29 ديسمبر 2010

واجـــــــــــــــــــــــب الغاردينـــــــيا

السلام عليكم
هذا وقد تفضلت الاخت الغاردينيا باعطائي واجب
 وسوف استعين بالله واجيب
بسم الله الرحمن الرحيم

                                                                     ********
  السؤال الأول: ما هي اهم الأحداث التي طرات على الصعيد المهني - التعليمي لهذا العاماجابة السؤال الاول -الحمد لله احقق نجاحات في عملي وتقدم علي الصعيد المهني

 ومما يساعدني علي ذلك التزامي بالمواعيد المحددة  واتقاني لعملي
واحمد الله كثيرا علي مااصبحت عليه واسجد له شاكرا  لانه كل ماانا فيه  ليس بفضل مني
ولكنه من عند الله تعالي  فهو تعالي الذي ييسر الامور وفضل الله عليناكثيرا
  وفضله علينا في كل شئ
                                   *********

السؤال الثاني: ما هي أهم الإنجازات على الصعيد الشخصي و الأسري؟  
  وعلي الصعيد الشخصي لاجديد فانا اعيش حالة ترقب  بالنسبة لمتغيرات السوق
وقد انشات مدونة وتعرفت علي عقول رائعة تفكر  ومواهب لم اري لها مثيلا في
الواقع من كتاب وشعراءوكتاب متفقهين جيدا في الدين ومعتدلين الاراء  ومفكرين وشباب متحمس للنهوض باوطانة
واري ان عالم المدونات عالم جميل راقي
واتعلم منه واستفيد في كل الامور
واما عن الصعيد الاسري فالحمد لله رب العالمين فقد جعلني الله سببا
لايسر لهما امورهما  ونعيش كلنا حياة   متوسطة وليست مرفهه ولكن احمد الله
عليها
 
                           ****************
السؤال الثالث:ما تقييمك العام لسنة 2010؟
تقييمي لهذا العام  اختصره في مثل قديم
 ((لاجديد تحت الشمس))

السؤال الرابع: أهم طموحاتك و اهدافك للسنة الجديدة 2011؟؟
ليست لي طموحات شخصية ولكن علي المستوي العام
اريد ان اري فلسطين والقدس وغزة محررة من دنس
العدوان الاسرائيلي
اريد ان تعود العراق كما كانت ويزول عنها هذا الاحتلال
القادم من اجل النفط
اريد ان يتوحد العرب ويصبحوا قوة
اريد ان اري بلدي  وبلداننا
العربية من اجمل بلاد الدنيا ويعم الخير فيها
 اريد تقدم بلداننا وازدهارها فهي لاتستحق هذا التاخر الذي نحن عليه
تحياتي الي اختنا
((((الغاردينيا))))






واجــــــــــــــب الغاردينيا

27 ديسمبر 2010

العــــــــــــلم نورون

 شوف ياواد
فز قوم من
عا لكــــــــتاب
   *   *
قوم ودعبس
 في الدولاب
ياللا هات
شورت وفانلة
عايز اكسب
 فيك ثـــــواب
  *    *
وهجبلك كوتش 
  جامد 
لجل تلعب                                        
مع الشـــــباب
  *    *
انت فاكر 
بالمذاكرة
وبالشقي و سهر                              
الليالي
والعــــــــــــذاب
  *    * 
    
عمرها تحقق
طموحك
واللا هتخليك 
   ياواد
 تبقي بيه
يابني دا وهم
وســــــــــراب
  *   *
يوم ماتلعب                                           
ماتش جامد
تلقي اسمك
في الجرايد
يعملوك 
قدوة شـــباب
  *    *
يتعمل لك يابني 
قيمة 
وشغل سيما
وتبقي صاحب 
هيلمان ينفتحلك
الف بــــــــاب
   *   *    
وف دراستك
تبقي هايل
حد طايل
حد يجرؤ
 يكتبك
يابني غـــياب
  *   *  
والا اقوللك 
يابني رووح
لم لك شلة 
شـــــــــــــباب
  *   *
واعملوا شوية
اغاني 
دي فرانكو
ودي   اراب
  *   *
واللا غني 
اي حاجة 
للضني او
للهـــــــــباب
  *  *  
واللا غني 
للخضار
قول جوافة 
قول حمير 
قول معيز
او قول كلاب
   *   *
واما تعمل يوم
 كليب
حبذا لو  يبقي 
خارج 
عــــــــــــالاداب
  *   *
تبقي نجم يابني 
صاعد
وتروح لافراح
الاباعد
يلا تقبض بالدولار
والفلوس 
من غير حساب
  *   *
علم ايه
ودراسة ايه
حتي يابني
 اللي يذاكر
 واللا يتعب 
واللا ينجح 
لما يابني يوم
 يشوفك 
انت هتجيبلة
اكتــــــــــئاب                                          

العلم نورون

24 ديسمبر 2010

ســـــــــبحان من له الدوام

لكل عصر جبار*ولكل عصر مستضعفين ولكل جبار زبانيته ومريديه
يشيعون الرعب والهلع في قلوب المستضعفين يقتلون ويعذبون
وهذا الجبار تجده في كل مكان
فيظن هؤلاء المستضعفين من الرعب ان هذا الجبار مخلدا لايموت
ويظن هذا الجبار نفسه نصف اله من تكبره وغروره
وحين ياتي الاجل يصدم المستضعفين  لانهم نسوا انفسهم ونسوا انه
بشر مثلهم يمرض ويموت
ونسوا  ان
اللــــه وحده  هو الحي الذي لايموت


 طلع بيموت
ده كان في الدنيا
شخط ونطر
كان جبروت
     **
وكان طايح
في خلق الله
يدوس الكل
 في طريقه
يهد بيوت
يعللي بيوت
    **
وكان فرعون
وله اتباع
وليه معبد
وليه كهنوت
    **
ولما يقول
 كلام هايف
نصقفله
نهيصله
نقول مظبوط
   **
كمان نرقصله
بالنبوت
   **
ولما يكح نتلهف
وننشر اعلانات
ونقول
سلامة الصوت
   **    
ولما بيمشي
 في طريقه
نفضيلة الطريق
خالص
وهس سكوت
   **
ولو يزعل
 في يوم منك
في لحظة تشوف
الاضيشه
 وكام هلفوت
يدوك كام قفا
وشلوت
  **
ولما يحب
   يتعايق

  ويتمنظر
يصاحب بت
تربت توت
  
    **
واهوو منشال
علي خشبة
ورايح عند
رب كبير
رب العزة
والجبروت
    **
ولاهياخد
 معاه ماله

ولاجاهه
ولابنفوذه
و فلوسه

يعدي يفوت
    **
ده ربنا عدل
لايحابي
ولايجاملولابيسيب
 حقوقمظلوم

تموت الدنيا
 وربنا حي
لايموت


سبحان الله






 

22 ديسمبر 2010

الذكري

واتوه واـسرح
 مع
 الذــــكري

وايامـــــــــــها
واشوف بيـني
 وبين طيـــفك
ياذكري سنين

مع الفــــــــرحة
 اللي كانت ـيوم
تخــــــلينا نحس
كاننا طـــــايرين

طريق مــــــليان
 بامانيـــــــــــــنا
ونفضل   بالامل
ماشــــــــــــــيين

وحـــــــــــــب برئ
يخللي قـــــــــلوبنا
 تتنطط من
 الفرحة

نشـــــــــــوف جنة
جــــــــــــــناين فل
مع ياســـــــــــمين

وصــــدمة حب
نلـــــــــــــــقاها
تضــــــيع فجاة
برائــــــــــــــتنا
ويتحول نهارنا
ليل نشــــــوف
بـــــــــــــــــكره
اللي جـــــــــاي
حـــــــــــــــزين

ونرجع للسهر
تاني ونـــحتار
بين شــــــــجن
وانيــــــــــــــن

وعزف  الناي
في وسط الليل
يحـــــــــــــرك
 في القــــلوب
اشــــــــــــجان
وشوق وحنين

واحـــــــــــس
 نــهاية العالم
لحــــب وضاع
تـــــــعدي ايام
وراهــــــا ايام
ونـــصبح نلقي
يوم ناســـــيين

نــــــــقوم تاني
نعــــــيش تاني
في حـــب جديد
ونعــــرف تاني
ناس تانـــــــيين

تمر ســـــــــــــــنين
وراها ســـــــــــنين
نحن لريحــــــــــــة
الذ كـــــــــــــــــري
وبرائــــــــــــــــتها
ونتــــــــــــــــمناها
ترجـــــــــــــــــــــع
تاني ونعيـــــــشها
ولو حتي نشوفها
يومـــــــــــــــــــين

ا لذكــــــــــري

20 ديسمبر 2010

اخـــــــــر ســـــــــــؤال

اخر ســـــــــؤال

 

احلي الكلام
 يتقال هنا
يوم  مابتقابل
 حبيـــــــــــبك
واللا بتبــــص في 
عينيــــــــــــه
 بس كلام
 ايوة كلام
 مقدرش
 من غيرك اعيش
وحياتي
 بعدك متساويش
واصدقه
 وتصدقيــــــــــــه
 طيب سؤال؟
 ممكن سؤال؟
 لو تقدري جاوبي
 عليـــــــــــــــــه!
 لو كان وجودي
 ده سراب
او متخلقتش
 في الحياة
 لو انتيعشتي
 في زمان
 وانا في زمان
 غير الزمان
 ردي قوليلي
 هيجري
 ايــــــــــــــــــــه
 قلت السؤال؟
 صعب السؤال؟
 ردي عليه!
   سكتتي

 ليــــــــــــــــــــه؟
 
  برضه اكيد
    كان
 حلم غيرك
 في زماني
 هالتقــــــــــيه
 وانتي اكيد
 كان حلم غيري
 هتعيشيه
 الحب ده ابن اللقا
 لو ماتلاقينا
 
هيجري ايــــــــه

 يعني اللي قلته
 وبقصده
 الدنيا منغيري
 حياة
 والدنيا منغيرك
  مابرضه هي دنيا
  والا ايــــــــــه
 وبلاش تقولي احنا
 اتخلقنا لبعضنا
 علشان نحقق حلمنا
 مش دا 
 كلامك 

 ماتشـــــوفيــــــــه
 حبي وحبك
 كدبتي وكدبتك
 خللي طريقك
 ده طريقي 
 ودنيتي دي دنيتك
 حبك ده حلم
 بتحلميــــــــــــــه 
 وتفســــــــــــــريه

 علي رسمتك
 ابن الصدف
 الحب ده
 قدري وقدرك
 اني اعيشه
 وتعيشــيــــــــــــه 
 انتي اللي
 اخترتي الطريق
 وانتي اللي
 ضلليتي الطريق
 مع اني كنت بحذرك
 برضه
 
مشـــــــــــيتيه


 اخر سؤال

19 ديسمبر 2010

كلمات من القلب

السلام عليكم
لكل مننا راية وقناعاته
ولكل مننا طباع واخلاق اكتسبها من اهله وبيئته المحيطة
ولكل مننا ميول قد تجمح به عن عادات وتقاليد الاهل
ويتكون من خلال ميوله هذه  شخصية مختلفة عن الاهل
ولكل مننا مكتسبات سيئة كانت ام حسنة ولكنه اكتسبها
من خلال البيئة المحيطة به او احتكاكه بعالم قد يكون سئ
وقد يكون عالم  جميل محب وبه خيرا كثيرا
ولكل انسان خبرته  في المجال والبيئه الذي
عاش فيها ويعلم عنها علما كثيرا قد لايعرفه غيره ممن لم يعيش
نفس ظروفه ويكتسب نفس المكتسبات
ولكن يبقي الاصل
والاصل هنا هو الصفة الوراثية التي اكتسبها عن اهلة
وقد يجمح الانسان بعيدا عن اهلة في الطباع والتعامل مع الدنيا
ولكن يبقي شيئا تعرف انت كغريب به ان هذا الانسان
ابن ذاك الرجل او ابن هذه البيئة مهما طور من نفسه
وان حاول الانسان تغيير جلده او الخروج من اصله
لن يصبح مخلوقا اخر مثل الذي تشبه به
سوف يكون مسخ من هذه البيئه التي تشبه بها
لاهو بقي كاهله
ولا هو اصبح مثل هؤلاء
وهنا انا المح للهوية
فكثيرا من شبابنا فاقدا للهوية
فهو مثلا تراه مقلدا للغرب تقليدا اعمي  في ملابسهم وطباعهم
ويتكلم بخلطة غريبة شوية عربي علي شوية انجليزي
ولايستمع الا للاغاني الموسيقي الغربية لان العربية
لاتطربه
وهنا اسال اخذنا نحن سلبيات الغرب فهل وصلنا نحن لمثل
مستوي التقدم الذي وصلوا اليه واخذنا منهم ايجابياتهم
ايضا  كمثل الالتزام في العمل  واتقانه
وهل وصلنا لرفاهيتهم حتي ننسي همومنا بالرقص والتهليل
واعوجاج الالسنة
فهم يعملون طوال الاسبوع ويلهون يوم اجازاتهم
في الويك اند يعني
اما احنا فالبعامية الدار جة مقضيينها كلها اجازات
وهناك من ذهب الي الخليج فاكتسب طباع واسلوب معيشتهم
حتي ملابسهم حتي طريقة  اكلهم
وهناك شبابا اخرون يرتدون كاهل افغانستان وباكستان
ويطلقون لحاهم ويلبسون الجلباب القصير
والبنطلون الابيض ظنا منهم انه هنا يكمن الدين
في مثل هذه الملابس
واين هويتنا نحن لغتنا التي يفهمها كل العرب وكانوا يفهمونها ويستعذبونها
وكان اشهر واكبر كتاب وادباء واطباء ومهندسين
ومقراي القران الكريم  وحتي المطربين والشعراء
هم من المصريين وتعرفهم كل الدنيا ويستمعون لهم
ويقراون ويستعينوا بالمدرس المصري وووووو--
حتي العامل الحرفي المصري كان امهر عمال العرب
 فاين هذه الهوية ذهبت
هناك من يتهمون الفقر  ولا اعتقد ان الفقر سببا
لان زمان كانوا هناك اناسا اشد فقرا مما نحن عليه اليوم
للاسف كانت العادات والتقاليد اي عادات الشعوب وتقاليدها
هي اهم مايميز اي شعب عن غيره
ونحن تدريجيا بدانا في التخلي عن عاداتنا وتقاليدنا واهم موروثاتنا
التي تميزنا عن غيرنا

يقولون ان الغرب لازال ينظر الينا كراكبي جمال
ويجتهدون في  تغيير الملابس وارتداء كل صيحات الموضة لارضاء هذا الغرب اوفهامة اننا اصبحنا مرتدين بذلا وجينس
وهم لايفهمون فلسفة هذه النظرة فهو لاينظر الي شكلك الخارجي
هو ينظر الي عقلك كيف تفكر ويرسم صورتك كراكب جمال
في عصر فيه سيارات وطائرات
هو يرسم حالتك وتاخرك عن العالم
وهي صورة رمزية لك يراك بها
فقمة المحلية والاخلاص لها
هي قمة العالمية كالاديب نجيب محفوظ مثلا

فللننظر مثلا الي اليابان فهي دولة متقدمة جدا دون ان تتخلي
عن ايا من عاداتها
فلنعود الي هويتنا لنصبح بلدا متقدما




   كلمات من القلب

15 ديسمبر 2010

ســـــواح في مــــــلك اللــــــــــــه



  ساعات اسرح

 في ملك الله
واشوف سماوات
بلا عمدان
رفعها الخالق
 الجــــــــــــــــبار
واشوف بحر 
مالوش  اخر
ده كون تاني 
واشوف
 انهـــــــــــــــــار
وبدر يهل
 في ميعاده
وشمس تنور
 الدنيا وجواها
جبال من نــــــــار
نجوم ساطعه
 في قلب الليل
تدل التايه
 المحـــــــــــــتار
 واشوف خضرة
في قلب الصحرا
واستغرب واشوف
  اشـــــــــــــجار
والاقي الضل
 في سحابة
علي الخضرة
 تفرحـــــــها
تهل بمية
الامـــــــطار
وطير طاير
 في سرب جميل
يســــــــــبح 
عالم الاســــــــرار
واسجد للعظيم
 شــــــــــــاكر
وهبني نعمة
 الابصـــــــــــــار
 




13 ديسمبر 2010

الي صــــــــــــــــــــديق

      ولا تبكي
  علي ماضي
   جرح
قلبك*

   لاعمرك
    يوم تفكر
   ان لو تندم
   هاترجعلك
   سنين
عمرك
*
  ولا دموعك
   هتمحيلك 
   اثر
جرحك *

   وقوم وانهض
   خلاص وابدا
   حياتك تاني
   عيش
زمنك
*
   خلاص بطل
   تبص وراك 
   بلاش تندب
   في يوم
حظك
*
   ولاتحاسب
    صديق خانك
   وسيبه

   هينتقم
ربك
*
   وحاول
   تستفيد دايما

   مهما غلطت
   من
غلطك
*
   ده كون بيديره
   رب كريم
   بيغفر لو
   تتوب
ذنبك
*
   وقوم تاني
   ياصاحبي 
   انهض
  علي
رجلك
*
  وصدقني
  هييجي اليوم
   تشوف
  الدنيا
تضحكلك
 
الي صـــــــــــــــــــديق

10 ديسمبر 2010

ايه اللي حصل

   الدنيا مالها اتغيرت
    ليه فارق الخير

 القــــــــــــــــــــــــلوب
 هي الضماير من
 نفوسنا اتهجرت
 والرحمة في الزحمة
 تـــــــــــــــــــــــــدوب
 حتي الكرامة
 بيقيسوها
 بقد ايه جوة
 الجــــــــــــــــــــــيوب
 مش مهم
 تكون حرامي
 واللاسارق
  واللا ناهب
 واللا غرقان
 بالذنــــــــــــــــــــوب
 مش مهم
  فين ضميرك
 بالفلوس
 تبقي انت خالي
 من العــــــــــــــــــيوب
 يابن ادم فوق
 دا عمرك
 زي يوم
 تبتديه الشمس
 بشروقها
 وينتهي بمشهد
 غــــــــــــــــــــــروب
   *******
   كان زمان
  الشريف
 الناس تشيله في
 العــــــــــــــــــــــيون
 والخسيس
   كان يوصفوه
 انه واطي
 رمـــــــــــــــــــة دون
 والحرامي
 كان مكانه
 في الســـــــــــــــــجون
 والنضيف
 ميغيروش
 ولامـــــال قــــــــا رون
 والشرف
 مش مستباح
 والكرامة والمبادئ
 ليه حصــــــــــــــــــون
 والهوان والذل
    دول كانوا مصير
     اللي  يغدر 
  او يخـــــــــــــــــــــون
    ***********
   اه يادنيا بقيت اشوفك
   زي درب من الجنون
   *************
 


    
 ايه اللي حصل

7 ديسمبر 2010

كل عام وانتم بخير

                                        هجر الحبيب بلاده
                  وقست عليه قلوب  قوما عاندوه
                        وتحالف الاقوام ليلا
                  للامين هم عازمون ان يقتلوه
                         لكن ربا حافظا
                  يفسد عيهم مابليل دبروه
                        يخرج نبي الله
                 من امام اعينهم  هم لايروه
                    صديق يلقي صديقه
                  بشري لقوم صــــــــــدقوه
                      وتؤرخ الدنيا بيوم
                     هجرته بشري لقوم
                     في المدينة قد راوه
                     بدر ظهر شطر القمر
                     جاء النبي جاء لقوم
                       بايعوه وناصروه
                        صلي عليه الله
                       هو حبيب الله

                    بشري لقوم قد راوه

         





      

6 ديسمبر 2010

ظلال الامس


  أنتي كمثل الماضي
  طيفا عابرا

   تجري السنين أمام
   عيني برهة
   فاري لقـــــــــــــــــاء
   قفزات طفل بريئة
  دون مشقة أو
 عنــــــــــــــــــــــــاء
   وأري ابتسامةُُ
 وهـنـــــــــــــــــــــــاء
 وأري نهاية قلب
   ينزف
 بالدمـــــــــــــــــــــاء
  واراكي غدراُ
   قاتلاُ كل 
 الوفـــــــــــــــــــــــاء
 وأراكي نارا ثائرة
  لم تطفها أنهار
 مـــــــــــــــــــــــــاء
  ماذاأري
 عيناكي تصرخ
 بالبكـــــــــــــــــــــاء
 شفتاكي تستجدي
 النــــــــــــــــــــــداء
 هل شوق هذا 
 أم ريــــــــــــــــــــــاء
 أم قد تعبتي
  من العــــــــــــــــــناء
 أم انه أمل ضعيف
 في التمسك
 بالبقــــــــــــــــــــــــاء
  ماذا أري
 أعزيز قوم ذله الدهر
 فجـــــــــــــــــــــــــاء
 ظمأن لاهث بغيته
  قطرات مــــــــــــــاء
 فلترفعي تلك اليدين
 الي السمــــــــــــــــــاء
 فهناك ربـــا   قادرا
 يعطيكي
  فيضُا وارتــــــــــــواء
 أخطأ تي عنوانك
 فلست
 من مصاف 
الآولـــــــــــــــــــــــياء 

 ظلال الامس

3 ديسمبر 2010

وتاتــــــــــــني

 وتاتـــــــــــــيني 


وتأتيني لتلقاني

 تقاتلنــــي
بعينــــــــــــــــــاها
 تنا دينــــي
 بصوت عذب 
 لا أصــــغي 
 فاني اليوم
 أنســــــــــــــــاها   
 تذكرني  فلا أذكر
 ولا أحفــــل
 بذكـــــــــــــــراها
 حفظت العهد 
 ما حفظت
 وصنت الود
 ما صا نت
 وباعت قلب
 يهــــــــــــــــواها  
 فكم بالامس 
 كان لقاؤها
 حلمـــــــــا
 وكان القلب
 يطرب حين 
 يلقـــــــــــــــــاها 
 وكان الشوق
 يســــبقني
 ليؤنســـــــــــها
 وعيني تبتهج 
 فرحــــــا 
 برؤيـــــــــــــاها
 ويوما جاءني
 نبأا  هي ذهبت
 هي غابت 
 وترجوني
 لأنسي الأمس
 أتركها 
 لدنيـــــــــــــاها
 وأمشي وحدي 
مشواري
 فما عادت 
 بأفكـــاري 
 ولا أسعد
 بلقيـــــــــــاها
 ولن أذكر 
 بأشعاري 
 بعد اليوم
 عينـــــــــــاها

1 ديسمبر 2010

الهمووورك بتاع امن والواجب بتاع ميس هبه فاروق

السلام عليكم
 
قررت انا العبدالفقير الي الله ان احل الهمورورك
بتاع امن حفظه الله

التي اعطتني اياه اخت الفاضله /شيرين سامي
صاحبة مدونة /حدوته مصريه
والاخت الفاضله  هبه فاروق صاحبه مدونات هبه فاروق 
هل انت فضولي؟
نعم انا فضولي جدا في كل مايخص الجديد والقديم
في عالم الالات والاجهزة
  من باب حب المعرفة فقط
وليس لاحتراف العمل بها .
فضولي جدا احب ان اعرف مايدور في العالم القريب والبعيد
سياسيااو لا  ثم الامور الاخري علي حسب اهميتها بالنسبه
لنا
وفضولي ايضا  احب اعرف مايدور في عالمنا
ووطننا ومراقب جيد في الامور السياسيه في مصر والعالم
العربي وادعي اني علي علم جيد لما يدور في بلادنا
ولكني لااحب التدخل بالهجوم ولا السباب طالما رايي لن
يغير شيئا ولن يستفيد به احدا
ولست سلبيا انما لا احب تضييع وقتي في جدال لن يثمر
 عن شئ اوياتي اكله
واري ان دولتي الصغري هي بيتي ان نجحت في ادارتها
وتسيير امورها جيدا  والحفاظ عليها وتييسير حياه كريمه لها
ومراعاه الله فيهم
وان فعل كل مننا ذلك واد ار بيته بما يرضي الله ورسوله
واتقي الله فيهما
من هذه الكيانات الصغيره تنهض دولة كبيرة
  لااحب التدخل في خصوصيات الاخرين و اكره واغضب
من مايعرضون خفايا و اسرار بيوتهم علي الملا
في الامور التي لايجب الا تخرج عن اثنين واري انهما
وحدهما هما القادران علي تجاوز كل المشاكل دون
تدخل
وانا اري ان اخطاء بلادنا كلها كلنا مسئولون عنها وليست
الحكومات وحدها
فالرشوة بدءا من الصغير حتي الكبير تغير في سياستنا
الفهلوه - التسول - النفاق -ضياع الضمير في كل المهن
من اجل كسب اموال سريعه وبسهوله  بدءا من المعلم -
الطبيب -موظف الحكومة -الممرضه-امين الشرطه
حتي الحرفيون والمهنيون
وفساد بعض رجال الدين وتخبطهم ده قصة لوحده
والضابط-عسكري المرور - حتي
بعض اعضاء مجلس الشعب وبعض
 الوزراء والحكومات-حتي ناهبوااراضي الدوله

 
اري نفسي متدين جدا ولست متشددا واتقي الله
في كل  مااعمل
ودائما اعرف ان الله لايضيع اجر من احسن عملا
وان الله يحب اذا عمل احدكم عملا فليتقنه
واري ان من واجبي احترام المنتسبون لكل الديانات
الاخري واحترام عقائدهم
 لايغضبني اختلاف احد معي في الراي واخذ كلامه
بعين الاعتبار وافكر فيه
وان رايتني علي صواب   التمس له عذرا
 
احب كل الفن الراقي في جميع المجالات  واستمتع
بتامله وتذوقه  
غيورجدا علي اهل بيتي وعلي كرامتهم  واعتبر نفسي 
مسئولا عن اي شئ قد يمسهم وادافع عنهم بقوة
  
اسير(( بمبدا علمني وبعدين حاسبني ))
يعني لا احاسب احدا علي خطا ما لم اعلمه صوابه 

نيجي بقي للا سئلة الاستفزازية
 بعض الاسئلة قد تستفزني جدا مثلا
عن عملي كم تكسب او دخلك قد ايه  ودائما اتماسك ولاارد
وان اضطررت للرد فانا اقول الحمد لله ميسور ولا احتاج لاحد
ولست مديونا لاحد
لماذا لم تتزو ج حتي الان  
 ولي تجربه زواج سابق 
عندمايسالني احد عن اسباب الانفصال
ارد باقتضاب  عشان ماتفقناش والطبيعي
ان عدم الاتفاق يولد انفصال  ولا ازيد
طيب عندي ليك عروسه
لا شكرا انا لما اعوز هابقي ادور
وفي عملي يستفزني الفهلوي
اللي هو يعني عايز يجرجرك
 في الكلام عشان ياخد
معلومات عن شغلي
ساعتها مبريحوش
زي مابيقولوا بالبلدي كده بلففه
حوالين نفسه
وانا اري حياتي بسيطه جدا تخلوا
مما يعكر صفوها والحمد لله
 الهمورورك بتاع امن وو اجب ميس هبه