12 أكتوبر 2012

الجمل هواللي قاتل


 الجمل هو اللي قاتل

حتي كل الدنيا شافت

صورته كانت عالشاشات

الجمل ده اصله داهية

كان بيضرب بالرخام

كان بيمسك بندقية

كان بيقتل في الزحام

حتي اسأل اللي مات

الجمل ده كان قيادة

حزب وطني

بس اشك في انه وطني 

الجمل كان العوبان 

بغبغان 

بهلوان

اصله تربية حارات

 الجمل ده كان ناهبها

كان خاربها

 لما شاف الثورة قامت

قال ماينفعش اسيبها

راح مجهزمن سكات

بندقية وبلطجية

 وهوب طب علي الميدان

هوب يضرب

هوب ولع نار  ويجرح
بالساعات

يوم ماهتغيب العدالة

قول علي الدنيا السلام

يوم ماييجي اللي قتلك

اللي سرقك

اللي نهبك

يسألك دمك بكام

 يبقي ترفع شكوتك دي لربنا

 هو بيجيب الحقوق

للي عايش واللي مات











هناك 35 تعليقًا :

  1. السلام عليكم...
    رائعة...
    بس إنت نسيت متهم تاني شريك مع الجمل..
    ..
    ..
    .
    الهلال
    ؛)
    تقبل تحياتي...

    ردحذف
    الردود
    1. Bahaa Talat12

      وعليكم السلام ورحمة الله وبركاته

      منا مشفتش غير الجمل

      هكدب يعني

      نقول ايه بس يابهاء

      تحيتي اخي

      حذف
  2. السلام عليكم
    كلمات رائعة جدًا ما شاء الله
    الوضع ده صعب أوى فوق طاقتنا بجد...حسبى الله ونعم الوكيل

    يبقي ترفع شكوتك دي لربنا
    هو بيجيب الحقوق
    للي عايش واللي مات

    ملناش غيرك يا رب :(

    ردحذف
    الردود
    1. habiba12

      وعليكم السلام ورحمة الله حبيبة

      تقدري تقولي وضع مضحك مبكي

      بس ربنا فوق الكل

      بس احنا نخلص في الدعاء وانا واثق انه هيورينا اية من عنده

      تحيتي حبيبة

      حذف
  3. ايووووووووة علي يدي الجمل كان الفاعلي والمفعول به
    بس مين اللي سلط الجمل بقا

    ردحذف
    الردود
    1. شمس النهار

      ياشموسة الجمل كان حزب وطني

      بس اشك في انه وطني

      اللي يقتل ابن وطني

      حذف
  4. السلام عليكم

    الجمل تعب معانا جدا :)
    بس تعرف ياخالد لازم نعمل قانون جديد ونسحب الجنسية المصرية من الجمل
    اكيد هو السبب فى كل اللى حصل يبقى لازم يتعذب ويتكهرب لحد مايعترف
    مادام الكل طلع براءة فى مهرجان البراءة للجميع ده يبقى اكيد هو المجرم الوحيد


    والله هم يضحك وهم يبكى حسبنا الله ونعم الوكيل

    سلمت اناملك ياخالد تغيب تغيب وتأتى بالروائع
    تحياتى لك اخى بحجم السماء

    ردحذف
    الردود
    1. ليلى الصباحى..

      وعليكم السلام ورحمة الله وبركاته اختنا ليلي

      بس تعرفي ياأختنا ليلي

      اللي بيحصل ده بيحسسني انهم بيعاملونا علي اننا شعوب ساذجة لاتفقه

      كل مانتمناه العدالة وان لم نجدها فعدالة الله اكبر واقوي

      تحيتي

      حذف
  5. كلمات ساخره على واقعنا الآليم
    تعرف يا سواح يوم البراءه تذكرت اغنيه اسماعيل ياسين العفو عند المقدره أحسن كثير من الشوشره هههههههه هم يضحك وهم يبكى
    كلمات رائعه اعجبتنى جدا وملائمه للموقف

    ردحذف
    الردود
    1. هبة فاروق

      الاديبة الرائعة

      العفو عند المقدرة فعلا بس احنا مقدرناش يبقي هنعفي ازاي

      تحيتي ياأديبة وكل سنة وعمنا الجميل فاروق فهمي بخير

      حذف
  6. يوم ماهتغيب العدالة

    قول علي الدنيا السلام


    صحيح
    للاسف مبقاش فيه حاجة ممكن تخلينا نفرح اوى ونكمل الفرحة ومنخافش تتسرق

    هى الدنيا كده ولا احنا السبب

    ربنا يعديها بقى على خير

    دمت بخير

    ردحذف
    الردود
    1. رؤى عليوة

      لا يارؤي احنا السبب

      مينفعش جرايم مبارك وعصابته يتم محاكمتها قدام محاكم طبيعية

      لآن اللي عملوه في الشعب كان غير طبيعي

      ده كان يلزمهم محاكمات عسكرية وثورية

      تحيتي يارؤي

      حذف
  7. معبره و الله جداااا

    و على جنب كده : فعلا فيه بلاغ للنائب العام ضد الجمل بان هو الى قتل المتاظرين :) :)

    ردحذف
    الردود
    1. محمود احمد

      شكرا ليك

      طب وكان فيه احصنة مبلغوش عنهم لييه شكرا علي مرورك

      تحيتي

      حذف
  8. كرهونا فى الوطن
    كرهونا فى الميدان
    كرهونا فى الجمل
    كرهونا فى الحيوان

    ردحذف
    الردود
    1. مسلم مصرى

      والله عندكحق يامسلم كرهونا في كل شئ

      تحيتي اخي

      حذف
  9. لقد نجحوا بالفعل فى طمس الأدلة ..

    أحياناً أتساءل .. هل كان يجب علينا التمسك بإقامة محاكم ثورية ؟

    ثم أعود فأقول : ولكن قد ثبت فى العديد من البلدان أن المحاكم الثورية كثيراً ما تأخذ بعض المظلومين فى سكتها.

    موقعة الجمل بالذات .. كانت الحدث الفارق فى مسيرة الثورة المصرية , لذا فلا بد أن يعاد فتح ملف التحقيق من جديد على أيدى قضاةٍ أكفاء ذوى سمعةٍ طيبة لا تحوم حولهم شبهة الانتماء إلى نظام مبارك الفاسد.

    تحياتى لك خالد على هذه الكلمات المعبرة جداً.

    ردحذف
  10. mohammad nabiel1

    بالعكس ياصديقي فالمحمكة الثورية كانت ستنهي ذلك الجدل

    وكل شعب مصر عن ظهر قلب يعرف من هم فاسدوا عهد مبارك ومن هم من لم يفسدوا

    تحيتي اخي

    ردحذف
  11. والله جميلة جدا وأكر من رائعة .. فالجمل كان بطل المعارك منذ ستنا عائشة وإلى اليوم .. أبدعت أخي في الله خالد بارك الله فيك

    ردحذف
  12. كريمة سندي

    سيدتي اشكرك علي مرورك وتعليقك الراقي كم من صعاب تحملها ذلك الجمل

    شكرا لكي

    تحيتي

    ردحذف
  13. انت مستهون بالجمل ده داهية
    و على فكرة بيقولوا انه اخد لقب مكار من التعلب :)
    جميلة يا خالد

    ردحذف
  14. مصطفى سيف الدين

    ازيك يادرش

    طيب والثعلب يقعد من غير لقب هههههههه

    ده الجمل ده طلع حكاية

    تحيتي يادرش

    ردحذف
  15. لا أدري ماذا يجبُ أن يقال في هكذا مواقف
    أسال الله أن يحميكم و يرد كيد أعدائكم في اعناقهم

    ردحذف
  16. غُفرَانْ

    شكرا لكي اختنا كفاية مشاركتك لنا

    تحيتي اختنا


    ردحذف
  17. نفسى اضحك بس مش عارفة من كتر حزنى ونفسى اعيط بس مش قادرة من كتر ما الموقف ساخر ولا عارفة اقول العيب فى القضا ولا فى اللى جمع الادلة ولا فينا علشان اتمنا ناس غلط ولا فينا علشان ماعرفناش نعاقب المجرم حلها اننا لما جريمة تحصل ناعقب احنا المجرم وننجز؟

    او نصدق فعلا ان العيب فى الجمل!!!!

    ردحذف
  18. يوم ماهتغيب العدالة

    قول علي الدنيا السلام

    يوم ماييجي اللي قتلك

    اللي سرقك

    اللي نهبك

    يسألك دمك بكام

    يبقي ترفع شكوتك دي لربنا

    هو بيجيب الحقوق

    للي عايش واللي مات


    حاسس ان ربنا هيحلها منعنده

    كل لحظة فيه حاجات بتظهر

    تحيتي يانور

    ردحذف
  19. تأخر تعليقى غير قاصدا بل ساعيا الى حبيبي
    خاطرة .. خطرت ببال كل ذى بال
    وللاسف لزقت بالجمل المظلوم بما اصاب كل جمال وكمال والفاعل مجهول وجهلوه
    تحياتى خالد

    ردحذف
  20. faroukfahmy5814

    استاذنا العزيزتعليقك في اي وقت يضئ مدونتي

    استاذنا العزيز هم جهلوا الفاعل

    ولكن كلنا يعرف من كان صاحب المصلحة الحقيقي في قتل واصابة

    الثوار في هذا اليوم

    تحيتي استاذنا العزيز

    ردحذف
  21. عندي امل يا صديقي العزيز انه لن تذهب دماء الشهداء سدي

    اسال الله ان يرحمهم جميعا ويجمعهم مع الصديقين والنبيين والشهداء

    ردحذف
  22. rack_yourminds17

    لن تذهب دماؤهم فقد سمي الخالق عزوجل نفسه العدل

    وعند العدل لاتضيع مظالم

    تحيتي

    ردحذف
  23. مفيش تعليق يتقاااال علي ايلي بيحصل ..
    غير ان فعلا الجمل هوا ايلي عمل كده ....
    بس حلوه...تسلم

    ردحذف
  24. amiraali

    شفتي ياأميرة اديكي قلتي

    قطعا الجمل هو صاحب المصلحة الحقيقية في قتل المتظاهرين

    تحيتي اميرة

    ردحذف
  25. كلّ عام و أنت بخير و محبّة

    أعاده الله على الأمّة بالنّصر و العزّة و الرجوع إلى
    أمر الله ،،،

    تقديري

    صاحب الزمن الجميل

    *

    ردحذف
  26. منجي باكير

    كل عاموانت بخير ياصاحب الزمن الجميل

    اوحشتنا منجي

    اللهم امين اخي

    تحيتي لك

    ردحذف

اهلا بزوار المدونة

تعليقك الكريم يضيف الي مدونتي

سواح في ملك الله