Follow by Email

1 يونيو، 2012

وقال ايه زعيم

 هنفضل نًنًوح ونلطم ونصرخ
 ونعمل جنازة ونشبع لطيم
 ماتهدوا ياناس
 اومال بقي سبتوا ايه للحريم
 ده مش ماتش كورة
 واهلي وزمالك
 ولاكاس ودوري
 بلاش تشغلونا  بجدالكوا العقيم
 هنفضل نقول الفلول
 الفلول
 ونقعد نقاطع
 ماهي المقاطعة اللي خلت فلول
 يفكر انه  الرئيس العظيم
 هنفضل نصرخ
 نهاتي
 نزعق
 مافيش فايدة فيكوا
 مافيش اتفاق
 علي طول خناق؟
 ده هو الخلاف
 اللي خللي  الديابة
   وتعلب لئيم
 يتوه عقولكوا
 ويطمع وعايز
 يبقي الزعيم







هناك 36 تعليقًا :

  1. اخى سواح


    ايه العمل فى الوقت ده يا صديق
    غير اننا عند افتراق الطريق


    تحياتى

    ردحذف
  2. ابراهيم رزق

    اخي وصديقي ابراهيم

    اعلم انك تحس الان بمرارة

    حين اضع بين خيارين احلاهما مر

    اختار الاقل مرارة

    المقاطعة ليست في صالح البلاد

    تحيتي يااخي العزيز

    ردحذف
  3. حقيقي يا صديقي دائما تعجبني ارائك الرصينه المحترمه

    ردحذف
  4. rack-yourminds1

    روك صديقي العزيز

    لابد ان يتفق الجمع من اجل مصر

    تحيتي ياصديقي

    ردحذف
  5. مقاله جميله
    تحتاج الي تفكير يا خالد
    ودائما سباق في النصيحه
    بارك الله فيك
    تحياتي

    ردحذف
  6. ;كارولين فاروق

    الاخت والاديبة والفنانه

    ياريت كلنا نصطف ايد واحدة زي ايام الثورة

    25 مليون لم ينزلوا الانتخابات ادوا الي هذه النتيجة

    تحيتي يافنانة

    ردحذف
  7. اتلعبت صح الصح
    استدرجونا لفرقة وصدام مع بعض
    والتيارات الاسلامية اتغرت وخوفت الناس منها
    وبتكلم هنا علي الناس البسطاء اللي همه الاغلبية
    وصدقني هيتزور لشفيق

    ردحذف
    الردود
    1. شمس النهار

      ياست الكل

      لما نقول استدرجونا لخلاف نبقي احنا لسة ناقصين وعي

      اشمعني في ال18 يوم محدش اختلف مع التاني

      وكانت مصر كلها علي قلب راجل واحد

      ده اللي مزعلني ياسموسة

      حذف
  8. الليه الكبيره الله
    سيبك من موضوع الرئيس دة انا تعبت منه
    ههههههههههههههههه

    طيب خلاص بص يا استاذ خالد والله انا شايفه رايك كويس جدا بس انا مش قادرة انزل ارشح الاخوان والون صباعى بلو تانى المراره بتتفقع مرة واحده

    ردحذف
    الردود
    1. rona ali1

      بصي يارنا يافيلسوفة ههههههه

      انا حاطط الليلة الكبيرة عشان السيرك اللي احنا عايشين فيه

      بصي يارونا اكيد انتي هتنزلي عشان بلدك اكيد

      تحيتي

      حذف
  9. أكد عضو منسحب مؤخرا من حملة المرشح الرئاسى أحمد شفيق بإحدى المحافظات, أن الحملة اعتمدت تكتيكا وصفه بالذكى, والخبيث فى ابعاد الأصوات التى يشك فى ذهابها لشفيق بشكل نهائى فى انتخابات الإعادة على مقعد رئيس الجمهورية.

    ويتمثل التكتيك –حسب تأكيد العضو السابق بالحملة لبوابة الوفد- فى خلق حالة لدى الكارهين لشفيق, والإخوان فى نفس الوقت، من الزهد فى التصويت لأى المرشحين، خاصة بين شباب الثورة، الذين ربما لو شاركوا فى التصويت سيختارون د.محمد مرسى مضطرين، حال توصل الإخوان لاتفاق مع بعض هذه الرموز مثل حمدين صباحى، وعبد المنعم أبوالفتوح.

    واعتمدت الحملة –حسب قول العضو- عدة آليات لانجاح الفكرة، منها عمل "اكونتات" وهمية على الفيس بوك تحمل أسماء بها كلمة "الثورة" أو "الثوار" أو " حق الشهيد" إلى أخر هذه الأسماء التى تحاول ايهام مستخدمى الفيس بوك بثورية أصحابها.

    وأضاف أن الآلية الثانية تعتمد على بعض الصحفيين الذين يتعاونون مع الحملة ليس لوجه الله على حد قوله, إما للترويج بطرف خفى لشفيق، وكراهية الإخوان، أو بالتظاهر بدعم مقاطعة الانتخابات، وحث من يجد لديه تردد بين شفيق ومرسى على المقاطعة.

    يذكر أن هذا العضو قد أعلن انسحابه من الحملة, اعتراضا على ظهور أقطاب الحزب الوطنى السابق, ورموزه التى يكرهها الناس، بعد غياب عام ونصف، لدعم علنى للمرشح أحمد شفيق، وبنفس الأساليب القديمة الكريهة، على حد قوله.

    ردحذف
    الردود
    1. محمد الجرايحي

      استاذي واخي

      دول ناس منظمين والمنظم حتي لو كان علي خطأ بيوصل لمبتغاه

      ليتنا ننبذ الفرقة

      تحيتي

      حذف
  10. السلام عليكم...
    يا سلام عليك يا مبدع عندما تتألق في عالم الإبداع لتخرج لنا رائعة من روائعك التي ننتظرها بشوق...
    تحياتي الدائمة والمتصلة على طوووول..

    ردحذف
    الردود
    1. Bahaa Talat1

      اخي الراقي العزيز

      اشكر لك تعليقك الذي دائما مايسعدني

      تحيتي الخالصة اخي الطيب

      حذف
  11. والله ياخالد فعلا اصبح سيرك :)

    سلمت اناملك ودائما تبهرنى بحسك الطيب الراقى
    احساسك بيغلب على حروفك
    دائما صادق وناصح للجميع بالخير
    بارك الله فيك وجزاك كل خير على النصيحة الغالية وليت الجميع يدرك معناها ويعمل بها

    تحياتى لك اخى بحجم السماء

    ردحذف
    الردود
    1. ليلى الصباحى..

      الاخت الغالية وملاك التدوين

      اشكرك جدا علي اطرائك الطيب

      واتمني دائما ان ينفع الله بي وبكلماتي

      تحيتي ايتها الاخت الطيبة

      حذف
  12. انا زعلانة جدا على اللى بيحصل
    بس ان شاء الله خير
    ودم الشهداء ابدا مش هيضيع
    كلماتك جميلة بس انا شايفة ان المقاطعة افضل بالنسبة لى
    مش هعرف انزل انتخب مرسى واستحالة طبعا انتخب شفيق

    ردحذف
    الردود
    1. Noha Saleh1

      استاذة نهي

      اشكرك اختنا الطيبة

      واقول رأيا ولكي القرار

      نحن جربنا الفلول وحكمهم

      ولم نجرب الاخوان

      فلاضير من انتخاب مرسي اذا لزم الامر

      تحيتي اختنا الطيبة

      حذف
  13. للاسف انا مقتنعه انها هتتزور ياخالد اصل ناس عطلت قانون عشان اللى مايتسمى ده يرشح نفسه وعملت نفسها مش واخده بالها من القضايا والبلاغات اللى ضده

    يبقى بالذمه مش هيزوروها ؟؟

    ردحذف
    الردود
    1. دعاء العطار

      ماتنسيش ان 25 مليون ممن لهم حق الانتخاب

      لم يكلفوا انفسهم عناء يوما وينزلزا ينتخبوا

      وها قد جاءت النتيجة

      اعتقد ان لو نزلوا كانت فرقت كتير معانا

      تحيتي يادعاء

      حذف
  14. مساء الغاردينيا خالد
    رائع ومبدع حتي وأنت تكتبها بألم
    ولكن رأيي من رأيك والأفضل أن يتفق الشعب المصري
    والا يستمر تفكيرهم في المقاطعة فربما تبدل الحال
    بدلاً من إعطاء شفيق فرصة أكبر "
    ؛؛
    ؛
    ربناىيحفظكم وبوفقكم لما خو خيراً لكم
    يعلم الله كم أدعوا من قلبي لكم أخوتي "
    ؛؛
    ؛
    لروحك عبق الغاردينيا
    كانت هنا
    Reemaas

    ردحذف
    الردود
    1. ريـــمـــاس

      مساء الفل ريماس

      مشكلة المشاكل ياأميرة ان احنا مش عارفين نتفق

      وده مخيف

      يارب ريماس يحفظ مصر وكل امتنا العربية لما فيه الخير لشعوبها

      تحيتي اختنا الغالية

      حذف
  15. دائما نتفق على هدم النظام الذى نراه فاسدا جميعا ونختلف فى طريقه البناء من جديد فلكل واحد مفاهيمه ووجهه نظر فى الاخر فى احدى ردودك قولت اننا جربنا الفلول ونظام فنجرب الاخوان
    لكن احنا لو كنا جربنا الفلول فنحن نعرف من هم الاخوان فلا تقل احنا جربنا الحدايه فيها ايه نجرب الديب ماينفعش

    ردحذف
    الردود
    1. عمرو يسرى

      اخي وصديقي

      لااحد في العالم عليه اجماع 100%

      احنا فعلا جربنا الفلول

      وصندوق الانتخابات اتي لنا بالاخوان

      وهم ليسوا مواطنين من بلد اخر

      ولم يؤذوا مصري حتي الآن

      فلم الخوف

      تحيتي ياعمرو

      حذف
  16. رؤيتي للمقاطعة هي رؤية شخصية بحتة و لم ادع احد اليها او احذو حذو احد فيها كان قراري قبل حتى ظهور النتيجة

    ردحذف
    الردود
    1. مصطفى سيف الدين

      اخي مصطفي

      انا بقول رأيي ورؤيتي ولك مطق الحرية والقرار

      ولكن لو انت قاطعت وغيرك قاطع

      يبقي مختلفناش عن زمن مبارك شئ

      تحيتي

      حذف
  17. ههههههههههههههههههه

    احساس حلو اوى وانا بقرا الكلام وسامعه الليله الكبيره والسيرك
    هههههههههههه

    ردحذف
    الردود
    1. reemaas

      نور الطيبة

      انا مبسوط جدا انك رجعتي تنورينا تاني

      ومبسوط اكتر انك ضحكتي علي البوست

      يارب دايما تكوني في عير وسعادة

      تحيتي يااطيب نور

      حذف
  18. كلام جميل
    والله يكون في عون الجميع
    ودي ^_^

    ردحذف
  19. الحمدالله
    النهارده بعد الحكم ولاول مره من فتره طويله نتفق كلنا على حاجه واحده !!!

    ردحذف
    الردود
    1. دينا


      انا بشوف اللي حصل ده خير

      فقد عادوا المصريون لوحدتهم


      ولم يعد هناك طوائف

      او اختلافات

      يمكن ده سبب لتوحدنا علي قلب رجل واحد

      عسي ان تكرهوا شيئا وهو خير لكم

      حذف
  20. مساء الورد سواح

    صدقت الصراخ والمقاطعة ليست بحل ورغم خوف الناس

    إلا ان خصم شفيق سيكون أهون بكثير من شفيق واتمنى

    بألا يقاطع المصريين الإنتخابات فمصر معلقة في رقبة كل

    من يملك حق التصويت فلا تدعوا البلد لفئة معينة وضعت

    نصاب عينها إعادة النظام السابق ولكن بشكل غير مباشر ..

    حمى الله مصر وأهلها

    تحياتي وإحترامي

    ردحذف
  21. ريبال بيهس

    فارس ايها الاخ الطيب

    نعم اخي مصر معلقة في رقبة كل من له حق التصويت

    اشكرك اخي

    حفظك الله وحفظ بلادنا

    تحيتي اخي

    ردحذف
  22. أخي خالد ..
    السلام عليكم ورحمة الله ..
    الصراحة أنا أعرفك منذ عام تقريباً لأنني أراك في التدوينات الصديقة الراقية .. وأقرأ أحياناً تعليقاتكم عليها ومنذ زمن وأنا أرغب بالتقرب منكم أكثر إلا أن ضيق الوقت يحول بيني وبين ذلك ..

    اليوم قررت الدخول هنا .. وراقت لي كلماتك ..
    نحن في سوريا الحبيبة نعول في نجاح ثورتنا على نجاحكم في تجاوز خلافاتكم ونهوضكم بأمنا مصر ..
    أما أن تكون النتيجة بعد طول انتظار نجاح الفلول والنظام السابق فإن هذا سيكون صدمة قاسيةً لنا ومحبطةً جداً ..
    تصور أن ينتخب الشعب ماهر الأسد بعد أن يقضوا وينتصروا على المجرم بشار ..

    لذلك أدعو إخواني بدعوتك لممارسة دورهم في القيادة والريادة والإدلاء بأصواتهم ولا يعتمدوا على مظنة التزوير لأنه التزوير لا يمكن أن ينال من خيار 50 مليون مواطن مصري .. لكن كلما قل عدد المنتخبين ارتفع احتمال نجاح التزوير ..

    أكتفي بهذا القدر البسيط رغم أن للموضوع أبعاد كبيرة ..
    لكن حقيقةً نحن في سوريا نتابع أخبار مصر أكثر مما نتابع أخبار بلدنا لأن نجاحكم سيكون له دور كبير في نجاحنا ..

    دمت بألف خير ..
    أبو أسامة

    ردحذف
  23. ظلالي البيضاء

    ابو اسامة

    من حسن حظي اخي ان جاءت بك مدونات الاصدقاء لتشرفني

    وتثري مدونتي بوجودك الجميل

    اخي الفاضل

    عندك حق موضوع الفلول ده له ابعاد كثيرة

    والبعد الرئيسي فيها

    ان من كان يحكم ترك كمية من الفاسدين لايستهان بها

    صدقت اخي

    فكلما كثر عدد المنتخبين

    كلما كانت فرصة التزوير اقل

    تحيتي لك وشكرا لتعليقك

    ردحذف

اهلا بزوار المدونة

تعليقك الكريم يضيف الي مدونتي

سواح في ملك الله