17 يناير 2013

دًهــــــــــــولة


 َولولة

وصريخ ووَش ودَهولة

وإشعات وبلبلة

حتي الولا

مَبقاش ولا **شبه البنات

حتي البنات الفاتنات



دلوقتي مبقوش  فاتنات

دي كائنات مٍستَرجلة

هي الحكاية بقت كده

انا اللي عيني مزغللة ؟؟


واللا احنا عايشين مشكلة؟؟

واللا احنا  مشبعناش كلام

وجدال وكتر اسئلة ؟؟

ولسان سليط

بيقولُ جُمًل قال فيلسوف

وتبُص تلاقيه هرتلة

شغال في فتنة وشعللة

وده كان زمان  إنسان أليف

قال ايه ودلوقتي بطل

شغل الحواة

وجلا جلا

هو احنا ناقصين دنجلة

ده أنت  التاريخ يشهد عليك

 يرموك في اقرب مزبله

لوا لشجاعة بالصريخ والَوَلَوَلة

كان الحُمارأشجع شجيع

 ماتفوق وبطل صهللة

 وتخٍف فتنة وشعللة

ماتروح يانونومدرسة

يعلموك اصل الكلام

ويلبسوك المريلة


فتنة الآعلام
ٌٌٌٌٌ

 

هناك 54 تعليقًا :

  1. مع اني معرفش تقصد مين بالكلام اللي بالنهاية ...

    بس ربنا العالم اد ايه زعلانة على اللي بيحصل ... دم العرب بقا مي أو يمكن أرخص !

    البقية بحياتك :"(

    ردحذف
  2. زينب علي

    اقصد كل من يريدوقوع الفتنة

    اقصد كثيروا الجدل والاعلاميون المضللون

    كلنا اختنا الغالية زعلانين علي مايحدث هذه الايام

    لكل العرب والمسلمين

    تحيتي

    ردحذف
  3. السلام عليكم و رحمة الله و بركاته
    عندك حق و الله ، الضورة ضبابية لدرجة مخيفة مش أنت اللي عينك مزغللة .
    نسأل الله السلامة ... كلمات جميلة جدا استمتعت بقراءتها .
    شكرا لك.

    ردحذف
    الردود
    1. ريهام المرشدي

      ربنا يستر ؤيهام احنا عايشين في خلطبيطة غريبة

      اشكرك جدا

      تحيتي

      حذف
  4. (يمكرون و يمكر الله والله خير الماكرين)

    الله يرد كيدهم في نحورهم و يحمي مصر و اهلها من كل شر و فتنة :")

    ردحذف
    الردود
    1. غُفرَانْ

      اللهم امين عفران الرائعة نحن وانتم

      اشكرك جدا

      تحيتي

      حذف
  5. روووووعة يا خالد حلوة السخرية الممزوجة بالحسرة على أحوال الشباب والبنات وفكرة دمج السياسة مع ذلك فى بوست واحد
    للاسف احوال البلد بقت تحزن بلادنا مصر مبقتش مقبرة للغزاه بقت مقبرة للمصريين
    احييك وبشدة على هذه الكلمات الرائعة

    ردحذف
    الردود
    1. هبة فاروق

      الاديبة الرائعة

      هذا هوحال بلدنا اليوم

      حزن كبير علي كل شئ وكل شئ معكوس

      تحيتي يااديبتنا

      حذف
  6. السلام عليكم...
    إزيك يا سواح؟
    أنتظر كلماتك البليغة لتعبر عن الواقع الأليم الذي نعيشه، البعض يصرون على النواح، فإن سعت السلطة للإصلاح تراهم يتهمونها بأخونة الدولة ويعرقلون أي مسعى لتحقيق ذلك، فإن حدثت مصيبة ولولوا وناحوا عليها وكأنهم أهل القتيل، وما هم من الحق بمكان.
    لولا أنني أخشى أن يكون علي ذنب لقلت فيهم كلام أكثر مما قلت أنا وأنت، وحينها قد نتهم بأننا ننتمي لفريق "عبدالله بدر"!!!
    ما هو يا إما تقعد ساكت وتتفرج على المهزلة يا إما لو فتحت بقك تبقى إرهابي.
    ولكنه نوع جديد من الإرهاب، إنه إرهاب القلة للكثرة، إرهاب المال للسلطة ومن يؤيدها، إرهاب الخارج لأهل البلد، إرهاب الباطل للحق!
    ربنا يسامحك، يعني لازم تنكشني؟!
    واحشني ومستني أشوفك في معرض الكتاب بفارغ الصبر، حيث سأذهب خصيصا لرؤيتك أنت ومصطفى.
    تقبل تحياتي...

    ردحذف
    الردود
    1. Bahaa Talat

      اخي الرائع بهاء

      انها حرب ضارية علي السلطة

      ويدعمها الغرب وبعض الدول

      فهم لايريدون لمصر ان تستقر ولاان تقوي

      يريدونها في دوامة الفراغ والتشويش والضجة

      وللاسف هناك بعض الوطنيين ينساقون وراءهم دون وعي ليس الا كراهية

      لفصيل بعينه يتقلد الحكم

      ولايحسبون حسابا ان الخاسر الوحيد هي البلد



      تحيتي اخي الرائع

      حذف
  7. ومن الفن ما أبكى ..

    صدقت ولا زيادة :(

    ردحذف

  8. ده أنت التاريخ يشهد عليك

    يرموك في اقرب مزبله


    صدقت ياخالد فى كل كلمة
    دايما تمزج مشاعرك الصادقة مع مداد قلمك
    وكتير اوى اللى عايزين يترموا فى مزبلة
    كتير ظهروا ابطال بعد الثورة عمرنا ماسمعنا عنهم ولاهم عملوا اساسا شئ يذكر بس مجرد اسماء تسلقت جدار الثورة بدهاء وركبت الموجة والان تشعل فتيل الفتنة

    ومصر اللى بتدفع الفاتورة هى وشعبها المسكين

    تحياتى الدائمة لك اخى الكريم بحجم السماء

    ردحذف
    الردود
    1. ليلى الصباحى..

      الاخت الرائعة

      وهناك من كانوا لايجرءون بذكر مبارك

      والان يظهرون بمظهر الآسود

      لاتعرف الاسود الا في الغابة

      تحيتي اختنا الغالية

      حذف
  9. جميل طرحك خالد

    اجل نحن اصبحنا نعانى

    ربما لاننا اصبحنا نفتقد للدفء والامن

    اختلت الموازين

    وواصبح اعلامنا بلا مبادئ ولا قيم ولا ضمير

    الله معنا

    تحياتى

    ردحذف
    الردود
    1. جايدا العزيزي

      الاجمل وجودك بيننا ياايزيس التدوين

      نعم اصبح الآعلام بلا مبادئ ولا قيم ولا ضمير


      حقا نفتقد الامن اختنا الرائعة

      تحيتي

      حذف
  10. مسيرهم يتهدو
    قريب يا رب

    سلمت أناملك :)

    ردحذف
    الردود
    1. Amira Yusuf17

      اهلا بيكي

      ؤبنا كبير وقادر علي ايقاعهمفي شر اعمالهم

      شكرا ليكي

      تحيتي

      حذف
  11. كلام فى الصميم

    للاسف الواقع افظع
    لسه بقول مش هصدق لكن الحقيقه انى لازم اقتنع ان هو ده الحال

    مش عارفه اعيش والله
    والحال اكتئاااااااااب


    دمت بخير

    ردحذف
    الردود
    1. رؤى عليوة

      لازم نتعايش مع الواقع ياكاتبتنا

      وبندعوا الله نتجاوزه عشان منكتئبش

      الف سلامة عليكي مالاكتئاب

      تحيتي

      حذف
  12. جميلة جدا وتسلم الايادي يا برنس .
    طبعا تستحق كلام كتير أكتر من مجرد اني اقولك جميلة .
    بس وزي ما بقول دايما انه احيانا بتحتاج انك تصف الجمال نفسة .
    ودا اللي ينطبق على كلماتك .

    تقبلي تحياتي وتقديري وتشكراتي

    ردحذف
    الردود
    1. SHARKawi1

      اشكر لك مرورك وتعليقك الذي اسرني كثيرا

      شكرا جزيلا لوجودك الطيب في مدونتي المتواضعة

      تحيتي

      حذف
  13. اللهم احفظ مصر واحميها من أعدائها

    حقق حلمك وابدأ مشروعك فورا بدون راس مال او مخزون
    جرب بنفسك
    فرصتك يوم السبت 19/1/2013
    مع وظائف الإنترنت والعمل من لمنزل
    01112032029 - 01145151198
    http://ect.ect2all.com/affiliate.html

    ردحذف
  14. nehad soliman

    اهلا بيكي

    اللهمامين

    سنتابع انشاء الله تعالي

    تحيتي

    ردحذف
  15. شمس النهار

    الجمال هوفي مرورك وتعليقك الراقي ياشموستنا الطيبة

    تحيتي

    ردحذف
  16. هوا فعلا ده الواقع ايلي احنا يعيشنا..
    ربنا يرحمنا ويهدي كل واحد للصواب والخير :)

    ردحذف
  17. amiraali

    ده واقع مؤلم للاسف يااميرة

    شكرالمرورك وتعليقك

    تحيتي

    ردحذف
  18. جميييييييييلة يا خالد الحقيقة وفعلا بقينا بؤ وبس

    ردحذف
  19. ازيك يا استاذ خالد
    كلام جميل وموجع ،عندك حق كله عايز يظهر نفسه وخلالاص
    ربنا يستر علينا وينجينا من الفتن امين
    بارك الله فيك

    ردحذف
    الردود
    1. zeze

      اهلا بيكي

      وللاسف الغالبية العظمي من الناس فاهمين ان دول ناس

      لايرقوا لمستوي الناس

      تحيتي

      حذف
  20. تصفيق
    الله عليك يا استاذ الشعر كله
    والله يا استاذ خالد انت شاعر من الدرجه الاولي
    وقبل كده قولت لك ينفع شعرك في مسرحيه
    بتتلكم عن السياسه
    اكثر من رائع يا استاذ خالد
    معلش انا مشغوله اليومين دول وبتأخر
    في التعليق
    تحياتي وتقديري

    ردحذف
    الردود
    1. ;كارولين فاروق

      فنانتنا الراقية

      الاروع ان يكون هذا رأي مبدعة مثلك

      يسرني تعليقك ويسعدني كثيرا

      شكرا ليكي يااختنا الراقية

      تحيتي

      حذف
  21. تشخيص واقع في حرف جميل و ماتع ،،،

    هكذا عوّدنا السّواح البهي !!


    تقديري

    ردحذف
    الردود
    1. منجي بـــــــــــــاكير

      منجي الرائع والاخ الطيب

      مرورك يزيدمدونتي بهاءا

      تحيتي منجي

      حذف
  22. واقع للاسف بس ان شاء الله يتغير بينا
    بلدنا غاليه علينا
    وهنحاول دايما نبنيها ونحافظ عليها
    تحياتي

    ردحذف
    الردود
    1. eng_semsem

      ازيك يابشمهندس

      واقع اليم ونفوس سودة

      يارب يابشمهندس مصر تبقي من احسن بلدان الدنيا

      تحيتي

      حذف
  23. أحسنت جدا ... أفتقدت المرور هنا كثيرا
    كل عام وانت بخير
    :)

    ردحذف
    الردود
    1. nesma hatem

      نسمة الشاعرة الرقيقة

      والمدونة تفتقد ايضا مرورك وتعليقاتك

      اشكرك جدا

      تحيتي

      حذف
  24. كلام في منتهى الجمال..ومش عارفة اقدم اعتذاري لمين والا مين بس الإعتذار واجب حتى ولو كانت الظروف هي السبب في الغيبة ..وحشتوني كلكم واتمنى اشوفكم بكرة معايا في المعرض ..وفي انتظار كتابك انت بقى عشان تجمع فيه كل الحاجات الرائعة دي ..تحياتي

    ردحذف
  25. zizi2

    ازيك ياست الكل

    مبروك للكتاب

    انشاء الله هحاول اجي

    تحيتي

    ردحذف
  26. صدقت .. وصف رائع لما يدور حولنا
    سلمت يداك استاذ خالد
    شرفني حضوري لمدونتك

    ردحذف
    الردود
    1. salwa abdelhalim4

      اهلا بحضرتك نورتي المدونة

      اشكرك علي مرورك وتعليقك اسعدني

      تحيتي

      حذف
  27. صباح الغاردينيا خالد
    غبت كثيراً عن بلوجر وعن صرح شعرك الرائع
    وعدت لأجدك كما أنت رائع الحرف وآكثر "
    ؛؛
    ؛
    لروحك عبق الغاردينيا
    كانت هنا
    reemaas

    ردحذف
  28. ريـــمـــاس

    حمد الله علي السلامة يااميرة البلوجر

    الاروع مرورك يازهرة الغاردينيا

    تحيتي

    ردحذف
  29. اين انت يا خلودى لم تكتب منذ 17 يناير لماذا تبخل علينابالكلمة الحلوة اللى بنروينا
    منتظرين جديدك
    لا تكسل با رجل

    ردحذف
  30. faroukfahmy588

    استاذنا الجميل مرحبا بك من جديد يسعدنا تشريفك لمدونتي

    الحقيقة استاذنا اللي بيحصل من توترات وقلق في بلدنا الحبيبة

    مخلي الواحد مش قادر يكتب وحزين علي حالنا

    تحيتي استاذنا

    ردحذف
  31. انا كنت جاية اسال نفس سؤال استاذ فاروق
    ننتظر الجديد
    تحيتى
    :)

    ردحذف
  32. كل سنة وحضرتك طيب وبألف خير وصحة وسعادة ورضا وراحة بال وسلام وإن شاء الله يكون عام جديد سعيد عليك وعلى أسرتك الكريمة وتحقق فيه كل ما تتمنى
    :)

    أطيب تحياتي

    ردحذف
    الردود
    1. كل سنة وانت طيب وبخير ياباشا

      شكرا لذوقك واسف علي تأخيري في الرد

      حذف
  33. انا اول مرة ادخل مدونتك بس عجبني البوست دا جدا

    ردحذف

اهلا بزوار المدونة

تعليقك الكريم يضيف الي مدونتي

سواح في ملك الله