني دائما ارائك الضائبة

    نعم يهمنا القول والعمل مع القول

    تحيتي سيدتي

    ردحذف
  3. أخى وصديقى الغالى : خالد
    هذا نفس ماأشعر به فعلاً هناك من يفهم معنى الديمقراطية خطأ ..,هناك من لم يستوعب اللحظة الفارقة.

    نسأل الله الهداية
    تقبل أخى خالص التقدير والاحترام

    ردحذف
  4. محمد الجرايحي

    اخي واستاذي

    وهناك ايضا مدعون بطولات هم ليسوا اهلا لها

    وكأنهم يبحثون لهم عن نصيب من التورتة كما يقولون

    اثق ان الناس بدأت ان تمل من طلعتهم البهية

    الا بعض البسطاء

    تحيتي لك

    ردحذف
  5. بيعملوا فلوس
    :))
    اي سبوبة

    من الاعلانات

    لا رؤية ولا كلام عدل
    ولا لغة سليمة
    ده انا اللي مبوظة اللغة العربية يمكن بفهم عربي عنهم:))

    ردحذف
    الردود
    1. شمس النهار

      نفسي بس يتقوا الله في مصر وينقطزنا بسكاتهم

      تحيتي ياست الكل

      حذف
  6. تضييع وقت للمشاااااهد و رغي غالبا مش مفيييد و مش جديد ولا بيفيييد !

    ردحذف
    الردود
    1. قطرة وفا

      هو يمكن بيضر اكتر مابيفيد

      تحيتي ياقطرة

      حذف
  7. دائماً البرامج العربية تستخفُ بعقول المشاهدين
    تطرحُ مواضيع سخيفة فقط لكسب الأموال
    اعتقد أن زمن البرامج هذه ولت منذُ القدم
    و اصبح عقول الناس اكثر تفتحاً من أن تصدق ما يطرحوه أو يتاثروا به حتى :/

    ردحذف
  8. Miss Mystery2

    صدقتي ايتها الاخت الفاضلة

    هم يستخفون بعقل المشاهد ولكن هناكمن البسطاء من يصدقونهم

    وهذا مخيف

    تحيتي لكي

    ردحذف
  9. اكثر من %95 من برامج التوك شو سبب ضياع الحقيقه وتضليل المشاهد
    تحياتى

    ردحذف
    الردود
    1. عمرو يسري

      صدقت ياصديقي

      فهم كان لهم تأثير كبير في الآنتخابات

      تحيتي

      حذف
  10. النهاردة فتحت مدونتك لما حسيت انك اتاخرت علينا ياخالد
    وكنت انتظر جديدك

    شعورك هو ما يجعلنى انا ايضا ابتعدت عن مدونتى من ايام
    كنت اتابع جديد السياسة والبلد وفى غاية الضيق مما يحدث من هذه القنوات
    شعور (( مستفز ) اللى بيحصل حقيقى فيه ناس متصورة ان رئيس الدولة هيجيب لهم لبن العصفور فى يوم وليلة وبتبحث عن اى ثغرة تكتشف منها خطأ للرئيس تحاسبه عليه
    ازاى فى يومين تلاتة او حتى شهرين تلاتة منتظرين ان حال البلد يتبدل فيها

    اعتقد ان العقول والتصرفات دى والقنوات السخيفة دى اللى بتأجر مشاهدين يقولوا اللى هم عايزينه هى اللى هتعمل فتنة وهتتسبب فى ازمة جديدة حسبنا الله ونعم الوكيل

    اشكرك على مشاعرك الصادقة ياخالد وكلنا مع رأيك اكيد

    تحياتى وتقديرى

    ردحذف
    الردود
    1. ليلى الصباحى..

      الآخت الفاضلة ليلي

      ان هذه البرامج فعلا هي من يفعل فتنة في البلاد

      فهماناس لايتقنون عملهم ولايتقون الله في بلدهم

      ولهم جمهور من البسطاء يصدقونهم

      تحيتي لكي اختي ليلي

      حذف
  11. يوسف الحسيني وتوفيق عكاشة وشعبان عبد الرحيم ثلاث اوجه لمنهج تفكير واحد
    "عجبتي أوي دي :)"
    انا شاغلني دا جدا ، خصوصا اني من المنوفية و ما أدراك ما المنوفية و اللي واحد قابله وقت الانتخابات

    ردحذف
    الردود
    1. محمد الدهيمي

      اهلا بيك فالمنوفية هي جزء من مصرنا الحبيبة

      بس مش عارف قصد حضرتك ايه بواحد قابلة وقت الانتخابات

      فأخوك صاحب هذه المدونة ليس من المنوفية

      وليس تبرؤا فهم اهل وأخوة

      ولكنها الحقيقة

      تحيتي لك

      حذف
  12. المشكله ان كل ده بيعود علينا احنا بالسلب والزهق
    وفعلا هنستفيد ايه فى الاخر؟
    ولا حاجه
    وللاسف الاعلام الاشخاص المحترمين اللى فيه
    بقوا يتعدوا على الايد الواحده

    ردحذف
    الردود
    1. Bent Men ElZman Da !!2

      فعلا يادينا الاشخاص المحترمين في الاعلام بقوا قلة

      قليلة

      عايزين الاعلام ينهض بالبلد

      مش يشوهها

      تحيتي يادينا

      حذف
  13. جزاك الله خيراً أخي خالد ..
    كلامك حق .. فالجميع ينظر على الرئيس ..
    وبعضهم يقول : "لو كنت بدل الدكتور مرسي فأول ما سأفعله هو كذا وكذا .. وخطابي الأول سيكون كذا وكذا .. "
    لدرجة أحدثت في قلوبنا بعض الملل من كثرة المنظّرين .. وقلة الفاعلين الذين يسعون للبناء ..

    يأخذون المال على مجرد الكلام ..
    وسيحاسبون الرئيس على أخطائه ويقعدون له بالمرصاد .. كما لو كانوا هم المعصومون عن الخطأ ..

    نعم لا نريد فرعوناً آخر .. ولكن لا يحق لكل صغير وكبير أن يتصرف ويتكلم كما لو أنه حكيم زمانه .. وهو ربما لا يكاد يعرف الخمسة من الطمسة ..

    دمت بألف خير ..

    ردحذف
    الردود
    1. ظلالي البيضاء

      نعم اخي يأخذون المال علي مجرد الكلام

      وليته كلام يبني

      اراهم يخربون العقول البسيطة

      تحيتي اخي

      حذف
  14. صباح الغاردينيا خالد
    مؤلم الإستخفاف بعقل المشاهد
    كما أن تلك البرامج لم تكن سوى ثرثرة إعلامية"
    ؛؛
    ؛
    لروحك عبق الغاردينيا
    كانت هنا
    reemaas

    ردحذف
    الردود
    1. ريـــمـــاس

      صباح الورد والفل للاخت الغالية

      صدقتي يأاميرة العاردينيا

      تحيتي لكي ايتها الآميرة

      حذف
  15. دي حاجة معروفة من اول ما اخترعوا التوك شو كل واحد بيستخدم برامجه علشان يمشيها حسب توجهه
    و تضيع الحقائق
    لو طالبت بالغائها هيقولولك حرية الفكر و الابداع و الاعلام لو سيبتهم هيحصل اللي في الساحة
    فكبر دماغك و متشغلش بالك

    ردحذف
    الردود
    1. مصطفى سيف الدين

      اخي الغالي

      امال فين شرف المهنة واتقان العمل والحياد

      دي المشكلة ياصديقي

      حذف
  16. اولا انا كويسه الحمد الله
    طيب يا بابتى بتظهر وتختفي كدهو ماشي ماشي :)))
    مش شغل ابوه دة علي فكرة

    بالنسبه للاعلام والاعلامين انا بطلت في العالم دة اقول علي حد كويس خلاص كله بسله فعلا مببقتش اسمع ولا اركز اتفرج واضحك هما كوميدى شو

    عموما ربنا يسهل وتيجى عاصفه تاخد الاعلامين اللى بيطبلوا في كل ناحيه دوال يارب :)

    ومش فاهمه بعد ما الشعب فاق وبقي يفهم مين بيضحك عليه ومين بيبعله الكلام ومين بيوضح الصورة زى ماهى
    وبعد الثورة كمان نفسي افهم مستنين ايه علشان يكونوا هادفين ومحترمين ويرتقوا بالعقول البشريه
    تحسهم هما في حته واحنا في حته تانيه خالص
    يلا السياسه خلت دماغ الواحد بقت خالص والعه :)

    المهم حضرتك بخير ^_^

    ردحذف
    الردود
    1. rona ali2

      الاخت الغالية والفيلسوفة العبقرية

      الظاهر يارنا الناس دي بتسترزق علي حساب الشعب

      بس هما يتقوا الله فينا

      انا بخير والحمد لله واشكرك علي سؤالك

      ربنا مايحرمني من اخوة طيبين وجمال زيكم

      تحيتي يارنا

      حذف
  17. اخى خالد

    الاعلام بيزنس
    و هو موجه فى كل العالم و ليس فى مصر فقط
    مطلوب فقطزيادة الوعى
    و سيتم اكتسابه بالممارسة

    تحياتى

    ردحذف
    الردود
    1. ابراهيم رزق

      اخويا الغالي ابراهيم

      هو بزنس وانا موافق علي كدة

      بس ليه ميكونش بيزنس نضيف مش مضلل للناس

      فين ضمير المهنة وقواعدها واصولها

      تحيتي لك اخي الرائع

      حذف
  18. السلام عليكم...
    حمدا لله على السلامة... عود أحمد بإذن الله.. أرجو أن تكون قد استعدت صحتك.
    بالنسبة لموضوع هذه القنوات وهذه البرامج المضللة، فمن أراد أن يعبث بعقله أناس من نوعية من ذكرت فيفعل، إنه كمن يتعاطى الممنوعات (والعياذ بالله)، فبضاعتهم ما هي إلا مخدر للعقول، والعاقبة على من اتبعهم واستمع لكلامهم واقتنع بمنطقهم!
    لكن تظل مشكلة في كيفية مواجهة هؤلاء، وأظن أن ذلك ينبغي أن يكون بمبرامج هادفة صادقة تجتذب المشاهدين وتصرفهم عن متابعة أمثال هؤلاء.
    أما عن حسابهم فهو عند الله الذي لا يغيب عنده مثقال حبة خردل في الأرض ولا في السماء، وما هو بغافل عما يفسدون.
    تقبل تحياتي...

    ردحذف
    الردود
    1. Bahaa Talat2

      وعليكم السلام ورحمة الله وبركاته

      الله يسلمك ويحفظك

      ولما يااخي الطيب لاتكون هناك نقابة

      تحاسب وتراقب كل مخطئ وتعاقبه

      ولا برضه هيقوله رقابه علي حرية الابداع

      علي كل اعلامي ان يتحمل مسئوليته تجاه وطنه ويتقي الله

      شكرا لك اخي الجميل

      تحيتي

      حذف
  19. في الحقيقة الله يكون في عون الرئيس..
    تحيتي لك أخي خالد

    ردحذف
    الردود
    1. أبو حسام الدين

      اهلا بيك اخونا العزيز

      صدقت اخي ابو حسام الله يكون في عون الريس

      تحيتي ليك

      حذف
  20. الردود
    1. ;كارولين فاروق

      فنانتنا ومبدعتنا كارولين واختنا الغالية

      الحقيقة لم يصلني اي تعليق غير تعليقك هذا

      واعتذر عن خطأ البلوجر انه اخطأ في حق اختنا الغالية ولم يرسل تعليقها

      تحيتي الطيبة لكي

      حذف
  21. المشكله انهم فعلا ناس كتير بتسمعهم وكل واحد ليه جمهور وبيصدقه واخيرا دخلوا في موضوع الوزاره لا ما ينفعش وزير كذا من الاخوان وماينفعش كذا ولازم يعمل كذا كمية كلام كتيره جدا بيحاولوا يستغلوا عطش الشعب للمعلومه بس للاسف الموضوع بقى عكسي وبقينا مش بنثق في اي حد يقول منهم معلومه
    تحياتي وحمدالله بالسلامه

    ردحذف
    الردود
    1. eng_semsem2

      اهلا بشمهندس اسامة

      نورت المدونة اخي

      فعلا الناس بقت علي وعي اكتر من الاول

      تحيتي ليك اخي

      حذف
  22. خالد أخي العزيز
    جايه اسلم عليك :)

    عشان أنا بطلت أتفرج على التليفزيون من زمااااان

    تحياتي ليك

    ردحذف
    الردود
    1. شيرين سامي

      الاخت الغالية وفراشة التدوين

      اولا نورتي المدونة

      لااعرف سر انقطاعك عن مدونتي

      لكن انا سعيد جدا بوجودك ومرورك

      ولازلتي لي اختا غالية اعتز بها

      تحيتي

      حذف
  23. أزيك يا خالد نورت البلوجر
    سعيده برجوعك من تانى
    للاسف انا بطلت زى شرين انى اتفرج على الناس دى
    ويكفينى استقرار البلد وكل الكلام ده مجرد حشو برامج لكسب اعلانات اكثر كلام فارغ

    المهم مش عايزينك تغيب من تانى نورت والله البلوجر

    ردحذف
  24. هبة فاروق

    الااديبة الرائعة والاخت الغالية هبة فاروق

    الحمد لله انا تمام وسعيد اكتر بطلتك الجميلة علي مدونتي

    فيه ناس ياهبة بتتاثر بمثل هؤلاء

    فهم حقا مصللون ومدعوا بطولات زائفة

    ان شاء الله لاغياب

    شكرا لكي ايتها الآخت الطيبة

    تحيتي

    ردحذف
  25. ولا يهمك يا خالد
    اكتب متين تعليق فأنت اخ عزيز
    بص بقي يا خالد انت عندك حق والله العظيم
    انا تعبت زيك واكيد كتير زينا تعبوا
    الله يكون في عونا
    اصبحوا مفروضين علينا
    بس انا خلاص خاصمتهم كلهم علشان قرب
    يجيلي تخلف عقلي
    تحياتي وتقديري

    ردحذف
    الردود
    1. ;كارولين فاروق

      الفنانة الرائعة

      اشكرك جدا وربنا يبعدك عن اعلاميون الفضائيات

      اللي ربنا يجازيهم لآنهم لم يتقوا الله في هذا البلد

      وظايطين بكلام لامعني له

      تحيتي يااطيب فنانة

      واشكرك جدا علي اشراقتك علي المدونة

      تحيتي لكي

      حذف
  26. عندك حق يا استاذ خالد ربنا يصلح لنا الحال ويجنبنا الفتن
    امين

    ردحذف
    الردود
    1. zeze

      استاذة زيزي اهلا بيكي

      ربنا يسمع دعائك ويجنب مصر كل شر

      تحيتي لكي

      حذف
  27. ههههه والله عندك حق يا استاذ خالد....
    كله واحد بيقول ايلي علي مزاجه...زي ما يكون المشاهد ده اهبل

    ردحذف
  28. amiraali

    للآسف يااميرة فيه ناس كتير بتثق في مثل هؤلاء وبتصدقهم

    وهما المذيعين المفروض يكونوا قد مسئولية الظهور الآعلامي

    تحيتي ليكي يااميرة

    ردحذف
  29. مساء البنفسج
    طبعا خلاص من زمان مبقتش اسمع ولا اشوف البرامج دي
    بلاش وجع راس

    ردحذف
  30. re7ab.sale

    مساء الفل والورد

    والله يارحاب انتي ريحتي دماغك منههم

    تحيتي

    ردحذف
  31. الحمدلله قناة توفيق عكاشة مش عندنا أصلا أعتقد إن دى نعمة من ربنا
    بجد ربنا ينتقم منهم كلهم

    ردحذف
    الردود
    1. حبيبة

      حسنا فعل جهازكم انه لايستقبل مثل هذه البرامح

      تحيتي لكي

      حذف
  32. لا و الله منقطعتش عن المدونه أنا بس فعلاً مقصره شوية و عشمي إنك متزعلش مني :)

    ردحذف
    الردود
    1. شيرين سامي

      انا عمري مازعل من اخت طيبة

      مثلك يافراشة التدوين

      تحيتي لكي

      حذف
  33. فعلا هي برامج أصبحت سخيفة وغير مجدية بالمرة ولا تقدم جديد للاسف .. فالاقلاع عن مشاهدتها افضل للصحة !

    اعذرني للتقصير في الزيارة ..

    تقبل خالص احترامي وتقديري.

    ردحذف
  34. وجع البنفسج

    حمد الله علي سلامتك اختنا الفاضلة

    صدقتي هي برامج بتجيب شلل وتخلف عقلي ههههه

    تحيتي

    ردحذف
  35. أزال المؤلف هذا التعليق.

    ردحذف
  36. هما كده فعلا بس سعات بيبقوا مسليين ههههه
    نص البرامج بقت بتهدى النفوس والنص التانى بيبتكر كوارث وبيبدع قصص الواحد يبطل يحرق دمه احسن
    ــــــــــ
    أختيار رائع للأغنية
    وأعتذار شديد عن التاخير فى المتابعة
    دمت بخير
    تحيتى :)

    ردحذف
  37. nesma hatem

    انتي فين ياشاعرتنا الرائعة

    نفتقدك ونفتقد كلماتك الجميلة

    اعتقد ان هذه البرامجاحد اسباب انتشار الضغط والسكر بين المصريين ههههههههه

    شكرا ليكي يانسمة

    تحيتي

    ردحذف
  38. لا تستعجب اخى من هؤلاء انهم افه المجتمع وفساد يرقص على جثث المواطنين والمشاهدين يبثون السم فى اذننا وعن الحق يحيدون ظنن منهم انة للمجد صانعون ولا يدركون انة لامن مصر يهددون

    صدق رسول الله عندما قال سوف ياتى يوم تجد فى بيت كل مسلم افةٍ .. والاعلام وهو الافة ومرض الامة
    تحياتى لك اخى على موضوعك

    ردحذف
    الردود
    1. مملكتي

      الاعلام هو افة هذا الزمان

      صدقتي اختنا الراقية

      قد يكون التضليل هو التسمية لهذه الآشياء

      وليس الآعلام

      تحيتي لكي

      حذف

اهلا بزوار المدونة

تعليقك الكريم يضيف الي مدونتي

سواح في ملك الله