28 سبتمبر 2012

كله بيفتي في الدستور


 يالا ياسيدي انت وهو

اقفوا طابور 

كل مواطن مالخمسة وتمانين مليون 

يحضر حالا 

اصل هنكتب الدستور

انت ياخينا عايزايه؟؟

كل مشاكلي في الآنبوبة 

ورغيف عيش

وكمان غللواالسعر ياخويا

 في وصل النور

وانتي ياستي

ايه طلباتك ؟؟

اكتب عندك 

انا لاهلف كتير ولا ادور

انا  طلباتي حقوق المرأة

ايه معناها ؟؟؟

الستات متقفش طابور

وانت ياعم الحج اؤمرنا

انا طلباتي علاج مجاني

ولما اروح اكشف في ثواني

ميعذبنيش الدكتور

وانتي ياأمورة طلباتك

مش طمعانة غير في عريس

ياسلام لوكان اللي في بالي

الواد الحلو الآمور

وانت يا بيبي  عمرك كام؟؟

ست سنين
عاوز ايه؟؟؟

نفسي اتعلم بالمجاني

نفسي مخدش درس خصوصي

واحضر حصصي 

نفسي كمان في الفسحة ياعموا 

مهربش مانطش مالسور
وانت يااسطي ايه طلباتك ؟؟
 
انا راجل سواق عربية

نص حياتي واقف في اشارة

نفسي اشوف في بلدنا سيولة

 نفسي اشوف فى   بلدنا  مرور

وانت ياأستاذ عايز ايه؟؟

نفسي في مرتب  يكفيني

ويعيشني انا وعيالي

 يادوب مستور

وانت ياأستاذ؟؟؟

عندي مواهب

كل ماروح يقولولي بواسطة


تبقي في يوم فنان مشهور


وانت يااستاذ يابونضارة؟؟؟

انا تعبان في حياتي

في بيتي

وكمان شغلي

بعدالعلم اللي اتعلمته

قولت ياريتني ماخدت شهادة

شغال ايه؟؟؟

انا دكتور



ياأخواننا الدستور مفيهوش 

ولاأنبوبة ولامستشفي

الدستور ده تعاقد بيننا وين الدولة

اقدر الخص كل كلامكم في كام كلمة

في الدستور

هي عدالة اجتماعية




هناك 26 تعليقًا :

  1. السلام عليكم

    وحشتنا كلماتك ياخالد
    طولت علينا الغيبة كتير


    لخصت فى سطورك ( الذهبية ) كل ما يحتاج اليه اى انسان عربى فالمعاناة واحدة والشكوى واحدة
    وفى النهاية الشعب فى وادى والحكومة فى وادى اخر

    العدالة الاجتماعية بعيدة كل البعد عن الحكومات لكن هناك امل ان يحصل التغيير وبشرط نبطل نفتى فى اى حاجة


    تحياتى لابجدياتك الراقية واحساسك الرائع

    ارجو الا تطيل الغيبة علينا اخى الكريم

    تحياتى بحجم السماء

    ردحذف
    الردود
    1. ليلى الصباحى..

      وعليكم السلام ورحمة الله وبركاته

      الآخت الراقية

      شكرا لكي علي سؤالك الراقي

      رغم عدم كتابتي فأنا اتابعكم اختي الطيبة عن قرب

      واتابع ايضا مايحدث في بلادنا بقلق

      رغم اني لدي امل اننا سنجتاز هذه المرحلة


      وكل ماقصدته من هذا البوست

      انه يجب الا يفتي كل من لايعلم فيما لايعلمه

      اما عن الحكومات فأنا اؤي ان هناك ايادي لازالت تعبث

      لآفشال اي جهد تقوم به

      تحيتي اختي لكي

      حذف
  2. لاتلوم علي الناس
    لوم علي اللي علي الفضائيات
    هل حد طلع قال لهم يعني ايه دستور
    لأ طبعا علشان لما يطلبوا منهم يبصموا يبصموا من غير فهم حقيقي
    ---------
    شكرا علي مباركتك لي
    وكلماتك الجميلة
    وعقبالك يارب

    ردحذف
    الردود

    1. شمس النهار

      عندك حق ياست الكل فالفضائيات تمعن في تشويه

      اي مجهود يصنعه كتاب الدستور

      وتجتهد لتضليل الناس

      تحيتي ياشموستنا

      ويارب تكون الشموسة الحفيدة ووالدتها بكل خير

      حذف
  3. خالد خلدى
    انا مع الاخت الكريمة العزيزة ليلى الصباحى التى اطمئن الى وجودى فى الدنيا بوجودها بين احضان مدوناتنا حيث لا يفوتها واجب ولا تقصر عن لازم
    خالد
    غلب وتغلب الكلام هذه الايام واعتلى على كل شئ
    اقسم ياخالدى اننا يمكن ان تتعامل بدون دستور مقروء ومكتوب لو خلصت النية ونظفت البنية
    يا اخ خالد ان الغالب منهم لا يبغون اصلاحا بل افسادا لهذا البلد الطيب بكثرة الكلام وقلة الافعال

    ردحذف
    الردود
    1. faroukfahmy5828

      استاذنا ومعلمنا الجميل

      عندك حق فأنا اعرف ان بغض البلدان

      ومنهم انجلترا ليس لديها دستور

      وتعد من اكثر البلدان في العالم محافظة علي حقوق مواطنيها

      نعم استاذي نحتاج الي صدق النية مع البلدومع النفس

      تحيتي لك

      حذف
  4. لقد عرضت نماذج من طبقات الشعب المصرى البسيط بصوره بسيطه ورائعه وأستطعت أن تلخص كل هذا فى جمله واحده عداله اجتماعيه ..ليت الجميع مثلك يوضحون الصوره بطريقتك البسيطه حتى يعلم من يجهلون ما معنى عداله اجتماعيه
    أتمنى التغيير وتطبيق مفهوم العداله الاجتماعيه لكى يعم الجميع
    شكرا لك اخى تحياتى

    ردحذف
    الردود
    1. هبة فاروق

      الآديبة الرائعة

      ياأختنا الفاضلة هناك من يسعون بجد

      لتجهيل البسطاء امثالنا وتعقيد الامور عليهم

      حتي يتمكنوا من فرض ارائهم علي الدستور

      يجب علي كتبة الدستور ان يعبرون عن

      احتياجات وحقوق المواطنين بكلمات بسيطة

      وليست بالتعقيدات التي نراها كل يوم

      تحيتي ياأديبتنا واختنا الغالية

      حذف
  5. انا مع شمس لازم القنوات الفضائيه
    توضح ايه هو الدستور
    للناس البسيطه اللي مش فاهمه ايه هو دستور
    وبقول من منبري هذا دستور ياأخونا
    افهموا
    بس تعرف كل المشاكل دي لازم تتحل بجد
    والبلد دي لازم ينصلح حالها وتحل مشكله المرور
    علي الاقل ورغيف العيش يعني الواحد مش بيطلب حاجات معضله
    عموما يا خالد برافو عليك لخصت الحالات والفئات اللي في المجتمع كويس جدا ووضحت ايه هو دستور
    صباحك ورد
    تحياتي

    ردحذف
  6. كارولين فاروق

    صباح الفل يافنانتنا الراقية

    للاسف يافنانة الفضائيات مش فاضية غير للتوجيه

    كل قناة منهم فيها كام مذيع عايز يوجه الناس

    حسب رؤيته ومزاجه هو

    زده طبعا في الفترة اللي احنا عايشنها

    اكبر غلط

    مطلوب منهم الحياد وتبسيط المعلومة وتوضيح الصورة

    لااكثر

    تحيتي يافنانة

    ردحذف
  7. الأخ والصديق العزيز : خالد
    أولاً مرحباً بهذه العودة الرائعة
    وهذا الطعم الجديد وهذه النكهة المتميزة

    كلمات ومع كل البساطة التى تميزها إلا أنها شديدة العمق
    تقبل خالص تقديرى واحترامى

    وبارك الله فيك وأعزك

    ردحذف
    الردود
    1. محمد الجرايحى

      اخي العزيز

      اهلا بيك نعمل ايه بس نحن قلقون اخي من هؤلاء المتوترون دائما

      فهم ياولون الآلفاظ والكلمات عل حسب اهوائهم

      واتسائل ماذا لو استؤمنوا هؤلاء علي شعب

      تحيتي اخي

      حذف
  8. هنقول ايه بس في الشله الفاشله والكائنات الغريبه اللي بتطلع كل يوم علي الفضائيات !!

    ردحذف
    الردود
    1. rack-yourminds28


      نعم ياصدقي هو ادق وصف قلته

      فالآعلام اليومين دول لايستضيف غير كائنات غريبة

      تحيتي اخي

      حذف
  9. للاسف حتى المبادىء و الثوابت بقينا بنختلف عليها
    تدوينة جميلة يا خالد

    ردحذف
  10. مصطفى سيف الدين

    للاسف ياصديقي فلم تعد بيننا وبعض لغة مشتركة

    فأصبح الفتي حسب الاهواء

    تحيتي ياعبقري

    ردحذف
  11. صدقت استاذ خالد احنا فعلا نفتقد للعداله الاجتماعيه
    وده ملخص رائع لطلبات الناس البسيطه
    تقبل مروري
    تحياتي

    ردحذف
  12. semsma ahmed

    اهلا بيكي وبمرورك العطر

    ياريت الناس اللي معقدة الدنيا في موضوع الدستور تفهم

    ان الدستور ماهو الا مجموعة عناوين تعبر عن حقوق وواجبات

    نورتي سمسمة

    تحيتي

    ردحذف
  13. إن العدالة الاجتماعية وحق العيش للجميع بمستوى يكفل لهم حياة كريمة أصبح هاجس ثورات الربيع العربي .. أبدعت كالعادة في وصف معاناة الشعب

    ردحذف
    الردود
    1. كريمة سندي

      اهلا بيكي ياست كريمة

      اشكركعلي مرورك وتعليقك الذي يعبر عن فهم حقيقي لقضايا واقعنا العربي

      تحيتي وتقديري

      حذف
  14. اخييييييييييييرا كتبت واخيرا انا جيت :)

    رغم انى مكنتش مستعدة اقرا النهاردة حاجة بس لما كتبت قلت مابدهاش بقى

    منهم لله ياعم خالد اللى اختزلوا الدستور اللى قايمين ناييمن نحلم بيه فى سن جواز البنات ونحط كلمة مبادئ ولا نسيبها شريعة حاجة تخنق وربنا


    كلامتك غاية فى السهولة وده اللى مستغرباه بتتكلم عن الدستور مرة واحدة بكل سلاسة..........اومال هم مكلكعينها ليه

    ردحذف
    الردود
    1. اخيرا نورتيني يانور مدوناتنا

      بصي يابنوتة

      فيه تشويه متعمد لحكاية الدستور دي

      خاصة من النخبة قصدي النكبة

      حكاية سن جواز البنات دي مش ممكن عاقل يصدق انها تتحط في دستور

      لآن دي لو فرضنا مثلا انهم هيطبقوها وده مستبعد يعني

      فدي تتحط في قانون

      الدستور هو عبارة عن عناوين عريضة لحقوق وواجبات المواطن للدولة

      الدستور لايحوي تفاصيل

      لكن بقي تعملي ايه لآستفزاز الآعلام

      تحيتي ياأطيب بنوتة

      حذف
  15. حمداً لله على سلامتك يا خالد ..
    لا حرمنا الله من إبداعاتك الراقية.

    عموماً فيه ناس هدفها إنها تعمل بلبلة وتخبط فى أذهان الشعب .. خاصة البسطاء ..
    وهؤلاء "النكبة" - زى ما سميتهم بحق - يأتون على رأس هؤلاء ..

    فى اعتقادى أن كثيراً من هؤلاء "النكبة" يريدونها على هواهم ووفقاً لأمزجتهم .. بل أعتقد أن كثيرين منهم لا يريدون استقراراً لمصر ..
    لا لشىء إلا لأن القائمين على شؤون البلد الآن "إخوان" ..
    دون أدنى موضوعية فى المعارضة ..
    لأن نجاح الإخوان فى أى شىء يعنى ببساطة ضياع أحلام الكثيرين فى الوصول إلى السلطة .. لأن ساعتها الإخوان مش هيطلعوا ولا بالطبل البلدى ..

    حتى أصبح شعار هؤلاء "النكبة" ..
    فليسقط الإخوان .. وإن سقطت معهم " مصر " ..
    ولنحصل على السلطة .. وإن كان على أشلاء الوطن.

    ردحذف
  16. محمد نبيل الآخ الغالي

    هؤلاء المتوترون حاليا والنكبة سابقا

    لايريدون تقديم شئ لبلادهم سوي اسماء تلمع ان هذا او ذاك

    كان احدالمعارضين للرئاسة او الحكم

    يبدوا انهم امتهنوا المعارضة لمجرد المعارضة

    ولآنها بالنسبة ليهم باين شغلانة كويسة

    نورتني اخي ودائما مايثري مدونتي تعليقك الراقي

    تحيتي لك

    ردحذف
  17. في كلمت الزجل التي أنشدت و ناشدت تعبير عن الرغبات والأحلام البسيطة التي يجب أن تكون في متناول الجميع .. لكن القهر والظلم جعل منها أحلاما صعبة المنال

    لقد حكيت بلسان الملايين و أفصحت عن حالهم

    تحيتي لك أخي الكريم

    يشرفني أن أكون هنا

    ردحذف
  18. زينة زيدان

    اهلا بحضرتك فقد شرفت مدونتي بوجودكالكريم وتعليقك الرائع

    يوجدفي بلادنا اختي مجموعة يطلقون علي انفسهم النخبة

    يتشبثون بالآلفاظ والمعاني ويستعرضون مهاراتهم اللغوية

    ويتصارعون في حين نحن المواطنون البسطاء لايهمنا عبثهم

    ولذلك عبرت عن قسم كبير من شعوبنا دون تزمت اوتعقيدات بهذه البساطة التي نبتغيها

    نورتي المدونة اختي

    تحيتي

    ردحذف

اهلا بزوار المدونة

تعليقك الكريم يضيف الي مدونتي

سواح في ملك الله