Follow by Email

24 ديسمبر، 2010

ســـــــــبحان من له الدوام

لكل عصر جبار*ولكل عصر مستضعفين ولكل جبار زبانيته ومريديه
يشيعون الرعب والهلع في قلوب المستضعفين يقتلون ويعذبون
وهذا الجبار تجده في كل مكان
فيظن هؤلاء المستضعفين من الرعب ان هذا الجبار مخلدا لايموت
ويظن هذا الجبار نفسه نصف اله من تكبره وغروره
وحين ياتي الاجل يصدم المستضعفين  لانهم نسوا انفسهم ونسوا انه
بشر مثلهم يمرض ويموت
ونسوا  ان
اللــــه وحده  هو الحي الذي لايموت


 طلع بيموت
ده كان في الدنيا
شخط ونطر
كان جبروت
     **
وكان طايح
في خلق الله
يدوس الكل
 في طريقه
يهد بيوت
يعللي بيوت
    **
وكان فرعون
وله اتباع
وليه معبد
وليه كهنوت
    **
ولما يقول
 كلام هايف
نصقفله
نهيصله
نقول مظبوط
   **
كمان نرقصله
بالنبوت
   **
ولما يكح نتلهف
وننشر اعلانات
ونقول
سلامة الصوت
   **    
ولما بيمشي
 في طريقه
نفضيلة الطريق
خالص
وهس سكوت
   **
ولو يزعل
 في يوم منك
في لحظة تشوف
الاضيشه
 وكام هلفوت
يدوك كام قفا
وشلوت
  **
ولما يحب
   يتعايق

  ويتمنظر
يصاحب بت
تربت توت
  
    **
واهوو منشال
علي خشبة
ورايح عند
رب كبير
رب العزة
والجبروت
    **
ولاهياخد
 معاه ماله

ولاجاهه
ولابنفوذه
و فلوسه

يعدي يفوت
    **
ده ربنا عدل
لايحابي
ولايجاملولابيسيب
 حقوقمظلوم

تموت الدنيا
 وربنا حي
لايموت


سبحان الله






 

هناك 50 تعليقًا :

  1. ياريت كل ظالم يفتكر ان مصيره ونهايته الموت ومهما قدر ولا قوته زادت مسير الدود من جسم هياكل ونهايته هتيجي ومفيش مال ولا زاد معاه وسطوته وجيشه مش هينفعوه خالص
    تقبل تحياتي على كلماتك

    ردحذف
  2. الله على الكلمات

    وانا بقرأ كلماتك افتكر شخصيه ماتت قريب بدون ذكر اسامي

    كان للاسف فاكر نفسه مخلد

    سبحان من له الدوام

    كلماتك جميله يا سواح ولو بإيدي كنت امرت انها تتحط على باب كل مسئول جبار

    عشان يعرف ان كل واحد وله نهايه

    مشكور يا سواح

    ردحذف
  3. السلام عليكم
    كل ظلام وامره لله
    له رب كبير ينتقم للمظلوم
    هو ناسي انه في رب يقدر ينصف الناس
    يجري وراء شهوات الدنيا
    ولما ينزل القبر يقول يارتني عبدت ربنا ومشيت بشريعته لكن بعد ايه
    بعد فوات الاوان
    كلمات غايه في الروعة واجمل ماخطت يداك اخي
    تقبل مروري
    سلامي ليك اخي خالد.

    ردحذف
  4. eng_semsem
    بشهمندس
    يوم لا ينفع مال ولا بنون
    تحيتي ليك

    ردحذف
  5. دكـتـــــورة ولاء
    مهي لو اتحطت علي باب كل مسئول
    وفهمها هيسيب منصبه من بكره
    تحيتي ليكي يادكتورة

    ردحذف
  6. اختي الفاضلة
    رشـــــــا
    مهو لو افتكرو ربنا
    كانت الدنيا بقت جنة
    نسوا الله فانساهم انفسهم
    صدق الله العظيم
    تحيتي ليكي يارشا

    ردحذف
  7. ياااااااارب

    طول ما انا بقرأ سطورك و فيه صورة شخص معين بتتنطط قدامى كأن كل حرف من دول مكتوب عشانه

    ردحذف
  8. تيرز
    هههه الاعمار بيد الله ومين عارف
    سبحان من له الدوام

    ردحذف
  9. رغم أن الموت هو الحقيقة الوحيدة فى حياة بنى الإنسان
    إلا أن الطغاة ينسون هذه الحقيقة ويظنون أنهم مخلدون ..وسبحان الحى الذى لايموت.

    أخى : من أروع ماقرأت
    سلمت يمينك
    وبارك الله فيك وأعزك

    ردحذف
  10. اخي محمد الجرايحي
    فعلا يااخي الموت هو الحقيقة الوحيدة
    ولكن هؤلاء نسوا الله فانساهم انفسهم
    بس هيروحوا من ربنا فين
    تحيتي ليك يااخي اسعدني مرورك

    ردحذف
  11. جميله أوييييي رائعه يا أخي العزيز
    كلام صحيح و موزون و كمان دمه خفيف جداً
    فعلاً يا ريت الناس اللي فاكره نفسها
    مبتتهدش تهدي بقى و تعرف الحقيقه
    تحياتي الشديده لك و لقلمك الهادف الجميل

    ردحذف
  12. اختي الفاضلة
    شــــــيرين سامي
    اولا شكرا لكي علي مرورك وتعليقك
    وياريت كما قلتي الناس تتعظ
    ان لم يكن كلهم فالاغلبية علي الاقل
    تحيتي الطيبه لكي ولمرورك
    دمتي لي اختا فاضلة

    ردحذف
  13. يحسبون أنما نمد لهم مدا

    صدق الله العظيم

    مش عارفه فعلا ليه بينسوا انهم ميتين زيهم زي غيرهم وبيفتكروا نفسهم مخلدين

    يارب ارحمنا ولا تجعلنا زيهم ابدا

    ردحذف
  14. آمين
    هو كده
    نط في عيني وقلت آمين وأصلح بعدها يارب واجعل نصيبنا عشرة مصلحين

    حلوة جدا

    فكرتني بقارون :)
    ما بين ما كان الناس يتمنوا
    يَا لَيْتَ لَنَا مِثْلَ مَا أُوتِيَ قَارُونُ

    وما بين
    أَن مَّنَّ اللَّهُ عَلَيْنَا لَخَسَفَ بِنَا وَيْكَأَنَّهُ لَا يُفْلِحُ الْكَافِرُونَ

    ردحذف
  15. كلمــــــات من نور
    بينسوا الله يااختنا الطيبة
    وربنا بيسيبهم شويه
    ولكن يمهل ولا يهمل
    تحيتي ليكي

    ردحذف
  16. دكتورة ستــــيته
    فعلا يادكتورة
    تخمينك صح
    بس زمان كان فيه قارون واحد
    انهاردة فيه كام قارون
    تحيتي الطيبة ليكي
    يادكتورة

    ردحذف
  17. طبعا انت عارف ان في بعض الكلمات في اللهجة المصرية ممكن تكون صعبة على احم احم سيادتي بس مع ذلك حبيتها موووووووت
    وفهمتها كمان :)

    ويبقى وجه ربك ذو الجلال والاكرام
    كل اللى كتبته ياسواح قبل كذا في كفه
    والبوست هذا بجد في كفه ثاااااانيه

    هي اجمل ماقرات لك :)
    خمس نجوم للبوست هذا هههه

    ردحذف
  18. لا لا بجد امرة دى يا خالد اكتر من روعه
    تجسيد جميل جداااااااااااا لقصص قريناها وبنعيشها

    ناس كانوا فكرين نفسهم مخلدين

    ردحذف
  19. الغاردينيا
    سيادتك يافندم لو محتاجة ترجمة
    بس اؤمري ههههههههههه
    بس علي فكرة اللهجة المصرية واليمنية
    قريبين جدا من بعض
    طبعا ده فخر ليه الخمس نجوم من اميرتنا الغاردنيا
    نورتي بجد وتحياتي

    ردحذف
  20. reemaas
    نــــور البنوتة
    علي فكرة بجد انا بعتبرك ترمومتر
    للي بكتبه لانك فعلا متذوقة للمعاني
    ربنا ميحرمنيش منك يااختي الطيبة
    مبسوط انها عجبتك

    ردحذف
  21. تحفة تحفة تحفة ...الله على الكلمات ووصفك لشخصية الحاكم الظالم واتباعة
    فاحيانا الحاكم يصيبة داء العظمة والجبروت ويعتقد انة خالد للابد ولا يتذكر قدرة وعظمة وملك الله
    ويحب ان يعلم كل ظالم انة لة نهاية واذا دعتك قدرتك على ظلم الناس فتذكر قدرة الله عليك ايها الحاكم الجبار
    بجد عجبتنى جدا بوست اكثر من رائع
    تحياتى لك يا صاحب القلم الرائع

    ردحذف
  22. هـــــبة فاروق
    الاخت الفاضلة
    انه هو هو نفس الحاكم في كل العصور
    ياتيه الجاه والمال فينسي الله عز وجل
    وينسي لقاءه
    فيباغته الموت
    وعند الله لاتضيع اعمالنا
    فمن يعمل مثقال ذرة خيرا يره
    ومن يعمل مثقال ذرة شرا يره
    بجد بيشرفني وجودك
    ويسعدني يااختي الفاضلة

    ردحذف
  23. سبحان من له الدوام فعلا
    بس للاسف محدش بيحط الموت فى دماغه
    ولا ان اللى تاعب نفسه فى جمعه وامتلاكه مش هياخد منه ولا ذرة
    ومش هياخد معاه غير عمله فى الدنيا
    ربنا يحسن خاتمنا واعمالنا
    وكل واحد عقله فى راسه
    هيعرف خلاصه
    تحياتى وتقديرى

    ردحذف
  24. الاخت الفاضله
    حاجات جوايا
    عندك حق بس احنا لينا برضه دور
    ان احنا نعرف انهم بشر من لحم ودم زينا
    نورتيني

    ردحذف
  25. بسم الله وبعد
    الموت آت لا محالة فمن إستعد له فطوبى له ومن لم يستعد وأطغته الدنيا بملذاتها نقول له (كل من عليها فان ويبقى وجه ربك ذو الجلال والاكرام) فالاموال والجاه والسلطان لن ينفعوا صاحبهم بشيء فالاساس هو العمل

    بوركت أخي على كلماتك الطيبة
    تقبل مروري

    ردحذف
  26. اخي
    ابو مجاهد الرنتيسي
    شرفني مرورك ياخي واسعد به ويثريني
    تعليقك
    نورت يااخي

    ردحذف
  27. الله على هالكلام الجميل المواسي
    الذي يحمل الكثير من معاني العزاء
    والتصبير لكل مظلوم

    "ده ربنا عدل
    لايحابي
    ولايجاملولابيسيب
    حقوقمظلوم
    تموت الدنيا
    وربنا حي
    لايموت"

    اي والله هو الحق الذي لا يموت

    جميل جدا الوصف وتفاصيل القصة التي تتكرر وقد أوردتها بأسلوب غير مكرر
    ومبدع

    موفق ^_^

    ردحذف
  28. يسمع من بقك ربنا

    احنا زهقنا بقى

    ردحذف
  29. الموت هو القاسم المشترك بين جميع الكائنات
    لكن المتجبرين عنهم تصبح قلوبهم قاسية فيغفلون عن ه الحقيقة ويرتعون دون حسبان الا ان يجرفهم ملك الموت عندها يعرفو ن حقا ان الموت حقيقة لكن فات الاوان
    تحياتي

    ردحذف
  30. خاتون
    اشكرك اختي علي متابعتك
    ومرورك وكلماتك الطيبة
    وتشجيعك
    نورتي اختي الفاضلة

    ردحذف
  31. جمهوريه فوضي
    كله رايح محدش هيخلل فيها
    الاعمار بيد الله مش بايدينا
    تحياتي يافوضي

    ردحذف
  32. شهــــــر زاد
    اهلا بيكي وبتعليقاتك
    الجميله
    وحقا ياشهر زاد
    لايدركون انفسهم الا بعد
    فوات الاوان
    تحياتي اختي الرائعة

    ردحذف
  33. صح الكلام
    بس تقول ايه وغرتهم الأمانى بما كان يعملون

    ردحذف
  34. السلام عليكم

    طبعا كلماتك اكثر من رائعه وده الى اعتدنا عليه مع حضرتك

    ربنا يوفقك يارب

    تسلم ايدك

    ودمت بكل خير

    اختك جميله

    ردحذف
  35. مونايزا
    عندك حق غرتهم الاماني ولكنه ليس بعذر
    لمعصيةالله عز وجل تحياتي يكي
    موناليزا

    ردحذف
  36. اختي الفاضلة
    جميــــــــله
    الاروع مرورك وتعليقك الطيب
    دمتي لي اختا فاضلة

    ردحذف
  37. حقآ..
    من أروع ماكتبت ياسواح وخطت يداك

    شعرت بهافأبدعت فيها

    تحياتي ليك

    ردحذف
  38. افــــــروديت
    اشكرك علي تشجيعك ومبسوط
    انها اعجبتك
    تحياتي ياافروديت

    ردحذف
  39. ممتاز أخي الغالي

    وجزاك الله خير

    ردحذف
  40. جعلك الله من ناصرين الحق يا سواح

    الكلمات قوية جدا

    تحكى عن قصة جبروت انتهت إلى قبضة تراب يبعثرها أقل دفع فى الهواء

    انت فنان بجد وحقيقى

    حفظك الله :)

    ردحذف
  41. كنــــوز القمم
    اشكرك اخي
    واشكر تعليقك ومرورك
    نورتنا اخي الطيب

    ردحذف
  42. Samakafelmo7eet
    مروة اختي الطيبة
    دي نهاية كل بني ادم
    بس في ناس بتنسي ربنا
    ويظلموا عبادة
    تحيتي ليكي يامروة
    انا مبسوط انها عجبتك
    منورني مرورك
    دمتي لي اختا طيبة

    ردحذف
  43. ياسلام سلم
    ايه الجمال والعبقريه
    يا سواح
    اجمل ما كتبت
    جميله جدا
    واضافه السخريه
    اعطت ملامح من البسمه
    رسمتها مع الشجن
    فأنت الضاحك الباكي

    ردحذف
  44. كارولين فاروق
    عندك حق
    وكم في مصر من مضحكات
    ولكنه ضحك كالبكاء
    الله يخليكي ده بعض ماعندكم
    نورتي بتعليقك
    ونورتي بمرورك

    ردحذف
  45. كلام زي الفل كله حق
    هاخد اللينك اضيفه علي البوست
    :))

    ردحذف
  46. شمس النهار

    ده يبقي ليه الشرف ياست الكل

    تحيتي

    ردحذف
  47. ليس هناك كبير على الموت ..

    جميلة وواقعية كثير ..

    أعجبتني وبشدة .

    ردحذف
  48. وجع البنفسج

    اشكرك بشدة

    ومبسوط انها اعجبتك

    تحيتي

    ردحذف
  49. السلام عليكم..
    ما أروع ما كتبت.
    وعلى الرغم من ميلي للفصحى في الشعر إلا أن كلماتك جاءت على الوتر! وما فيهاش غلطة!
    عارف..
    فيها عبقرية جميلة إنها صالحة لكل زمان بس اللي يفهم ويشوف.
    تحياتي لقلم يبهرنا بريقه ورونقه.

    ردحذف
    الردود
    1. Bahaa Talat

      اخي بهاء

      اسعدني جدا رأيك في التدوينة

      خاصة انه من شاعر جميل نستمتع بكتاباته

      واشكرك علي متابعتها

      نعم اخي هي تصلح لكل الازمان

      انها سنة الدنيا ولكنهم لايتعلمون

      تحيتي اخي

      حذف

اهلا بزوار المدونة

تعليقك الكريم يضيف الي مدونتي

سواح في ملك الله