لـــــــيلي الصباحي

لا اعرف ماذا حدث عند الاخت

الفاضلة

صاحبة مدونة

 المدينة الفاضلة
http://lolocat-q.blogspot.com/ 

وسلما للسماء
http://solamnllsmaa.blogspot.com/ 

ملاك التدوين

(ليلي الصباحي )

فقد تركت الرسالة التالية في مدونتها

أستودعكم الله
    

أحبتى واصدقائى أستميحكم عذرا فى أجازة  عن التدوين لفترة لا اعلم ستطول ام لا 

لكن كل ما أرجوه منكم الدعاء لى بصلاتكم ... وأسأل الله تعالى أن اعود إليكم قريباً إن شاء الله 

سأتابع كل جديد لكم لكن ليس لى قدرة هذه الأيام للكتابة فسامحونى للتقصير 

وأرجو الا تقلقوا على فأنا أعلم قلوبكم الطيبة ومودتكم الصادقة 

وأرجو أن يقدر الله لى الخير وأعود قريباً...

أسألكم الدعاااااااااااء

****

نرجوا لكل من يقرأها الدعاء لها

علها تكون ساعة اجابة

فللاخت ليلي فضل علينا

نرجوا ونسأل الله العلي العظيم

ان تعود لنا بخير

ونطمئن عليها 

واحد من البشر

  معرفتش اوصفلك مشاعري
 جايز اكون ماوصلتكيش

 يمكن لانك تفهمي
    اني لازم ابقي فارس
   جاي راكب عالحصان
  جاي من ايام زمان
 فاكرة يوم انا قلتلك
 اني واحد مالبشر
   مش ملاك
 مش شيطان
 يوم ماأحب اديكي من عمري اللي يكفي
 وابقي فارس
 بس مش راكب حصان
 وابقي سور يحمي جناينك
  وابقي سقـف يضللك
 وابقي ليكي في دنيتك
 حب معناه الامان
 وابقي اسطورة زمانك
 ارسم البسمة في شفايفك
 اقتل الحزن في عيونك
 اشتريكي بكل غالي
   مهما كان
 لكن انتي في خيالك

  لسة فاكرة   الحب فارس
 جاي راكب عالحصان
 جاي من ايام زمان
 او في عقلك ان موجود في الحياة
 حد يشبه الملاك
 او ملاك
 واللي لازم تعرفيه
 اني واحد مالبشر
 مش ملاك
 مش شيطان

 

قـــــرار مصيري

يوم الخميس
 روحت اشتريتلي بدلتين
وكام قميص
انا اصل عقبال عندكم 

قررت اترشح
رئيـــــــس
وهاألف واجمع توقيعات
من الواحات
واسكندرية
 والســــــويس
ومؤهلاتي
بصــــوا. اهيه
لاعمري يوم كنت صاحب
الضربة الجوية
ولاحتي عندي
عربية
ولاعندي سيدة اولي
تكبر وتستأسد
علـــــــيه
ولا عيلين يبرطعوا
في ام البلد
طايحين وفاكرينها
وســــــية

 انا مش هكون

ولاراعي فن
وفنانين 
ولا هرعي نصب ونصابين
ولا بحب الكدابين
ولا هبقي حكيم للزمان
كل اما اقوللي كلمتين
يطلع ضلالي
يقول امين
ولا هبقي يوم لابد في كرسي
الحكم زي
 الفراعين
انتخبوني هتلاقوني
هفتحلكوا علي طول تليفوني
خط مباشر
للجمهور
انتخبوني وهنغنغكم
وههيصكم
هالغي كمان فواتير
 النـــــور
انتخبوني
وهصرف لكوا شقة وعربية
وهعيشكوا في هنا
وســــرور
انتخبوني
وكل مواطن
ليه انبوبة وبجنيه عيش
وهخليه ميقفش
طابـــور 

دنـــــيا

 يمكن اكون فهمتها 

 دي عمرها
ماأدت ل عايزمنها
ده اللي محتاج لو في يوم يلجأ لها
علي طول هيعرف بخلها
يمكن اكون عرفتها
تدي اللي وياه
اكتر من اللي بيطلبه
وتغًره ويفكرها دايمة
وف لحظة بيشوف مكرها
مهي اصل دنيا
 اصل الحقيقة انها
مش بالجمال اللي في خيالك
بيغر دايما سحرها 
    تغدر قوام
لو يوم غفلت عنها
اوعاك في يوم تأمن لها
كان غيرك اشطر
حتي  الجبابرة
اللي عاشوا في ضلها
منجوش كمان من غدرها