استسلام ابليس

  يخيل الي ان ابليس  دلوقتي قاعد بيندب حظه  وبيتمني  لو يرجع بيه الزمن لوراء  كان سجد لادم  وخلص  اكيد ابليس حاسس انه اتورط !! وقع في شر اعماله  ويتعجب  ابليس من هذا المخلوق العجيب اللي اسمه بني ادم  فابليس  نفسه بلماضته وكبرياؤه   لمجرد ذكر اسم الله  سبحانه وتعالي    علي اي شئ  يسارع بالهرب  ومتشوفلوش اثر اما البني ادم  فمعندوش خشا ولا حيا  فمن البشر  مايتاجرون  باسم الله   الخالق العظيم  ان ابليس مؤمن  بوجود الخالق  ومن البشر  من لايعترفون بوجود الله اصلا   كان ابليس  كل طموحاته  ان  يعمل فتنه بين اتنين بشر  وواحد منهم يموت التاني ويخلص  اما  ابن ادم  خد الفكره منه  وطورها  عمل من السلاح  اللي يقدر يبيد بيه  مئات والاف البشر  في لحظات  اكاد  اتخيل  منظر ابليس  ساعه ماشاف  قنبلتي   هيروشيما وناجازاكي  اكيد اترعب  اكيد حس انه عيل مالوش لازمه قدام البني ادم  هذا المخلوق  العجيب  هو ابليس كبيره اوي يوسوس  ولا كان يقدر ولا يخطر في باله ان البني  ادم ممكن يخترع  اللي يقدر ينسف بيه العالم في  ساعات  اكيد ابليس برضه  زعل  لما  اليهود عملوا المجازر في قانا وغزه والامريكان ومجازرهم في  العراق وافغانستان  مهو برضه  مش عايز الناس تموت شهدا   ومش عايزهم يروحوا الجنه  امال هو شغلته ايه   ؟  ويستعجب ابليس برضه انه يتعب في بني ادم  ويقعد يوسوسله بالشر  ويمكن البني ادم ده يقضي  معظم عمره في اعمال تغضب ربنا  وييجي البني ادم في اواخر حياته  يعلن لله توبه صادقه من الذنوب  فيغفر الله له   ياخساره تعبك يابليس  غرورك وكبريا ئك  ضيعوا عليك  جنه ابديه في معيه ربك  اما الانسان بقي فده لغز  بقوله تعالي( و نفس وما سواها فألهمها فجورها و تقواها قد أفلح من زكاها و قد خاب من دساها }  يعني البني ادم  عنده فرصه  يدخل جنه ربه اما انت ياابليس  فكبريائك وداك لمصير مش هتخرج منه جتك داهيه فيك وفي مخك الزنخ           ال ابليس ال