Follow by Email


الواد بلابيعوا ابن حموكشة بقي مالثوار

ياخد البرشامة ويتهنكر


يضرب بالطوب



يحدف ملوتوف


ويولع نار


 وعامللي فصيح


والدغ في السين والعين


والنون


 ويقضي الليل يكتب في شعار



و النطع  ده كان


لما بيلمح عسكري شرطة


يهرب  يتنطط   زي الفار


دلوقتي خلاص


بقي  مالآغوار


مرة استضافوه


عالتلفزيون


 طلبوه في حوار


قال يعني الواد


حافظ اسرار


 شغال ايه؟؟؟؟؟


قال مالنوشتاء


ايه مظلمتك؟؟؟؟؟؟


لما بهاجم الداخلية


بيقاوموني


موش عاوزينني اولع مبني


 مش عارفين اننا ثواااار ؟؟؟؟


راحت الست مذيعةاتخضت


ده اسمه كلام"""


بيقاوموك


ناقص بقي يوم يعتقلوك


وانت ياعيني من الثواااااار


 والست مذيعة دي حكاية


تكدب تفشر


ترمي بلاها


  وكمان تلطم وبتردح


لما بتعرض الآخبار


عندها ملكة كدب رهيبة


تقلب اجدع حق لباطل


لما الباطل نفسه استعجب


راح منهار


تبقي بعينك شايف ناس


رايحة تخرب


لآ وتولع


لآ و تكسر


يوم ما بيسقط واحد فيهم


الست تقول مالآبرار


 الست مذيعة دي زمان


كانت جارية للسلطان


قال دلوقتي


بقدرة قادر


قلبت واحدة من الثوار


بالذمة دي مش حاجة مراااار؟؟؟


والآخ خبير استراتيجي


جاي يوضح المتوضح


 قال ويحلل في المتحلل


واللي يقوله يعيده يزيدة


زي الكوديا  بتاعة الزار


بالذمة دي مش حاجة مرااااار ؟؟


ليست هناك تعليقات :

إرسال تعليق

اهلا بزوار المدونة

تعليقك الكريم يضيف الي مدونتي

سواح في ملك الله