ليه بتسألي
منتي خلاص
خدتي القرار
منا مش هعيش عمري اسير الانتظار
ولاهسألك
ليه السفر
منتي مسيبتيش اختيار
طيب سلام
خللي وداعنا بالسلام
من غير أسي من غيرألام
من غيرأسف او اعتذار
خللي النهاية بابتسامة
تفضل في عيني صورة حلوة
افضل فاكرها
بأنبهار
خللي الوداع زي اللقا
مفيهوش الم مفيهوش مرار
خلينا دايما نتفق
ان اللي عشناه كان جميل
لو كان في ليلة حب حلوة
او يوم جميل عشناه سوا
طول النهار
او حلم كنا بنرسمه
من غير منعمل للظروف
اي اعتبار
خللي اللي بيننا امنيات
انك تكوني في دنيتك اسعد كتير
واني اعيش بعدك حياة
ميكونش فيها
انتظار
