.jpg)
الاسطي سيد الميكانيكي
الاسطي سيد ده بقي ابن حتتي وصاحبي
وكنا بنلعب كورة مع بعض واحنا عيال صغيرين
الاسطي سيد ده بقي
من ساعة ثورة 25 يناير وهو مهتم بالسياسة
ومتابع كل برامج التووووووك شووووو
وبيصدق اي حاجة تتقال في البرامج
يعني مثلا ممكن يقوللك عايزين تطهير
فاسأله تطهير ايه يابو السيد
يقوللي تطهير الاعلام
اقولله ازاي يعني
الاسطي سيد ده بقي ابن حتتي وصاحبي
وكنا بنلعب كورة مع بعض واحنا عيال صغيرين
الاسطي سيد ده بقي
من ساعة ثورة 25 يناير وهو مهتم بالسياسة
ومتابع كل برامج التووووووك شووووو
وبيصدق اي حاجة تتقال في البرامج
يعني مثلا ممكن يقوللك عايزين تطهير
فاسأله تطهير ايه يابو السيد
يقوللي تطهير الاعلام
اقولله ازاي يعني
يقوللي يغيروا كل المذيعين بقي واللمذيعات
وكدة
المهم
كنت معدي من جمب ورشته قام نادي عليه
وسألني
شايف اللي بيحصل
وكدة
المهم
كنت معدي من جمب ورشته قام نادي عليه
وسألني
شايف اللي بيحصل
قلتله اقعد ساكت ياابوا لسيد لحسن انا زعلان من الفوضي دي
قاللي ازااااي يعني
علشان ابسط له المعلومة
زي مانا شايفها بالظبط
رحت قلتله
بص ياسيد
الواد حمادة ابنك
قاللي اه
قلتله
لو عايز يجيب لعبة مثلا
وانت ممعاكش تمنها
قاللي اه
قاللي ازااااي يعني
علشان ابسط له المعلومة
زي مانا شايفها بالظبط
رحت قلتله
بص ياسيد
الواد حمادة ابنك
قاللي اه
قلتله
لو عايز يجيب لعبة مثلا
وانت ممعاكش تمنها
قاللي اه
قلتله قام الواد قعد يتنطط
ويتمرمغ في الارض
قاللي اه
قلتله وانت تقولله يابني الاسبوع الجاي
يقوللك لا مالييييييس دعوة
عايزها دوووووقتي
يابني يهديك يرضيك
يابني ممعيششش فلوس دلوقتي
الواااد يزيد في العياط وشغال مرمغة في الارض
لا ماليس دعوة
يابني والله هجيبهالك كمان تلات تيام كده
عايزها دوووووو قتي
والرايح واجاي بقي
عمال يتفرج علي الوااااد الللي بيتمرمغ في الارض ده
اللي يقوللك شوفه عايز ايه
واللي يقوللك
حرام عليك الواااد اتنحر من العيااااط
وخللي منظرك بقي قدام الناس بقي مالوش لازمة
وانت ممعكش فلوس تجيبله اللي هو عايزه دلوقتي
قاللي اه
قلتله وانت تقولله يابني الاسبوع الجاي
يقوللك لا مالييييييس دعوة
عايزها دوووووقتي
يابني يهديك يرضيك
يابني ممعيششش فلوس دلوقتي
الواااد يزيد في العياط وشغال مرمغة في الارض
لا ماليس دعوة
يابني والله هجيبهالك كمان تلات تيام كده
عايزها دوووووو قتي
والرايح واجاي بقي
عمال يتفرج علي الوااااد الللي بيتمرمغ في الارض ده
اللي يقوللك شوفه عايز ايه
واللي يقوللك
حرام عليك الواااد اتنحر من العيااااط
وخللي منظرك بقي قدام الناس بقي مالوش لازمة
وانت ممعكش فلوس تجيبله اللي هو عايزه دلوقتي
قاللي اه
قلتله هتعمل ايه
قاللي هضربه قلمين واطلعه البيت بالعافية
قلتله الناس هتقول عليك
شوف الراجل المفتري نااازل ضرب في الواد
ده هيموته
قاللي تتفلق الناس
انا لوطاوعت الناس هيتخرب بيتي
قلتله هو ده بقي اللي بيحصل ياابو السيد
وسلمت عليه ومشيت
ده هيموته
قاللي تتفلق الناس
انا لوطاوعت الناس هيتخرب بيتي
قلتله هو ده بقي اللي بيحصل ياابو السيد
وسلمت عليه ومشيت
اخى سواح
ردحذفلكن من الجوع و عاوز ياكل
لو حمادة عيان و عايز يتعالج
لوكل اللى هيكلفك يا عم سيد مجرد تفكير
الواد ابنك الكبير اللى بياخد مصروف كبير يكفى تلاتين واحد زى حمادة
فيها ايه لو تقول للكبير كفاية عليك كده اخوك حمادة مش لاقى ياكل
حمادة بيدور انه ياكل و يتعالج مش عايز لعبة
هاقوله حمادة لو مصدقك يا اسطى سيد كان طلع على طول
تحياتى لك
و السلام امانة يا سواح بجد و الله للاسطى سيد
هههههههههههههههه
ابراهيم رزق
حذفاخويا الجميل ابراهيم رزق
مهو لو حمادة بيتمرمغ في الارض عشان جعان
محدش كان هيدي لابوه العذر
ممكن يستلف ويجيبله اكل
انما صعب يستلف ويجيبله لعبة
تحياتي يااخي العزيز
يوصل سلامك بأذن الله
السلام عليكم..
ردحذفمشكلة الموقف الحالي أنه يمكن تفسيره من كذا زاوية، وكل زاوية لا تصل نسبة صحتها إلى 100% أبدا، بمعنى أنه دائما يكون هناك احتمال ناقص أو مفقود، دائما تكون الصورة غير مكتملة تماما.
يقولون عن الزمان الذي يحدث فيه ذلك "زمان الفتن"
اللهم نجنا من الفتن.
تقبل تحياتي..
Bahaa Talat
حذفاخويا وصديقي العزيز بهاء
المشكة العويصة ان احنا لازم نتجنب الشبهات
لآنها ممكن توقع البيت
البيت لايحتمل اي اختلاف الان
تحيتي اخي
صباح الخير على اهل الخير
ردحذفبصراحة معنديش كلام اقوله
غير ربنا يفرجها ويبعد الفتن عندكم وعنا وعن كل العرب
لاحولة ولاقوة الابالله العلي العظيم
تقبل مروري.
خواطري مع الحياة
حذفالخير موجود طول مارشا الطيبة بتنورني بتعليقاتهخا
الجميلة
اللهم امين يااطيب اخت
تحيتي
مساء الورد سواح
ردحذفرائع رائع رائع تبسيط وإسقاط بمنتهى الجمال
والأروع من هذا كله أنك لخصت الوضع بحيادية
لا يشوهها عاطفة ...
بكل أمانة أجدت وتميزت اليوم
تحياتي وإحترامي
ريبال بيهس
حذفاخي الرائع ريبال
الله يحفظك ويكرمك اخي ده من ذوقك
بجد سعيد جدا بزيارتك الجميلة بعد غيبة
اتمني الا تغيب عنا حفظك الله تعالي
تحيتي
ههههههههههههههههه لا فطين والله
ردحذفالمشكله بجد ان الناس تصدق اي شي تسمعه
ردك للاسطى سيد بقمه الروعه
تحياتي لك
SOoSOo
حذفاهلا بيكي
انا سعيد جدا والله ان البوست عجبك
شرفتيني ونورتيني
تحيتي
اوافق اخى المدون بهاء
ردحذفعلى ان ده زمن فتن
والكل غلطان الاب والواد واخوه الكبير كمان
ISLAM
حذفاهلا بيك في زيارتك الاولي لمدونتي
طبعا زمن فتن
بس العيب في اللي بيسيب نفسه ليها
تحيتي
السلام عليكم سواح المدونين :)
ردحذفبص بقى يا خالد انا دماغى وجعنى اوى جدا خالص من كل اللى بيحصل
لذلك قررت وبكل امانة وهدوء اعصاب اخد اجازة من التفكير وابداء الاراء لان عندى مشاااااااكل مكفيانى اليومين دول :)
بس انا حبيت اقولك مساء الخير :)
تحياتى لك خالد ويارب تعدى الازمة على خير لانها اصبحت فتنة عظيمة مش مجرد ازمة
دمت بخير وامان وسلام
ليلى الصباحى..
حذفالاخت االرائعة ليلي
الف سلامة ليكي ايتها الاخت الطيبة من المشاكل
ربنا فعلا يعديها علي خير
تحيتي لاطيب اخت
أخرج الترمذى عن على كرم الله وجهه أنه قال : " سمعت رسول الله صلى الله عليه وسلم يقول : ستكون فتنٌ كقطع الليل المظلم , قلت : وما المخرج منها .. قال : كتاب الله .. فيه نبأ من قبلكم وخبر ما بعدكم وحكم ما بينكم .... إلى آخر الحديث " .. أو كما قال صلى الله عليه وسلم.
ردحذفإنها فتن آخر الزمان أخى خالد.
أسأل الله أن ينجينا منها وأن يحفظ بلادنا من شرها.
mohammad nabiel
ردحذفاهلا بيك اخي
السؤال اخي
لماذا لاتحدث فتن اخر الزمان الا للعرب
ادعوا الله معك ان ينجينا
تحيتي لك
أسلوب رائع لتوضيح وجهت نظر
ردحذففقد وجت أبسط الطرق لشرح أمر سياسي كبير
nabdalamal
حذفاهلا بيك في زيارتك الاولي للمدونة
اشكرك علي تعليقك الطيب
تحيتي
انا صوتى اتبح وانا عماله اشرد موضوع حمادة ده بس نعمل ايه الناس عاوزة تهيص فى الهيصة باين
ردحذفحاجة تفقع
reemaas
حذفههههههه عندك حق يابنوتة
ناس عايزة تهيص في الهيصة
تحيتي يانور
فعلا كلماتك حقيقة بتحصل ،بس في امور لازم اموريبقي فيها حسم ،وكل ما الوقت يتأخر المصيبة بتزيد
ردحذفبارك الله فيك ولاسف اني ابقي زي عم سيد فالاخر ههههههه
مع احترامي لعم سيد ،بارك الله فيك
zeze
حذفاهلا بيكي
عندك حق والله كل مالوقت يتأخر المصيبة بتزيد
تحيتي لكي
البوست جميل و المثل حلو اوي
ردحذفشوف انا زيك معترض على الاعتصام قدام وزارة الدفاع بس ده مش معناه ان انا موافق على اللي عمله المجلس العسكري و لا سياسته في فض الاعتصام
مصطفى سيف الدين
حذفاخويا وصديقي مصطفي
بص يامصطفي ليه دايما احنا مبنعرفش غلطنا الا بعد
متحصل كارثة
مفيش حاجة في الدنيا اسمها ناس تتطاهر وتقطع طريق
ولا فيه حاجة في الدنيا اسمها اعتصام قدام مؤسسة عسكرية
بألامس فقدنا جندي شريف من جنود قواتنا المسلحة
لاذنب له غير ان شوية ناس تربست معاهم يعتصموا
تري لو لم يفض الاعتصام كم من الجنود سنفقد
ومن اجل ماذا
تحيتي ياصديقي
:)))
ردحذفبتقوم الراجل علي ابنه ليه بس
:)))
ماتسيبه يحايله بدل مايضربه
ويفهمه بدل مايفطس في ايده
:))))
شمس النهار
ردحذفههههههه لا مش هيفطس ياشموسة
علشان هو بعد العلقة دي
هيفهم ليه بابا مجبلوش اللعبة
ويفهم يعني ايه ممعهوش فلوس
تحيتي ياست الكل
الأخ والصديق العزيز : خالد
ردحذفالسلام عليكم ورحمة الله وبركاته
ممكن نقول أنك بسطت الموضوع للأسطى ( سيد) ونزلت لمستوى تفكيره وفهمه، وضربت له هذا المثال حتى تصل له المغلومة ... جيد
ولكن أخى بعيداً عن الأسطى ( سيد ) ياريت الموضوع موضوع لعبة يتشوق لها طفل ...الموضوع بلد ومستقبل شعب صبر كثيراً وعندما اقترب من تحقيق حلم عمره اكتشف أنه سقط فى كابوس مخيف وشياطين تتخبطه من كل حدب وصوب حتى ضاعت من أسفل قدميه سبل الحقيقة .
اللهم نسألك أن تبصرنا سبل الحق والهداية
اللهم آمين
أحييك أخى على طرحك الطيب
بارك الله فيك وأعزك
محمد الجرايحى
حذفاخي واستاذي محمد= الجرايحي
نعم اخي الموضوع اكبر من ان يشبه بذلك
ولكن هناك من يظنونها لعبة يجب تلبية طلبهم والايتاء بها فورا
شكرا لك اخي
تحيتي
السلام عليكم ورحمة الله وبركاته
ردحذفخدو الناس على قدر عقولها ... دا أولا
ثانيا البلد كلها في حالة فوضى وكله بيتطنط مع الأسف .. على قفا اشعب المسكين !!!
المهم أن الفكرة وصلت وهي عميقة على قدر بساطتها .. تحياتي الصادقة
كريمة سندي
حذفوعليكم السلام ورحمة الله وبركاته ياست الكل
عندك حق حالة فوضي هو ابلغ تعبير
نورتيني وتعليقك اسعدني
لما بتبقى ناس مش فاهمه اللى بيحصل وبتمشى ورا الكلام الكبير اللى وارد مش يكون واصلهم بطريقه مناسبه لتفكيرهم عن طريق الاعلام والمذيعين والمذيعات
ردحذفبتبقى انسب طريقه ان الواحد يبسطلهم الموضوع بمثال واقعى يومى فى حياتنا عشان الموضوع يتفهم
زى ماانت ما عملت بالظبط
احيك بصراحه :)
Bent Men ElZman Da !!10
حذفدينا اهلا بيكي اختنا الطيبة
فعلا يادينا فيه ناس كتير الاعلام بيلعب في دماغهم
اشكرك علي تعليقك
تحيتي
ربك يستر يا صاحبي ونعدي المرحله بسلام
ردحذفrack-yourminds11
ردحذفاللهم امين ياروك
نصّ تشخيصي بامتياز لحال الواقع ..
حذفالمرحلة حسّاسة وصعبة لابدّ من الحكمة و التروّي
و اتّخاذ المرحليّة و الإهتمام بالأولويات ..
الله يعين مصر و أهل مصر و كلّ الأمّة .
صاحب الزمن الجميل
منجي باكير
حذفحقا اخي العالي
الاهتمام بالاولويات
هو ماينقصنا
اشكرك اخي علي تعليقك الجميل
تحيتي اخي الرائع منجي
ما قولنا بلاش سياسه بقي :))
ردحذفانا شايفه تستلفوا من بعض وتلموا كده مبلغ كويس
علشان انا عايزة حاجه حلوة ^___^
ماهو اللي بيتمرمغ علي لعبه انهارده بكرة واحد تانى يتمرمغ علي حاجه حلوه
بس انا شايفه الاسطى سيد كان بيقول مبرر كويس لابنه بس ابنه عاق بقي اعتقد الابهات التانييه مبيدوش مبررات قويه ولا إيه :)
بس والله الاسطى سيد دة زى العسل ههههههههههه اهم حاجه لما يطهر الاعلام يعقم ويرش علشان الصراصير الفلوليه والحشرات الخارجيه تبعد عننا :))
rona ali
ردحذفرنا البنوتة الشقية
ازيك
انتي فين بقالك فترة غايبة عننا
متقلقيش
انتي بس اطلبي لا انتي تؤمري واحنا احلي حاجة في الدنيا نجيبها لرنا
بنوتتنا الشقية
موضوع الاسطي سيد ده نعمل ايه بس يارنا
اصل الحكاية قلبت معيلة
تحيتي يارنا
صباح الغاردينيا خالد
ردحذفانا طبعا مكسوفه اوي اصله مش عوايدي اتأخر كدا عن هنا
بس اعمل ايه غصب عني بالنسبة للبوست بجد أبدعت جداً
وصورت الحال بصورة بسيطة جداً ببساطة الاسطى سيد رغم انها للأسف صعبه جداً ربنا يحمي مصر ويتحسن الوضع "
؛؛
؛
لروحك عبق الغاردينيا
كانت هنا
reemaas
ريـــمـــاس
ردحذفاهلا بيكي في اي وقت
ان شاء المولي عز وجل
اأمل ان تتحسن الامور
تحيتي ياأميرة
مساء الخير ...
ردحذفكيفك ان شاء الله بخير
سورى على التقصير بسبب الدراسة... والله سرتى التواجد هنا
تحياتى لك
ياسمين
رحيق الورد
ردحذفمساء الفل ياسمين
اهلا بيكي في كل وقت وربنا معاكي
احنا يسرنا ويسعدنا ان نري نجاحك امامنا
نورتي ياسمين
ههههههههههههههههههه
ردحذفوانا هقوله نفس اللى قاله استاذ ابراهيم
" حمادة لو مصدقك يا اسطى سيد كان طلع على طول "
البوست ضحكنى :)
........
اسفه ع تقصيرى معاكم كلكم :(
دعاء العطار
ردحذفههههه ويمكن حمادة عنيد موميهموش ابوه يجيب منين المهم يجيب دلوقتي
انتي تنوري في اي وقت يادعاء
تحيتي