صاحبي \ ايه موضوع البوست الاخير اللي انت كتبته ده
بوست ايه
البوست اللي انت انتقدت فيه الثوار
انت مش قولت لاتنافقوا الثوار
ااه قلت كده
طب ليه
لان الاعلام من كتر مابينفخ فيهم
فيه ناس مش ثوار عايزين يبقوا ثوار
ثانيا
طب ليه
لان الاعلام من كتر مابينفخ فيهم
فيه ناس مش ثوار عايزين يبقوا ثوار
ثانيا
الثوار الحقيقيين اصابتهم مسحة غرور
لدرجة انهم بيطلعوا علي التلفزيونات دلوقتي
يقوللك لولا الثوار كان زمان مبارك بيحكمكم حتي الان
لولا الثوار مكنتوش خدتم حريتكم
لولا الثوار--------------
ده لدرجة ان واحد منهم طلع عالتلفزيون مع وائل الابراشي
واعترف انه كان بيرمي مولتوف
علي عساكر الجيش وعلي المباني
هنا بقي الموضوع محتاج وقفة
هنا بقي لازم اقوللهم لا
اولا لولا ارادة الله مكنتش الثورة هتنجح
لدرجة انهم بيطلعوا علي التلفزيونات دلوقتي
يقوللك لولا الثوار كان زمان مبارك بيحكمكم حتي الان
لولا الثوار مكنتوش خدتم حريتكم
لولا الثوار--------------
ده لدرجة ان واحد منهم طلع عالتلفزيون مع وائل الابراشي
واعترف انه كان بيرمي مولتوف
علي عساكر الجيش وعلي المباني
هنا بقي الموضوع محتاج وقفة
هنا بقي لازم اقوللهم لا
اولا لولا ارادة الله مكنتش الثورة هتنجح
ولولا التاييد الشعبي للثورة
كان زمان مبارك راميكم في المعتقلات ومعلقلكم المشانق
الشعب نزل وراهم لانه تعاطف معهم
وحس ان هما لوحدهم مش ممكن يزحزحوا مبارك
فنزل يساندهم
بالاضافة ان الهدف كان واحد
كان كل الشعب اتخنق من مبارك وعصابته
ثانيا
الثوار نفسهم مرتبكين
مش منظمين
ولما تيجي تكلم حد فيهم
يقوللك انا مش بتكلم باسم الميدان
انابقول رايي الشخصي
طيب وهي البلد هتقعد رهينة لراي كل واحد الشخصي
قالوا غير الوزارة
واتغيرت الوزارة رغم ان وزارة شرف هما اللي مختارينها
دلوقتي بيتحججوا انهم ماختاروهاش هقوللهم ماشي
بس علي الاقل ماعترضتوش عليه لما نزللكم الميدان
وده معناه موافقة
قالوا عايزين مدة لتسليم السلطة
قالوا غير الوزارة
واتغيرت الوزارة رغم ان وزارة شرف هما اللي مختارينها
دلوقتي بيتحججوا انهم ماختاروهاش هقوللهم ماشي
بس علي الاقل ماعترضتوش عليه لما نزللكم الميدان
وده معناه موافقة
قالوا عايزين مدة لتسليم السلطة
طلع بيان بتحديد المدة
وشوية وراحوا اعتصموا قدام مجلس الوزراء
وشوية وقالوا ن واحد بيلعب كورة
الكورة وقعت منه جوة السور قام نط جابها قام الامن مسكه
وضربه
قامت الدنيا ولعت
عايز هنا بقي انا اسال
انت لو في بيتك وكورة وقعت جواة
وفجاة لقيت شاب دخل جوة البيت بيقوللك بجيب الكورة
بالله عليك هتقولله معلش يابني خد راحتك
احناغلطانين ان الكورة وقعت عندنا
دي مؤسسة حكومية يابشر
المهم الدنيا ولعت
طيب والبنت اللي اتسحلت دي وجت صورها في التلفزيون
مالها البنت
مش زعلان عليها
ياراجل حرام عليك انا زعلت عليهاولما شفت المشهد
اتغظت بجد
وزعلان اكتر من اللي حطها في مواجهة العساكر
بس انا نفسي اسال سؤال محدد
لوخناقة في شارع
وفيها ضرب وتكسير وكلام من ده وضرب طوب وعصيان
وكر وفر
تفتكر في الظروف دي اللي بيتخانق
بيميز دي بنت ولا ولد والا الاتنين بيعادوني
فما بالك بهذا الكم من الناس
وهذا الكم من الجنود
التحرير ياصاحبي دلوقتي
هتلاقي فيه شباب ثوارمحترمين
وهتلاقي بلطجية
وهتلاقي عيال شوارع
وهتلاقي دكاترة
وهتلاقي مواطن عادي شريف
وهتلاقي اجهزة محابرات
انا افتكر ان لو شباب الثورة
عندهم اي حنكة سياسية
يخرجوا من التحرير
خوفا علي مصر
بيقوللك الاعتصام حق
والتظاهر حق
بس احنادايما بنسئ استعمال الحقوق
وشوية وراحوا اعتصموا قدام مجلس الوزراء
وشوية وقالوا ن واحد بيلعب كورة
الكورة وقعت منه جوة السور قام نط جابها قام الامن مسكه
وضربه
قامت الدنيا ولعت
عايز هنا بقي انا اسال
انت لو في بيتك وكورة وقعت جواة
وفجاة لقيت شاب دخل جوة البيت بيقوللك بجيب الكورة
بالله عليك هتقولله معلش يابني خد راحتك
احناغلطانين ان الكورة وقعت عندنا
دي مؤسسة حكومية يابشر
المهم الدنيا ولعت
طيب والبنت اللي اتسحلت دي وجت صورها في التلفزيون
مالها البنت
مش زعلان عليها
ياراجل حرام عليك انا زعلت عليهاولما شفت المشهد
اتغظت بجد
وزعلان اكتر من اللي حطها في مواجهة العساكر
بس انا نفسي اسال سؤال محدد
لوخناقة في شارع
وفيها ضرب وتكسير وكلام من ده وضرب طوب وعصيان
وكر وفر
تفتكر في الظروف دي اللي بيتخانق
بيميز دي بنت ولا ولد والا الاتنين بيعادوني
فما بالك بهذا الكم من الناس
وهذا الكم من الجنود
التحرير ياصاحبي دلوقتي
هتلاقي فيه شباب ثوارمحترمين
وهتلاقي بلطجية
وهتلاقي عيال شوارع
وهتلاقي دكاترة
وهتلاقي مواطن عادي شريف
وهتلاقي اجهزة محابرات
انا افتكر ان لو شباب الثورة
عندهم اي حنكة سياسية
يخرجوا من التحرير
خوفا علي مصر
بيقوللك الاعتصام حق
والتظاهر حق
بس احنادايما بنسئ استعمال الحقوق
السلام عليكم ورحمة الله وبركاته
ردحذفوالله معك حق انت عبرت عن اراء كتير
لان الثورة كانت اولاَ بارادة الله سبحانه وتعالى
ثانياً فيه حجات كتير اتغيرت دلوقت لان المؤمرات زادت
مع ان العض مش معترف بيها لكنها موجودة وناس بتنتحل
اسم الثوار وتتكلم باسمهم مع ان الثورة دى كانت
ثورة شعب بس لو فيه مسؤلين عوزين البلد دى تستقر
وتنمو وتزدهر كان ده حصل من شهور
وفى النهاية الشوشرة اللى بتحصل كل شوية والاعلام اللى موالى لمبارك بعض القنوات بتبث اراء غير مرغوب فيها وارجع واقول لو الجيش كان عاوز البلد تستقر كان عمل حاجة زى فى 52 لما طرد الخونة كلهم واعتقل كل الفاسدين وهو ادرى بيهم لانها اول خطوة على الطريق السليم
اسفة للاطالة
دمت بكل حير وود
زهرة
( حياتى )
ردحذفهو انتي كلامك مظبوط
بس لو علي متظومة مبارك الفاسدة فدي كانت ملايين
متنتهيش في يوم ولا شهر ولاسنه
ودي ميحققهاش مجلس انتقالي
دي يحققها الاستقرار
زي مالشعب كده في الانتخابات
اوتوماتيك عزل فلول الحزب الوطني ومنتخبهومش
تحيتي ليكي
يا صديقي المشهد الان مشهد عبثي وفوضوي ومن يقل غير ذلك فهو اما جاهل او مصاب بلوثة عبط او أستعباط ,المفارقه ان اعلام الفلول هو الان الذي يرفع راية الثورة بابواق اعلاميين ومفكرين وكتاب كان مشهود لهم بالمعارضه ايام النظام السابق وهنا الخدعه فيظن الشباب الطاهر وقود الفوضي الان بانهم في الطريق الصحيح في حين ان هؤلاء الاعلاميين يريدون من التحريض والفوضي تغيير المسار الذي مشينا فيه وهو مسار الانتخابات وذلك لان مؤشرات الانتخابات تبين ان التيار الاسلامي سيكون له الاغلبيه.
ردحذفيا صديقي ثمة اعلاميين ومفكرين وكتاب كنا مبهورين بمعرضتهم للنظام السابق والان اكتشفنا أن لو شاء القدر وتولي احدهم سدة الحكم لفعل بنا أضعاف ما فعله النظام السابق,,,فنفس عقلية الاقصاء التي اتبعها النظام السابق يريدون فرضه علينا اليوم ,هذا فضلا عن احتقارهم للشعب المصري واتهامه بانه جاهل ولا يحسن الاختيار.
انظر الي مقالات ابراهيم عيسي وجريدته التي تنضح بالاقصاء والتحريض وغيره كثييييير
يا صديقي الثوره قامت علي اكتاف ملايين من الشعب المصري ولكن ثمة قله متطرفه تريد احتكار الثوره ومنهم من يرفض المسار الذي نحن فيه وسمعت واحد مهم عير التلفزيون من الذين كانوا معتصمين امام مجلس الوزراء يختقر ويزدري الشعب المصري وانه لا يحسن الاختيار
انت عارف طبعا انى بأيدك قلبا وقالبا فى كل حرف كتبته
ردحذفماقولكش يا خالد انا اتغظت من اللى سما نفسه ناشط سياسى واعترف الاعتراف مع الابراشى فى فشخرة كده وكانه بيقول مجدونى انا بطل
شفت اعتراف نيللى عاصم كمان ان اللى قالها اختفى عن الانظار كان بعض المعتصمين؟
سابوا الدنيا تولع والاشعات تكبر والناس تتشحن على اساس ان الداخليه والمجلس هم اللى سمموا
دول اكيد مش ثوار يانير
ولا الناشط اللى قال لما صورته ظهرت وهو بيكلم بلطجى واتهموه انه بيحرضه قالك ايه ده انا كنت بقوله عيب
ناقص يضربه دده مايشده ويلم الناس عليه طالما قدر يوصله ولا كان يصوره ويبلغ عنه لا ازاى سابوا يولع فى الدنيا وهو واقف جنبه بيقوله عيب يابنى
انا بضم صوتى لمبادرة د.احمد زويل كله يلزم بيته سواء عباسية او تحرير واللى يفضل هم البلطجية ويتعامل معاهم الامن على هذا الاساس
قام الشباب المصري العظيم بتفجير ثورة 25 يناير المجيده من اجل دوله ديمقراطيه بكل ما تحمل هذه الكلمه من معني,,,واليوم وبعد الاخطاء التي وقع فيها المجلس العسكري بدانا نضع أقدامنا علي اول الطريق الصحيح وهو بناء المؤسسات , لازم نعرف اهدافنا كويس جدا,الهدف الرئيسي والاصلي الذي قامت الثوره من اجله هو بناء دوله ديمقراطيه دستوريه وخلال طريقنا الي هذه الدوله المنشوده طبيعي ومنطقي وبديهي هيكون فيه عثرات ومؤامرات لذلك يجب ان نحرص وبالبلدي اعيننا مفتوحه علي الهدف الرئسي للثوره ومهما اتحدفنا بالطوب واصابتنا الجراح من العدو الخارجي وادواته في الداخل لصرفنا عن الهدف الرئيسي لا يجب ابدا أن نقع في هذا الفخ الذي يصرفنا عن تحقيق ام الاماني لهذا الشعب العظيم الا وهو دوله ديمقراطيه ,,صديقي اليوم تقوم بعض الاطراف الداخليه والخارجيه باشعال الفوضي في مصر عبر ثوره دمويه تجهض الثوره السلميه ,يا صديقي الدماء الطاهره التي تسيل يوميا من الشباب الطاهر يؤلم كل حر شريف سيتحملها كل الذي يحرضون الشباب ويستغلون حماسهم وحبهم لهذا البلد ودفعم لمواجهات مع الشرطه والجيش بزعم الموجه الثانيه او الثالثه او الثوره الثانيه وغيرها من المسميات ,للاسف هولاء الشباب ضحية نخبه تريد تحقيق مصالحها ولو علي جثة الشباب ,يا صديقي الا يلفت نظرك ان كل القنوات التي تحرض الشباب وتدعمهم هي قنوات فلول من رجال اعمل ارتبطوا بمصالح مع نظام مبارك.او عبر مفكرين وكتاب كان مشهود لهم بمعارضة النظام السابق وهنا الخدعه فيظن الشباب بانهم في الطريق الصحيح في حين أن هذا الطريق كله فوضي وخراب وهؤلاء الصحفيين والمفكرين يحرضونهم لاجل تغيير المسار الذي مشينا فيه وذلك لان كل المؤشرات تدل علي ان الاغلبيه للتيار الاسلامي,تعرف يا صديقي انه ثمة صحفيين ام مشهود لهم بالمعارضه لكن لو شاؤ القدر لاحدهم وتولي سدة الحكم لفعل بالشعب المصري اضعاف ما فعله النظام السابق فعقلية الاقصاء تلبست هؤلاء المفكرين ,انظر الي مقالات وجريدة ابراهيم عيس كلها تنضح بالحقد والاقصاء والتحريض وغيره من الصحفيين والمفكرين
ردحذفصديقي اعلم جيدا الاخطاء التي وقع فيها العسكر ولكن هل الحل ان ندخل في مواجهة معه ام نصبر ونتتحاور معه ونتفاوض حتي نصل الي غاياتنا ,المجلس وعد بتسليم السلطه وحدد لها موعدا وكام شهر لو صبرنا عليه سيرحل الي ثكناته هذا هو الطريق السليم والامن .
يا صديقي ثمة قله متطرفه من الثوار ترفض المسار الذي نمشي فيه وسمعت من واحد من الذبن كانوا معتصمين امام مجلس الوزراء عبر مداخله في احدي القنوات الفضائيه يرفض مسار الانتخابات ويحتقر ويزدري الشعب المصري لانه لا يحسن الاختيار
يا صديقي لا اخشي علي الثوره من الاعداؤ ولكن من حماقة ابنائها
rack-yourminds
ردحذفالعريب يااخي في تصريحات الثوار المتناقضة
مرة يقولولك الشعب المصري واعي وفاهم كل حاجة
وما يججي الاستفتاء والشعب يستفتي بنعم
يقوللك لا الشعب مش فاهم
ومرة يقوللك عايزين ديمقراطية وانتخابات نزيهة
يقوم تيجي بالديمقراطية الاغلبية اسلامية
يقوموا يكفروا بالديمقراطية
انهم ياصديقي يريدونها عبثية
كل اللي تطلع في دماغه فكرة عايز يجربها علي البلد
يقوم التيار المضاد ليه يطرح فكرة غيرها
انها مراهقة سياسية
والبلد الان لاتحتمل مراهقون سياسيون
شكرا ليك اخي
reemaas
ردحذفايوة يابنوتة
انه غرور الثوار
ايوة فعلا هما خوفوا الست نيللي دي عشان متظهرش
يعني اللي باين كده انهم عايزينها تولع نار
والسؤال
لحساب مين التصرفات الحمقاء دي
اهؤلاء الذين يريدون ان يحكموا البلا د
ايه الفرق بينهم وبين مبارك لاشئ
فمبارك كان يطلق الاشعات
وكان بيعمل وقيعة طائفية
وهما عايزين وقيعة بين الجيش والشعب
فماذا يتبقي
علي فكرة الامور ابتدت توضح
وتبان حاجات مكناش نتخيلها
فصانعوا الثورة بالامس
هما اللي هيهدموها اليوم
rack-yourminds
ردحذفيا صديقي لا اخشي علي الثوره من الاعداؤ ولكن من حماقة ابنائها
اصبت اخي تعليقك ماترك شئا الا وضحه
اشكرك عليه جدا
تحيتي
واللهي كل ده شي بزعل ..ربي يحفظكم ويحمكيكم
ردحذفتحياتى لك استاذ خالد
نور
نور القمر
ردحذفشكرا ليكي يانور
تعليقك ديايما بينورني
تحيتي
سواح
ردحذفاختلط الحابل بالنابل
وعندما تختلط الامور ويصبح الانسان
متردد مشتت لا يصدر قرار ولا حكم
اصبحت فوضي وفي الفوضي تختلط الامور
ويكون الوضوح ضائع ...
شويه يقولوا ثوار وشويه يقولوا بلطجيه
وشويه يقولوا هناك جزء ثوار في التحرير
وجزء بلطجيا عند مجلس الوزراء
وبعدين يقولوا شهداء وشويه يقولوا لا
وكما ذكرت ان الذي يتكلم
بيتكلم نيابه عن نفسه مش عن التحرير
في النهايه اقول هي فوضي هي مركب عليها 100
ريس
والذي سيدفع الثمن مصر
تحياتي
كارولين فاروق
ردحذفمركب وعليها 100 ريس
تعبيرك مختصر ومعبر عن الحالة الموجودة بدقة اشكرك عليها جدا
ولو سمحتي اضيف عليه
مركب وعليها 100 ديكتاتور
شكرا ليكي جدا
نورتيني
السلام عليكم اخى سواح
ردحذففى الحقيقه ومن وجه نظرى انا ..ان الثوار من حقهم يتفشخروا وبراحتهم اوى والاضواء تتسلط عليهم ..كفايه ان غيرهم كان قاعد على الكنبه زيى كده وزيك وهما بيتعرضو لرشاشات المياه فى عز البرد وفقع العين والرمى بالرصاص ..يكفينى انهم كانو يجلسون على الارض فى عز البرد ونحن نتمتع بالدفىء فى منازلنا ..وعلى فكره اللى حرق المجمع مش ثوار الكلام ده بقوله وعلى يقين لان زوجى شاهد هذا بعينه مجرد اطفال شوارع مؤجرين
بالنسبه للبنت اللى اتسحلت فى الشارع انا مش معاك فى جمله
بيميز دي بنت ولا ولد
لا كان الوضع مختلف وكانت البنت لوحدها ومميزه واوى وجدا كمان يا خالد لانها كانت لوحدها بتنضرب ..ولم يكتفى بضربها بل ضربها بالحذاء فى جزء حساس ..كادت ضربه كهذه ان تقضى على حياتها
اقولك انا بنتى لما شافت الفيديو ده قالتلى ايه ده يا ماما حرام اسرائيل تضرب بنت بالشكل ده وكان الخوف بعينها
لا تشعرنى يا سواح ان قلوبنا اصبحت كالحجر على بناتنا ..
تحياتى
هبة فاروق
ردحذفوعليكم السلام ورحمة الله وبركاته
والله ياهبة انا احترم رايك
واحترم راي كل انسنان متعاطف مع الاخت دي والبنت دي
وانا كمان لايرضيني ان بنت
تسحل بالشكل ده
والله انا بقول الكلام ده لوجه الله والوطن
وايا كان الاختلاف احترم رايك جدا
وزوجك الكريم ايضا
تحيتي اختي العزيزة
ربى يحفظ مصر وشعبها وان شاءالله يصير كل خير
ردحذفشكرا لك.. تقبل مرورى
تحياتى لك
ياسمين
رحيق الورد
ردحذفانشاء الله يا سمين
اشكرك انتي علي مشاعرك الراقية
تحيتي
لو كل واحد هيدور على مجد شخصى
ردحذفيبقى عليه العوض
هتلف تلف وترجع انيل من الاول
iـــــــــــsــــــــــlــــــــــــaـــــــــm
ردحذفالمجد الشخصي
دي القضية يااخي
تحيتي
متفقه معاك في بعض من البوست ومختلفة معك في اغلبه
ردحذفولكن يبقا اختلافنا من نيع حبنا لمصر
وخوفنا عليها
بس صدقني ياسواح
بكره هيبقا اجمل
ومصرترجع بهية
ولولا الاختلاف ماكان هناك راي صائب في النهاية
بس العنف من العساكر والظباط تجاه الناس كان في غير محله
شمس النهار
ردحذفالاختلاف في الراي وارد ياست الكل
ومش عيب
كلنا ياست الكل كلنا كشعب كنا متفقين
علي شئ واحد اثناء ثورة يناير
اما انهرده
فانا مثلا مع تسليم الحكم في 30\6
وافضل الانتظار حتي هذا التاريخ
ولست مؤيد لطرف دون الاخر
انا كنت فرحان جدا بالانتخابات
مكنش يهمني مين اللي يجي ومين اللي ميجيش
المهم ان الاغلبية هي اللي رايها كسب
وميهمنيش برضه تكون الاغلبية دي انا منها او مش منها
وجاء من افسد علينا هذه الفرحة
بصي ياست الكل دي وجهة نظري
انا رايي ان الطريق الديمقراطي
هو اامن واقصر طريق في الوصول بمصر لبر الامان
الحاجات الجانبية دي زي الاعتصامات وماشابه
اشتم فيها محاولة تعطيل هذا الطريق
تحيتي ياشموستنا
السلام عليكم
ردحذفمعك بدرجة كبيرة جدا...
صدقني أنا كل ما أعتب فيه على بعض الناشطين هو غباءهم السياسي.. نعم تريد الاعتصام.. لك الحق.. حتى لو اختلفت معك.. لكن المشكلة أن السيناريو تكرر أكثر من مرة.. أنت تعلم أن هناك متربصين بك (فلول يدفعون بالبلطجية وقت اللزوم لتشويه المشهد وجعله مذبحة... والمصيبة أنهم ينجحون في كل مرة) ومن جانب آخر.. عساكر تحركم قيادات لا نثق في كثير منها.. فهي إن لم تبدأ المشاحنات فهي تطيل من أمدها تباطؤا أو تواطؤا (ليس الفارق كبيرا فالنتيجة المأساوية واحدة).....
لذا أليس من الحنكة والحكمة والذكاء أن تفوت على كل هؤلاء الفرصة وتنسحب (تكتيكيا إلى حين) حتى يظهر المفسد من المصلح؟؟؟؟!!!
عامة أنا قلت لهم هذا الكلام بنفسي لبعض قياداتهم في الميدان...!!!! كما تحدثت عن الغرور الذي اصاب البعض والذي اشرت أنت إليه هنا (سردت هذه التجربة في بوست بعنوان: ميدان لا كـ(الميدان) في مدونتي..!!! أدعوك لقراءته.
تحياتي أخي الكريم.
تجربتي
ماجد القاضي
ردحذفاولا شرف لي زيارتك لمدونتي
ثانيا
قراتها اخي واعجبت كثيرا بها ووضعت تعليقي عليها
واستاذنتك ان اضع التدوينة في منتدي المدونون العرب
اخي الفاضل
تكرار المليونيات
يضيع زخم وهيبة الثورة
ويقلل من اهمية المطالب
وهذا مالايفهمه الثوار
تحيتي الطيبة لك
انا حاسه اننا في كابوس
ردحذفوهيجي يوم باذن الله نفوق ونخلص من كل شر
ومصر ترجع سالمه مفيهاش خوف
وكله باذن الله
ربنا عنده الكتير
وبكره شعوب مصر يبقوا متحدين
عايشين في بلد امان واستقرار
ساسو
ردحذفربنا يسمع دعائك ياساسوا
فالمطلوب من الناس تهدي شوية
عشان كدة الدنيا بتبوظ وكلنا خسرانين
هي مشكلة عويصة سمحت لكل من هب ودب بالخروج لكن الموضوع جدا عميق
ردحذفكريمة سندي
ردحذففعلا اختنا
هذه ترجمة حرفية للفوضي
تحيتي
صح لسانك وحفظ الله عليك عقلك ..
ردحذفسلمت اخى وسلمت يمناك على طرحك الراقى
نسأل الله السلامه لمصر والمصريين جميعا
ونسأله عز وجل ان يولى امورنا خيارنا.
وينعم علينا بالامن والامان والاستقرار .
خالص تقديرى واحترامى ..
اختك
شمس المغيب المصرية
شمس المغيب
ردحذفاهلا بيكي
نورتي حضرتك المدونة
نسال الله لمصر السلامة واخير
تحيتي اختنا
نوةرتي مدونتي
مرحبآ سواح
ردحذفأشعر إنك غيرت المسار
وأتحفظ علي رأيك في موضوع سحل البنت
لأن اللي حصل كان مقصود أومش مقصود فهوخطأ فادح وكبير
تحياتي لك
افروديت
ردحذفمغيرتش المسار ولا حاجة
ياسما انتي صحفية
والصحفي لازم يكون موضوعي
ينظر للامور من جميع الاتجاهات
طبعا ومين ميزعلش ان بنت اتهانت
هو خطا وخطا فادح
بس لازم نفهم ان الاعتصامات لاتؤدي الي شئ ملموس
خناقات وفوضي
صحيح أخى سواح ..
ردحذفوقد شاهدت عدة مناقشات لبعض شباب الثورة كانوا ضيوفاً على بعض القنوات الفضائية ..
وقد وجدت - للأسف - عدداً منهم من أصحاب الرأى الواحد الذى يرفض كل ما يخالف رأيه وكأنه صاحب الرأى السديد والحقيقة المطلقة ..
لذا فإن بعضهم - بل كثيرٌ منهم - يعتقدون أنهم أوصياء على بقية الشعب المصرى الذى يفتقد إلى الوعى الكافى من وجهة نظرهم.
وقد يكون بعض هؤلاء من أشد أعداء الثورة وهو لا يدرى.
أخى الحبيب ..
إليك بعض إجتهادى فى تحديد أعداء الثورة , فلعلك تشاركنى الرأى , عسانا أن نحذرهم أو نحذر أن نكون منهم ونحن لا ندرى :
http://marketingandmedia.blogspot.com/2011/11/blog-post_23.html
بارك الله فيك أخى الكريم.
محمد نبيل
ردحذفاشكرك اخي علي رايك الكريم في التدوينة
طبعا يشرفني جدا اشاركك الراي فيما تكتب
حالا ساذهب الي التدوينة
تحيتي
ردحذفالسلام عليكم أخي الكريم
كتبت تعليقا على هذه التدوينة ولكن إما لم ينشر وإما حذف خاصة أن هناك اشرافا على التعليقات ولا ينشر إلا بموافقتك فماذا حدث ؟
مجداوية
ردحذفاختنا الفاضلة
حم ا لله علي سلامتك
لم يصلني اي تعليق من حضرتك منذ فترة
ولم يشكوا احدا من التعليقات
انا انشر اي رايا حتي لو كان معارضا واجادله
انا والله بيشرفني تعليقك جدا وزيارتك لمدونتي
وانا ااسف لذلك رغم اني لااعرف ماهو السبب
اشكرك علي اهتمامك
دمتي لي اختا فاضلة
ردحذفالسلام عليكم , حدث هذا معي وحجبت بعض التعليقات بواسطة البلوجر بدون أن أعرف السبب في انتقائه لهذه التعليقات دون غيرها !!!! ونبهني أخي الكريم بن الإيمان بأن أبحث في التعليقات الغير مرغوب فيها في اعدادات التعليقات وكنت بالفعل أجدها هناك فأعلم على خانة أنها مرغوب بها فتنشر , الشرف لي أن أكون من المتابعين دائما لما تكتب حتى وإن لم أعلق , شكرا أخي الكريم ولا داع للأسف أبدا :)
مجداوية
ردحذفالاخت الفاضلة
باذن الله سابحث عن ماقلتي من التعليقات
بس انتي مقلتيش رايك في البوست
تحيتي الطيبةلكي
مجداوية
ردحذفالاخت الفاضلة
بحثت في التعليقات ووجدت انها مطبوطة
ان التعليق متاح للجميع
ولم اجد ايا من التعليقات محجوب
شكرا لكي اختنا الفاضلة
علي فكرة انا متابع كل جديد في تدويناتك الراقية
تحيتي لكي
السلام عليكم ورحمة الله وبركاته...
ردحذفلا أريد أن أتدخل لكنني أرى
في كلامك الكثير من الحق وياليت
الناس تقرأ كلامك بموضوعيه ويفهموه
بدون تحيز وقتها بس حيقتنعوا بكلامك
لأنه صادق وفي قمة الحكمة
سدد الله خطاكم وهداكم ورزقكم
بمن يصلح شأنكم ويعيد مجدكم
موفقين^_^
خاتون
ردحذفشكرا لكي اختنا
بالعكس فرأيك في مايحدث يهمنا كثيرا
فكل بلادنا العربية اخوة
وكلنا امة واحدة
نورتي خاتون