اعجبني ((طرائف))

         نقلا عن موقع تويتر الاجتماعي 






              حدد النشطاء علي التويتر مواصفات رايس الجمهورية القادم

مايفتكرش انه عشان بقى رئيس انه قائد الثورة

مايقولناش الإخوة و الأخوات.. أمي ما خلفتش غيري انا واخواتي
ــ و ما يخليش أي مسئول يبداء كلامة ب بناء علي توجيهات السيد الرئيس

الي يقول كلمة بناء علي تعليمات السيد الرئيس يعدمة مباشرة من غير محاكمة

يكون بيتكلم و  يفهم إنجليزى من غير ما يطرطق ودانه

ولو نجح بنسبة  اكتر من 60% في الانتخابات يتحاكم

يبقى عارف اننا منتخبينه هوه مش هوه ومراته و ابنه و اخواته و امه و عيلته كلها

يبقى عنده فيسبوك و تويتر بس معندوش فارم فيل ..ويكتب  تويت واحده ف اليوم عشان ميضيعش وقت الشعب

ميكونش ف لمعان  و بريق حمادة هلال

يكون متواضع جدا ...اه طبعا .....لا مش لدرجة يقعد في خيمه دي تبقي فال شؤم

مراته لازم تاخد لقب  سيدة مصر الأخيرة

مايقعدش فى القصر  الجمهورى ياخد شقة ايجار جديد احسن

لازم كل جمعة بعد  الصلاة يزور منطقة ويتكلم مع اهلها

ياكل العيش أبو  شلن ويشرب من الحنفية

ماتكونش البدله بتاعتو مكتوب عليها اسمه.. عايزينه يجيب بدل من عند ابو نسمه

المفروض يقعد يفر  كل حاجة في البلد ، يا راجل كبر  مخك.

لازم يبقي عنده ريسيفر وتيلفزيون وبيتفرج علي قناة الجزيرة

بيقول الكيان دوله الإحتلال مش دوله إسرائيل

مايكونش عمل أي ضربات  جوية أو أرضية أو فضائية يذلنا بيها

مش كل ما نكلمه  يقولنا عيب انا زي ابوكم

ميعطلش المرور عشان يروح مشوار يمشي في الشارع زيه زينا ياما يستخدم الطياره



لا يبدأ اي جملة بكلمة "سنظل"

ما يقولش على  منتخبنا كويس ومايتصلش بحسن شحاته  ولا يزور اللاعبين في التمرين.

لازم مايكونش راعى الرياضة والرياضيين ولا راعى الثقافة والمثقفين ولا راعى الفن والفنانين.

ميضحكش علينا ويروح يفتتح نفس الحاجه عشرين مرة.

ميكونش بيصلي العيد قبل العيد ما يبدأ و تلاقي صورته ملطوعه عالاهرام يوم الوقفه الساعه اتناشر بليل.

يبطل كلمة نشجب و ندين.

مايكونش من محبي الاستقرار.

ـ مايقعدشي علي كرسي الحكم يفضل واقف جنبه احنا لسه هانشيل ونخلع
ــ نمضيه على كمبيالات ونخليها معانا لحد ما يسيب الحكم

فلنذهب ونشا رك

  الي كل من له حق التصويت
اذهب وانتخب  بنعم او لا
كنا بالامس ليس بالبعيد
 لانستطيع ان نقرر مصيرنا في انتخابات
او استفتاءات فكنا اما
ان يزور صوتنا
او تزور النتيجة لصالح النظام الحاكم
واليوم
 نعم اليوم نستطيع ان نذهب ونعرف ان صوتنا سيصل
كما هو لن يزيف ا و يزور
فالقوة العددية لعدد من سيدلون باصواتهم سوف تؤثر
بالايجاب ايا كانت النتيجة  (نعم او لا)
وكل راي له وجاهته
في كل ديمقراطيات العالم يحدث ماهو حادث الان
في انقسام الاراء وهذا شئ ايجابي ومشجع
تحياتي

بالعقل

                                                                                                                      بالعقل                                             
 قبل حوالي عشرون يوما من قيام ثورة مصر
كنت اشاهد التلفاز
  بالتحديد برنامج (صباح دريم)
تقديم المذيعةاللامعة
 دينا عبد الرحمن   
وكان ضيفها الصحفي  
وائل قنديل من صحيفة الشروق                  
وتطرقا لموضوع البطل المصري (جمعة الشوان)
او( احمد الهوان) المعروف بقاهر الموساد الاسرائيلي
وكان الرجل مريضا ولم يجد ثمن علاجه ورهن بيته
من اجل ان يستطيع العلاج
ورغم اتصال المذيع اللامع محمود سعد والدكتور
العبقري ممدوح حمزة لاستعدادهما لتحمل مصاريف
علاجه الاهنا يبقي التساؤل
     الم يقدم هذا الرجل ايضا لمصر الكثير
الم يحمل روحه علي كفه وذهب الي قلب اسرائيل
وتمكن من خداعهم والاتيان لمصر بكل المعلومات
هو ومن مثله
التي تمكنا من خلالها من خوض حربا لامثيل لها
في الحروب المتقدمة في عصورنا
لماذا يصر المناصرون للرئيس مبارك ولكل واحدا
رايه وقناعاته ان يقولون ان الريس
 اعطي لمصر الكثير ويجب ان نشكره
واتسائل
ماذا اعطت مصر للرئيس؟؟؟؟
منذ اربعون عاما منذ ان كان الريس نائبا للرئيس السادات
هل وقف الرئيس في اشارة مرور ساعتين تلاتة
انتظارا لان يعبر الطريق احد المسئولين ؟؟
هل وقف الرئيس او احدا من ذويه في طابور عيش
هل ركب الرئيس اتوبيس نقل عام بما فيه من مشاكل
يواجهها الناس يوميا ؟؟؟
هل ذهب الرئيس الي مستشفي حكومي لاهثا يبحث عن
قرار علاج علي نفقة الدولة وماطلوه الموظفين لاشهر
حتي ينال القراراو بعضا منه ؟؟
هل عاني الرئيس  من المدرسين والدراسة في المدارس
الحكومية واقتطع من راتبه لكي يعطي دروسا
خصوصية لاولاده؟؟؟
هل قطعت يوما الكهرباء عن بيت الرئيس وقد تطول المدة
يوما اويومين حتي تعود ؟؟؟؟
هل شرب ماءا ملوثا او اكل اكلا مسرطنا ؟؟؟
هل ذهب الي قسم شرطة يستخرج اوراقا ?/
هل غرق احد اقارب الرئيس في عبارة ممدوح اسماعيل
هل وهل وهل -----وكثيرا من معاناتنا هل عاشها
اربعون عاما من الرفاهية
يقولون قائد الضربة الجوية ولاننكر هذا
فقد كان من صانعي حرب 73
ولكن هل حارب وحده  وانتصر؟
حرب اكتوبر عمل جماعي
كما ان ثورة شعب مصر عمل جماعي
اعني لو انتخب  احدنا  من شعبنا الثائر
بعد الثورة
هل نقول انه وحده الذي اسقط النظام
ام شعب باكمله الا قليلا
هل هو من اتخذ قرارا بالحرب ؟؟
اليس من يتخذ القرار هو الرئيس في ذلك الوقت ؟؟؟
وكان السادات رحمه الله
وهو من كان يلقي علي عاتقه مسئولية الهزيمة
ان كنا هزمنا لاقدر الله
واين كل ابطال اكتوبر في هذا الوقت
فليعلم كل من يتكلم عن عطاء الرئيس لمصر
ان مصر اعطته ايضا مالم نعطه لاحدا من قبله
حتي صانع النصر الرئيس السادات
لاالوم محبي الرئيس علي حبهم له
ولكن
الاترون حجم الفساد الذي ظهر في عهده
قد تحبونه كانسانا ولا لوم
ولكنه كراعي لم يكن مسئولا عن رعيته
----------------
لم اكن انشر هذا البوست الا اني رايت بعض المكالمات لبرنامج
الاخ تامر امين اناسا لازالوايتباكون علي الرئيس
**********
عذرا
سوف يتم حذف اي تعليقات بها تجريح او شتيمة
وحتي لانكون كمن خاصم فجر
لانه وببساطة لم يعد موجودا في مركزه










 

العقيد وابنه وحبوب الهلوسة

  السلام عليكم
 من كام سنة كدة كان فيه حاجة بيبلبعوها االشباب  اللي هما اصحاب الكيف في احياءناالعشوائيات اسمها الحركي صراصير
وهو عبارة عن برشام يخرجك من الواقع ويعيشك في تهيؤات
وعلي حسب كلام متعاطوه ان اول البرشام مايشتغل انك بتحس كان الارض طالع منها صراصيرماشية
او تعابين او حشرات او يتهيالك ان زميلك او صاحبك واقف معاك وبيكلمك وبناءا علي ذلك بترد عليه
وهو في الحقيقة انت بتبقي واقف بتكلم نفسك والناس بتتفرج عليك
اعرف واحد اتعمل فيه مقلب وحطوا له البتاع ده في الشاي والشاب الطيب ده مبيشربش حتي السيجارة
المهم روح صاحبنا  بيتهم بعدها  وكان في الشتا وكان في الايام دي  في موضة بطاطين اغطية يعني
مرسوم عليها نمر وكان ابوه متغطي بالبطانية  ونايم  الكارثة بقي خيل لصاحبنا ان النمر ده حقيقي
وكان عندهم شومة في البيت مسك الشومة  وفضل يضرب في البطانية اللي متغطي بيها ابوه
المهم كل ابوه علقة  وهو متهيالة انه بيضرب النمر طبعا الاب راجل طيب مش فاهم فيه ايه المهم اتلم الجيران
وهدوا الولد ونيموه  وطبعا الاب عارف ان ابنه مش بتاع شرب ولا حاجه
المهم قال الواد مسحور ومعمول له عمل وخده بقه وداخ بيه علي المشايخ وده موقف  من مواقف حبوب الهلوسه
وحينما يخرج عليك العقيد ولا القايد زي مابيسموه  يقولك ان شعب ليبيا ضارب حبوب هلوسة وطالع مظاهرات
تتعجب من كلامة
خاصة انه بيتهياله انه ملك ملوك افريقيا وامير امراء العرب
وبيقول انه حارب امريكا واوربا والسادات وتشاد ومش عارف فين كمان وانتصر عليهم
وبعدين يطلع البتاع الاخضر ده ويصدر احكام بالاعدام فورية
وبعدين يقول ان الكتاب الاخضر ده دستور ماقبل الثورة الليبية  يعني مش بتاعة هوه
 طيب امال انت عملت ثورة علي ايه
وبعدين انا اسمع ان الحكام القدماء وذوي المناصب بيكتبوا مذكراتهم  مش بيحكوها في خطاب
تقليد جديد للجدافي او القذافي انه يحكي مذكراته في خطاب
وبعدين بقي يفضل يوزع الاتهامات المصريين والتونسيين
وبعدين انتهي كلامة ان يانا يالشعب
وبعدين ايه التوكتوك اللي راكبة ده  واية الشمسية دي وليه
وايه البنات الي جايبها تحرسه دي مش فاهم انا
وبعدين بيستشهد بالعظيم  عمر المختار
طيب عمر المختار مات عشان شعبه
مش موت شعبه عشان يعيش
شتان بينك وبين هذا البطل

يكونش القذافي متهياله ان الشعب الليبي ده امريكا وايطالية وبلاد الواء الواء جايين يحاربوه
راح طالعلهم بالدبابات والطيارات عشان يهزمهم
 عايز اعرف مين اللي بيبلبع اصلا
الشعب الليبي برضه؟؟؟؟
ادعوا   الله الذي لااله الا هو ان يخلص الشعب الليبي  من القذافي
صبرا شعب ليبيا العظيم
فان الله ناصركم

بنوتة مصرية

     تحية لشهداءنا بنــــــــــــــــوتة مصــــــــــــــــــــــــــرية

  بنــــــــــوتة مصــرية
نزلت مع الثــــــــــورة
كان حلــــــمها التغــيير
تحـــــــــــلم بحــــريــة
في بلادها مــــش بـــرة
بنــــــــــوتة زي الفـــل
خرجــــــت وقالـــت لا
انا مش هعيش في الـذل
انا عــايزة اكون حــرة
حلمت ببكـــــرة جمــيل
ميكــــــونش فيه جــلاد
ولاســـيف علي الرقـبة
بنوتة عشــــــقت مصـر
صرخت باعلي الصوت
انا مــــش بخاف الموت
انا رايــــحة اجيب بكره
ياشــــــــــــرارة الثورة
انتي وشـــــــــــــهدائنـا
دة بدمـــــــــكوا الغـالي
جمــــــعتوا كل الشـعب
حواليكـــــــــــوا بينادي
ويقول لازم تغــــــــيير
حــــــريه حــــــــــريه
دول شــــهدا نزفوا الدم
والدم كـــــــان بركـــان
حرر بــــــــــلاد النيــل
مالظـــلم والطــــــــغيان
الــــــــدم جمــــــــعـــنا
حررنا من فـــــرعــون
ياشـــــــــــــبابنا ياثــاير
دول فــــــــــكروا انــه
لو سكـــتوا صـــــوتكوا
بالبلطــجي المــــــأجور
بالقمـــع ويا الخــــــوف
هيســـــــكتوا المــــلايين
وطــــــــلعت المـــلايين
صــــرخــت وقــــالت لا
ياللي دفـــــــــــعتوا الدم
كان دمـــــــــــكوا غالي
الدم زال الظـــــــــــــلم
الدم حـــــــــــــــقق حلم
مش هننســــــــــــــاكوا