.jpg)
جايز اكون ماوصلتكيش
يمكن لانك تفهمي
اني لازم ابقي فارس
جاي راكب عالحصان
جاي من ايام زمان
فاكرة يوم انا قلتلك
اني واحد مالبشر
مش ملاك
مش شيطان
يوم ماأحب اديكي من عمري اللي يكفي
وابقي فارس
بس مش راكب حصان
وابقي سور يحمي جناينك
وابقي سقـف يضللك
وابقي ليكي في دنيتك
حب معناه الامان
وابقي اسطورة زمانك
ارسم البسمة في شفايفك
اقتل الحزن في عيونك
اشتريكي بكل غالي
مهما كان
لكن انتي في خيالك
لسة فاكرة الحب فارس
جاي راكب عالحصان
جاي من ايام زمان
او في عقلك ان موجود في الحياة
حد يشبه الملاك
او ملاك
واللي لازم تعرفيه
اني واحد مالبشر
مش ملاك
مش شيطان
اني لازم ابقي فارس
جاي راكب عالحصان
جاي من ايام زمان
فاكرة يوم انا قلتلك
اني واحد مالبشر
مش ملاك
مش شيطان
يوم ماأحب اديكي من عمري اللي يكفي
وابقي فارس
بس مش راكب حصان
وابقي سور يحمي جناينك
وابقي سقـف يضللك
وابقي ليكي في دنيتك
حب معناه الامان
وابقي اسطورة زمانك
ارسم البسمة في شفايفك
اقتل الحزن في عيونك
اشتريكي بكل غالي
مهما كان
لكن انتي في خيالك
لسة فاكرة الحب فارس
جاي راكب عالحصان
جاي من ايام زمان
او في عقلك ان موجود في الحياة
حد يشبه الملاك
او ملاك
واللي لازم تعرفيه
اني واحد مالبشر
مش ملاك
مش شيطان
كلمات جميلة
ردحذفوافكار اكثر من رائعة
تسلم ايدك
مع خالص تحياتى
Tamer Nabil
ردحذفالاجمل مرورك وتعليقك الراقي ياتامر
اشكرك جدا علي تشريفك لي في مدونتي المتواضعة
تحيتي اخي الطيب
طب تصدق بالله..
ردحذفدى احلى كلمات انت كتبتها..
او جايز يكون فى احلى منها بس دى وصلانى اوى اوى ماعرفس ليه
وهو ايه الفارس غير اللى راكب حصان الامان يحمى ويحوط
عجبتنى جدا يا خالد
نور الطيبة
ردحذفلااله الا الله
انا مبسوط جدا انها عجبتك يانور
اصل يانور احيانا بيفكروا ان الفارس
هو اللي بيهلل ويتمنظر وييجي ساعة الجد وههههه
هوبا متلاقيهوش
شكرا ليكي يااطيب بنوتة
وابقي سور يحمي جناينك
ردحذفوابقي سقـف يضللك
وابقي ليكي في دنيتك
حب معناه الامان
وابقي اسطورة زمانك
ارسم البسمة في شفايفك
اقتل الحزن في عيونك
احم احم ايه الترتيب والتنغيم دة
لاء بيجد فعلا حلوة نهايتها بالذات
بص هو صراحتآ كلنا بنحب ناخد كل شئ مثالي ومميز حتى لو عارفين انه مش موجود ليس هناك مانع من الحلم انها تنتظر الفارس اللى راكب عربيه اقصد حصان يعنى ههههههههه
والشخص المثالي الملاك دة يلا كلها احلام
هتفهم بعدين ان الدنيا مش متكامله وان الناس بشر ولازم ناخدهم علي كدة :)
rona ali
ردحذفرنا الفيلسوفة الرقيقة
انا شايفك اندمجتي اوي مع حكاية المثالية
كل المقصود يارنا من الكلام
ان فيه حاجات في الدنيا اهم كتير
من بوادر فارس تلاقيه بعد كده ولا فارس ولا حصان حتي ههههه
فالفروسية في نظري
هي انك تكون للي بتحبه
سند وجماية وامان
وتسعده
تحيتي للفيلسوفة الصعيرة
دايما بقول ان مفيش ملايكة على الارض
ردحذفبس دايما بنحاول نجمل الصور اللى عاوزين نشوفها جميلة
ممكن يكون حد كويس جدا بس مش ملاك لان الملايكة مافيهاش العيوب اللى فينا
لكن الكلمات فى منتهى الروعة وفعلا دى من اجمل ماكتبت
Noha Saleh
ردحذفكلامك صح جدا
دايما بنحاول نجمل الصور اللي عايزين نشوفها جميلة
نحن العرب نصنع الفراعين حتي في الحب
شكرا ليكي جدا
مبسوط جدا لرأيك وسعيد ان الكلمات اعجبتك
تحيتي الخالصةلكي
ههههههههههههههههه
ردحذفانت قفشنى علي طول كدة
ايوة انا بحب التعمق والاندماج
اصل فعلا بجد كلامك هو اللى كنت عايزة اقوله بالظيبط
ان في حاجات اهم من الحصان وفاكرة الفارس الخيالي دة
وبس :)
rona ali
ردحذفشكرا للفيلسوفة الرقيقة
فعلا انا لاحظت توقفك عند الحلم وكأنك بتراجعي
نفسك ههههههههه
يبقي اتفقنا
تحيتي الخالصة لكي
الله عليك يا شاعر
ردحذفكلمات رائعة و احساس جميل
دمت مبدع
مصطفى سيف الدين
حذفصديقي المبدع العبقري
اشكرك جدا علي تعليقك ومبسوط جدا انها اعجبتك
تحيتي لك
جميله اووووووووى
ردحذفكلنا بنتمنى وبنحلم بالكمال والمثاليه رغم بردو اننا عارفين انها مش موجوده للاسف
تسلم ايدك
Bent Men ElZman
حذفللاسف يادينا
نحن مدمنون ان نعيش الاوهام
شكرا لكي دينا علي تعليقك الرقيق
نورتيني
تحيتي
السلام عليكم..
ردحذف" واللي لازم تعرفيه
اني واحد مالبشر
مش ملاك
مش شيطان"
بس لو كل واحد شافك على إنك بشر يبقى الناس كلها بقت ملايكة!
تقبل تحياتي
Bahaa Talat
حذفوعليكم السلام ورحمة الله وبركاته
بس لو كل واحد شافك على إنك بشر يبقى الناس كلها بقت ملايكة
تعليقك بليغ جدا
وفيه معني رائع
اشكرك يابهاء علي هذا التعليق الرائع
تحيتي
ايه الرومانسيه دي كلها يا خالد
ردحذفصحيح انت حققت لها احلامها بطريقتك البسيطه
والتي ترضي من احبتك بصدق ولا تطمع في المزيد
تحياتي
;كارولين فاروق
حذفعازفتنا الرائعة وفنانتنا الموهوبة
قليل من يرضي بفارس بسيط كما تقولي
ولكن ان احبت بصدق ف هي ترض بأقل من ذلك
وستعطي اكثر من ذلك
اسعدني تعليقك جدا
تحيتي
الله علي الكلام الجميل
ردحذفبس احيانا فيه بشر بيكونو زي الملايكة
وفيه ناس بيبقو شياطين
لكن احلي حاجه لما نعيش الحلم علي اننا بشر
بتغلط ونصيب
تحياتي لكلماتك استاذي
وكل سنه وحضرتك بخير
beautiful mind
حذفاشكرك جدا علي تعليقك الراقي
فعلا يااخي الظيب
احلي حاجة اننا نعيش الحلم كبشر يخظئ ويصيب
تحيتي لك
وابقي سور يحمي جناينك
ردحذفوابقي سقـف يضللك
وابقي ليكي في دنيتك
حب معناه الامان
وابقي اسطورة زمانك
ارسم البسمة في شفايفك
اقتل الحزن في عيونك
اشتريكي بكل غالي
مهما كان
هو فى احلى من كده حب واحتواء وامان صدقنى الفارس هو الرجل الذى عبرت عنه بكلماتك الرائعه وليس شخصا اخر
تبهرنى دائما يا خالد عندما أقرا لك اشعر اننى فى عالم اخر اكثر جمالا ورقه
رائع يا خالد اشكرك كلاماتك جعلتى ابتسم
هبة فاروق
حذفاديبتناالرئعة
انا اللي بشكر كلماتي انها جعلت اديبتنا الراقية تبتسم
ربنا يديم عليكوا الابتسامة
تحيتي يااديبتنا
لالالالالالا بجد روووووووووووعه...
ردحذفوابقي ليكي في دنيتك
حب معناه الامان
وابقي اسطورة زمانك
ارسم البسمة في شفايفك
اقتل الحزن في عيونك
اشتريكي بكل غالي
مهما كان
حسه بقي انها جت ع الجرح اوووي...
تسلم بجد اكثر من رأئعه
amiraali
حذفاميرة الاخت الطيبة ودكتورة المستقبل
انا سعيد جدا انها اعجبتك
واسعدني جدا تعليقك
تحيتي
اسمى تلك الحالات بالمثالية المعوقه
ردحذفيعنى كتير بيحلمو احلام مينفعش تتحقق ويفضلوا متضايقين طب هما اصلا السبب
الانسان لما يكون انسان بجد ممكن يكون افضل من الملايكة
ولكن نادر من نراه انسان بحق
دمت بخير استاذ خالد
رؤى عليوة
ردحذفصدقتي يارؤي
تعليقك معناه جميل جدا
الانسان لما يكون انسان بجد يبقي اجمل من الملايكة
شكرا ليكي علي تعليقك الرائع الجميل
تحيتي
هايلة والله
ردحذف:))
دمت مبدعاً ومتألقاً
P A S H A
حذفشكرا ليك ياباشا
نورتني واسعدني تعليقك
تحيتي
وابقي ليكي في دنيتك
ردحذفحب معناه الامان
وابقي اسطورة زمانك
ارسم البسمة في شفايفك
اقتل الحزن في عيونك
اشتريكي بكل غالي
مهما كان
( بس خلاص :) )
مفيش تعليق بعد كلامك يا خالد يتناسب مع مشاعرك الرقيقة وبساطة منطقك وسلاسة حرفة وعذوبة الاحساس
بارك الله فيك اخى واسعد الله قلبك
تحياتى وتقديرى
ليلى الصباحى..
حذفالاخت الرقيقة
اشكر ليكي كلامك اللي شايفة كتير اوي عليا
من اخت راقية وفاضلة مثلك
اسعدني جدا تعليقك
فهو كالجائزة لي
تحيتي
أخى المبدع الرائع : خالد
ردحذفكلماتك رائعة وفيها شفافية راقية
بارك الله فيك
محمد الجرايحى
ردحذفاستاذي وصديقي
اشكر لك تعليقك واهتمامك بوضع تعليقك الكريم الطيب الكلام
في مدونتي المتواضعة
تحيتي لك استاذنا
كلنا بندور على الملاك
ردحذفبندور على انسان يكون فيه كل الصفات
منفكرش أن كل انسان فيه عيوب ومميزات
بس بجد كلام روووووووعة يابختها الي بتسمع الكلام ده منك ^__^
صباحك عسل وسكر زياده
تقبل مروري ^_^
خواطري مع الحياة
ردحذفصباح الفل علي عيون الجميلة رشا
كل انسان يارشا جواه ملاك وجواه شيطان
بس كلمة انسان اظنها
ارقي واكبر لما يرتقي لمستوي الانسانية
شكرا ليكي يااطيب رشا
تحيتي
فاكرة يوم انا قلتلك
ردحذفاني واحد مالبشر
مش ملاك
مش شيطان
يوم ماأحب اديكي من عمري اللي يكفي
وابقي فارس
بس مش راكب حصان
الله على احساسك
عزفت سيمفونيه رائعه
سلمت وسلم نبض حرفك
تحياتى
جايدا العزيزي
ردحذفالرائعة ايزيس
اشكرك علي تعليقك الراقي
كم يسعدني وجودك وتعليقك
تحيتي
مش كل من ركب حصان خيال
ردحذفولا فارس
الفرسوة قدر وفعل
زي الرجولة مش محتاجة حصان
الرجوله افعال مش منظرة
درس لمحبوبة في قصيدة
لطيف رقيق في غير غلظة
:)
شمس النهار
حذفست الكل اهلا بيكي وحمد الله علي سلامتك
فعلا ده قصدي من الكلمان
اشكر ليكي تعغليقك الجميل ووجدك الاجمل
تحيتي ياست الكل
شكرا علي سؤالك ياخالد
ردحذفربنا يكرمك
كان عندي ظروف كده
وربنا يعديها علي خير
شمس النهار
حذفلاشكر علي واجب فنحن كالعائلة الواحدة
وحضرتك من الشخصيات القريبة من قلوبنا في البلوجر
ان شاء الله كل الظروف تعدي علي خير
تحيتي ياست الكل
يحلم الرجل بامرأة كاملة
ردحذفوتحلم المرأة برجل كامل
ولا يعلمان ان الله خلقهما ليكمل كل منهما الآخر
(عمرو خالد )
يوم ماأحب اديكي من عمري اللي يكفي
وابقي فارس
بس مش راكب حصان
هى دى الخلاصة
:))
nesma hatem
حذفنسمة الشاعرة الرقيقة
من عيوبنا نحن يانسمةكعرب ان نطلق العنان لخيالنا
ونضفي اسطورية علي الاشخاص متناسين انهم بشر مثلنا
تحيتي ياشاعرتنا الرقيقة