Follow by Email

19 ديسمبر، 2010

كلمات من القلب

السلام عليكم
لكل مننا راية وقناعاته
ولكل مننا طباع واخلاق اكتسبها من اهله وبيئته المحيطة
ولكل مننا ميول قد تجمح به عن عادات وتقاليد الاهل
ويتكون من خلال ميوله هذه  شخصية مختلفة عن الاهل
ولكل مننا مكتسبات سيئة كانت ام حسنة ولكنه اكتسبها
من خلال البيئة المحيطة به او احتكاكه بعالم قد يكون سئ
وقد يكون عالم  جميل محب وبه خيرا كثيرا
ولكل انسان خبرته  في المجال والبيئه الذي
عاش فيها ويعلم عنها علما كثيرا قد لايعرفه غيره ممن لم يعيش
نفس ظروفه ويكتسب نفس المكتسبات
ولكن يبقي الاصل
والاصل هنا هو الصفة الوراثية التي اكتسبها عن اهلة
وقد يجمح الانسان بعيدا عن اهلة في الطباع والتعامل مع الدنيا
ولكن يبقي شيئا تعرف انت كغريب به ان هذا الانسان
ابن ذاك الرجل او ابن هذه البيئة مهما طور من نفسه
وان حاول الانسان تغيير جلده او الخروج من اصله
لن يصبح مخلوقا اخر مثل الذي تشبه به
سوف يكون مسخ من هذه البيئه التي تشبه بها
لاهو بقي كاهله
ولا هو اصبح مثل هؤلاء
وهنا انا المح للهوية
فكثيرا من شبابنا فاقدا للهوية
فهو مثلا تراه مقلدا للغرب تقليدا اعمي  في ملابسهم وطباعهم
ويتكلم بخلطة غريبة شوية عربي علي شوية انجليزي
ولايستمع الا للاغاني الموسيقي الغربية لان العربية
لاتطربه
وهنا اسال اخذنا نحن سلبيات الغرب فهل وصلنا نحن لمثل
مستوي التقدم الذي وصلوا اليه واخذنا منهم ايجابياتهم
ايضا  كمثل الالتزام في العمل  واتقانه
وهل وصلنا لرفاهيتهم حتي ننسي همومنا بالرقص والتهليل
واعوجاج الالسنة
فهم يعملون طوال الاسبوع ويلهون يوم اجازاتهم
في الويك اند يعني
اما احنا فالبعامية الدار جة مقضيينها كلها اجازات
وهناك من ذهب الي الخليج فاكتسب طباع واسلوب معيشتهم
حتي ملابسهم حتي طريقة  اكلهم
وهناك شبابا اخرون يرتدون كاهل افغانستان وباكستان
ويطلقون لحاهم ويلبسون الجلباب القصير
والبنطلون الابيض ظنا منهم انه هنا يكمن الدين
في مثل هذه الملابس
واين هويتنا نحن لغتنا التي يفهمها كل العرب وكانوا يفهمونها ويستعذبونها
وكان اشهر واكبر كتاب وادباء واطباء ومهندسين
ومقراي القران الكريم  وحتي المطربين والشعراء
هم من المصريين وتعرفهم كل الدنيا ويستمعون لهم
ويقراون ويستعينوا بالمدرس المصري وووووو--
حتي العامل الحرفي المصري كان امهر عمال العرب
 فاين هذه الهوية ذهبت
هناك من يتهمون الفقر  ولا اعتقد ان الفقر سببا
لان زمان كانوا هناك اناسا اشد فقرا مما نحن عليه اليوم
للاسف كانت العادات والتقاليد اي عادات الشعوب وتقاليدها
هي اهم مايميز اي شعب عن غيره
ونحن تدريجيا بدانا في التخلي عن عاداتنا وتقاليدنا واهم موروثاتنا
التي تميزنا عن غيرنا

يقولون ان الغرب لازال ينظر الينا كراكبي جمال
ويجتهدون في  تغيير الملابس وارتداء كل صيحات الموضة لارضاء هذا الغرب اوفهامة اننا اصبحنا مرتدين بذلا وجينس
وهم لايفهمون فلسفة هذه النظرة فهو لاينظر الي شكلك الخارجي
هو ينظر الي عقلك كيف تفكر ويرسم صورتك كراكب جمال
في عصر فيه سيارات وطائرات
هو يرسم حالتك وتاخرك عن العالم
وهي صورة رمزية لك يراك بها
فقمة المحلية والاخلاص لها
هي قمة العالمية كالاديب نجيب محفوظ مثلا

فللننظر مثلا الي اليابان فهي دولة متقدمة جدا دون ان تتخلي
عن ايا من عاداتها
فلنعود الي هويتنا لنصبح بلدا متقدما




   كلمات من القلب

هناك 41 تعليقًا :

  1. السلام عليكم ورحمة الله وبركاته
    كلماتك أوجزت مشكلة شائكة تعانى منها مجتمعاتنا العربية وتهدد أبنائنا بالغربة والتيه فى هذا العالم الخادع وبريقه الزائف..نعم أخى كلماتك من القلب ..قلب مخلص ثادق لذلك لامست كلماتك وتراً حساساً فى القلوب والعقول.
    اللهم بصرنا سبل الهداية والرشاد

    بارك الله فيك أخى وأعزك

    ردحذف
  2. لا الا الموسيقى الاجنبى المزعجة..الراب...دى مش عارفه بيستحملوها ازاى

    اللى بيروح الخليج و يطبع بطباعه او يروح اوروبا و يبقى زيها يبقى هو من الاساس ماعندوش فكر و عقل و شخصية بناهم بمجهوده

    فكرة اننا بنطلع زى اهلنا و نشبهم دى مش قاعدة لانى شفت امثلة مختلفة و عندك مثلا جمال عيد رئيس مركز الكلمة لحقوق الانسان لما كان بيكلم فى ندوة مؤخرا عن قد ايه هو مختلف فكريا تماما عن اهله و مختلف معاهم

    ردحذف
  3. اخي الفاضل
    محمـــــد الجرايحي
    اشكر لك تعليقك الذي اضاف للبوست
    انه التيه حقا يااخي في هذا العالم الزائف
    واؤمن علي دعوتك الطيبه
    اللهم بصرنا سبل الهداية والرشاد
    اللهم امين
    اعزك الله يااخي الفاضل

    ردحذف
  4. السلام عليكم

    أذا عاد للوطن هويته سيعودلكل شيء هويته وأظن أن هذالن يحدث فكل يوم يزدادالوضع سوءآ

    تحياتي ليك ياسواح المدونات

    ردحذف
  5. اختي الفاضلة
    تــــــــيرز
    قد يختلف انسان مع اهله
    ولكن لو دققتي في صفاته الشخصيه
    تجدي مثلا انك تشبهيهم في حاجات كتير
    بعيدا عن العلم والخيرة الذي اكتسبهما
    هتلاقيه يشبههم كتير في الطباع
    تحياتي ياتــــــير ز
    تعليقك بينورني ويضيفلي

    ردحذف
  6. افروديت
    الطيبة
    هو الوطن ايه ياافروديت غير ناس بتعيش
    فيه وبتشكله
    اتمني من الله انا وانتي اختي الفاضلة
    ان نعود نحن والوطن لهويتنا
    تحياتي لافروديت عاشقة مصر

    ردحذف
  7. السلام عليكم
    هذا الي يريدوه الغرب تدمير العرب
    حتى يصبحوا هم فوق كل شي
    وطبعا العرب الي عقلهم على وشك ان يقفل بالاصح قفل يعملوا السي من طبع الغرب وناسين الجيد
    ناسين ان من بلاد العرب جاء ابن سيناء وابن الرازي الذي يعلم قوانيهي ومنخجة بالكليات الطب الاجنبية
    والعرب طبعا هاملين هذا وواخذين العلماء الاجانب قدوه لهم وناسين علمائنا
    صدقت في كل كلمه قلتها
    ربنا يصلح حال كل العرب
    تقبل مروري
    سلامي ليك اخي .

    ردحذف
  8. رشـــــــا
    اختي الطيبه
    كلامك مضبوط جدا وعقليتك ناضجة
    فعلا صدقتي يارشا بس العيب
    فينا ان احننا بننقاد وراء افكارهم دون تفكير
    تعلقك اضافة للبوست يارشا
    اشكرك اختي الفاضلة
    تحياتي ليكي

    ردحذف
  9. والله معاك حق فى اللى بتقولة
    احنا بقينا مجمدين لا عارفين نبتكر ولا عارفين يكون لينا لون ولا هوية تميزنا
    عن غيرنا مبقاش ورانا الا التقليد وياريت بنقلدهم فى ابداعهم واختراعاتهم
    وثقافتهم لا بنقلدهم فى هيافتهم
    يعنى فى اللبس وتسريحة الشعر وسماع اغانيهم المزعجة التى لا تطرب بل تسبب
    الاضطراب
    مشكور اخى سواح على هذا الموضوع المميز
    تحياتى لك ولقلمك

    ردحذف
  10. هــــــبة فاروق
    اختي الفاضلة
    هو فعلا اغانيهم بتسبب الاضطراب
    وللاسف احنا عندنا فن وموسيقي
    من اجمل فنون الدنيا
    بس الضياع والتقليد الاعمي ياهبة
    اشكرك لمرورك وتعليقك الطيب
    دمتي لي دائما اختا فاضلة

    ردحذف
  11. جزاك الله خيرا أخي سواح

    نعم فرطنا في هويتنا الإسلامية و أطلقنا عليها عربية ثم فرطنا في هويتنا العربية و أصبحنا مقلدين نستورد كل ما يقوم على رفاهيتنا .شعوب تيك أواي تطلب التكنولوجيا والرفاهية لتصلهم إلى المنازل .....ليتنا نعود قريبا أخي لهويتنا الإسلامية فهذا الفلاح

    ردحذف
  12. كلمات من نور
    اختي الفاضلة
    عندك حق فالاسلام دين ودنيا
    كل مشاكل الدنيا حلها ر ب العزة
    في في مجمل اياته
    الزواج -الطلاق - الميراث -القصاص
    ولكننا اهملنا ديننا وتمسكنا بمبادئ ليست بمبادئنا وعادات ليست بعادتنا
    جزاكي الله خيرا اختي الفاضلة

    ردحذف
  13. اخي سواح
    انت قد اوجزت معضلة كبيرة وسببا في انحطاط امة بكاملها عاشت مجدا لم تعشه امة غيرها
    لكن للاسف اصبح الدين صورة براقة سراب يتراى من بعيد وكلمت اقتربت منه وجدت خواء قاتلا
    والله يا اخي كلماتك من كثرة صدقها اعجزت الكلام اللسان عن التعبير
    تحياتي اخي

    ردحذف
  14. اختي الفاضلة
    شــــــهر زاد
    بنا يكمك داانتي كلامك اسعدني
    وفي نفس الوقت ااسف معكي علي امة ضاع مجدها
    تحياتي يااختي الفاضلة

    ردحذف
  15. مشكله يا سواح واحناواقعين فيها
    الرقى ان تعوج لسانك وانت بتكلم اصحابك بلغه غريبه

    الجديد انك تتابع احدث موضه وتسمع اغانى الروك الهيب هوب

    قمة التمدن والثقافه انك تعرف اسامى الممثلين واخر اعمالهم الاجنبيه

    وعلشام مابقاش متشائمة ولعيبه الكورة فى الدورى الانجليزى


    حكايه محتاجة معالجة ونقاش طويل لانها بقت ثقافه واسلوب حياة وده مش من فترة قريبه احنا بقلنا على الحال ده سنين

    ردحذف
  16. فهو مثلا تراه مقلدا للغرب تقليدا اعمي في ملابسهم وطباعهم
    ويتكلم بخلطة غريبة شوية عربي علي شوية انجليزي
    ولايستمع الا للاغاني الموسيقي الغربية لان العربية
    لاتطربه

    اخى اؤيدك اخذنا منهم سليباتهم وطورناها

    ولكننا تناسينا الايجابيات

    انا معاك اهم حاجه الاصل

    بس حتى ده راح منا فين

    طرح راقى

    جزاك الله عنا كل خير

    اشكرك

    تحياتى

    ردحذف
  17. بسم الله وبعد
    بوركت أخي في الله على الطرح الطيب وبورك جهدك على ما خط به قلمك
    :)
    أخوك في الله \ المنشد أبو مجاهد الرنتيسي

    ردحذف
  18. ريمـــــــــاس
    البنوتة الجميلة
    احييكي لخصتي البوست في اربع نقاط
    فعلا الحكاية محتاجة نقاش طويل
    وفعل اكتر
    تحياتي لاختي البنوته المصرية

    ردحذف
  19. جــــــايدا العزيزي
    الاصل يااختي الفاضلة موجود
    بس احنا بنحاول نتبرا منه
    بس موجود ياريت نرجعله
    هنبقي احسن شعوب الدنيا

    ردحذف
  20. اخـــــي في الله
    المنـــشد ابو مجاهد الرنتيسي
    سعدت لان كلماتي اعجبتك ولمرورك الطيب
    الذي شرفت به
    نورتني بتعليقك الجميل اشكرك اخي
    بارك الله فيك

    ردحذف
  21. السلام عليكم
    سواح
    كملت طريقك بس غيرت اسلوبك بتستخدم نفس الكلام من غير نظم
    فعلا بقينا غرباء مبقتش تعرف مين منا ومين مش منا بنستغرب كتير من شكل الملابس ولا تسريحات الشعر ولا ولا ولا
    وفى الاخر ياريتهم فاهمين بيعملوا ايه
    مجرد تقليد اعمى اصلنا اتعودنا حد يورينا نمشى ازاى ونسمع كلامه دون تفكير
    لك الشكر على طرحك

    ردحذف
  22. أولاً أشكرك على الموضوع المهم و طرحك الرائع له
    ضاعت الهويه كما قلت ما بين لبس خليجي و أجنبي و عوجة اللسان و الأغاني و غيره...لكني أظن أنه مهما تظاهر الناس بغير هويتهم لكن الطباع المصريه الأصيله تظل داخلهم
    أعتقد أن معظم الشعوب لديها نفس الخلطه من ملابس متنوعه و موسيقى تتغير كل عام حسب الدارج
    المؤسف هو تغير الطيبه و الشهامه و القيم المصريه و تبدلهم بعنف و حقد و انعدام الضمير في بعض الناس
    أشكرك يا سواح متميز كعادتك

    ردحذف
  23. السلام عليكم

    كلمات حضرتك فكرتنى بكايه صغيره بس جميله سمعتها زمان

    كان مره الغراب بيبص على الطاوس اشمعنى هو ماشى نافش ريشه بكل شياكه وفخر واعتزاز ليه مكنشى زيه قعد يقلد الطاوس لحد ما بقى يحجل لعرف يرجع لمشيه القديمه ولا عرف يمشى زى الطاوس

    دلوقتى بلدنا كده بتحجل
    لا هى دوله متقدمه واخدت النهج المتقدم الغربى ولا انها بقت دوله عربيه بكل ما تحمله الكلمه من معنى

    تسلم ايدك

    موضوع جميل جداا ومهم جدااا

    اختك جميله

    ردحذف
  24. اخي
    رحـــــــلة حياة
    المشكلة اننا كسالي حتي في مجرد التفكير
    دائما اتباع ودائما مقلدين
    وحينما ينبغ منا علماء البيئة بتاعتنا بتقضي عليها
    او بيسافر الخارج في بيئة منظمة تحسن توجيهه
    فبينبغ زي دكتور زويل والباز ومجدي يعقوب
    تحياتي ليك

    ردحذف
  25. شيرين سامي
    اختي الفاضلة
    مهي برضةالطباع المصرية الاصيلة
    اختفت مع اختفاء الهويه
    وان ظلت موجوده فهي باهته
    غير واضحة الملامح
    وفعلا الشهامة راحت والحقد والحسد
    بقوا اهم مايميز نا واهم عيوبنا في نفس الوقت
    تحياتي ياشيرين
    دمتي دائما لي اختا فاضلة

    ردحذف
  26. الاخت الفاضــــله
    جمــــــيله
    حكاية الطاووس دي اقرب توضيح للحال
    الذي اصبحنا عليه
    تحياتي لفكرك العميق المتميز
    دمتي لي اختا فاضلة

    ردحذف
  27. مقال جميل اوي يا سواح

    للأسف اغلبنا بيفقد هويته وبيروح يدور على هويه من بلد اخر

    وياريته بيختار من البلد دي اجمل ما فيها

    لا بيختار التفاهات بس

    ياريت نرجع لهويتنا

    مشكور سواح على البوست الرائع

    ردحذف
  28. دكتــــــورة ولاء
    كانت هويتنا المصرية مميزة
    بدءا من الفلاح المزارع الي العامل
    الي الطبيب الي المدرس
    وكانت كل بلاد الدنيا تحب المصري وهو علي سجيته وهويته
    وليس المصري المتصنع
    المسخ من عدة جنسيات
    تحياتي يادكتورة
    دائما تعليقك يضيف الي مدونتي
    ويشرفها

    ردحذف
  29. فقدنا هويتنا ولغتنا وكل بيدور دلوقتي اذا كان الدين اتلغى في المدرسه وماده مش عليها درجات والعلماء المصريين كلهم عايشين بره مصر احمد زويل والبرادعي وياخدوا حقهم بره لكن في مصر يتهانوا وميلقوش مكان ليهم في مصر والامثله المطروحه قدامهم القدوه عمرو وتامر ومايكل جاكسون حتى بعد ما مات ونسينا الصحابه ونسينا علمائنا والناس اللي حاولت تغير ودفعت حياتها تمن للحريات وحنا نسيانهم كلهم
    تقبل تحياتي

    ردحذف
  30. eng_semsem
    عندك حق يابشمهندس
    والمصيبة السودة ان الدين دلوقتي
    بيتعامل علي انه هو الي بياخر الشعوب
    عن النهضة
    اكيف للعالم ان يحترم شعب بلا هوية

    ردحذف
  31. اخي سواح
    لقد لخصت بلباقه
    عيوب قد لاحظناها
    نحن وغابت عنا نقدها
    اهنيك علي طرأ هذا
    الموضوع.
    اما عن السعي وراء ما
    يرتديه الغرب من اشياء تختلف مع عادتنا
    فينسب هذا الي عقده الخواجه وايضا ضعف الانتماء

    ردحذف
  32. كارولين فاوق
    اختي الطيبة
    عقدة الخواجة
    فعلا كلامك صحيح من زمان واحنا بنستعين
    بالخواجة عشان يحل لنا مشاكلنا
    لحد ماطغت طباعة وهويته وحجبت هويتنا
    كلامك صحيح جدا تعليقك اثري مدونتي
    احييكي عليه
    دمتي دائما لي اختا فاضلة

    ردحذف
  33. مصر دخل عليها كتير من الحضارات والثقافات واللغات
    والحمد لله احتفظت بهويتها
    فرمت كل دخيل وطلعت بنفسها وشخصيتها

    بس كان لازم ده يكون له نهايه
    شويه علي ايد مخطط اليهود وشويه استعمار فكري بالزن علي الودان
    وبمدارس الاجانب

    وشويه بسينما مأجورة

    وسيبنا كل الدنيا تستعمرنا للأسف
    وتحسسنا ان اي شئ احسن وافضل الا المصري

    كنت في بلد في امريكا هي بلد قديمة من بدايات امريكا وهمه عاملينها مزار سياحي البلد زي افلام الكاوبوي كده
    دخلنا محل نشتري بعض التذكارات وكان صاحب المحل لابس لبس اكاوبوي القديم
    لما صورته قال لي احنا هنا كاو بوي انتم عندكم كاميل بوي علشان الصحراء
    وكان يومه مني مالوش ملامح
    فهمته ان لو لسه في حد في العالم بيقول كده علي مصر يبقا مش دريان
    وان الشعب الامريكي مغلق علي نفسه
    وقلت له ادخل علي النت وشوف احنا عندنا مترو الانفاق وساعه علمته الادب فيها
    :))

    ردحذف
  34. مدام شمــــــس
    طبعا احيي فيكي وطنيتك وغيرتك علي بلدك
    بس ياتري الامريكي ده لما يدخل علي
    النت ويشوف متروا الانفاق
    هنقولله ده اختراع مصري
    والا العربيه اللي راكبينها هنقولله ده اختراع

    برضه مصري
    احنا كنا بلد من احسن البلدان الزراعية في العالم
    ودي لوحدها كانت كفيلة بتقدمنا
    ولكننا اهملنا الزراعة
    تحياتي علي مرورك الطيب

    ردحذف
  35. احنا كنا مش بس بلد زراعي له وزنه
    احنا كنا ابتدينا نكون بلد صناعي من الطراز الاول

    ولله الامر من قبل ومن بعد

    المشكله مش ان المترو احنا اللي صنعناه
    بس المصرينن همه اللي حفروا وعملوا
    يعني لما بنعوز نعمل بنعمل
    الخط الاول بس اللي الفرنسويين شاركونا فيه لقلة الخبرة طبعا في الاوفاق

    بس باقي الخطوط حاجه جميلة

    المشكلة ان الناس دي فاكرة اننا عايشين في خيم وبنربي معيز وجمال
    :))
    وكان مستغرب جدا اننا بنكلمه انجليزي حتي ولدتي الست الكبيرة رغم اننا مش مقيمين في امريكا
    وده كان درس تاني له
    ان المصريين بيتعلموا لغات لكن الامريكان مابيتعلموش اي لغه تانيه
    ماعدا الاسبانيه ودي نسبه قليلة وفي كاليفورنيا

    ردحذف
  36. مـــدام
    شمـــــس النهار
    لا اختلف معكي علي ذكاء المصريين
    مهو انا مصري برضه
    بس الحال اللي وصلنا ليه
    بيثير حزني
    وكل مشكتي اني عايز بلدنا ترجع لهويتها الزراعية والصناعية
    كان زمان السلطان العثماني
    بيبعت ياخد المصريين في تركيا
    عشان يشيدوا المباني والقلاع الجميلة
    الي احنا بنشوفها دلوفتي تاريخ
    احنا فين من ده تحياتي ليكي

    ردحذف
  37. أنا بضم صوتى لصوتك

    فلنعود إلى هويتنا

    تعالى نبتدى بنفسنا

    إن الله لا يغير ما بقوم حتى يغيروا ما بأنفسهم

    بعد كده الدنيا حتتغير ان شاء الله

    مقالك رائع والله يا سواح

    انت وضعت ايدك على حقيقة مرة وشاقة

    لكن الأمل موجود فيك وفينا والله المستعان :)

    ردحذف
  38. Samakafelmo7ee
    مروة الطيبه
    اجمل حاجة فيكي تفاؤلك
    وانتي بالتفاؤل بتديني امل
    تحياتي يامروة

    ردحذف
  39. معاك في حاجات و ضدك ببعضها ...

    بالنسبة للانسان ... ممكن بجد يتغير و يبقى باخلاق و طبايع تااااااانية ... و دا من غير ميبقى مسخ ...

    هديك مثال ... انسان متربي على الأغاني و الخمرة ( بعيد الشر ) و الحاجات دية ... وكل حاجة عندو عادي ... لما يلاقي بيئة الإسلام تجذبوا و يحاول يبقى بشتى الوسايل انسان نقي ... دا مش بيخليه مسخ ... بالعكس ... كان أضل من الحيوان ... وبقى أحسن من الملاك !

    مش دايماً العادات والتقاليد صح ... ومش شرط اللي بياخد من الخليج أو أي بلد عربي بيبقى غلط ... لا خااالص ... لأنه عاشر ناس و شاف ليهم طبايع ... فبياخد الحلوة ... لو كلنا اخدنا من كل مجتمع طبايعو الحلوة حنعيش مرتاحيين ...

    بصراحة بالنسبة ليا ... مش بامن بالدول ... يعني عراق سوريا مصر لبنان سعودية ....

    بامن بحاجات تانية ... بامن بالدين ... دا مسلم و دا لأ ... دا اخلاقو حلوة دا لا ...

    مش بحب يبقى البلد حاجز للفرد ... أو عادات معينة تبقى محدداه ... لا ... بحب يكون انسان متمرد على العادات والتقاليد والأفكار الغلط اللي عندو ... انسان ياخد الحاجات الحلوة من الغير و يغرسها عندو


    بس طبعاً إنت قصدك على العادات الغربية و وضحت دا وانا معاك اوووي ... حاجات بجد مززعجة ...عادي لو الانسان قال كلمة او اتنين بالانكليزي ... بس مش يبقى كلامو عنكليزي !

    وبتمنى كمان ... تبقى اللغة العربية الفصحى هي المتداولة بكل البلدان العربية ...

    سؤال لو سمحت /: ليه معارض اللي ياخد من الخليج ؟ ... زي ايه مثلاً ؟

    تقبل مروري و كلامي الكتير :)

    ردحذف
  40. اختي قطرة
    لكل بيئة هوويتها وعاداتها
    يعني انا احب الاخ الخليجي
    ومحبش المصري اللي يقلده كنوع من التباهي
    فمثلا في الخليج اثرياء يعيشون بطريقة ما
    وبما ان المصري بطبيعته الي بيشتغل في الدول
    دي ليس ثريا
    فبيتهياله من باب الوجاهه
    انه لو اتكلم زية وباسلوبه هينال احترام الناس
    لانه هو بيحترم الاثرياء
    فبيصبح مسخ
    اشكرك علي تعليقك اطيب

    ردحذف
  41. اه لو كدا طبعاً معاك حق

    اللي بيحبو انسان او يحترموه عشان فلوسو ..... !!!

    واللي بيحبو يقلدو عشان التباهي ... دول برضو .....

    ربنا يعافينا :)

    فهمت وجهة نظرك

    شكراً ليك على التوضيح :)

    ردحذف

اهلا بزوار المدونة

تعليقك الكريم يضيف الي مدونتي

سواح في ملك الله