Follow by Email

22 نوفمبر، 2010

فاتت سنين

                                                      عايش حياتي                       
                          ماتهزمتش مانتهيتش,
                              لسه في العمر
                           بقـــــــــــــــــــــــــية 

                                كنتي فاكرة
                             اني من غيرك.
                            هاضيع في الدنيا
                           ديـــــــــــــــــــــــــة

                               والا فاكرة
                               انك هتيجي
                             تلاقي حزن في
                            عنـــــــــــــــــــــية

                                والا فاكرة
                               اللي يبيعني
                              اشتريه حتي  لو
                            يقسي علـــــــــــــية

                                 والا فاكرة
                                اللي يخونني
                            وييجي نادم بالدموع
                            يصعب علـــــــــــــــية

                                  والا فاكرة
                                   اني هاطير
                               مالفرحة وافتح لك
                           ايديــــــــــــــــــــــــــــــة

                                شوفي هقولك
                              كلمتـــــــــــــــــــــن

                              فاتت سنـــــــــــــين
                                مـــــن يــــوم
                               وداعنا بكلمتيــــن

                                 ونسيت انـــــا
                                كل اللي فـــــات
                                مبقاش في قــلبي
                                ذكــــــــــــريات
                                و لا حتي اعرف
                               انتي  فيـــــــــــــــن

                                 وظهرتي تاني
                                  في دنيــــــتي
                                  طب بعد ايه؟
                                   محنا خلاص
                                متفـــــــــــــرقـــين

                                 عايزانا نرجع
                                    بعد ايه؟
                                مبقاش يفيد مرت
                               سنــــــــــــــــــــــين

                              
                                طب كان ساعتها
                               الحـــــب فـــــــــين

                                 طب بعتي ليه؟
                                 مبقاش يفــــيد  
                                حتي  الســــــؤال
                                  اصل الاجابة 
                                كلمتــــــــــــــــــين

                                  كنا احنا زي
                                التوأمـــــــــــــــين
                                    واتفرقوا  
                                  وبدل منمشي
                                 في سكة واحدة
                                  بقــــــــينا لينا 
                                سكــــــــــــــــــتين
 
فاتت ســـــــــنين     


هناك 26 تعليقًا :

  1. جميل ان يكون الانسان قوى و يتخطى ازماته لكن ايضا التسامح و تقدير الظروف مطلوب فان كان هناك من ندم بشكل حقيقي فلما لا نعطى فرصة اخرى فربما كان البعد درسا قاسيا

    ردحذف
  2. جميله أوي يا سواح و أنا بقراها معرفش ليه حسيت انها أغنيه و كأني سامعه معاها موسيقى
    اشكرك على كلماتك المعبره و عندك حق في عزتك و رفضك لشراء اللي باع من سنين
    تحياتي

    ردحذف
  3. ياااااااااااااااه صعب اووووووى الفراق
    بجد تسلم الايادى كلام جميل بس حزين

    ردحذف
  4. الاخت تيرز تسعدني زياتك ومرورك واراءك
    القيمه ولكن ماادراكي ان من جاءكي
    نادما سوف يذهب بعد ذلك الي من تركك من اجله ايضا نادما تحيه طيبه لكي

    ردحذف
  5. اختي الفاضله/ شيرين
    الاجمل انها اعجبتك ودائما يسعدني رايك ومتابعتك تحيه لكي ياختي الفاضله

    ردحذف
  6. قول يارب /الاجمل مرورك وتعليقك الجميل
    ودايما منوراني تحياتي

    ردحذف
  7. كلمات جميلة وقوية يا سواح

    حقيقى صعب الرجوع لإنسان باع

    تحية ليك

    ردحذف
  8. كلمات تعبر بشموخ عن كبرياء رجل
    وفى عتاب لم يلين ...

    كلمات رائعة ومعبرة
    تقبل خالص تقديرى واحترامى

    بارك الله فيك وأعزك

    ردحذف
  9. ميس فينوس اشكك علي اطرائك الرقيق
    ومتابعتك ودائما منوره تحيه طيبه ليكي

    ردحذف
  10. اخي محمد الجرايحي/متابعتك لكلماتي
    شرف لي واثراء لمدونتي ودائما منور
    يااخي الفاضل

    ردحذف
  11. الكبرياء والقسوه في ناس تستحقهم

    وفي ناس تستاهل نديهافرصه تانيه


    كلمات رائعه بهاعتاب قاسي

    ردحذف
  12. افروديت/المشكله ياافروديت ان الحياه فرصه وفرصة تانيه تاخد من العمر
    وقت كتير ولو منجحتش تبقي خسرتي اكتر
    دايما منوراني بارائك وشكرا لمرورك
    الطيب تحيه طيبه ليكي

    ردحذف
  13. كنا احنا زي
    التوأمـــــــــــــــين
    واتفرقوا
    وبدل منمشي
    في سكة واحدة
    بقــــــــينا لينا
    سكــــــــــــــــــتين

    =====================

    تسلم ايدك بجد جميلة

    أسعدني المرور في مدونتك و اسال الله لنا دوام التواصل

    ردحذف
  14. صباح الفل والورد على اخي سواح
    خاطرة جميلة
    وعزة النفس والاصرار الي مليانه الخاطرة
    مهما بعد مايندموا بيرجعوا يدورا عل الحنان مرة تانية
    بس بعد ايه بعد ماكسرت القلب ومتلت الحياة الم وحزن بعد ما القلب كره
    بجد كلمات جميلة الا عزة النفس والكرامه
    الكرامه فوق كل شي
    ياااه انت فتحت باب عمره ماهيتقفل ابدا
    تقبل مروري
    سلامي ليك اخي.

    ردحذف
  15. الاخت الفاضله كلمات من نور
    انا اكثر منك سعادهبمرورك الطيب
    تحيتي الطيبه لكي

    ردحذف
  16. رشا /دايما منوراني
    واشكر ليكي تشجيعك الطيب
    ودايما ارائك قيمه وطيبه تحيه طيبه ليكي

    ردحذف
  17. جميله جدا ياسواح برافو عليك

    ردحذف
  18. اخى

    ما اجملك ما اعظمك

    تلك الكبرياء فى الرجل اعشقه

    ابداع ليس بجديد عليك

    وكلمات تسحر

    دمت مبدعا

    اشكرك

    تحياتى

    ردحذف
  19. كلمات جميلة جدا

    وفيها تعبيرات رائعة

    سلمت يداك على الابداع

    ردحذف
  20. اوعى تتنازل خليك زي ما انت اللي باع مره بكره اول ما تيجي الفرصه هيبيع تاني وهيبقى البيع عنده اسهل من الاول بكره تلاقي اللي يقدرك ويبيع الدنيا عشان يشتري ضحكه يقدمها هديه ليك في يوم عيدك اللي باع لازم يدفع التمن وانا رجعت انت هتخسر مرتين وهو هيضحك بقيت عمره
    تقبل تحياتي

    ردحذف
  21. جايدا العزيزي /انا بشوف الابداع في تذوقك للكلمات وفهمك ليها بمنتهي السهوله ربنا يخليكي وتنورينا دايما برايك القيم علي طول

    ردحذف
  22. الباشمهنس
    eng_semsem / متخافش يابشمهندس انا كتبت عقد مكتوب اني مش راجع
    والعقد هو الخاطره اللي قدامك وانت قريتها
    وعندك حق اللي يبيع مرة خلاص ودايما منور تحيه لك

    ردحذف
  23. وداد/
    منوراني في اول زياره ليكي
    وانشاء الله تنوريني علي طول لاني اسعد واتشرف بوجودك تحيه طيبه

    ردحذف
  24. الله الله
    انتا بتذاكر من وراى ياسواح هههههه

    دى بقا انا اللى هيغنيها هههه

    بجد كلمات فى منهى الرشاقة والسلاسة
    شكلاً ومضمون

    الغريبة انك بتوزن الكلام
    فى حاجات وفى حاجات تانى بتطنش

    تحياتى

    ردحذف
  25. عباس متغلاش عليك ياعبس
    منورني دايما ربنا يكرمك لان رايك مهم جدا عندي تحيه طيبه ليك

    ردحذف

اهلا بزوار المدونة

تعليقك الكريم يضيف الي مدونتي

سواح في ملك الله