Follow by Email

18 أكتوبر، 2010

تاملات



 كل ماتبص حواليك تلاقي فرعون في كل مكان ودايما اسال نفسي هي دي طبيعه شعب ولا طبيعه  شعوب الدنيا كلها ؟   -----                   لو ليك مصلحه مثلا في جهه ما حكوميه تستلرم استخراج شويه اوراق بيتحول الموظف المسئول  بقدره قادر لفرعون ينظم الصفوف ويشخط وينطر في الناس كانهم شغالين عند اللي خلفوا جنابه  ويمنع ده ويمنح ده حسب مزاج  سعادته  مع العلم ان الافندي بيقبض مرتبه  من فلوس تاديه المصلحه بتاعتك والغريبه ان معظم الناس بتنصاع ليه  وتنفذ اوامره  تبقي غلطه مين ؟ غلطته هو والا غلطه اللي انصاع ليه و عمله فرعون؟                                           فرعون اخرسواق الميكروباص بقي  لما يكون مفيش حد عالمحطه او عالموقف السوق نايم  يعني!  يفضل يتحايل علي الناس عشان تركب عنده وكانه عايزيشيلك من  عالارض ويحطك في العربيه تعالي بقي ساعه الذروه الزحمه يعني  يقف بعظمة بقي ولو حد ساله رايح الحته الفلانيه يبص قدامه ال يعني الواد مفكر عبقري  وفرصته بقي  وبعدين الناس تقف قدام الباب مستنيين  الوحي ينزل علي السواق  ويقول ايوه رايح  واول ماينطق ينفتح الباب بقدره قادر وناس تزق في بعض  وممكن يضربوا بعض عشان كل واحد يلحقله كرسي  ولما بقي الناس تركب  يبص وراه  ال بيعد الناس ويلاقي نفرين تلاته زياده واقفين مركبوش  يشاور بقي  خد واحد جنبك يااستاذ  المهم يركب التلاته الباقيين والناس مزنقه في بعض مش قادره تستحمل  المهم بقي يبص وراه !  ويقول يااساتذه انا مش رايح اخر الخط انا رايح لنص الطريق بس !  المهم يتناقروا والناس في الاخر تمتثل للبيه عشان عايزين يوصلوا ولما ييجي نص الطريق  والناس تيجي تنزل  يقول اللي عايز يكمل بقي باجره تانيه  واللي مش عاجبه ينزل           عايز اعرف دي غلطته والا غلطه الناس اللي نصبته فرعون في لحظه ما  من اجل قضاء مصلحه ما وهي توصيلهم                                                                     فرعون اخر البيه اللي بيبيع العيش تلاقي الزحمة عنده جامده   والبياع واقف وتلاتين ايد ممدوداله بالفلوس  عشان تاخد عيش قبل اللي قدامهم او اللي جنبهم او اللي وراهم  وهو بقي بنظره فاحصه كانه خبير اثار اللي عينه تقع عليه كانه رضي عنه  واتفتحتله ابواب الفرن  ولو صوت الناس عالي شويه يشخط فيهم الامر الناهي يقوموا يخرسوا خالص  والسؤال هنا  ليه عدم الالتزام من الناس  وليه  البائع ده بقدره قادر تحول لفرعون في توقيت ما ولحظه ما من اجل الحصول علي  سلعه اي سلعه ؟ وفي كل مجال وكل مكان هتلاقي برضه فرعون طالما ليك مصلحه ما في وقت ما  وقد احس بائع الخدمه باحتياجك ليه مثلا ازمه انابيب او  لحوم او خضروات     لو تاملت الحكايه هتلاقي العالبيه العظمي من الناس او من شعبنا عنده استعداد للفرعنه يتفرعن يعني  !

هناك 14 تعليقًا :

  1. جايدا العزيزي يقول...
    يجب ان نتأمل معجزات الله

    ونردد سحان الله

    جزاك الله عنا كل خير

    وجعله الله فى ميزان حسناتك

    اشكرك

    ردحذف
  2. انت كده جيت على الجرح
    أنا كانت أول مرة فى حياتى أقضى مصلحة من الحكومة لوحدى السنة دى وكنت بدفع مصاريف الكلية
    وفعلا زى ما انت قلت اللى يحس ان فى ايده سلطة يتفرعن على طول
    يعنى الأستاذة الادارية انت تكلمها وهى مش رادية تبصلك أصلا وبتاع الخزنة يقول ما سمعش نفس ولا واحدة فيكم والمشكلة انك لما تيجى تعترض على الأسلوب الطلبة تقولك اسكت علشان يخلص لنا
    يا رب ارحمنا من الفوضى اللى احنا عايشين فيها دى

    ردحذف
  3. السلام عليكم
    ما أكثر الفراعنة وما أكثر الصامتين عنهم..ولم لايتفرعنون وما من مجاهد لهم بقول أو فعل؟؟
    السلام عليكم

    ردحذف
  4. السلام عليكم

    موضوع تأملي جميل بالفعل

    المثل عندنا بيقول ... يا فرعون ايه فرعنك قال مالقتش حد يلمني

    لانه لم يجد من يقول له لأ فضلا ليس امرا توقف عما تفعله بنا نحن لسنا بعبيد لك

    طبيعي انه يستمر و يتجبر و يتفرعن على كيفه ... لاننا بنسكت و بنرضى عشان المصلحة تنقضي

    الغلط علينا عشان ساكتين و راضيين

    ساعات بسأل نفسي بقول ياترى ربنا سبحانه و تعالى ما اعطاش شعب مصر القوة و الجاه و المال و السلطة على بقية دول العالم

    برد على نفسي برضه و بقول ... عشان هانتفرعن و نبص لبقية الشعوب على انهم اقل مننا لان ملايين مملينة مننا اول بس ما يشموا ريحة سلطة على خلق الله بيتفرعنوا ... عشان كده ربنا مش راضي عننا و مش هايدينا لا قوة و لا سلطة و لا مال و هانفضل زي ما احنا كده

    ردحذف
  5. جايدا العزيزي\ السلام عليكم ونتامل ايضا في خلق الله ياجايدا فعجبا لخلق اعطاهم الله فتمردوا وخلق منعهم الله فاستجدوا

    ردحذف
  6. جمهوريه فوضي \شكرا فتجربتك مثال حي علي ماكتبت شرفتيني ونورتيني

    ردحذف
  7. الاخت الفاضله \ الحره نعم فالفراعنه كثير والساكتين عنهم كثير ولكن لو اتعكست الحكايه فيوما ما سيصبح الساكتين فراعنه لانهم من نفس الجنس والطبع للاسف !! شكرا لتعليقك وكلماتك الحره فللاسف الاحرار قليلا شكرا لوجودك نورتي

    ردحذف
  8. الاخت الفاضله  Prestige كلامك حقيقي ميه في الميه متهبالي لو اعطينا مال وجاه مش هنشتغل او نعمل حاجه يعني مثلا عامل الصرف الصحي او عامل القمامه الذي لاغني لنا عنه لوكان غني تفتكري هيشتغل الشغله دي ولو مشتغلش الدنيا هتضيع تعرفي انا اوقات بقول ان الناس دي المفروض رواتبها اعلي رواتب في البلد من باب التشجيع وانهم بيتحملونا

    ردحذف
  9. قال يافرعون ايه فرعنك
    قال مالقتش اللى يردنى
    هى دى اجابة السؤال
    الناس هى السبب
    وبما اننا من الناس يبقى احنا السبب
    المفروض محدش يسكت على النماذج دى
    اللى ليه حق لازم يتعامل كويس
    انا كنت بشوف حاجات زى كده فى شؤون الطلبة بتاعة الجامعة والمصالح الحكومية

    ردحذف
  10. نهي صلاح فعلا الناس هي السبب بس فرعون ده كان في يوم من الايام واحد من الناس واتعرض لنفس الظلم شكرا نهي نورتيني

    ردحذف
  11. أولآ / بشكرك علي دعوتك لقراءة البوست وده من ذوقك

    أنا فعلآ فهمت مغزي كلامك وحسيت أنه من خلال ردي علي تعليقك في بوستي الأخير أنك فهمت ان تصوري أن الناس ملايكة وبيعملوا كده من غلبهم وبس

    أنا عارفه أن في فراعنه كتير بس عايزة بجد أسألك سؤال .

    تفتكر لو بلدنا فيها أنتخابات بدون تدخل البلطجية أو ما شابه وفيها حزب وطني حاكم زي ده هتكون الأنتخابات فيهاشفافية ونظيفة ولا هتتزور برضه
    عارفه أن أصدك نمحي المساعدين بس
    صدقني ياسواح هي كده كده خربانه خلالالاص أتباعت كلها أنا بقول كده لأني شفت بعيني ناس بتاكل من الذبالة .. شفت بعيني ناس بتمسح سلالم غيرها عشان عشرة جنيه شفت أطفال فيهم براءة بيتسولوا في أشارات المرور وبيتعاملوا كأنهم ذباب طائر

    ميرسي ياسواح أنك خليتني أقرا بس أنا لسه عند رأيي .
    حتي لو كانوا فراعنه صدقني لو مسكوهم أمين شرطة بيبقوا أغلب من الغلب ذاته والله بحقيقي بكلمك

    ردحذف
  12. اختيالفاضله افروديت اشكرك جدا وعندك حق في ناس بتاكل من الزباله
    فعلا بس بسانا اسف لو دخلتي جوه عيشيتهم هتلاقيهم معندهمش رحمة ببعض القوي فيهم بياكل الضعيف هي هي نفس طريقه الناس الكبار بيستقووا علي بعض وانا مقدر مشاعرك جدا بس هي دي طبيعه شعب ودمتي لي اختا فاضله

    ردحذف
  13. فهتم أصدك وأكبر دليل دي حاجة كنت كتباها من فترة /

    مصر بلد أمن وأمان
    ولا خرابه وفيها عفاريت
    مصركانت زمان ..بلدالأمان ياعبيط

    لكن دلوقتي بقت غابة
    وكله بيقلب رزقه
    يقوي القوي ع الضعيف
    وف أي داهيه يلبسه
    والضعيف يشوف الأضعف منه
    عشان يشوف نفسه عليه

    ويحس بكيانه اللي فاضله
    حتي لو هيعمل أيه




    أتمني ان تكون كلماتي وصفت حالة البوست تحياتي ليك ياسواح

    ردحذف
  14. تحياتي ليكي افروديت واشكرك جدا علي اهتمامك دمتي لي اختا فاضلة

    ردحذف

اهلا بزوار المدونة

تعليقك الكريم يضيف الي مدونتي

سواح في ملك الله