Follow by Email

31 ديسمبر 2011

ريماس يازهرة الغاردينيا


الي الرائعة ريماس صاحبة مدونة (نافذة حلم)




علمنا بمرضك

والمنا لذلك 



 ندعوا الله لكي بالشفاء

وان تعودي لنا

 باشراقتك

اخوكي 

23 ديسمبر 2011

انا وصاحبي 3


 صاحبي \ ايه موضوع البوست الاخير اللي انت كتبته ده
 بوست ايه
  البوست اللي انت انتقدت فيه الثوار
   انت مش قولت لاتنافقوا الثوار
ااه قلت كده
 طب ليه

لان الاعلام من كتر مابينفخ فيهم
 فيه ناس مش ثوار عايزين يبقوا ثوار


ثانيا 
 الثوار الحقيقيين اصابتهم مسحة غرور
 لدرجة انهم بيطلعوا علي التلفزيونات دلوقتي
 يقوللك لولا الثوار كان زمان مبارك بيحكمكم حتي الان
 لولا الثوار مكنتوش خدتم حريتكم
 لولا الثوار--------------
 ده لدرجة ان واحد منهم طلع عالتلفزيون مع وائل الابراشي
 واعترف انه كان بيرمي مولتوف 

 علي عساكر الجيش وعلي المباني
 هنا بقي الموضوع محتاج وقفة
 هنا بقي لازم اقوللهم لا


اولا لولا ارادة الله مكنتش الثورة هتنجح 


ولولا التاييد الشعبي للثورة
 كان زمان مبارك راميكم في المعتقلات ومعلقلكم المشانق
 الشعب نزل وراهم لانه  تعاطف معهم
 وحس ان هما لوحدهم مش ممكن يزحزحوا مبارك
 فنزل يساندهم
 بالاضافة ان الهدف كان واحد
 كان كل الشعب اتخنق من مبارك وعصابته 
  
ثانيا
 الثوار نفسهم مرتبكين
 مش منظمين
 ولما تيجي تكلم حد فيهم
 يقوللك انا مش بتكلم باسم الميدان
 انابقول رايي الشخصي 
 طيب وهي البلد هتقعد رهينة لراي كل واحد الشخصي
 قالوا غير الوزارة
 واتغيرت الوزارة رغم ان وزارة شرف هما اللي مختارينها
 دلوقتي بيتحججوا انهم ماختاروهاش هقوللهم ماشي
 بس علي الاقل ماعترضتوش عليه لما نزللكم الميدان
 وده معناه موافقة
 قالوا عايزين مدة لتسليم السلطة 
 طلع بيان  بتحديد المدة
 وشوية   وراحوا اعتصموا قدام مجلس الوزراء
 وشوية وقالوا ن واحد بيلعب كورة
 الكورة وقعت منه جوة السور قام نط جابها قام الامن مسكه
 وضربه
 قامت الدنيا ولعت
 عايز هنا بقي انا اسال
 انت لو في بيتك وكورة وقعت جواة
 وفجاة لقيت  شاب دخل جوة البيت  بيقوللك بجيب الكورة
 بالله عليك هتقولله معلش يابني خد راحتك
 احناغلطانين ان الكورة وقعت عندنا
 دي مؤسسة حكومية يابشر
 المهم الدنيا ولعت


طيب والبنت اللي اتسحلت دي وجت صورها في التلفزيون
 مالها البنت
 مش زعلان عليها
 ياراجل حرام عليك انا زعلت عليهاولما شفت المشهد  
  اتغظت بجد
وزعلان اكتر من اللي حطها في مواجهة العساكر 

 بس انا نفسي اسال سؤال محدد
 لوخناقة في شارع
 وفيها ضرب وتكسير وكلام من ده وضرب طوب وعصيان
 وكر وفر
 تفتكر في الظروف دي اللي بيتخانق
 بيميز دي بنت ولا ولد والا الاتنين بيعادوني
 فما بالك بهذا الكم من الناس
 وهذا الكم من الجنود


التحرير ياصاحبي دلوقتي
 هتلاقي فيه شباب ثوارمحترمين
 وهتلاقي بلطجية
 وهتلاقي عيال شوارع
 وهتلاقي دكاترة
 وهتلاقي مواطن عادي شريف

وهتلاقي اجهزة محابرات 
 انا افتكر ان لو شباب الثورة
 عندهم اي حنكة سياسية
 يخرجوا من التحرير
 خوفا علي مصر
 بيقوللك الاعتصام حق
 والتظاهر حق 

بس احنادايما بنسئ استعمال الحقوق 


18 ديسمبر 2011

كلمة لوجه الله وللوطن


الي منافقي الثوار

كفوا عن هذا فانتم تحرقون مصر

معني الثائر كما افهم

 هو من فقد صوابه نتيجة ضغط عصبي ونفسي

فاصبح يتصرف دون وعي في اتجاه من افقده صوابه

لانه قد ايقن انه يستحيل ان يتغير الحال مع من يثور

عليه بالطرق العادية

فيثور


لااحد يثور طول الوقت

فالثورة

يليها التفاوض

ومن يرفض التفاوض

ولايريد الحصول الا علي اعلي المكاسب

فهو الخاسر يقينا

فلااحد يثور دائما

وعلي طول الخط

في ظل الفوضي وعز المعمعة

لابد ان تجد قتلي وضحايا  وجناة ايضا

والكل خاسر

ومصر الخاسر الاكبر

هل من حق اي مواطن الاعتصام ونصب خيمة في اي مكان

في ظل الظروف التي تمر بها البلاد

اعتقد ان اي عاقل لابد ان يعي

ان الاعتصام في هذه الظروف  جريمة في حق البلاد


الاعلام المهاجم علي طول الخط لكل شئ ولاي شئ

المعتصمين والرافضين للتفاوض او النقاش علي طول الخط

حين تعم الفوضي فكل شئ يصبح  مستباح

فلا احد ياتي لي بصورة

مصاب ويبكي عليه

ولا انثي تسحل في الشارع

ويقول لي انظر ماذا يفعل الجند

انها الفوضي وليست للفوضي قوانين

من حرق المجمع العلمي ومن المستفيد

واين الثوار الذين كانوا يحرسون المتحف المصري اثناء الثورة

علينا ان نلقي اللوم علي من تسبب في هذه الفوضي

والي ان تنجلي الحقائق



فلكي الله يابلدي







16 ديسمبر 2011

لأني


 لأني أراكي كحلم بعيد

لأني أراكي كمثل النجوم

وأني أري البدر جارا لكي

تسكنان السماء

وأن الطريق اليكي يحتاج عمرًا

وعمرًا وعمرًا ولن نلتقي

فيكفيني أني أراكي بحلمي

لاني اراكي كطيف يمر

وتدركه عيني ولو برهُةُ

 لأني أراكي ملاك برئ

 ونور يضئ

وشمس تدفئ برد حيا تي

لأني أريد لقائك دوما

وأخشي الفراق

فيكفيني أني أراكي بحلمي

فبعد التلاقي

فلابد حتما يكون الفراق

سأحلم وأحلم

فللحلم دوما  جمال وسحر

وللحلم عالم بغير حدود

فبالحلم أذهب ازور الجدود

أطوف البحار

أجوب الجبال

وأحيا بعالم يفوق الخيال


11 ديسمبر 2011

مشاهدات

 بعد ان ثار الشعب علي نظام فاسد واستطاع خلعه


يجب ايضا علي الحكومة ان تثور
 -علي بائعي انابيب الغاز الذين يستغلون الازمة فيرفعون الاسعار الي عشرة اضعاف اسعارها
 -علي اصحاب المخابز الذين يستغلون الفرص ويبيعون الخبز المدعم  بخمسة اضعاف اسعاره
  -علي البلطجية وتجار المخدرات  الذين يروعون الناس
 -علي مثيروا الفوضي
 -علي التاجر الجشع الذي يبيع السلعة باي تمن يروق له طالما هناك مشتري

علي هؤلاء يجب الثورة



*****************


الطريف في الامر
 ان كل من لم يجرؤ علي نقد او مهاجمة الرئيس السابق مبارك اثناء وجوده في الحكم
 يخرج الان ويدعي الثورية ليهاجم المجلس العسكري
 وان حللت كلماته تجده يهاجم لمجرد الهجوم فقط


حرية بقي


****************
ناشط سياسي


تستضيف اجهزة الاعلام  في الاونة الاخيرة
 اي حد وتطلق عليه ناشط سياسي  الا هي الكلمة دي ايه مؤهلاتها
 تستضيف ايضا اجهزة الاعلام احد شباب الثورة
 في الثورة ايضا كان هناك شيوخ  ورجال في الخمسينات  ونساء وقد يكونوا غير متعلمين
 وثاروا لانهم ضاقوا ذرعا بحكم مبارك


لم تكن الثورة شبابا فقط


***************


السياحة


اعتقد ان السائح ياتي لمصر لمشاهدة سبع الاف سنة حضارة من الاثار
 فلما الجدال العقيم في موضوع السياحة


***************


الانتخابات


فاز الاسلاميون بالاغلبية  في الجولة الاولي في التجربة الديمقراطيه
ف انقلب الليبراليون علي الديمقراطية


**************


برامج التوك شو


تحلل كل كلمة واي كلمة  تصدر عن مسئول او عضو في حزب
 او حتي لو واحد بدقن  في لقاء عابر في الشارع
 لماذا يحملون الامور مافوق طاقتها
 هل هو فراغ اعلامي
 ام ليس لديهم مايقدمونه


اكل عيش بقي


***************











24 نوفمبر 2011

مصر


 ربك يامصر رعاكي

 ذكرك في قرأن

وانجيل وتوراه

وكلم علي ارضك 

مالانبياء موسي

وفتحتي حضنك للمسيح

عيسي

ودعا لشعبك يامصر

وزارك  خليل الله

وام اسماعيل هاجر

ماهي برضه بنتك يامصر

ومارية ام ابراهيم

ماهي من ولادك يامصر

والنبي ادريس

مهو برضه ابنك يامصر

والنبي  يوسف

ماهو كان وزيرك يامصر

ومن قديم الزمان

تعرفي الاديان


ورسولنا قال في الحديث

وصي علي شعب مصر

وقال ده خير الجند

في الارض دول جند مصر




 

21 نوفمبر 2011

ماذا يحدث

حاولت
 حاولت   ان اقف عند اسباب

 الاعتصام الاخير في التحرير
 او اشتعال الثورة مرة اخري
بكل بساطة
نجد
 ان اهم سببين
 ان لم يكن هما السببين الوحيدين علي ذلك
 هو
 فقدان الامن مما اصاب الناس بالتوترات
 والسبب الثاني
تهديد الارزاق

 فالحال يتطور من سئ الي اسوا
 خلال عشرة اشهر منذ قيام ثورة مصر
 فالناس لم تعد امنة
  
 الشرطة موجودة ومش موجودة
 كل مواطن معرض ان يقطع عليه الطريق
 وان يقتل او يسلب منه ماله
 او يتعرض هو ومن معه سواء اولاده
 او رفقته للخطر
 ابسط مشكلة تجد ظهور الاسلحة النارية
  وقد تجد قتلي ومصابين
 قد يكون انسانا مارا في الشارع
 زي مابنقول بالبلدي
 لاليه في الطور ولا في الطحين
 ويتصاب او يقتل لمجرد عبوره
 من مكان فيه خناقة او مشكلة
 الاسعار بتغلي يوم بعد التاني
 الانسان مش فاهم هترسي علي ايه
  توترات لمدة عشرة شهور
 وانفجار الناس
 فقد اصبح لاطاقة لهم بما يحدث
 الملاحظ ايضا ان  اي حد سياسي
 او له علاقة بالنخبة السياسية
 يتم طرده
 من الميدان
 فالمواطن مش عايز كلام مجعلص
 ومش عايز ناس متنشية تطلع تتكلم في التلفزيون
 بادعاء انهم يعبرون عنه
 وهم في الحقيقة لايعبرون الا عن انفسهم
 فاصبح المواطن
 يضيق صدرا بهذه النخبة التي
 تعيش في جزر منعزلة عما يعانيه المواطن
 فقدان الامن وتهديد الرزق اهم سببان

لكي الله يامصر














3 نوفمبر 2011

صبرا

 صبرا فان الغد أت
  لايملكنك الغرور
 فاليوم تسطع مثل نجم في السماء
 والغد لاادري ولاتدري
 هو  كون يدور
  لن تبلـغـن بقامتك طول الجبال
 فالله يبغض كل مختال فخور
 لن تستطيع بمالك "سلطانك
 ان تسترد لعينك  ومضات نور
 لاتزهون مفاخرا
 ومجاهرا ومعاندا
  فالكبرياء هو اصل الشرور
 صبرا فانها لوتدوم
 ماألت اليك وماكانت تدور
    ان كنت تأبي ان تفيق

 فانظر لسكان القبور
 صبرا فان الشمس تشرق وتغيب
 وهناك بعث ونشور
 وهناك امس قد مضي
 وهناك غد تجهله
 وهناك دين تدفعه هذي طبائع الامور 

 وهناك ديان وحي لايموت
 لاينصرن ظالم
 لايرحمن مكابرا 

 ولكل من تاب غـفور



31 أكتوبر 2011

الحمد لله




الهي لااجد وصفا
 يصف عظمتك وجلالك
  الحمد لك والشكر لك يارب
 انعمت علي  بالرضا بما قسمت لي
 فجعلتني اغني الناس عن الناس
 وفقيرا اليك يارب
 الحمدلك والشكر يارب
 علي نعمة االصحة التي انعمت بها علي
 واحمدك واشكرك ربي
 ان علمتني مالم اكن اعلم
  واطمع دائما في رحمتك وغفرانك
 فانا عبد من عبادك
 خطاء وتواب
 فاغفر لي
 جل فخري واعتزازي انك الهي
 وانني عبدك
 اجد عزتي في السجود اليك وحدك
 يارب
 احمدك واشكر فضلك بعدد كل مخلوقاتك
 ولو ظللت العمركله لاينطق لساني غير
 شكرك مااوفيتك حق النعم التي انعمت بها علي




24 أكتوبر 2011

اي وهم



كتر الالام
  خليتني مبخفش الالم
  بتقولي عايزة تبعدي
 فكرك هضيع
 فكرك هيقتلني الندم
 فكرك حياتي هتنتهي
 لو كل همك تشغليني بالهموم
 تبقي انتي لسة متعرفيش
  لويوم احس ان قلبي بيتظلم
 ببعد بعيد
 وانسي اني يوم كنت اعرفك
 تبقي في حياتي زي جزء من العدم
 وامسح تاريخ من ذكرياتي كنتي فيه
 زي النغم
 مفهـمتنيش هاعملك ايه
 فكرتي ان بالعذاب هتزيدغلاوتك
  بالغياب من غير سبب هشتاق اليكي
 تبقي انتي واهمة
 وأي وهم؟؟
  لو تفهميني
 من غير عناد اديكي عيني
 من غير جراح من غير الم
 تبقي في حياتي
 زي شمسي تنوريلي
 زي بدر بيبتسم
 ومتسمعيش اللي يقوللك اهجريه
 او لوعيه وهتملكيه
 هيموت في حبك
 لو جرحتيه واتصدم
 دانا للي يوفي بكون اسير
 حبه ووفاؤه
  واللي يغدر
 الزمان بيعلمه
 انه من حبي الحقيقي
ْاتحرم

18 أكتوبر 2011

صفحة ماضي + تحديث

   
 صفحة ماضي بتظهر تاني

 اللي قاسيته سنين في غيابها
 جاية تقوللي ايه في ثواني

 ان انا حبـي لسه في قلبها
 قال مش قادرة علي نسياني
 اصلي  هصدق
 قال كان ايه
 كل ايامها وهي بعيد
 عشت في قلبها وبتهواني

 مش معقووول يبقي انا غلطان
   اصلي اناظالم
 اصلي اناني
 سيبتها تهجرتـمشي بعيد
  ال وفي بعدي كانت بتعاني

 لما قالتلي ان احنا خلاص
 مش ممكن نتقابل تاني
 شفت ندالتي شفت جناني

 اه يانافوخي
  قال وكمان هتضحي عشاني 

  طب انا ظالم قاسي وجاني
 ايه يـخليها
 ترجع  تاني
 ؟؟؟؟؟ *********
 ها وقد سمحت لي

الاخت الرائعة ريماس

بعد استئذانها

باضافة تعليقها

فقدكان تعليق شعري جميل اعجبتني كلماته


ايوه رجعت حبيبي من تاني
شايله شوقي وفوقه حناني
ايو ة جيتلك وعايزة اقولك
لسى بحبك وخدني في حضنك
سامح هجري وسامح بعدي 
قولي بحبك قول من تاني
دنا حبيبتك وأنت حياتي "
؛؛

وهذا ردي الشعري 

اه يانافوخي

كنت زمان بفرح من كلمة يوم تقوليها

كنت بطير لو قلتي بحبك

بس سنين فاتت خليتني

عمري مااصدق اني في قلبك

حتي الكلمة الحلوة بشوفها

مش من قلبك

كنت ابص جوة عنيكي اسمع كلمة

واشوف بسمة

بس الوقتي بخاف من قربك

قالوا زمان بقي في الامثال

اللي في يوم يبعد عن عينك

برضه في يوم يبعد عن قلبك
 
********
وفي الجولة الثانية 
تلقيت هزيمة من الرائعة ريماس


لسى فاكراحلى زمان
لما كنت تحب الكلمة
لما بقولها وتسرح فيها
لسى حاسس أدفى حنان
لما كنت تدوب من همسة
تقولي حبيبتي كمان عيديها
وارجع تاني واقول بحبك
ايوة حبيبي وحاسة بحبك
كنت تبص في عيني وتسرح
تحضن ايدي وقلبك يفرح
كنت تصدق كل كلامي
كنت تحس في حضني حناني
كنت تسامح كل جروحي
واليوم جاي تقولي ليه
ليه رجعتي من تاني
عاوز تعرف اقولك ليه
لانك وحدك حبي الاول
وانت لوحدك حب التاني
؛ 

 اشكر الرائعة ريماس

فقد اثبتت انها شاعرة درجة اولي

وهذا ردي

 طيب ليه

حب زمان ضيعتيه

طيب ليه

حتي الفلب اللي بيهواكي

ليه سيبتيه

كنت زمان بحلم برجوعك

حتي الحلم

استخسرتيه

كنت بقول غلطة وهسامح

لكن بعد ك

هجرك

غدرك

 خللي القلب ينسي هواكي

 وانتي كمان قلتي نسيتيه

جاية الوقتي تقولي بحبك

حتي الحب ضحكتي عليه

**************

 
وفي الجولة الثالثة

تمكنت العزيزة ريماس

من القضاء علي المقاوم الصلب

بالضربة القاضية

فاكرة كلامي وكل إحساسي
فاكرة زماني وأحلى أغاني
ايوة حبيبي فاكرة زمان
وفاكرة قلبك لما حضني
كنت تقولي اوعي تسيبيني
ولما تروحي معاكي خديني
جوا قلبك
جوا عينيكي
بس انا عارفة اني جرحتك
حاسة بوجعك وحاسة بقلبك
وعايشة جروحك ولسى بحبك
مش حستخسر فيك أحلامي
ولا حرضى أبعد من تاني
ولايمكن يرجع قلبي أناني
عارف عاوزة اقولك ايه
عازوة اجري لحضنك وأبكي
واخد ايديك وامسح بيها دمعي
واهمس لقلبك ياحبيبي خدني
أنسى جراحي وأنسى الماضي
وهات ايديك نبدأ من تاني
ونطوي الصفحة بكل مافيها
بكل ألمها
بكل وجعها
قولي بحبك قول من تاني
وتعالى نطوي صفحة ماضي "
؛؛
********************
؛
وهذا ردي

اه منكن يابنات حوا 

قال وانا فاكر اني مقاوم 

صلب حديد 

 بس الصلب اهو لان في ايديكي

 قال وانا فاكر اني عنيد 

بس العند اهو  رق اليكي 

ليه صحيتي الذكري في قلبي 

ليه خليتي القلب كأنه

طفل وليد 

اه منكن يابنات حوا 

قال وانا فاكر قلبي حديد

بس خلاص انا قلبي غفرلك 

هنعيش تاني حب جديد 

تحياتي وتقديري للشاعرة   ريماس 

 

15 أكتوبر 2011

الي من احببت

 لاتظني صبري عليكي ضعفا


ففي صبري تكمن قوتي


 عودي لبرائتك التي عهدتها فيكي


ومن اجلها احببتك


  لقلبك الحنون الدافئ الذي ماكان يطيق


ان يري مسحة حزن في عيني


ففي تلك اللحظات


كنت استغني عن الدنيا ومافيها


لاتستدعي غضبي


حتي لااتخذ قرارا في لحظة قد يكلفنا انا وانتي الكثير


فانا ماعهدت التراجع
   
اياكي و اثارة غيرتي


فأنها نار ان اشتعلت فلن تبقي علي رباط بيننا


ولن تدع ذكري جميلة عشناها سويا الا واتت عليها


فانتي ملكا لي انا فقط

 لاتلوحي بالفراق بين وقت واخر


 ثقي انه ان حدث


فلن نلتقي ثانية


واعلمي


اني لن احمل لكي كراهية اوضغينة


واعلمي اني كم تمنيت ان نقضي حياتنا سويا


وان لاتغيبي عن عيني لحظات


وليس ذنبك اني احببتك


وليس ذنبي


 فلااحد يختار من يحب


 وليس ذنبك فراقنا


 فليس باستطاعتي التعايش مع كل مانهيتك عنه


ولاني لن اتنازل عن كوني

 
 رجلا شرقي الطباع







9 أكتوبر 2011

لن اغضب


لـن اغضب
   ان ابقي كل حياتك
  او اذهب
 فالحب اراه في نظري
 كتعاقـد بين قلوب
  لايُكــًتب
 واراه ضميرا يتحرك
 واراه مشاعر
  لاتنضب
  اريدك شمس تشرق لي...
  لاتغرب
 واريدك قلب عاشق لي
 لايتقلب
 واريدك بدرا انظر له
 ان كنت عليلا
 اتطبب
 واريدك لحنا اسمعه
 يبتهج فؤادي به
  يطرب

  لن اغضب
 ان ابقي كل حياتك او اذهب
 فالحب اراه في نظري
 كتعاقـد بين قلوب


 لايُكــًتب




  

30 سبتمبر 2011

خلص الكلام


 احلي حاجة فيك كلامك

مانت استاذ في الكلام

بس هي بالكلام؟؟

لما يوم اسمع بحبك الف مرة


تيجي تخلف ليا وعدك

يبقي فين الحب قول

والغرام


   الحكاية لو كلام
   ابقي نجم في السما


   ابقي طير
   ابقي روميوا في الغرام
   ابقي عايش في الغابات
 وسط الاسود
   ابقي زي عنترة فارس زمان 
   زي هارون الرشيد
 زي شمشون الهمام

 ده الكلام لويشفي جرح
  او يحقق امنيات
  او يرجع اللي فات

كـــــنت اقووول احـــــلي كلام

26 سبتمبر 2011

ا قـدا رنا

 
و ذهبت في الدنيا وحيد

ابحث عن النسيان بعيد

عل الزمان قد يريح

او يلتئم جرحي العنيد

ولطالما طببته لكن ابي

ان يستكين

ينزف دماءا من جديد

قد كان عشقك في الجسد

هو كالدماء في الوريد


قد كان حبك مثل حلم عابرا

ابتغي منه المزيد

كم كنا نسعد

في اللقاء كاننا طفلان يبتهجان

يوم عيد

لكنها اقدارنا ان نلتقي

وابي الفراق ان يطول لقائنا

وبقسوته يذبح الحب الوليد

  قدرا اراد  ومااردتي

ولا اريد

ان تنتهي اسطورتي

واعيش عمري حائرا

وبرفقتي جرح عتيد





 

24 أغسطس 2011

قـلب اخر لايهواكي

قلب اخر لايهواكي
,,,,,,,,,,,,,,
...........

 هل دمعت عينك يوما   لفراقي

 كم عشت أصارع طعنة غدر
 هل ذ قتي مرارة اشواقي
 هل كنتي ترين الساعة دهر
 هل شوقك عاني مثل الشوق
  أسالك الان
 فأجيبي
 هل عـدتي لتعبثي مثل الامس
 أم جئتي كموج البحر الثائر يبغي اغراقي
 سأجيبك عنك
  فأنا المضمون بقائمتك
 فلأصفح فورا عن ذنبك
 ولأسعد ايضا قد جئتي 
وتجودي الأن  علي قلبي 
 لحظات تلاقي 
واهنئ عيني   قد أضحت الأن تراكي
  سأجيبك عني 
 اخطأتي الوجهة قد جئتي الي شخص غيري
شكله شكلي
اسمه اسمي
حتي السن فانه عاش زمانه مثلي
سنه سني
لكن قلبه ليس بقلبي
فلست بعين الأمس اراكي
ولست بقلب الامس اراني
ذهب القلب العاشق خلفك
 عاد زماني بقلب اخر لايهواكي

16 أغسطس 2011

وامــــــا الســــــــا ئل فلاتنـــــــــــــهر

المشهد

علي المقهي انا وصاحبي ودار بيننا حوار

 انت بتديها ليه اللي انت شايفها دي اغني منك 

رديت عليه بس دي مدت ايديها  تبقي محتاجة وبعدين 
 وانت اشعرفك انها اغني أو افقر
   
بس دي  شابة صغيرة وشكلها حلو

 وممكن  تشتغل اي شغلانة عشان ماتمدش ايديها
متنساش ان فيه طفل رضيع علي ايديها يمكن ملهوش غيرها

وهو اللي مانعها عن الشغل 

ماحدش يعرف ظروف الناس ايه 

صاحبي

انت بطريقتك دي يمكن بتجرأها وبتشجعها انه  تشحت طول عمرها 

ويمكن اكون سبب في انها ماتمشيش غلط

وانت بنفسك قلت انها شابة  صغيرة وشكلها حلو

يعني هي لو عايزة فلوس حرام هي في غني  عن انها تمشي عشرات الكيلومترات

 لما رجليها تورم  كل يوم

  وتتحايل علي اللي زيي واللي زيك

وواحد يديها وواحد يبصلها

بازدراء ويقول لها الله يسهللك ياست

 وبعدين انت الجنيه الفكة ده اوالربع او النص جنيه ده مش هيفرق معاك حاجة

وجايز يفرق معاها كتير الله اعلم بعباده 

انت طيب قوي وشكلك متعرفش الاشكال دي 

 رديت عليه         ( واما السائل فلا تنهر )   صدق الله العظيم            
 

 

4 أغسطس 2011

مصرك يا مصري بتنا ديك



مصرك يا مصري بتنا ديك


زعلانة منك وعليك
  
تصرخ تنادي وانت فين ليه مش سامعها


اياك ياابني انت واخوك مالاختلاف


ميت رأي ليييه وميت ائتلاف


متوحد الله اللي صوتك لما راحلة بالدعا


ويا الصلاة

مسلم مسيحي كله صلي لربنا

وردد دعاه


علي كلمة واحدة كان دعانا للاله


يارب ده الفرعون طغي


يارب عيننا   ده افتري وزاد افتراه

وفي لحظة كانت ايد رحيمة بتنجد الشعب الصبور


 مهو اصل ربك يعطي ملك لمن يشاء


وينزعه عمن ياشاء


 مصرك يامصري بتناديك
***************

***********

****




 بسم الله الرحمن الرحيم


فَالْيَوْمَ نُنَجِّيكَ بِبَدَنِكَ لِتَكُونَ لِمَنْ خَلْفَكَ ءَايَةً وَإِنَّ كَثِيرًا مِنَ النَّاسِ عَنْ ءَايَاتِنَا لَغَافِلُونَ




صدق الله العظيم


اللهم لاشماتة




      

28 يوليو 2011

فلتكن كلمة واحدة




 الثوار يثورون فقط

والسياسيون يفاوضون ويديرون

ورجال الدين يعلمون وينصحون ويرشدون

فلايصلح الثوار في التفاوض نظرا لطبيعتهم الثورية

يجب علي جميع القوي السياسية ان امكن ان يتوحدوا علي مطلب واحد فقط

القصاص العادل لدم الشهداء والجرحي

اظن هذا  المطلب ان تحقق  سوف يغير وجه مصر

اظنه سيكون رادعا لكل من تسول له نفسه اهانة شعبه  او قتلهم او اذلا لهم

ويكرس مبدا العدل يطبق علي الكبير مهما كبر وعلي الصغير

سوف يعيد الفلول الي الجحور خوفا من نفس المصير

ويعيد الامن الي البلاد

حيثما يوجد العدل تجد الامان

  العقاب  سوف يكون عبرة لمن يعتبر ومن لايعتبر

ويعيد ثقة الناس في العدالة  ويجعلهم امنين

مااكثر الائتلافات ومااكثر المطالب حتي اصبحنا نتوه بين الائتلافات والمطالب

جل مايطلبه 20 مليون مصري شاركوا في الثورة

الامن والعدالة

بداخل معاني هاتين الكلمتين تجد كل المطالب التي يريدونها سياسيونا

حفظك الله يامصر








23 يوليو 2011

كلُُ يري الاخر جحا



كان جحا

عنده حمار صغير يتنقل به

وفي يوم كان راجع لبيته هو وابنه

وكان جحا راكب الحمار وابنه ماشي علي رجليه

ماسك حبل الحمار وبيجره

الناس بصت علي جحا وقالت

شوفوا الراجل اللي معندوش قلب

راكب هو عالحمار وابنه ياعيني تعبان  من المشي


جحا نزل من عالحمار وركب ابنه عليه

ابن جحا راكب علي الحمار وجحا  ما سك رباط الحمار وبيجره

تقوم الناس تبص عليه

وتقول

شوفوا الواد قليل الادب اللي مترباش

هو راكب

وسايب ابوه ماشي علي رجليه

قام جحا

راكب مع ابنه علي الحمار

وبقوا الاتنين  راكبين

يبص الناس عليه

شوفوا الراجل اللي معندوش رحمة ولاقلب

هو وابنه راكبين عالحمار الصغير ده

مش حرام عليه

نزل جحا وابنه من عالحمار

ومشيوا الاتنين جنب الحمار  وبرضه

معجبش الناس

شوفوا الراجل المجنون

معاه حمار وماشي علي رجليه  







هكذا نحن الان

كلُُ يري الاخر جحا

وكل يري الاخر يسئ التصرف

وكل يري نفسه يحتكر الحقيقة
  




13 يوليو 2011

وجهه نظر,




كنتم شرارة الثورة فتبعنا كم  واصبحنا معا لهيبها


كنتم في المقدمة




وتبعنا خطا كم واصبحنا كلنا معا الثورة


واسقطنا كلنا معا بمشاركة الجيش المصري الطغا ة


اراد من اراد منكم الاعتصا م  فلكم ذلك ولايلومنكم احد


ونحن ايضا مصريون ووطنيون ولكن لنا وجهه نظر اخري


فلايخون احدنا الاخر لانه اعتصم او لانه ما اراد الاعتصام


*********


كل الشعوب الديمقراطية


حين تنتخب رايسا  تنتظر حتي تنتهي مدة ولايته


ثم  تحا سبه ما ذا فعل للبلاد


فلما ذا في عدة شهور نريد اصلاح ما افسده  المخلوع وعصا بته


في ثلاثون عاما


***************


كان يجب علي مختلف قوي الثورة


ان تتوحد علي مطلب واحد فقط  وهو محا كمة قتلة الشهداء محاكمة عا دلة


فلانبتغي غير العدل


 وهي البداية الصحيحة التي يمكن ان يبني عليها فيما بعد


***********


كانت مظاهرات الجمعة 8 يوليوا  رائعة بكل المقا ييس


 اري الاعتصام توقيته غير مناسب عي الاطلاق

فالتجربة اثبتت ان كل الاعتصا مات اللي بعد الثورة


تخلف وراءها فوضي  وتنتهي بصدام


مع الجيش وتتوه القضية الاساسية


وتبقي القضية ازاي الجيش يعمل ويعمل


وخلاص


**********



لم ا صدق  كل ما قيل في خطا ب الرايس المخلوع يوم 1 فبراير


رغم تعا طف كثيرا من الشعب مع الخطا ب


*


ولكني اصدق جدا البيان الثاني لدكتور عصا م شرف


فهذا الرجل يجتهد  ويحب مصر


ويفعل ما في وسعه لانجاح الثورة


**********


المجلس العسكري


 لايريد حكم البلاد


وان اراد ذلك فقد كانت امامه الفرصة ايام الثورة


فقد كانت كل غا يتنا اسقا ط مبا رك واعوانه


فلو اراد حكم البلا د  لانقلب علي مبارك واسقطه واعلن ذلك  وحكم البلاد


وكنا سنرتضيه حا كم


لاننا ما اردنا وقتها سوي التخلص من مبارك وعصا بته


**********


وانتهي عند وجهه نظري


لا ضير في   النزول يوم الجمعة


 حتي تتحقق المطا لب


 وسؤال للمعتصمين الوطنيين ايضا


  لو تحققت المطا لب وقررتم اخلاء الميادين


هل تستطيعون فض الاعتصام كما دعوتم اليه


اشك في ذلك


لانكم ستجدون اناس اخرين بمطا لب اخري  لن يغادروا


حفظ الله مصر من كل سوء















10 يوليو 2011

صورة اعجبتني





                                                 
         
الصورة ابلغ من اي كلام

                                     

     
         


نقلا عن مدونة كلمتي

                                       http://klmty.blogspot.com/2011/07/blog-post_2851.html