.jpg)
انا--اه مالهم يعني
صاحبي -رشحوا رئيس
انا-طب مايرشحوا ايه المشكلة
صاحبي -مش مستغرب يعني ؟؟
انا_استغرب من ايه
صاحبي -مش مستغرب يعني ؟؟
انا_استغرب من ايه
اللي استغربله انهم ميرشحوش رئيس
دول زي مابيقولوا اغلبية
او بالمعني الأدق اكثرية
وفي الدول الديمقراطية اللي احنا نعرفها
الاغلبية هي اللي بتحكم
او بيكون ليها الكلمة العليا
صاحبي - طب هما وعدوا مينزلوش رئيس في الانتخابات
او ميترشحوش في الفترة الانتخابية الاولي علي الاقل
انا- دي سياسة
سمعت مرة من خبير استراتيجي من اللي بيطلعوا في التلفزيون دول
بيقول ان السياسة فن الممكن
ومرة سمعت حديث للامام الشعراوي رحمه الله
بيعرف فيه السياسة انها جاية من كلمة
سايس -يسوس
سايس الخيل
اي ترويض الشئ وتطويعه
وللسياسة الاعيب ودهاليز
وليست عيبا
طالما لاتخرق قوانين
وتخضع دائما القرارات السياسية
لفرضيات الامر الواقع
صاحبي -لادين في السياسة ولا سياسة في الدين
انا - ده كلام غلط طبعا
لان كل الدساتير والقوانين وحقوق الانسان وحقوق المرأة
مستمدة من شرائع السماء
صا حبي طيب مهو مدوش فرصة للشباب
والثوار انهم يحكموا
الشباب اللي كانوا في المقدمة بيواجهوا نيران مبارك
واللي قاموا بالثورة
انا- بص ياصاحبي
في الحروب ---
مين اول من يقف علي خط النار ؟؟
اقوللك انا مين
الجنود
والجنود دول برضوا شباب
هل يصلح الجندي للقيادة
عشان بيواجه النار وبيكون اول من يواجهها بصدره
والا القيادة بتكون للخبرات
اي التدرج في الترقيات واكتساب المهارات
حتي يمكن للجندي ان يكون قائد
يجب ان يتدرج في الخبرات
الثائر كالجندي
غير ان الجندي مرغما
والثائر متطوعا
وكلاهما يفدي بلده
عن طيب خاطر
ووجهة نظري
الجندي لايقود لآنه تنقصه الخبرة
والثائر لايحكم لآنه ايضا تنقصه الخبرة
وثوريته تتحكم في قراراته
فالقيادة تحتاج قلب ثائر
وحكمة وخبرة قائد
دول زي مابيقولوا اغلبية
او بالمعني الأدق اكثرية
وفي الدول الديمقراطية اللي احنا نعرفها
الاغلبية هي اللي بتحكم
او بيكون ليها الكلمة العليا
صاحبي - طب هما وعدوا مينزلوش رئيس في الانتخابات
او ميترشحوش في الفترة الانتخابية الاولي علي الاقل
انا- دي سياسة
سمعت مرة من خبير استراتيجي من اللي بيطلعوا في التلفزيون دول
بيقول ان السياسة فن الممكن
ومرة سمعت حديث للامام الشعراوي رحمه الله
بيعرف فيه السياسة انها جاية من كلمة
سايس -يسوس
سايس الخيل
اي ترويض الشئ وتطويعه
وللسياسة الاعيب ودهاليز
وليست عيبا
طالما لاتخرق قوانين
وتخضع دائما القرارات السياسية
لفرضيات الامر الواقع
صاحبي -لادين في السياسة ولا سياسة في الدين
انا - ده كلام غلط طبعا
لان كل الدساتير والقوانين وحقوق الانسان وحقوق المرأة
مستمدة من شرائع السماء
صا حبي طيب مهو مدوش فرصة للشباب
والثوار انهم يحكموا
الشباب اللي كانوا في المقدمة بيواجهوا نيران مبارك
واللي قاموا بالثورة
انا- بص ياصاحبي
في الحروب ---
مين اول من يقف علي خط النار ؟؟
اقوللك انا مين
الجنود
والجنود دول برضوا شباب
هل يصلح الجندي للقيادة
عشان بيواجه النار وبيكون اول من يواجهها بصدره
والا القيادة بتكون للخبرات
اي التدرج في الترقيات واكتساب المهارات
حتي يمكن للجندي ان يكون قائد
يجب ان يتدرج في الخبرات
الثائر كالجندي
غير ان الجندي مرغما
والثائر متطوعا
وكلاهما يفدي بلده
عن طيب خاطر
ووجهة نظري
الجندي لايقود لآنه تنقصه الخبرة
والثائر لايحكم لآنه ايضا تنقصه الخبرة
وثوريته تتحكم في قراراته
فالقيادة تحتاج قلب ثائر
وحكمة وخبرة قائد
تحليل عقلانى
ردحذفعقلانى اكتر من االزم يا خالد
احنا كشعب فى وضع لايسمح لاحد بان يضحك عليه ممكن بعد كام سنة لما ننسى اللى فات نقدر نعرف او نقدر ان دى السياسة
لكن حاليا ده كدب وانضحك علينا
هى سؤال ورد غطاه كدبوا ولا لاء؟
reemaas
ردحذفنور الطيبة
كدبوا والا لا
اولا يانور ان مش في محل ان ادافع عنهم
هم اوي بالدفاع عن انفسهم
انا بشوف الاخوان مصريين كأي مصريين
كدبوا هجاوب الاجابة اللي انتي عايزاها
كدبوا ماشي
بس عايزك تشوفي الصورة ابعد شوية من كدة
هما من حقهم الترشح والا لا
واحنا ليه من الاول خايفين منهم ومش مدينهم الامان يعني
محنا لو قعدنا نقول ده وجش وده مش مناسب وده كذا
هنضيع وقت كتير
نسيب صندوق الانتخاب يحكم
تحيتي يااطيب نور
ماشي معاك و هنقول في دين في السياسة
ردحذفبس هل من الدين انك تكدب؟
ماشي من حقهم الترشح بس دول من كام يوم بس قالوا مش هنترشح
بعدين مش معاك في حكاية الجنود و القواد دول
لو كانوا فعلا قادة يستحقون القيادة كان اولى بيهم اقتناص صلاحيات لمجلس الشعب تمكنهم من سحب الثقة من الحكومة او كانوا عرفوا يعملوا لجنة تأسيسية للدستور ترضي الكل او على الاقل الازهر و المحكمة الدستورية
هم فشلوا في ده و ده عايزين ايه بقى؟
هم اكثرية اوكيه
بس عملوا ايه من ساعة ما بقوا اكثرية؟
الاجابة ولا حاجة
صديقي العزيز واخويا مصطفي سيف
حذفانا في الموضوع ده مش بدافع عن الاخوان
انا بستنكر الهجوم الرهيب اللي بينصب نفسه يمنع اي مصري
يترشح في انتخابات الرئاسة ويبقي الصندوق
وانا برضه مش باختصهم بحكاية الدين دي
بس ده رد عام علي اللي بيقول لادين في السياسة
ولا بقول كمان انهم القادة المتفردين في مصر
بس اقصد اقول لكل اللي عايز يحشر الشباب في القيادة
ان الشاب او الثائر كالجندي
يصلح للمواجهة ولايصلح للقيادة لافتقاده الجكمة
اخي وصديقي
فلنحتكم للصندوق الانتخابات
مين عارف ربنا هيولي مين
وعايز اقول كمان ان اي اكثرية في هذا الجو المكهرب
لاتستطيع فعل شئ
شكرا ليك اخي المبدع الجميل علي تعليقك
جميل التحليل
ردحذفلكن مسألة ان الدين لا يدخل فى السياسة فده غلط تماما
كانت الخلافه أعظم بالدين
اما الإخوان فدول حكايتهم حكاااااااايه ولسه الايام او ربما السنين هتكشف كتير
لسه الثورة نتايجها مش دلوقتى
ربنا يستر بجد على البلد
دمت بخير
رؤى عليوة
حذفحقيقي انا مش مختص بالموضوع ده الاخوان
انا مش عاجبني ان احنا نستنكر
علي اي مصري انه يرشح نفسه طالما مؤهل لذلك
والعاتق يقع علي اختيار الشعب
حتي لو هما قالوا مش هنترشح
كان مفروض نقول احنا لا ده حقهم والصندوق يحكم
لكن احنا استنكرنا حق
شكرا ليكي رؤي
نورتي
اللى عاوز يرشح نفسه هو حر والشعب اللى هيختار
ردحذفكلام سليم
السياسة لعبة مراوغة كلام سليم
هما الاغلبية...بعد اللى عملوه واللى بيصدر منهم اشك فى موضوع الاغلبية ده
بغض النظر عن الكذب هما فقدوا مصدقيتهم وده شىء ممكن يحصل بس الدين مظلوم معاهم بجد
Noha Saleh
ردحذفطبعا كلامك صح استاذة نهي
وتحليلك مظبوط جدا
بس السؤال هنا
وانا لاادافع ايضا عن احد
لو تراجع د- البرادعي عن انسحابه من انتخابات الرياسة
هل سيجد ايضا كل هذا الهجوم
بالنسبة لنقطة الدين دي
فأنا لا انظر اليهم من زاوية الدين
انظر اليهم علي انهم حزب سياسي مصري
او مواطنون مصريون
او مجموعة مصرية تهتم بالسياسة
شكرا ليكي استاذة نهي علي تعليقك الراقي
تحيتي
من يرغب الاقتراب من النار
ردحذففاليقترب من السياسه
سيقابلها لا محال
انا عن نفسي ارفض كلمه ان
الاخوان هم الاغلبيه اشك في هذه الكلمه
الاغلبيه هنا تقاس علي المجتمع ككل
ولا احتكار علي الرأي
فالايام ستثبت من هم الاغلببيه
حوار شيق وجميل ياخالد استمتعت به
تحياتي
;كارولين فاروق
حذفالفنانة الرائعة والاخت الطيبة
الاغلبية تقاس دائما بعدد من انتخبوا من تيار ما او حزب ما
وحصلوا علي مقاعد
الواقع يقول انهم اكثرية في البرلمان
شكرا لكي اختنا علي تعليقك ومرورك
تحيتي لكي
صباح الخبر
ردحذفمساهمة ومشاركة مني في توضيح الصورة من وجهة نظري اعيد نشر تدوينتي
الأحد، أبريل 01، 2012
كذبة نيسان .... وحركة الاخوان
قامت الدنيّا ولم تقعد بعدما اعلنت حركة الاخوان في مصر عن ترشيح خيّرت الشاطر مرشحاً لمنصب رئيس الجمهوريّة .
في كل دول العالم امريكا وبريطانيّا وفرنسا وحتى تركيّا حين فاز حزب العدالة بالاغلبيّة ...منه كان رئيس الجمهوريّة ورئيس الوزراء ورئيس مجلس الشعب واغلب الوزراء ...وهذا طبيعي وعاديّ ... إلا عندنا لازم كل شيء توافقيّ وإلا فالديمقراطيّة في خطر .
كتبتُ هنا كثيراً وقلت ان في السيّاسة لا مبادئ ثابتة وانما متغيّرات وان السيّاسيّين كل ايّامهم هيّ الاول من ابريل ( نيسان ) وهذا ينطبق على الاخوان طالما اصبحوا في السلطة .
الازمة ليّست بسبب ترشيح الشاطر وإنما بسبب المبادئ التي اعلن عنها الاخوان بعد الثورة وتراجعوا عنها الواحدة تلو الاخرى ....
على المصريّين ان يفهموا ان خيّار تسليم السلطة في المرحلة الانتقاليّة الى الاخوان المسلمين لم يكن خيّار الاغلبيّة فقط انما خيّار إقليميّ ودوليّ يهدف الى جرهم الى متاهات السيّاسة الدوليّة ولعبة الأمم ومن ثم تحميلهم نتائج تلك الفترة .
اعطوهم الفرصة الكاملة ولا خيّار امامهم الا النجاح والمضيّ بمصر نحو مستقبل افضل او إنتهاء دورهم من الساحة والى الابد.
يوسف
1/4/2012
على الهامش :
كنا ونحن اطفال نشعر بالغبطة والفرح والحذر ....
يوم الاول من ابريل ( نيسان ) ... لاننا كنا نستغل ذلك اليوم لممارسة كذبنا ( الابيّض ) ليوم واحد في السنة وهذه الايّام لم يعد لهذا اليوم من معنى بعد ان اصبحت حيّاتنا عبارة عن كذبة كبيرة....
yosef
حذفاستاذ يوسف
كلام مظيوط جدا
فليتحملوا هم الظروف في اصعب الاوقات
ولنري النتائج
شكرا لك اخي علي تعليقك الراقي
تحيتي
نعم استاذ يوسف
حذفحياتنا اصبحت كلها نيسان
خالد حبيبى
ردحذفاعجبت جدا بمقالك الذى اتسم بالمصداقية
انا لست اخوانى ولا عدوانى ههههه
ولكنى فى دهشه من حكم الناس على الاخوان بانهم كا ذبون ،
القرارات التى يصدرها اى حزب تتشكل وتتغير طبقا لتغير الظروف والاحداث فما اراه بالامس قد يختلف عما اراه اليوم ولا اتهم بالكذب
ممكن واكيد ان الاخوان عندما قرروا عدم المشاركة فى السباق الرئاسى بالامس القريب كان يختلف عن اليوم الحليل
المنهج السياسى ليس قرآنا لكل زمان ومكان السياسة خدمة وفن اقتدار بل الخطأ كل الخطأ ان اتمسك برأى اراه انه لا يصلح لوقنه
اشكرك يا خالد على مصداقية مقالك البعيد عن كل تحيز حزبى
faroukfahmy5
ردحذفاستاذي العظيم فاروق فهمي
انا اللي بشكرك علي رأيك الذي افادني
واثري مدونتي
عجبتني جدا مقولتك دي
((المنهج السياسى ليس قرآنا لكل زمان ومكان السياسة خدمة وفن اقتدار بل الخطأ كل الخطأ ان اتمسك برأى اراه انه لا يصلح لوقنه ))
وان دلت فأنها تدل علي ادراك ووعي مميز للسياسة
تحيتي ياستاذنا الجميل ومعلمنا الفاضل
دائما ما نضع الاخوان بين قوسين ونحملهم ما يقولوا وما لم يقولوا ونحملهم ما فعلوا وما لم يفعلوا
ردحذفاما عن حديث الاغلبيه حديث يحكمه الصندوق
اما عن ترشح الاخوان وقولهم لن نرشح لا ارى فيه اي عيب سياسي ومن يريد حرمانهم من الترشح هو عدو للديمقراطيه اما النجاح في الانتخابات فهذا راي الشعب فلندعه يحكم
تحياتي لقلمك الرائع اخي خالد
eng_semsem
حذفاخي وصديقي بشمهندس اسامة
ياصديقي العزيز
الاخوان متهمون في نظر الناس ترشحوا او لم يترشحوا
العجيب والغريب
لننا لم نستنكر حين اعلنوا انهم لن يترشحوا للرئاسة
رغم انهم كمصريين هذا حق لهم
واستنكرنا حين اعلنوا الترشح
نظرية الكيل بمكيالين
تحيتي اخي
تصدق أقنعتني بكلامك
ردحذفانا معترفه اني اصلا جوايا ضغينه ضد الاخوان
بس والله مش من غير سبب
لكن ايه اللي يخلي في مصر اخوان وغير اخوان اصلا
الدين لله والوطن للجميع
انا اللي بيضايقني في شباب الاخوان كمان طاعتهم الساذجه برغم عدم اتفاق القرارات مع قرارهم الشخصي
هقولك ستايتس كانت واحده كتباها على الفيس
يقول عمر بن الخطاب- رضي الله عنه-:
“لا إسلام إلا بجماعة، ولا جماعة إلا بإمامة، ولا إمامة إلا بطاعة“.
(لذا انا ملتزمة بقرار الجماعة)
بقا ده اسمه كلام ده ربنا قال " أفلا تعقلون "
يعني عقلك + شوية استخدام ليه يوصلوكي لقرار ليه تغيريه بسبب قرار ماهو الا من بشر انتو عينتوهم قاده عليكم
انا عملت كومنت هجومي زياده على الستايتس دي
قلتلها انتي بتلزقي اي حاجه بأي حاجه عشان تبرري موقفك
شريره أنا :D
تحليل جميل :)
mira@
حذفاهلا بيكي مبسوط لاقتناعك بالكلام
بس عايز اقوللك انا مش بابص للاخوان بنظرة دينية
انا بابص ليهم كسياسيون مصريون
انا بصراحة عاجبني براعتهم السياسية
وطريقتهم في ادراة الامور
تحيتي لكي
مساء الخير اخى خالد ..
ردحذفشكرا لك وسلمت يداك .. مع تحياتى لك وبالتوفيق ان شاء الله
نور
نور القمر
ردحذفاهلا بيكي نور
مساء الفل شكرا علي تعليقك الراقي
تحيتي
:))
ردحذفعجبتني الطريقة اللي كتبت بيها البوست
بس عايزة اقولك ان قرار الجماعة
قرار رد فعل
مش اكتر
تفعيل لنظرية سيب وانا اسيب
ولما ماسبش
رشحوا
وعايزة اقولك ان الجماعة في بعضها بتغلي وده مش كلامي
ده كلامهم همه
يعني همه نفسهم منهم فين كتييييييير ضد هذا القرار
شمس النهار
حذفصباح الفل شموستنا
في السياسة مش عيب سيب وانا اسيب
بس عشان هي جاية من الاخوان احنا مش متقبلينها
السياسة ياشموستنا مافيهاش براءة افعال
انا بشوف السياسي كلاعب الشطرنج
يحاور ويناور ويلتف حول الهدف
بالنسبة للجماعة فانا اول مرة اشوف جماعة او حزب يبقي
زعلان عشان هيطلع منه رئيس جمهورية
تفتكري ياشموسة ده منطقي
بصي ياست الكل
احيانا لم تقرأي الاخبار تستغربي كتير
وده بعيد عن الموضوع شوية
تقراي مثلا خبر بيقول
المرشح الفلاني للرئاسة يجنمع مع مجموعة من شباب الثورة
ويجيبلك صورة وفيها شوية شباب
مين دول مش عارف
ايه اللي يثبتلي انهم شباب الثورة برضه
مش عارف
صباحك فل يااطيب شموسة
اين تعليقى يا خالد
ردحذفطاررررر ولا ايه معلش عندى مشكله فى الكمبيوتر والنت المقاله رائعه جدا وتحليلك فوق الوصف
هبه فاروق
حذفاديبتنا الرائعة
ايوة فيه فايروس عندك علي صفحتك
وده لما دخلت عليه لقيته بسبب مقطع موسيقي
شكرا ليكي يااديبة
مبسوط ان المقالة اعجبتك
تحيتي
السلام عليكم...طريقة جميلة وهـــــــــــــادئة جدًا..ووجهات نظر تخترم بالطبع.
ردحذفاللهم ولى علينا من يصلح..واكتب لنا الخير ثم ارضنا به.
جزاكم الله خيرًا
habiba
ردحذفشكرا ليكي حبيبة علي تعليقك الراقي
اللهم امين
تحيتي
ماشاء الله
ردحذفأخى الكريم : خالد
تحليل رائع وآراء ثاقبة فى إطار راقى وشسق
أحسنت.....
تقبل خالص تقديرى واحترامى
وبارك الله فيك وأعزك
محمد الجرايحى
ردحذفاستاذنا وصديقي محمد الجرايحي
شهادتك استاذي تثري كتاباتي
اشكرك جدا علي تعليقك الذي هو وساما
تحيتي لك اخي الفاضل
انا بردو مش استغربت لما عرفت انهم هيرشحوا حد منهم
ردحذفلان ده الطبيعى بتاعهم يعنى
Bent Men ElZman Da
ردحذفدينا الاخت العزيزة
ولما لانقول انه حق مكفول لكل مواطن مؤهل لذلك
تحيتي اختنا العزيزة
فالقيادة تحتاج قلب ثائر
ردحذفوحكمة وخبرة قائد
صح .. ولكن للأسف .. لا أرى بوجهة نظرى المحدوده حتى الأن من تتوافر به تلك الصفات من المرشحين
ولكن لننتظر .. فربما يأتى الغد بشئ غير معتاد ..
من يعلم
تحياتى
مها البنا
حذفوجهة نظرك ليست محدودة يادكتورة
فانا اري ماترين
ولكن علي رايك ننتظر ونري
تحيتي لكي
مساء البنفسج
ردحذفاخي العزيز
لقد خنقنا من السياسة وما يحدث في مصر
قرأت البوست اول ما نزل
بس بجد مبقاش لي نفس اقرا سياسة ولا اكتب سياسة
ولا عايزة اشوف كلمة سياسة ولا حتي حرف السين ده خااااااااااالص
re7ab.sale7
حذفللاسف اختنا الطيبة رحاب
فالسياسة امرا نحتاجه في جميع مناحي الحياة
فليست انتخابات فقط
تحيتي لكي
رحاب صالح
حذفللاسف اختنا افاضلة
فالسياسة مكون اساسي في كل مناحي الحياة
تحيتي لكي
ابني العزيز خالد ..تحليلك تحفة وان كان حايزعل الثورجية ..بس بجد هي هجمات شرسة وكويس عشان بتصحصح الناسوبيلاقوا قدامهم خيارات كتيرة بس المهم يختاروا صح ..تحياتي وآسفة عشان كنت بعيدة شوية اليومين اللي فاتوا ..
ردحذفlonely
ردحذفازيك ياست الكل
حمد الله علي سلامتك
نورتي المدون والله ومتغيبيش علينا تاني
شكرا لكي علي متابعتك ويسعدني جدا اعجابك بالتدوينة
تحيتي لكي
تحليلك جميل جداً يا خالد ..
ردحذفأحييك عليه وأتفق معك فى كثيرٍ منه ..
وهم اتبعوا بالفعل سياسة " سيب وأنا اسيب " كما عبرت عنها فى أحد ردودك , وهم بالفعل لاعبى سياسة باقتدار ..
إلا أن مبدأ المصداقية عندى أهم من كل الأعراف السياسية , وكان الأولى بهم أن يتركوا الباب موارباً منذ البداية ويتركوا مساحة للمراجعة .. لا أن يؤكدوا مراراً وتكراراً أنهم لن يترشحوا على مقعد الرئاسة.
فما الذى كان سيضيرهم لو أن تصريحاتهم كانت متزنة كأن يقولوا مثلاً بأنهم لا يفكرون فى هذا الأمر فى الوقت الحالى أو بأن هذا الأمر سابقٌ لأوانه أو عير ذلك من الكلام السياسى " المائع " الذى لا يؤخذ عليهم كما هو الآن ؟!
وفى إطار انتفاد البعض لشباب الإخوان - وكبارهم كذلك - فى طاعتهم التى تكاد أن تكون عمياء لما يصدر عن مجلس شورى الإخوان ..
أود الإشارة إلى مفهوم قد لا يفهمه أو يعيه كثيرٌ من الناس بسبب بعدهم عن العمل السياسى أو انعدام ثقافة العمل الجماعى لدى الكثيرين منهم ..
ألا وهو مفهوم الإلتزام الحزبى ..
وهو مفهومٌ ونظامٌ معمولٌ به فى جميع الديمقراطيات المعروفة فى العالم ..
وأساس هذا المفهوم هو إلتزام الجميع برأى الأغلبية والعمل على تنفيذه بمشاركة جميع أعضاء الحزب بمن فيهم الأقلية الرافضة لهذا الرأى.
أشكرك كثيراً أخى الحبيب خالد.
محمد نبيل
ردحذفاخي العزيز اعتقد انهم لو بدأوا حياتهم السياسية بعد الثورة
بالاشارة الي احتمال ترشيح رئيس جمهورية منهم
لقامت عليهم حرب ضروس من جميع الاحزاب والائتلافات
واعتقد ايضا انهم بدأوا بطمأنة الناس
حتي يتثني للناس التعرف عليهم
والشئ الغريب اللي انا مش مصدقه نظرا لما اراه من براعة سياسية
لهذه الجماعة هو ترشيحهم لمحمد مرسي
لآنه شخصية غير معروفة
السؤال هنا
هل نزل الآخوان بمرشح ليخسر الآنتخابات
ام ان لديهم مرشح اخر سيدعمونه
تحيتي لك اخي