Follow by Email

21 نوفمبر، 2011

ماذا يحدث

حاولت
 حاولت   ان اقف عند اسباب

 الاعتصام الاخير في التحرير
 او اشتعال الثورة مرة اخري
بكل بساطة
نجد
 ان اهم سببين
 ان لم يكن هما السببين الوحيدين علي ذلك
 هو
 فقدان الامن مما اصاب الناس بالتوترات
 والسبب الثاني
تهديد الارزاق

 فالحال يتطور من سئ الي اسوا
 خلال عشرة اشهر منذ قيام ثورة مصر
 فالناس لم تعد امنة
  
 الشرطة موجودة ومش موجودة
 كل مواطن معرض ان يقطع عليه الطريق
 وان يقتل او يسلب منه ماله
 او يتعرض هو ومن معه سواء اولاده
 او رفقته للخطر
 ابسط مشكلة تجد ظهور الاسلحة النارية
  وقد تجد قتلي ومصابين
 قد يكون انسانا مارا في الشارع
 زي مابنقول بالبلدي
 لاليه في الطور ولا في الطحين
 ويتصاب او يقتل لمجرد عبوره
 من مكان فيه خناقة او مشكلة
 الاسعار بتغلي يوم بعد التاني
 الانسان مش فاهم هترسي علي ايه
  توترات لمدة عشرة شهور
 وانفجار الناس
 فقد اصبح لاطاقة لهم بما يحدث
 الملاحظ ايضا ان  اي حد سياسي
 او له علاقة بالنخبة السياسية
 يتم طرده
 من الميدان
 فالمواطن مش عايز كلام مجعلص
 ومش عايز ناس متنشية تطلع تتكلم في التلفزيون
 بادعاء انهم يعبرون عنه
 وهم في الحقيقة لايعبرون الا عن انفسهم
 فاصبح المواطن
 يضيق صدرا بهذه النخبة التي
 تعيش في جزر منعزلة عما يعانيه المواطن
 فقدان الامن وتهديد الرزق اهم سببان

لكي الله يامصر














هناك 33 تعليقًا :

  1. السلام عليكم اخى خالد

    نسأل الله السلامة والخلاص
    اشعر بتوتر واحباط شديد واكتئاب لكل ما يحدث

    لقد كتبت شىء مماثل لما قلت هنا
    http://solamnllsmaa.blogspot.com/2011/11/blog-post_21.html

    لا ادرى لماذا وصلت بنا الامور لهذه الدرجة ولمصلحة من
    اللهم احمى بلادى وانصرها و سلمها يا ارحم الراحمين

    تقبل مرورى اخى الكريم
    تحياتى لك

    ردحذف
  2. أم هريرة.. lolocat

    الاخت الفاضلة

    لااملك الا ان اؤمن علي دعائك لمصرنا الغالية بيتا ووطنا واما

    تحيتي

    ردحذف
  3. ياريت يا خالد يعلنوا ان دى الاسباب

    انا نفسى افهم حاجة

    مش عصام شرف ده هو اللى فى الاول عمالوله فرح على اساس انه رئيس وزاره من التحرير

    ايه بقى

    دلوقتى بقى وحش وماحدش طايقه

    مش المجلس العسكرى ده هو اللى كانوا بينادوا انه يفضل فى السلطة سنتين اقله لحد ما الدنيا تستقر؟
    دلوقتى كخة ولازم يمشى؟

    حاجة تغيظ وربنا

    وانا ايه يضمنى اللى هيجى بعد كده مش هيتعمل فيه نفس الكلام

    ردحذف
  4. reemaas

    برضه يابنوته وجهة نظرك تحترم

    واحيانا اتسائل

    ماذا لو ترك المجلس الحكم الان

    هتلاقي متصارعين علي السلطة

    وكل فصيل او حزب مش هيعجبه

    حكم الفصيل التاني

    ولن تهدا الامور

    ربنا يستر علي مصر

    فهي بلدنا وامنا

    تحيتي يابنوتة

    ردحذف
  5. هيعملوا مجلس حكماء وكل واحد يعترض على حكيم من الحكماء اللى اصلا اشك فى وجودهم
    ماهم لو كانوا موجودين مكنش حد غلب

    ردحذف
  6. reemaas

    المشكلة انه مفيش اتفاق مابين

    اي حزب والتاني او اي جماعة والتانيه

    ربنا يلطف بمصر

    ردحذف
  7. صباح الغاردينيا سواح
    اتنقل هذا الصباح بين مدونات
    أصدقائي المصريين ويؤلمني
    أن المدونات تنزف وجعاً وهو بعض
    من حال مصر الآن ..
    سيبقى التساؤل ياخالد مؤلم ..
    وتبقى ماذا يحدث مبهمة الإجابة
    حتى يترفق رب العالمين بـ مصر وشعبها
    حفظ الله مصر وأبنائها "
    ؛؛
    ؛
    لروحك عبق الغاردينيا
    كانت هنا
    reemaas

    ردحذف
  8. ريــــمــــاس

    اشكر لكي حرصك وخوفك علي بلدك الثاني مصر

    وعلي مؤازرتك لااخوتك الذي يفخرون باخوتك

    واؤمن علي دعائك

    اللهم امين وكل بلادنا العربية

    نورتي ريماس

    ردحذف
  9. حفظ الله مصر وابنائها

    نفسي نشعر بالامان من جديد
    ونعيش في بلد سالمه
    مفيهاش حروب ولا خوف

    لكن ربنا سبحانه وتعالي عنده الكتير
    وباذن الله هيقف معانا
    وهو اقوي من كل ظالم

    ردحذف
  10. صباح الخير اخى سواح
    بجد انا مبقتش فاهمه والله حاجه اللى بيحصل وسرعه الاحداث جعلتنى اتجاهل بعضها ..ربنا يستر لان مصر تعبت وشعبها قرب يضيع
    حفظ مصر من الضياع والصراع
    تحياتى لك

    ردحذف
  11. ربنا يسترها معانا ... وتعدي الايام دي علي خير

    ردحذف
  12. ساسو

    اللهم امين ياساسو

    ندعوا الله ان يحفظ بلدنا من كل شر

    تحية لكي

    ردحذف
  13. هبة فاروق

    اللي بيحصل ياهبة ان مافيش لغة مشتركة

    بين شعب هذا البلد ومن يقودوه

    والاحزاب اثبتت انها مترجم فاشل ووسيط فاشل

    بين القيادة والشعب

    تحيتي اليكي اختي الطيبة

    ردحذف
  14. السلام عليكم..
    كلنا عايزين ربنا يفرج عنا ما نحن فيه.. بس إزاي؟؟
    في رأيي أننا يجب أن نخلص الدعاء أولا ونصدق النية أن تكون أفعالنا كلها سواء كان الاعتصام أو التظاهر أو حتى الألم لما نشاهد على التلفاز.. أن يكون كل ذلك خالصا لوجه الله وغضبا لحرماته التي انتهكت في التحرير.
    صدقني بهذا فقط يمكن أن تنكشف الغمة التي ليس لها من دون الله كاشفة..
    اللهم خلص مصر من الفتن.. آمين.
    تقبل تحياتي..

    ردحذف
  15. مش قدامنا غير اننا نقول ربنا يستر عليكى يامصر

    ممكن فعلا يكونوا دول اهم سببين بس مش كل الاسباب

    الناس حاسه ان مفيش اى تغييييير بل بالعكس فعلا الحال اسوا من قبل كده

    الناس حاسه ان المجلس العسكرى ولاءه مش لينا .. وبرضه حاسين انه مش عايز يسيب الحكم .. ده غير المحاكمات العسكريه للمدنيين والمهازل الللى بنشوفها ونسمع عنها

    الوحش ف الموضوع اننا مش ايد واحده زى ماكنا زمان .. دلوقتى كل حزب له مصالحه .. وكل حد شايف الموضوع من وجهة نظر واحده ممكن تكون بعبده كل البعد عن مصالح مصر ومتركزه بس ف مصالحه هو

    ربنا يحفظ مصر ويصلح حالها يااارب ونعدى الازمه دى ع خير

    ردحذف
  16. دعاء العطار

    هي المشكلة الكبيرة يادعاء

    ماذا لو ترك المجلس العسكري الحكم الا ن

    وهناك قوي سياسية متصارعة محدش فيهم طايق التاني

    وبعيدين

    كل البعد عن احتياجات الناس

    اعتقد لو حدث ذلك سوف تعم الفوضي البلاد

    نحن لنا طلبات من المجلس

    فلنطلبها

    ولكن ليس كل من يخطئ في سياساته

    نقولله امشي

    المفروض مطلب الرحيل ده يبقي

    بعد استنفاذ كل الوسائل السلمية والديمقراطية

    ربنا يستر يادعاء

    ردحذف
  17. لا حول و لا قوة الا بالله . . لك الله يا مصر

    و الله يحمي مصر و اهلها :((

    ليس باليد حيلة غير الدعاء . . و نحن نثق في الله و قدرته ان يهلك الظالمين بالظالمين و يخرجنا من بيهن سالمين . . و يكون لهم بالمرصاد و في مصر خير اجناد الارض

    ردحذف
  18. haneen nidal

    اللهم امين اختنا الفاضلة


    نشكرلكي اهتمامك ببلدك مصر والدعاء له


    تحيتي

    ردحذف
  19. السلام عليكم
    صراحة مش لاقى شئ اقوله
    غير ربنا يرحمنا ويرحم مصرنا ويحفظ دماءنا واعراضنا
    دومت بخير اخى

    ردحذف
  20. الله معكم يا أهل مصر ، اللهم احفظ شعب مصر العظيم

    ردحذف
  21. مسا الخير خالد وايه اخبارك
    انا قلقانه علي مستقبل مصر قوي
    وربنا يستر يا خالد
    اتمني من الله الستر والعبور من هذه المرحله بسلام
    تحياتي

    ردحذف
  22. الله يحمي مصر و شعب مصر ...

    فمصر قلب العروبة و هي رقما محترما في

    المعادلات العربية و سياساتها ،،،

    تحياتي


    منجي باكير

    ردحذف
  23. ;كارولين فاروق

    الف حمدالله علي سلامة حضرتك

    الاخت الرائعة والفنانة الرقيقة

    نتمني من الله عز وجل ان نجتاز هذه الازمة بسلام

    سعدت جدا برجوعك

    تحيتي

    ردحذف
  24. منجي باكير

    اللهم امين يامنجي

    ياابن تونس البلد الجميل والشعب العظيم

    تحيتي

    ردحذف
  25. خالــــــــــــد حفظ الله مصرنا الحبيبه نسأل الله لها السلامة والخلاص
    اعتقد اننا على اتفاق فى المشاعر والتشابه فى الاحاسيس
    صدقت وصدق حسك المرهف
    الفاروق

    ردحذف
  26. خـــــــلد ارسلت لك تعليقا ارجو ان اطئن الى وصوله لان البلوجر عندى ملخبط

    ردحذف
  27. faroukfahmy58

    استاذنا فاروق فهمي

    نعم استاذنا اعتقد استاذي لني اتفق معك تماما

    واشكر لك استاذي اهتمامك بالتعليق

    تحيتي الطيبة لك

    ردحذف
  28. خالد النهاردة ابتديت امارس نشاطي قليلاً وبالطبع كانت من اوائل المدونات مدونتك ..وكلامك كله منطقي وبالفعل هو ده اللي احنا عاوزينه لا اكتر ولا اقل ..تحياتي وشكري ..ماما زيزي

    ردحذف
  29. .ماما زيزي

    اهلا بيكي ياست الكل

    وحمد الله علي سلامة حضرتك

    اشكر لكي تعليقك

    تحيتي

    ردحذف

اهلا بزوار المدونة

تعليقك الكريم يضيف الي مدونتي

سواح في ملك الله